|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Akittijatakam.
Akittim disvana sammantanti idam sattha jetavane viharanto
ekam savatthivasikam danapatiupasakam arabbha kathesi.
So kira sattharam nimantetva sattaham buddhappamukhassa bhikkhusanghassa
mahadanam datva pariyosanadivase ariyasanghassa sabbaparikkhare
adasi. Atha sattha parisamajjheyeva thito anumodanam karonto
upasaka maha te pariccago atidukkaram taya katam ayam hi
danavamsonama poranakapanditanam vamso danamnama gihinapi
Pabbajitenapi databbameva poranakapandita pabbajitva pana aranne
vasanta alonaniddhupanam udakamattasitakarapannanca khadantapi
sampattayacakanam datva sayam pitisukhena yapesunti vatva bhante
idam tava sabbaparikkharadanam mahajanassa pakatam tumhehi vuttam
apakatam tam no kathethati tena yacito atitam ahari
atite baranasiyam brahmadatte rajjam karente bodhisatto
asitikotivibhavassa brahmanassa mahasalakule nibbatti. Akittitissa
namam karimsu. Tassa padasa gamanakale bhaginimpi vijayi. Yasavatitissa
namam karimsu. Mahasatto solasavassakale takkasilam gantva
sabbasippani ugganhitva paccagamasi. Athassa matapitaro
kalamakamsu. So tesam petakiccani karetva dhanavilokanam karonto
asukonama ettakam dhanam santhapetva atito asuko ettakanti
vacanam sutva samviggamanaso hutva idam pana me pannayati na dhanassa
samharaka sabbe imam dhanam pahayeva gata aham na tam adaya gamissamiti
bhaginim pakkosapetva tvam imam dhanam patipajjahiti aha. Tumhakam
pana ko ajjhasayoti. Pabbajitukamomhiti. Bhatika aham tumhehi
chadditakhelam sirasa na sampaticchissami na me imina attho ahampi
pabbajissamiti. So rajanam apucchitva bherincarapetva
dhanena atthika akittipanditassa geham gacchantuti so sattaham
mahadanam pavattetva dhane akhiyamane cintesi mayham
ayusankhara khiyanti kim me dhanakhinaya atthika ganhissantiti
Nivesanadvaram vivaritva dinnanneva harantuti sahirannasuvannam geham
pahaya natimandalassa paridevantassa bhaginim gahetva baranasito
nikkhami. Yena dvarena nikkhami tam akittidvaramnama jatam.
Yena titthena nadim otinno tampi akittititthamnama jatam. So
dve tini yojanani gantva ramaniye thane pannasalam katva
bhaginiya saddhim pabbaji. Tassa pabbajitakalato patthaya bahu
gamanigamarajadhanivasino pabbajimsu mahaparivaro ahosi
mahalabhasakkaro nibbatti buddhuppado viya pavatti. Atha mahasatto
ayam labhasakkaro atimaha parivaropi me mahanto maya ekakeneva
viharitum vattatiti cintetva avelaya antamaso bhaginimpi ajanapetva
ekakova nikkhamitva anupubbena damilarattham patva kacirapattanasamipe
uyyane viharanto jhanabhinna nibbattesi. Tatrapissa
mahalabhasakkaro uppajji. So tam jigucchanto chaddetva
akasena gantva nagadipasamipe karadipam otari. Tada karadipo
ahidiponama ahosi. So tattha mahantam kararukkham upanissaya pannasalam
mapetva vasam kappesi. Tassa tattha vasanabhavam na koci janati.
Athassa bhagini bhataram gavesamana anupubbena damilarattham patva tam
adisva tena vasitatthaneyeva vasi jhanampana nibbattetum nasakkhi.
Mahasatto appicchataya katthaci agantva tassa kararukkhassa phalakale
phalani khadati pattakale pattani udakasinnani khadati. Tassa
silatejena sakkassa pandukambalasilasanam unhakaram dassesi.
