AtthaPali Vol.39

Sulasajatakam idam suvannakayuranti idam sattha jetavane viharanto ekam anathapindikassa dasim arabbha kathesi. Sa kira ekasmim ussavadivase dasiganena saddhim uyyanam gacchanti attano saminim punnalakkhanadevim abharanam yaci. Sa tassa satasahassamulam attano abharanam adasi. Sa tam pilandhitva dasiganena saddhim uyyanam pavisi. Atheko coro tassa abharane lobham uppadetva imam maretva abharanam harissamiti taya saddhim sallapanto uyyanam gantva tassa macchamamsasuradini adasi. Sa kilesavasena deti manneti gahetva uyyanakilam kilitva vissamanatthaya sayanhasamaye nipanne dasigane utthaya tassa santikam agamasi. So bhadde imam thanam appaticchannam thokam purato gacchamati aha. Tam sutva itara imasmim thane sakka rahassakammam katum ayam pana nissamsayam mamam maretva pilandhanabhandam haritukamo bhavissati hotu sikkhapessami nanti cintetva sami suramadena me sukkham sariram paniyam mam tava payehiti ekam kupam netva ito me paniyam osincati rajjunca ghatanca dasseti. Coro rajjum kupe otaresi. Atha nam onamitva udakam osincantam mahabala dasi ubhohi hatthehi anisadam paharitva kupe khipitva Na tvam ettakena marissasiti ekam mahantam itthakam matthake asumbhi. So tattheva jivitakkhayam patto. Sapi nagaram pavisitva saminiya abharanam dadamana sami ajja imam abharanam nissaya matati sabbam tam pavattim arocesi. Sapi anathapindikassa arocesi. Anathapindiko tathagatassa arocesi. Sattha na kho gahapati idaneva sa dasi thanuppattikapannaya samannagata pubbepi samannagatava na ca idaneva taya so marito pubbepi nam maresiyevati vatva tena yacito atitam ahari atite baranasiyam brahmadatte rajjam karente sulasa nama nagarasobhini pancasatavannadasiparivara ahosi sahassena saddhim gacchati. Tasmimyeva nagare sattuko nama coro ahosi nagabalo rattibhage issaragharani pavisitva yatharucim vilumpati. Nagara sannipatitva ranno upakkosimsu. Raja nagaraguttikam anapetva tattha tattha gumbam thapapetva coram ganhapetva sisamassa chindathati aha. Tam pacchabahum bandhitva catukke catukke kasahi talenta aghatanam nenti. Coro kira gahitoti sakalanagaram sankhubhi. Tada sulasa vatapane thatva antaravithim olokenti tam disva patibaddhacitta hutva sace imam coroti gahitapurisam mocetum sakkhissami idam kilitthakammam akatva iminava saddhim samvasam kappessamiti cintetva hettha kannaverajatake vuttanayeneva nagaraguttikassa sahassam pesetva tam mocetva tena saddhim sammodamana samaggasamvasam vasi. Coro Tinnam catunnam masanam accayena cintesi aham imasmim thane vasitum na sakkhissami tucchahatthena gantumpi na sakka sulasaya pilandhanabhandam satasahassam agghati sulasam maretva idam ganhissamiti. Atha nam ekadivasam aha bhadde aham tada rajapurisehi niyamano asukapabbatamatthake rukkhadevataya balikammam patissunim sa mam balikammam alabhamana himsapeti balikammam karomati. Sadhu sami sajjetva pesehiti. Bhadde pesetum na vattati mayam ubhopi sabbabharanapati- mandita mahantena parivarena gantva dassamati. Sadhu sami tatha karomati. Atha nam tatha karetva pabbatapadam gatakale aha bhadde mahajanam disva devata balikammam na sampaticchissati mayam ubhova abhiruhitva demati. So taya sadhuti sampaticchito tam balipatim ukkhipapetva sayam sannaddhapancavudho hutva pabbatamatthakam abhiruhitva ekasataporisam papatam nissaya jatarukkhamule balibhajanam thapapetva bhadde naham balikammatthaya agato tam pana maretva pilandhanante gahetva gamissamiti