|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
vaddhakisukarajatakam
varam varam tvanti idam sattha jetavane viharanto dhanuggahatissattheram
nama arabbha kathesi.
Passenadikosalaranno pita mahakosalo bimbisararanno dhitaram
kosaladevim dadamano tassa nhanacunnamulameva satasahassutthanam kasikagamam
adasi. Ajatasattuna pana pitari marite kosaladevipi
sokabhibhuta kalamakasi. Tato passenadikosalaraja cintesi ajatasattuna
pita marito bhaginipi me samike kalakate sokena
kalakata pitughatakassa corassa kasikagamam na dassamiti. So
tam ajatasattussa na adasi. Tam gamam nissaya tesam dvinnampi
kalena kalam yuddham hoti. Ajatasattu taruno samattho. Passenadikosalo
mahallakoyeva. So abhikkhanam parajeti. Mahakosalassapi
manussa yebhuyyena parajita. Atha raja tena mayam abhinham
parajita kinnukho katabbanti amacce pucchi. Deva ayya nama
mantaccheka honti jetavanamahavihare bhikkhunam katham sotum vattatiti.
Raja tenahi taya velaya bhikkhunam kathasallapam sunathati
carapurise anapesi. Te tato patthaya tatha akamsu. Tasmim pana
kale dve mahallakatthera viharapaccante pannasalayam vasanti
dantatthero 1- dhanuggahatissatthero ca. Tesu dhanuggahatissatthero
pathamayamepi majjhimayamepi supitva pacchimayame pabujjhitva
ummukkani pothetva aggim jaletva nisinno aha bhante dantatthera
kim niddayanto nisinno tvanti. Mayam aniddayanta kim karissamati
utthaya tava nisidathati. So utthaya nisinno bhante dantatthera
ayam balo mahodaro kosalo patibhuttabhattam putimeva karoti
yuddhavicaranam pana kinci na janati parajito parajitova narindoti.
Kim pana katum vattatiti. Tasmim khane te carapurisa tesam katham
sunanta atthamsu. Dhanuggahatissatthero yuddham vicaresi bhante yuddhe
nama padumabyuho cakkabyuho sakatabyuhoti tayo byuha honti
ajatasattum ganhitukamena asuke nama pabbatakucchismim dvisu pabbatabhittisu
manusse thapetva purato dubbalam dubbalam dassetva pabbatantare
pavitthabhavam ajanapetva 2- pavitthamaggam upacchinditva purato
ca pacchato ca ubhosu pabbatabhittisu vaggitva unnaditva jale
pavittham maccham viya antomutthiyam vattakapotakam 3- viya ca katva sakka
assa tam gahetunti. Carapurisa tam sasanam ranno arocesum.
Tam sutva raja sangamabherim carapetva gantva sakatabyuham katva
@Footnote: 1 uttatthero. dattatthero . 2 janitva . 3 mandukapotakam.
Ajatasattum jivaggaham gahetva attano dhitaram vajirakumarim nama
bhagineyyassa datva kasikagamanca tassa nhanamulam katva datva
uyyojesi. Sa pavutti bhikkhusanghe pakata jata. Athekadivasam
bhikkhu dhammasabhayam katham samutthapesum avuso kosalaraja kira
dhanuggahatissattherassa vicaranaya ajatasattum jiniti. Sattha agantva
kayanuttha bhikkhave etarahi kathaya sannisinnati pucchitva imaya
namati vutte na bhikkhave idaneva pubbepi dhanuggahatisso
yuddhavicaranaya chekoyevati vatva atitam ahari.
Atite baranasiyam brahmadatte rajjam karente bodhisatto
aranne rukkhadevata hutva nibbatti. Tada baranasim nissaya
thitavaddhakigamaka eko vaddhaki dabbatthaya arannam gantva avate
patitam sukarapotakam disva gahetva gharam netva patijaggi. So
vuddhippatto mahasariro vankadatho acarasampanno ahosi.
Vaddhakina positatta pana vaddhakisukarotveva pannayi.