Sakko ko nukho mam thana cavetukamoti avajjento akittipanditam
disva kimattham nukho esa tapaso silam rakkhati sakkattam pattheti udahu
annam vimamsissami nanti ayam hi dukkhena jivitam kappesi udakasinnamattani
karapattani khadati sace sakkattam pattheti attano sinnapattani
mayham dassati no ce na dassatiti brahmanavannena tassa santikam
agami. Bodhisatto karapattani sedetva otaretva sitalabhutani
khadissamiti pannasaladvare nisidi. Athassa purato sakko bhikkhaya
atthasi. Mahasatto tam disva somanassappatto hutva labha vata
me yacakam passami ajja mama manoratham matthakam papetva danam
dassamiti pakkabhajaneneva adaya gantva idam me danam sabbannutananassa
paccayo hotuti attano asesetvava tassa bhikkhabhajane pakkhipi.
Brahmano tam gahetva thokam gantva antaradhayi. Mahasattopi tassa
datva puna apacitva pitisukheneva vitinametva punadivase pacitva
tattheva pannasaladvare nisidi. Sakko puna brahmanavesena agami.
Punapi tassa datva mahasatto tatheva vitinamesi. Tatiyadivasepi
tatheva datva aho me labha karapattani nissaya mahantam
punnam pasutanti somanassappatto tayo divase anaharataya dubbalopi
samano majjhantikasamaye pannasalato nikkhamitva danam avajjento
pannasaladvare nisidi. Sakko cintesi ayam brahmano tayo
divase niraharo hutva evam dubbalopi hutva danam dento
Tutthacitto deti cittassa annathattampi natthi aham imam idam
nama patthetva danam detiti na janami pucchitva ajjhasayamassa
janissamiti. So majjhantike agantva mahasattassa purato
thatva ambho tapasa evarupe unhavate paharante evarupe
lonajalaparikkhitte aranne kimattham tapokammam karositi pucchi.
Tamattham pakasento sattha pathamam gathamaha
akittim disvana sammantam sakko bhutapati bravi
kim patthayam mahabrahme eko sammasi ghammaniti.
Tattha kim patthayanti kim manussasampattim patthento udahu
saggasampattiadinam annataranti.
Tam sutva mahasatto sakkabhavancassa natva naham eta
sampattiyo patthemi sabbannutam pana patthento tapokammam karomiti
pakasetum dutiyam gathamaha
dukkho punabbhavo sakka sarirassa ca bhedanam
sammohamaranam dukkham tasma sammami vasavati.
Tattha tasmati yasma punappunam khandhanam bhedanam sammohamarananca
dukkham tasma yatthetani natthi tam nibbanam patthento idha
sammamiti evam attano nibbanajjhasayatam dipeti.
Tam sutva sakko tutthamanaso sabbabhavesu kirayam ukkanthito
nibbanatthaya aranne viharati varamassa dassamiti varena nimantento
tatiyam gathamaha
Etasmim te sulapite patirupe subhasite
varam kassapa te dammi yamkinci manasicchasi ti.
Tattha yamkinci manasicchasiti yamkinci manasa icchasi tam dammi
varam ganhahiti.
Mahasatto varam ganhanto catuttham gathamaha
varance me ado sakka sabbabhutanamissara
yena putte ca dare ca dhanadhannam piyani ca
laddha na anutappenti so lobho na mayi vaseti.
Tattha varance me adoti sace mayham varam desi. Piyani
cati annani ca yani piyabhandani. Na anutappentiti punappunam
puttadayo patthentiyeva na tittim gacchanti. Na mayi vaseti mayi
mavasatu ma uppajjatu.
Athassa sakko tusitva uttarimpi varam dento mahasatto
ca varam ganhanto ima gatha abhasimsu
etasmim te sulapite patirupe subhasite
varam kassapa te dammi yamkinci manasicchasi.
Varance me ado sakka sabbabhutanamissara
khettam vatthum hirannanca gavassam dasaporisam
yena jatena khiyanti so doso na mayi vase.
Etasmim te sulapite patirupe subhasite
varam kassapa te dammi yamkinci manasicchasi.
Varance me ado sakka sabbabhutanamissara
balam na passe na sune na ca balena samvase
balenallapasallapam na kare na ca rocaye.
Kinnu te akaram balo vada kassapa karanam
kena kassapa balassa dassanam nabhikankhasi.
