บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
silavimamsajatakam silam seyyoti idam sattha jetavane viharanto ekam Silavimamsakabrahmanam arabbha kathesi. Tam kira raja esa silasampannoti annehi brahmanehi atirekam katva passati. So cintesi kinnukho mam raja silavati garum katva passati udahu sutadharayuttoti vimamsissami tava silassa va sutassa va mahantabhavanti. So ekadivasam herannikaphalakato kahapanam ganhati. Heranniko garubhavena na kinci aha. Dutiyavarepi na kinci aha. Tatiyavare pana tam vilumpakacorakoti gahapetva ranno dassetva kim imina katanti vutte kutumbam vilumpatiti aha. Saccam kira brahmanati. Na maharaja kutumbam vilumpami mayham pana silam nukho mahantam sutam nukhoti kukkuccam ahosi svaham etesu kataram nukho mahantanti vimamsanto tayo vare kahapanam ganhim tam mam esa bandhapetva tumhakam dasseti idani me sutato silassa mahantabhavo nato na me gharavasenattho pabbajissamahanti pabbajjam anujanapetva gharadvaram anoloketvava jetavanam gantva sattharam pabbajjam yaci. Tassa sattha pabbajjanca upasampadanca dapesi. So acirupasampanno vipassitva aggaphale patitthahi. Bhikkhu dhammasabhayam katham samutthapesum avuso asukabrahmano attano silam vimamsitva pabbajito vipassitva arahattam pattoti. Sattha agantva kayanuttha bhikkhave etarahi kathaya sannisinnati Pucchitva imaya namati vutte na bhikkhave idaneva ayameva pubbepi pandita silam vimamsitva pabbajitva attano patittham akamsuyevati vatva atitam ahari. Atite baranasiyam brahmadatte rajjam karente bodhisatto brahmanakule nibbattitva vayappatto takkasilayam sabbasippani ugganhitva baranasim gantva rajanam passi. Raja tassa purohitatthanam adasi. So panca silani rakkhati. Rajapi nam silavati garum katva passi. So cintesi kinnukho raja silavati mam garum katva passati udahu sutadharayuttoti. Sabbam paccuppannavatthusadisameva. Idha pana so brahmano idani me sutato silassa mahantabhavo natoti vatva ima panca gatha abhasi silam seyyo sutam seyyo iti me samsayo ahu silameva suta seyyo iti me natthi samsayo mogha jati ca vanno ca silameva kiruttamam silena anupetassa sutenattho na vijjati khattiyo ca adhammattho vesso cadhammanissito te pariccajjubho loke upapajjanti duggatim khattiya brahmana vessa sudda candalapukkusa idha dhammam caritvana bhavanti tidive sama na veda samparayaya na jati napi bandhava sakanca silasamsuddham samparayasukhavahanti. Tattha silameva suta seyyoti sutapariyattito satagunena sahassagunena silameva uttaritaranti. Evancapana vatva silam nametam ekavidham samvaravasena duvidham carittavarittavasena tividham kayikavacasikamanasikavasena catubbidham patimokkhasamvaraindriyasamvara- ajivaparisuddhipaccayasannissitavasenati matikam thapetva vittharento silassa vannam abhasi. Moghati aphala tuccha. Jatiti khattiyakuladisu nibbatti. Vannoti sariravanno abhirupabhavo. Ya hi yasma silarahitassa jatisampada va vannasampada va saggasukham datum na sakkoti tasma ubhayampi tam moghanti aha. Silameva kirati anussavavasena vadati na pana sayam janati. Anupetassati anupagatassa. Sutenattho na vijjatiti silarahitassa sutapariyattimattena idhaloke va paraloke va kaci vuddhi nama natthi. Tato para dve gatha jatiya moghabhavam dassanattham vutta. Tattha te pariccajjubho loketi te dussila devalokanca manussalokancati ubhopi loke pariccajitva duggatim upapajjanti. Candalapukkusati chavacchaddakacandala ca pupphacchaddaka- pukkusa ca. Bhavanti tidive samati ete sabbepi silanubhavena devaloke nibbatta sama honti nibbisesa devatveva sankhyam gacchanti. Pancamagatha sabbesampi sutadinam moghabhavam dassanattham vutta. Tassattho maharaja ete vedadayo thapetva idhaloke yasamattadanam samparaye dutiye va tatiye va bhave yasam va sukham Va datum nama na sakkonti parisuddham pana attano silameva tam sakkotiti. Evam mahasatto silagune kathetva rajanam pabbajjam anujanapetva tamdivasameva himavantam pavisitva isipabbajjam pabbajitva abhinna ca samapattiyo ca nibbattetva brahmalokaparayano ahosi. Sattha imam dhammadesanam aharitva jatakam samodhanesi tada silam vimamsitva isipabbajjam pabbajito ahamevati. Silavimamsajatakam dutiyam ---------The Pali Atthakatha in Roman Book 38 page 470-474. http://84000.org/tipitaka/atthapali/read_rm.php?B=38&A=9775&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=9775&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=758 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3569 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3533 The Pali Tipitaka in Roman Character :- http://84000.org/tipitaka/read/roman_read.php?B=27&A=3533 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]