agatomhi tava pilandhanam omuncitva uttarasatakena bhandikam karohiti aha. Sami mam kasma maresiti. Dhanakaranati. Sami maya katagunam anussara aham tam bandhitva niyamanam setthiputtena parivattitva bahudhanam datva jivitam labhapesim devasikam sahassam labhamanapi annam purisam na olokemi evam hi tava upakarika ma mam marehi bahunca te dhanam dassami dasi ca bhavissamiti tam yacanti pathamam gathamaha Idam suvannakayuram mutta veduriya bahu sabbam sahassam bhaddante manca dasiti savayati. Tattha kayuranti givayam pilandhanapasadhanam kayuram. Savayati mahajanamajjhe savetva dasim katva ganhahi. Tato sattukena oropayassu kalyani ma bahum paridevasi nevaham abhijanami agantva dhanamabhatanti attano ajjhasayanurupam dutiyagathaya vuttaya sulasa thanuppattikaranam patilabhitva ayam coro mayham jivitam na dassati upayena nam pathamataram papate patetva jivitabhkhayam papessamiti cintetva gathadvayamaha yato sarami attanam yato pattosmi vinnutam na vaham abhijanami annam piyataram taya. Ehi tam upaguyhissam karissam tam padakkhinam na hi dani puna atthi mama tuytanca sangamoti. Sattuko tassa adhippayam ajananto sadhu bhadde ehi upaguyhassu manti aha. Sulasa tam tikkhattum padakkhinam katva upaguyhitva idani tam sami catusu passesu vandissamiti vatva padapitthiyam sisam thapetva vamapasse vanditva dakkhinapassepi pacchimapassam gantva vandamana viya hutva nagabala ganika coram Dvisu pacchabahasu gahetva hetthasisam katva sataporise narake pakkhipi. So tattheva cunnavicunnam hutva mari. Tam kiriyam disva pabbatamatthake nibbattadevata ima gatha abhasi na hi sabbesu thanesu puriso hoti pandito itthipi pandita hoti tattha tattha vicakkhana. Na hi sabbesu thanesu puriso hoti pandito itthipi pandita hoti lahumattham vicintika. Lahunca vata sa khippam nikatthe samacetayi migam punnayataneva sulasa sattukam vadhi. Yodha uppatitam attham na khippamanubujjhati so hannate mandamati corova girigabbhare. Yodha uppatitam attham khippameva nibodhati muccate sattusambadha sulasa sattukamivati. Tattha pandita hotiti itthipi pandita tattha tattha vicakkhana hoti. Athava itthipi pandita ceva tattha tattha vicakkhana ca hoti. Lahumattham vicintikati lahukhippam attham vicintika. Lahunca vatati adandhanca vata. Khippanacati acirena ca. Nikatthe samacetayiti santike thitava tassa maranupayam cintesi. Punnayatanevati puritadhanusmim. Idam vuttam hoti yatha cheko migaluddhako akinnapunne dhanusmim khippam migam vadhati evam sulasa sattukam vadhiti. Yodhati yo imasmim sattaloke. Nibbodhatiti janati. Sattukamivati sattuka iva yatha sulasa mutta evam muccatiti attho. Iti sulasa coram vadhitva pabbata oruyha attano parijanassa santikam gantva ayyaputto kahanti puttha ma tam pucchitthati vatva ratham abhiruhitva nagarameva pavisi. Sattha imam dhammadesanam aharitva jatakam samodhanesi tada te ubho imeyeva ahesum devata pana ahamevati. Sulasajatakam tatiyam.

The Pali Atthakatha in Roman Book 39 page 278-283. http://84000.org/tipitaka/atthapali/read_rm.php?B=39&A=5574&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=5574&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1137 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4849 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4901 The Pali Tipitaka in Roman Character :- http://84000.org/tipitaka/read/roman_read.php?B=27&A=4901 Contents of The Tipitaka Volume 27 http://84000.org/tipitaka/read/?index_27