AtthaPali Vol.38

macchadanajatakam agghanti macchati idam sattha jetavane viharanto ekam kutavanijam arabbha kathesi. Vatthu hettha kathitameva. Atite baranasiyam brahmadatte rajjam karente bodhisatto kutumbikakule nibbattitva vinnutam patto kutumbam santhapesi. Kanitthabhatapissa atthi. Tesam aparabhage pitari kalakate ekadivasam pitu santakam voharam sodhessamati ekam gamam gantva kahapanasahassam labhitva agacchanta nadititthe navam patimanenta putabhattam bhunjimsu. Bodhisatto atirekabhattam gangaya macchanam datva nadidevataya pattim adasi. Devata pattim anumoditvayeva dibbena yasena vaddhitva attano yasavuddhim avajjamana tam karanam Annasi. Bodhisattopi valukaya uttarasangam pattharitva nipanno niddam okkami. Kanitthabhata panassa thokam corapakatiko. So te kahapane bodhisattassa adatva sayameva ganhitukamataya kahapanabhandikasadisam ekam sakkharabhandikam katva dvepi bhandika ekatova thapesi. Tesam navam abhiruhitva gangaya majjhagatanam kanittho navam khobhetva sakkharabhandikam udake khipissamiti sahassabhandikam khipitva sakkharabhandikam guyhitva bhatika sahassabhandika udake patita kim karomati aha. Udake patitaya kim karissama ma cintayiti. Nadidevata cinatesi aham imina dinnapattim anumoditva dibbena yasena vaddhitva etassa santakam rakkhissamiti attano anubhavena tam bhandikam ekam mahamukhamaccham gilapetva sayam arakkham ganhi. Sopi kho coro geham gantva bhata me vancitoti bhandikam mocento sakkharam passitva hadayena sussantena mancassa atanim upaguyhitva nipajji. Tada kevatta macchaggahanatthaya jalam khipimsu. So maccho devatanubhavena jalam pavisi. Kevatta tam gahetva vikkinitum nagaram pavittha. Manussa mahamaccham disva mulam pucchanti. Kevatta kahapanasahassanca satta ca masake datva ganhatha nanti vadanti. Manussa sahassagghaniko macchopi no ditthoti parihasam karonti. Kevatta maccham gahetva bodhisattassa gharadvaram gantva imam maccham ganhathati ahamsu. Kimassa mulanti. Satta masake datva ganhathati. Annesam dadamana Katham dethati. Annesam sahassena ca sattahi ca masakehi dema tumhe pana satta masake datva ganhathati. So tesam satta masake datva maccham bhariyaya pesesi. Sa macchassa kucchim phalayamana sahassabhandikam disva bodhisattassa arocesi. Bodhisatto tam olokento attano lancanam disva sakabhavam natva idani ime kevatta imam maccham annesam dadamana sahassena ceva sattahi ca masakehi denti amhe pana patva sahassam avatva amhakam santakatta satteva masake gahetva adamsu idam antaram ajanantam na sakka kanci saddahapetunti cintetva pathamam gathamaha agghanti maccha adhikam sahassam na so atthi yo imam saddaheyya mayhanca assu idha satta masa ahampi tam macchadanam kineyyanti. Tattha adhikanti annehi pucchita kevatta sattamasakadhikam sahassam agghantiti vadanti. Na so atthi yo imam saddaheyyati so puriso na atthi yo imam karanam paccakkhato ajananto mama vacanena saddaheyya ettakam va maccha agghantiti yo imam saddaheyya so natthi tasmayeva te annehi na gahitati attho. Mayhanca assuti mayham panassu satta masaka ahesum. Macchadananti macchavaggam. Tena hi macchena saddhim annepi maccha ekato vibaddha tam sakalampi macchadanam sandhayetam vuttam. Kineyyanti Kinim satteva masake datva ettakam macchavaggam ganhinti attho. Evancapana vatva idam cintesi kinnukho nissaya maya ete kahapana laddhati. Tasmim khane nadidevata akase dissamanarupa ^1- thatva aham gangadevata taya macchanam atirekabhattam datva mayham patti dinna tenaham tava santakam rakkhanti agatati dipayamana gathamaha macchanam bhojanam datva mama dakkhinamadisi tam dakkhinam sarantiya katam apacitim tayati. Tattha dakkhinanti imasmim thane pattidanam dakkhinam nama jatam. Katam apacitim tayati tam taya mayham katam apacitim sarantiya maya idam tava dhanam rakkhitanti attho. Idam vatva capana sa nadidevata tassa kanitthena katam kutakammam sabbam kathetva eso idani hadayena sussantena nipanno dutthacittassa vuddhi nama natthi aham pana tava santakam ma nassiti dhanam te aharitva adasim idam tava kanitthacorassa adatva sabbam tvanneva ganhahiti vatva tatiyam gathamaha padutthacittassa na phati hoti na capi nam devata pujayanti yo bhataram pettikam sapateyyam avancayi dukkatakammakariti. @Footnote: ¹ adissamanarupa. Tattha na phati hotiti evarupassa puggalassa idhaloke va paraloke va vuddhi nama na hoti. Na capi nanti nam puggalam tassa santakam rakkhamana devata na pujayanti. Iti devata mittadubbhicorassa kahapane na dapetukama evamaha. Bodhisatto pana na sakka evam katunti tassapi pancasatani pesesiyeva. Sattha imam dhammadesanam aharitva saccani pakasetva jatakam samodhanesi. Saccapariyosane vanijo sotapattiphale patitthahi. Tada kanitthabhata idani kutavanijo. Jetthabhata pana ahamevati. Macchadanajatakam atthamam ---------

The Pali Atthakatha in Roman Book 38 page 187-191. http://84000.org/tipitaka/atthapali/read_rm.php?B=38&A=3905&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=3905&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=463 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2439 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2401 The Pali Tipitaka in Roman Character :- http://84000.org/tipitaka/read/roman_read.php?B=27&A=2401 Contents of The Tipitaka Volume 27 http://84000.org/tipitaka/read/?index_27