|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10 Mittamittajatakam. Kani kammani kubbananti idam sattha jetavane viharanto kosalaranno atthacarakam amaccam arabbha kathesi. So kira ranno bahupakaro ahosi. Athassa raja atirekasammanam karesi. Avasesa tam asahamana deva asuko amacco tumhakam anatthakarakoti paribhindimsu. Raja tam parigganhanto kinci dosam adisva aham imassa kinci dosam na passami katham nukho sakka maya imassa mittabhavam va amittabhavam va janitunti cintetva imam panham thapetva tathagatam anno janitum na sakkhissati gantva pucchissamiti. So bhuttapataraso sattharam upasankamitva bhante katham nukho sakka purisena attano mittam va amittam va janitunti pucchi. Atha nam sattha pubbepi maharaja pandita imam panham cintetva pandite pucchitva tehi kathitavasena natva amitte vajjetva mitte sevimsuti vatva tena yacito atitam ahari atite baranasiyam brahmadatte rajjam karente bodhisatto tassa atthadhammanusasako amacco ahosi. Tada baranasiyam ranno ekam atthacarakam amaccam sesa paribhindimsu. Raja tassa dosam apassanto katham nukho sakka amittam va mittam va natunti mahasattam pucchanto pathamam gathamaha--------------------------------------------------------------------------------------------- page144.
Kani kammani kubbanam katham vinnu parakkame amittam janeyya medhavi disva sutva ca panditoti tassattho kani kammani karontam medhavi pandito puriso cakkhuna disva sotena tam sutva ayam mayham amittoti janeyya tassa jananatthaya katham vinnu parakkameyyati. Athassa amittalakkhanam kathento aha na nam umhayate disva na ca nam patinandati cakkhuni cassa na dada patilomanca vattati amitte tassa bhajati mitte tassa na sevati vannakame nivareti akkosante pasamsati guyhanca tassa nakkhati tassa guyham na guyhati kammantassa na vanneti pannassa nappasamsati abhave nandati tassa bhave tassa na nandati acchariyam bhojanam laddha tassa nuppajjate sati tato nam nanukampati aho sopi labheyyito iccete solasakara amittasmim patitthita yehi amittam janeyya disva sutva ca panditoti. Mahasatto ima panca gatha vatva puna kani kammani kubbanam katham vinnu parakkame mittam janeyya medhavi disva sutva ca panditoti imaya gathaya mittalakkhanam puttho sesagatha abhasi--------------------------------------------------------------------------------------------- page145.
Pavutthancassa sarati agatam abhinandati tato kelayiko hoti vacaya patinandati. Mitte tasseva bhajati amitte tassa na sevati akkosante nivareti vannakame pasamsati. Guyhanca tassa vakkhati tassa guyhanca guyhati kammanca tassa vanneti pannamassa pasamsati. Bhave ca nandati tassa abhave tassa na nandati acchariyam bhojanam laddha tassa uppajjate sati. Tato nam anukampati aho sopi labheyyito iccete solasakara mittasmim supatitthita. Yehi mittanca janeyya disva sutva ca panditoti. Tattha na nam umhayateti tam mittapatirupakam disva sitam na karoti pahatthakaram na dasseti. Na ca nam patinandatiti tassa katham patiganhanto na patinandati na tusati. Cakkhuni cassa na dadati olokentam na oloketi. Patilomancati tassa katham patippharati patisattu hoti. Vannakameti tassa vannam bhanante. Nakkhatiti attano guyham tassa nacikkhati. Kammantassati tena katakammam vannayati. Pannassati tassa pannam na pasamsati nanasampannam na pasamsati. Abhaveti avuddhiya. Tassa nuppajjateti mittapatirupakassa mama mittassapi ito dassamiti sati na uppajjati.--------------------------------------------------------------------------------------------- page146.
Nanukampatiti muducittena na cinteti. Labheyyitoti labheyya ito. Akarati karanani. Pavutthanti videsagatam. Kelayikoti kelayati mamayati pattheti piheti icchatiti attho. Vacayati madhuravacanena tam samudacaranto nandati. Sesam vuttapatipakkhanayeneva veditabbam. Raja mahasattassa kathaya attamano hutva tassa mahantam yasam adasi. Sattha imam dhammadesanam aharitva evam maharaja pubbepesa panho samutthati panditava nam kathayimsu imehi dvattimsaya akarehi amitto ca mitto ca janitabboti vatva jatakam samodhanesi tada raja anando ahosi pandito pana ahamevati. Mittamittajatakam dasamam. Iti jatakatthakathaya dasajatakapatimanditassa dvadasanipatassatthavannana nitthita. ------------The Pali Atthakatha in Roman Book 40 page 143-146. http://84000.org/tipitaka/atthapali/read_rm.php?B=40&A=2909&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=2909&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=1713 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6723 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=6955 The Pali Tipitaka in Roman Character :- http://84000.org/tipitaka/read/roman_read.php?B=27&A=6955 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]