Anayam nayati dummedho adhurayam niyunjati
dunnayo seyyaso hoti samma vuttopi kuppati
vinayam so na janati sadhu tassa adassanam.
Etasmim te sulapite patirupe subhasite
varam kassapa te dammi yamkinca manasicchasi.
Varance me ado sakka sabbabhutanamissara
dhiram passe sune dhiram dhirena saha samvase
dhirenallapasallapam tam kare tanca rocaye.
Kinnu te akaram dhiro vada kassapa karanam
kena kassapa dhirassa dassanam abhikankhasi.
Nayam nayati medhavi adhurayam na yunjati
sunayo seyyaso hoti samma vutto na kuppati
vinayam so pajanati sadhu tena samagamo.
Etasmim te sulapite patirupe subhasite
varam kassapa te dammi yamkinci manasicchasi.
Varance me ado sakka sabbabhutanamissara
tato ratya vivasane suriyassuggamanam pati
dibba bhakkha patubhaveyyum silavanto ca yacaka
dadato me na khiyetha datva nanutappeyyaham
dadam cittam pasadeyyam etam sakka varam vare.
Etasmim te sulapite patirupe subhasite
varam kassapa te dammi yamkinci manasicchasi.
Varance me ado sakka sabbabhutanamissara
na mam puna upeyyasi etam sakka varam vare.
Bahuhi vattacariyahi nara ca atha nariyo
dassanam abhikankhanti kinnu me dassane bhayam.
Tam tadisam devavannim sabbakamasamiddhinam
disva tapo pamajjeyyam etam te dassane bhayanti.
Tattha yena jatenati yena cittena jatena kuddha satta
panavadhadinam katatta rajadandavasena visakhadanadihi va attano
maravasena etani khettadini khiyanti so doso na mayi vaseyyati
yacati. Na suneti asukatthanenama vasatitipi imehi karanehi
na suneyyam. Kinnu te akaranti kinnu tava balena mata
marita udahu pita annam vapana te kimnama anattham balo
akaram. Anayam nayatiti akaranam karananti ganhati panatipatadini
katva jivitam kappessamiti evarupani darunakammani cinteti.
Adhurayanti saddhadhurasiladhurapannadhuresu ayojetva ayoge niyunjati.
Dunnayo seyyaso hotiti dunnayova tassa seyyo hoti panca
dussilakammani samadaya vattanameva seyyoti ganhati hitapatipattiya
va dunnayo hoti netum asakkuneyyatta. Samma vuttoti hetuna
karanena vutto kuppati. Vinayanti evam abhikkamitabbanti adikam
acaravinayam na janati ovadanca na sampaticchati sadhu tassati
etehi karanehi tassa adassanameva sadhu. Suriyassuggamanam patiti
suriyassuggamanavelaya. Dibba bhakkhati dibbabhojanam. Yacakati tassa
dibbabhojanassa patiggahaka. Vattacariyahiti danasilauposathakammehi.
Dassanam abhikankhantiti dassanam mama abhikankhanti. Tam tadisanti
ayasmantam evarupam dibbalankarabhusitam. Pamajjeyyanti
pamadam apajjeyyam tava sirisampattim pattheyyam evam nibbanatthaya
pavattite tapokamme sakkatthanam patthento pamattonama bhaveyyam
evam tava dassanam mayham bhayanti.
Sakko sadhu bhante na te ito patthaya santikam agamissamiti
tam abhivadetva khamapetva pakkami. Mahasatto yavajivam tattheva
vasanto brahmavihare bhavetva brahmaloke nibbatti.
Sattha imam dhammadesanam aharitva jatakam samodhanesi tada
sakko anuruddho ahosi akittipandito pana ahamevati.
Akittijatakam sattamam.
-----------
The Pali Atthakatha in Roman Book 40 page 195-203.
http://84000.org/tipitaka/atthapali/read_rm.php?B=40&A=3984&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=40&A=3984&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=1806
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=7003
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=7252
The Pali Tipitaka in Roman Character :-
http://84000.org/tipitaka/read/roman_read.php?B=27&A=7252
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]