บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Haliddaragajatakam sutitikkhanti idam sattha jetavane viharanto thulakumaripalobhanam arabbha kathesi. Vatthu terasanipate cullanaradajatake avibhavissati. Atitavatthumhi pana sa kumarika tassa tapasakumarassa silam bhinditva attano vase thitabhavam natva imam vancetva manussapatham nessamiti cintetva rupadikamagunavirahite aranne rakkhitasilam nama na mahapphalam hoti manussapathe rupadinam paccupatthane mahapphalam hoti ehi maya saddhim tattha gantva silam rakkhahi kinte arannenati vatva pathamam gathamaha sutitikkham arannamhi pantamhi sayanasane ye ca game titikkhanti te ularatara tayati. Tattha sutitikkhanti sutthu adhivasanam. Titikkhantiti sitadini adhivasenti. Tam sutva tapasakumaro pita me arannam gato tasmim agate tam apucchitva gamissamiti aha. Sa cintesi pita kirassa atthi sace mam so passissati kajakotiyava pothetva vinasam papessati maya pathamameva gantabbanti. Atha nam aha tenahi aham maggasannam kurumana pathamataram gacchami tvam paccha agacchahiti. So tassa gatakale neva daruni ahari na paniyam na paribhojaniyam upatthapesi kevalam pajjhayantova nisidi. Pitu Agamanakalepi paccuggamanam nakasi. Atha nam pita itthinam vasangato esoti natvapi kasma tata neva daruni ahari na paniyam na paribhojaniyam upatthapesi pajjhayantoyeva pana nisinnositi aha. Tapasakumaro tata aranne kira rakkhitasilam na mahapphalam hoti manussapathe mahapphalam hoti aham tattha gantva silam rakkhissami sahayo me paccha agaccheyyasiti vatva purato gato aham teneva saddhim gamissami tattha pana vasantena maya kathamrupo puriso sevitabboti pucchanto dutiyam gathamaha aranna gamamagamma kimsilam kimvatam aham purisam tata seveyyam tam me akkhahi pucchitoti. Athassa pita kathento sesagatha abhasi yo te vissasate tata vissasanca khameyya te sussusi ca titikkhi ca tam bhajehi ito gato. Yassa kayena vacaya manasa natthi dukkatam orasiva patitthaya tam bhajehi ito gato. Yo ca dhammena carati carantopi na mannati visuddhakarim sappannam tam bhajehi ito gato. Haliddaragam kapicittam purisam ragaviraginam tadisam tata ma sevi nimmanussampi ce siya. Asivisamva kupitam milhalittam mahapatham araka parivajjehi yaniva visamam patham. Anattha tata vaddhanti balam accupasevato massu balena sangacchi amitteneva sabbada. Tam taham tata yacami karassu vacanam mama massu balena sangacchi dukkho balehi sangamoti. Tattha yo te vissasateti yo tava vissaseyya. Khameyya teti yo ca attani taya katam vissasam khameyya. Sussusi ca titikkhi cati tava vacanam sussusaya ceva vacanadhivasanena ca samannagato yo bhaveyyati attho. Orasiva patitthayati yatha matu oraso putto patitthati evam patitthaya patitthahitva attano mataram viya mannamano tam bhajeyyasiti vadati. Yo ca dhammena caratiti yo tividhasucaritadhammeneva iriyati. Na mannatiti tatha carantopi ca aham dhammam caramiti manam na karoti. Visuddhakarinti visuddhanam dasannam kusalakammapathanam karakam. Ragaviraginanti raginanca viraginanca rajjitva tamkhanameva virajjanasabhavam. Nimmanussampi ce siyati sacepi sakalajambudipatalam nimmanussam hoti soyeveko manusso titthati tathapi tadisam ma sevi. Mahapathanti guthamakkhitam maggam viya. Yanivati yanena gacchanto viya. Visamanti ninnaunnatakhanupasanadi- visamam. Balam accupasevatoti balam apannam atisevantassa. Sabbadati tata balena saddhim samvaso nama amittasamvaso viya sabbada niccakalameva dukkho. Tam tahanti tena karanena tam aham. So evam pitara ovadito tata aham manussapatham gantva Tumhadise pandite na labhissami tattha gantum bhayami idheva tumhakam santike vasissamiti aha. Athassa pita bhiyyopi ovadam datva kasinaparikammam acikkhi. So na cirasseva abhinna ca samapattiyo ca uppadetva saddhim pitara brahmalokaparayano ahosi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada tapasakumaro ukkanthitabhikkhu ahosi kumarika thulakumarikava pita pana ahamevati. Haliddaragajatakam navamam.The Pali Atthakatha in Roman Book 39 page 394-397. http://84000.org/tipitaka/atthapali/read_rm.php?B=39&A=7955&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=7955&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1283 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5328 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5383 The Pali Tipitaka in Roman Character :- http://84000.org/tipitaka/read/roman_read.php?B=27&A=5383 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]