Atthakatha Book 38 : PALI ROMAN
Ja.A.4 tika-pancakanipata

                        rucirajatakam
     kayam balaka rucirati idam sattha jetavane viharanto ekam
lolabhikkhum arabbha kathesi. Dvepi vatthuni purimasadisaneva. Gatha
Pana nana.
       Kayam balaka rucira        kakanindasmi acchati
       cando kako sakha mayham     yassa cetam kulavakam.
       Nanu mam samma janasi        dija samakabhojana
       akatva vacanam tuyham         passa lunosmi agato.
       Punapapajjasi samma          silam hi tava tadisam
       na hi manusika bhoga subhunja honti pakkhinati.
Gatha hi ekantarikayeva.
     Tattha rucirati takkamakkhitasarirataya setavannatam sandhaya vadati.
Rucirati piyadassana pandarati attho. Kakanindasminti
kakakulavake. Kakanilasmintipi patho. Dijati kako paravatam
alapati. Samakabhojanati tinabijabhojana. Samakagahanena hettha
sabbampi tinabijam sangahitam.
     Idhapi bodhisatto na idani sakka ito patthaya maya
ettha vasitunti uppatitva annattha gato.
     Sattha imam dhammadesanam aharitva saccani pakasetva
jatakam samodhanesi. Saccapariyosane lolabhikkhu anagamiphale
patitthahi. Tada lolakako lolabhikkhu ahosi. Paravato pana
ahamevati.
                     Rucirajatakam pancamam
                      ----------


             The Pali Atthakatha in Roman Book 38 page 113-114.
http://84000.org/tipitaka/atthapali/read_rm.php?B=38&A=2365&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=2365&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=27&i=424
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2285
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2250
             The Pali Tipitaka in Roman Character :-
http://84000.org/tipitaka/read/roman_read.php?B=27&A=2250
             Contents of The Tipitaka Volume 27
http://84000.org/tipitaka/read/?index_27