Vaddhakissa rukkhassa tacchanakale tundena rukkham parivatteti mukhena damsitva
vasipharasunikhadanamuggare aharati kalasuttam kotiyam ganhati. Atha
so vaddhaki kocideva nam khadeyyati bhayena tam netva aranne
visajjesi. Sopi arannam pavisitva khemam phasukatthanam olokento
ekam pabbatantare mahantam girikandaram addasa sampannakandamulam
phasukavasanatthanam anekasatasukarasamakinnam. Te sukara tam disva tassa
santikam agamimsu. Sopi te aha aham tumheva olokento
Vicarami apideva tumhe maya dittha idanca thanam ramaniyam
ahancidani idheva vasissamiti. Saccam idam thanam ramaniyam parissayo
panettha atthiti. Ahampi tumhe disva etam annasim evam
gocarasampanne thane vasantanam vo sariresu mamsalohitam natthi kinnama
vo ettha bhayanti. Eko byaggho patova agantva
ditthadittham yam va tam va gahetvava gacchatiti. Kim pana so nivaddham
ganhati udahu antarantarati. Nivaddham ganhatiti. Kati pana te
byagghati. Ekoyevati. Ettaka tumhe ekassa khinitum na
sakkothati. Ama na sakkomati. Aham tam ganhissami kevalam
tumhe mama vacanam karotha so byaggho kaham vasatiti. Ekasmim
pabbateti. So rattimyeva sukare vicarapetva yuddhanneva
vicarento yuddham nama padumabyuhacakkabyuhasakatabyuhavasena tividham hotiti
vatva padumabyuhavasena vicaresi. So hi bhumisisam janati. Tasma
imasmim thane yuddham vicaretum vattatiti sukarapitaro 1- ca mataro ca
tesam majjhime thane thapesi te avijjhitva majjhimasukariyo
ta avijjhitva vacchasukarapotake te avijjhitva jarasukare 2- te
avijjhitva dighadathasukare te avijjhitva yuddhasamatthe balavatare 3-
sukare dasavisatimsajane 4- tasmim tasmim 5- balagumbam katva thapesi.
Attano thitatthanassa purato ekam parimandalam avatam khanapesi
@Footnote: 1 sukarapillake . 2 daharasukare . 3 balavabalavasukare . 4 dasadasavisativisati-
@jane . 5 thane.
Pacchato ekam kullakasuppasanthanam anupubbaninnam pabbharasadisam. Tassa
satthisattatimatte yodhasukare adaya tasmim tasmim thane ma
bhayitthati kammam vicarentasseva vicarato arunam utthahi. Byaggho
utthaya kaloti natva gantva tesam sukaranam sammukhatthite
pabbatatale thatva akkhini ummiletva sukare olokesi.
Vaddhakisukaro patioloketha nanti sukaranam sannam adasi. Te
patiolokesum. Byaggho mukham uppatetva assasi. Sukarapi tatha
karimsu. Byaggho muttam chaddesi. Sukarapi chaddayimsu. Iti yam yam
so karoti tam tam te patikarimsu. So cintesi pubbe sukara
maya olokitakale palayanti 1- ajja apalayitva mamam patisattu
hutva maya katameva patikaronti etasmim bhumisise thito eko
tesam samvidahakopi atthi ajja mayham agatassa ajayo pannayatiti.
So nivattitva attano vasanatthanameva agamasi. Tena pana
gahitagahitamamsakhadako eko kutajatilo atthi. So tam tucchahatthameva
agacchantam disva tena saddhim sallapanto pathamam gathamaha
varam varam tvam nihanam pure cari
asmim padese abhibhuyya sukare
sodani eko byaggha 2- pagamma jhayasi
balannu te byaggha na cajja vijjatiti.
Tattha varam varam tvam nihanam pure cari asmim padese abhibhuyya
@Footnote: 1 palayanta palayitumpi na sakkonti . 2 byagghagamma.
Sukareti ambho byaggha tvam pubbe imasmim padese sabbe sukare
abhibhavitva imesu sukaresu varam varam thulam thulam (tvam) uttamuttamam
sukaram nihananto vicari. Sodani eko byaggha pagamma jhayasiti
so tvam idani annasukaram aggahetva ekakova agantva 1- jhayasi
pajjhayasi. Balannu te byaggha na cajja vijjatiti kinnu te ambho
byaggha ajja kayabalam natthiti.
Tam sutva byaggho dutiyam gathamaha
imassuta yanti disodisam pure
bhayaddhita lenagavesino puthu
tedani sangamma vasanti ekato
yatthatthita duppasahajjime mayati.
Tattha assutati nipato. Ayam pana sankhepattho ime
sukara pubbe mam disva bhayena addhita 2- pilita attano tanam
lenam gavesino puthuti visum visum gantva disodisanti tam tam disam
abhimukha palayanti te idani sabbepi samagantva ekato vasanti
nadanti tanca bhumisisam upagata yatthatthita duppasahajjime mayati
ajja ime maya duppasaha dummaddaya yasmim thitati.
