|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
matarodanajatakam
matamatameva rodathati idam sattha jetavane viharanto annataram
savatthiyam kutumbikam arabbha kathesi.
Tassa kira bhata kalamakasi. So tassa kalakiriyaya
sokabhibhuto na nhayati na bhunjati na vilimpati patova susanam
gantva sokappatto rodati. Sattha paccusasamaye lokam volokento
tassa sotapattiphalupanissayam disva imassa atitam karanam
---------------------------------------------------------------------------------------------
page296.
Aharitva sokam vupasametva sotapattiphalam datum vattati thapetva
mam anno koci samattho natthi imassa maya avassayena bhavitum
vattatiti punadivase pacchabhattam pindapatapatikkanto pacchasamanam
adaya tassa gharadvaram gantva sattha agatoti sutva asanam
pannapetva pavisathati kutumbikena vutto pavisitva pannattasane
nisidi. Kutumbikopi agantva sattharam vanditva ekamantam
nisidi. Atha nam sattha kim kutumbika cintesiti aha.
Ama bhante mama bhatu matakalato patthaya cintemiti. Avuso
sabbe sankhara anicca bhijjitabbayuttakam bhijjati tattha na
cintetabbam poranakapanditapi bhatari mate bhijjitabbayuttakam
bhijjiti na cintayimsuti vatva tena yacito atitam ahari.
Atite baranasiyam brahmadatte rajjam karente bodhisatto
asitikotivibhave setthikule nibbatti. Tassa vayappattassa matapitaro
kalamakamsu. Tesu kalakatesu bodhisattassa bhata kutumbam
vicaresi. Bodhisatto tam nissaya jivati. So aparabhage
tatharupena byadhina kalamakasi. Natimittamacca sannipatitva
baha paggayha kandanti rodanti. Ekopi sakabhavena santhatum
nasakkhi. Bodhisatto pana neva kandati na rodati. Manussa
passatha bho imassa bhatari mate mukhasankocanamattampi natthi ativiya
thaddhahadayo dvepi kotthase ahameva bhunjissamiti bhatu maranam
icchati manneti bodhisattam garahimsu. Natakapi nam tvam bhatari
---------------------------------------------------------------------------------------------
page297.
Mate na rodasiti garahimsuyeva. So tesam vacanam sutva tumhe
attano andhabalabhavena attha lokadhamme ajananta mama bhata
matoti rodatha ahampi marissami mampi ayampi marissatiti kasma na
rodatha tumhepi marissatha attanampi mayampi marissama marissamati
kasma na rodatha sabbe sankhara anicca hutva honti teneva
sabhavena santhatum samattho ekasankharopi natthi tumhe andhabala
annanataya attha lokadhamme ajanitva rodatha aham kimattham
rodissamiti vatva ima gatha abhasi
matamatameva rodatha na hi tam rodatha yo marissati
sabbeva sariradharino anupubbena jahanti jivitam
deva manussa catuppada pakkhigana uraga ca bhogino
yamhi 1- sarire anissara ramamanava jahanti jivitam
evam calitam asanthitam sukhadukkham manujesu apekkhiyam
kanditam runatam 2- niratthakam kim vo sokagunabhikirare
dhutta sonda ca akata bala sura ayogino
dhiram mannanti baloti ye dhammassa akovidati.
Tattha matamatamevati matamatamyeva. Anupubbenati attano attano
maranavare sampatte patipatiya jahanti jivitam na ekatova sabbe
maranti yadi evam mareyyum lokappavatti ucchijjeyya. Bhoginoti
mahantena sarirabhogena samannagata. Ramamanati tattha tattha
@Footnote: 1 asmim . 2 kanditaruditam.
---------------------------------------------------------------------------------------------
page298.
Nibbatta sabbepi ete devadayo satta attano attano
nibbattatthane abhiramamanava anukkanthitava jivitam jahanti. Evam
calitanti evam tisu bhavesu niccalabhavassa ca santhitabhavassa ca
abhava calitam asanthitam. Kim vo sokagunabhikirareti kimkarana
tumhe sokarasi abhikiranti ajjhottharanti. Dhutta sonda ca
akatati itthidhutta suradhutta akkhadhutta ca surasonda ca
bhattasondadayo sonda ca akatavuddhino 1- asikkhitaka ca.
Balati balyena samannagata avidu. Sura ayoginoti
ayonisomanasikarena sura yogena ayuttataya ayogino. Ayodhinotipi
patho. Kilesamarena saddhim yujjhitum asamatthati attho. Dhiram
mannanti baloti ye dhammassa akovidati ye evarupa dhuttadayo
atthavidhassa lokadhammassa akovida te appamattakepi
dukkhadhamme uppanne anattamana kandamana rodamana attha
lokadhamme tattato 2- ajanitva natimaranadisu akandantam arodantam
madisam dhiram panditam balo ayam na rodatiti mannantiti.
Evam bodhisatto tesam dhammam desetva sabbepi te asoke
akasi.
Sattha imam dhammadesanam aharitva saccani pakasetva
jatakam samodhanesi. Saccapariyosane kutumbiko sotapattiphale
patitthahi. Tada mahajanassa dhammam desetva
@Footnote: 1 akatabuddhino . 2 tattvato.
---------------------------------------------------------------------------------------------
page299.
Nissokabhavakarapandito ahamevati.
Matarodanajatakam sattamam
-------------
The Pali Atthakatha in Roman Book 38 page 295-299.
http://84000.org/tipitaka/atthapali/read_rm.php?B=38&A=6149&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=6149&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=566
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2839
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2801
The Pali Tipitaka in Roman Character :-
http://84000.org/tipitaka/read/roman_read.php?B=27&A=2801
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]