Athassa ussaham janento kutajatilo ma bhayi gaccha tayi
naditva pakkhante sabbe bhita bhijjitva palayissantiti aha.
Byaggho tasmim ussaham janente suro hutva puna gantva
@Footnote: 1 apagantva . 2 attita.
Pabbatatale atthasi. Vaddhakisukaro dvinnam avatanam antare
atthasi. Sukarapi sami mahacoro punagatoti ahamsu. Ma
bhayittha ma bhayittha idani nam ganhissamiti. Byaggho
naditva vaddhakisukarassa upari pakkhandi. Vaddhakisukaro tassa
attano upari patanakale parivattitva pacchimabhagena ujukam khanite
avate pati. Byaggho vegam varetum asakkonto uparibhagena
gantva kullakamukhassa tiriyam khatavatassa atisambadhe mukhatthane
patitva punjikato viya ahosi. Sukaro avata uttaritva
asanivegena gantva byaggham antarasatthimhi dathaya paharitva yava
vakkappadesa phaletva pancamadhuramamsam dathaya palivethetva
byagghassa matthake avijjhitva ganhatha tumhakam paccamittanti
ukkhipitva bahiavate chaddesi. Pathamagata byagghassa mamsam labhimsu.
Paccha agata byagghassa mamsam nama kidisam hotiti tesam mukham
upasinghanta vicarimsu. Te sukara na tava tussanti. Vaddhakisukaro
tesam sanjitam 1- disva kinnukho tumhe na tussathati aha. Sami
kim ekena byagghena ghatitena anne dasa byagghe anayanasamattho
kutajatilo atthiyevati. Ko nama soti. Eko dussilatapasoti.
Byagghopi maya ghatito so me kim pahoti etha ganhissama
nanti sukaraganaya saddhim payasi. Kutatapasopi byagghe
cirayante kinnukho sukara byaggham ganhimsuti patipatham gacchanto sukare
@Footnote: 1 langitam.
Agacchante disva attano parikkharam adaya palayanto tehi
anubandhito parikkharam chaddetva vegena udumbararukkham abhiruhi.
Sukara idani sami dutthatapaso palayitva rukkham abhirulhoti.
Kim pana rukkham namati. Udumbararukkhanti. So sukariyo udakam
aharantu sukarapotaka khanantu dighadatha sukara mulani chindantu
sesapi parivaretva rakkhantuti samvidahitva tesu tatha karontesu
sayam udumbarassa ujugatamulam pharasuna paharanto viya ekappaharameva
katva udumbararukkham patesi. Parivaretva thitasukara kutajatilam
bhumiyam patetva khandakhandikam katva yava atthito khaditva
vaddhakisukaram udumbararukkhakkhandheyeva nisidapetva kutajatilassa
paribhogasankhena udakam aharapetva abhisincitva rajanam karimsu. Ekanca
tarunisukarim abhisincitva tassa aggamahesim karimsu. Tato patthaya
kira yavajjatana rajano udumbarabhaddapithe nisidapetva tihi sankhehi
abhisincanti. Tasmim vanasande adhivattha devata tam acchariyam disva
ekasmim khandhavitape sukaranam abhimukha hutva tatiyam gathamaha
namatthu sanghanam samagatanam
disva sayam sakhyam vadami abbhutam
byaggham miga yattha jinimsu dathino
samaggiya dathabalesu muccareti.
Tattha namatthu sanghananti ayam mama namakaro samagatanam
sukarasanghanam atthu. Disva sayam sakhyam vadami abbhutanti idam pubbe
Abhutapubbam abhutam sakhyam mittabhavam sayam disva vadami. Byaggham
miga yattha jinimsu dathinoti yatra hi nama dathino sukara miga byaggham
jinimsu ayameva va patho. Samaggiya dathabalesu muccareti ya
ca esa dathabalesu sukaresu samaggi ekajjhasayata taya tesu
samaggiya te dathabala paccamittam gahetva ajja maranabhaya
muttati attho.
Sattha imam dhammadesanam aharitva jatakam samodhanesi tada
dhanuggahatisso vaddhakisukaro ahosi rukkhadevata pana ahamevati.
Vaddhakisukarajatakam tatiyam
----------
The Pali Atthakatha in Roman Book 38 page 160-168.
http://84000.org/tipitaka/atthapali/read_rm.php?B=38&A=3335&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=3335&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=448
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2382
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2347
The Pali Tipitaka in Roman Character :-
http://84000.org/tipitaka/read/roman_read.php?B=27&A=2347
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]