|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Sarabhajatakam. Asimsetheva purisoti idam sattha jetavane viharanto attana sankhittena pucchitapanhassa dhammasenapatino vittharena byakaranam arabbha kathesi. Tada pana sattha theram sankhittena panham pucchi devorohane tatrayam sankhepato anupubbikatha. Rajagahasetthino hi santake candanapatte ayasmata pindola- bharadvajena iddhiya gahite sattha bhikkhunam iddhipatihariyakaranam patikkhipi. Tadapi titthiya patikkhittam samanena gotamena iddhipatihariyakaranam idani sayampi na karissatiti cintetva mankubhutehi attano savakehi kim bhante iddhiya pattam na ganhitthati vuccamana netam avuso amhakam dukkaram chavassa pana darupattassatthaya attano sanhasukhumagunam ko gihinam pakasessatiti na ganhimha samana pana sakyaputtiya lolabalataya iddhim dassetva ganhimsu ma amhakam iddhikaranam bharoti cintayittha mayam hi titthantu samanassa gotamassa savaka akankhamana pana samanena gotamena saddhim iddhim dasseyyama sace hi samano gotamo ekam patihariyam karissati mayampi digunam karissamati kathayimsu. Tam sutva bhikkhu bhagavato arocesum bhante titthiya kira patihariyam karissantiti. Sattha aha bhikkhave karontu ahampi karissamiti. Tam sutva--------------------------------------------------------------------------------------------- page232.
Bimbisaro agantva bhagavantam pucchi bhante patihariyam kira karissathati. Ama maharajati. Nanu bhante sikkhapadam pannattanti. Maharaja tam maya savakanam pannattam buddhanampana sikkhapadamnama natthi yatha hi maharaja tava uyyane pupphaphalam annesam varitam na tava evam sampadamidam datthabbanti. Kaham pana bhante patihariyam karissathati. Savatthinagaradvare gandambarukkhamuleti. Amhehi tattha kim kattabbanti. Na kinci maharajati. Punadivase sattha katabhattakicco carikam pakkami. Manussa kuhim bhante sattha gacchatiti pucchanti. Savatthinagaradvare gandambarukkhamule titthiyamaddanam yamakapatihariyam katunti. Tesam bhikkhunam katham sutva mahajano acchariyarupam kim patihariyam bhavissati passissama nanti gharadvarani nikkaddhetva sattharayeva saddhim agamasi. Annatitthiya mayampi samanassa gotamassa patihariyakaranatthane patihariyam karissamati upatthakehi saddhim sattharameva anubandhimsu. Sattha anupubbena savatthim gantva ranna patihariyam kira bhante karissathati pucchito karissamiti vatva kada bhanteti vutte ito sattame divase asalhapunnamasiyanti aha. Mandapam karomi bhanteti. Alam maharaja mama patihariyakaranatthane sakko dvadasayojanikam ratanamandapam karissatiti. Etam karanam nagare ugghosapemi bhante ti. Ugghosapehi maharajati. Raja dhammaghosakam alankatahatthipitthiyam aropetva sattha kira savatthinagare gandambarukkhamule--------------------------------------------------------------------------------------------- page233.
Titthiyamaddanam patihariyam karissati ito sattame divaseti yava chatthadivasa devasikam ghosanam karesi. Titthiya gandambarukkhamule kira karissatiti samikanam dhanam datva savatthisamante ambarukkhe chindapesum. Dhammaghosako punnamidivase patova ajja bhagavato patihariyam bhavissatiti ugghosesi. Devatanubhavena sakalajambudipe dvare thatva ugghositamviya ahosi. Ye ye gantum cittam uppadenti te te savatthipattameva attanam passimsu. Dvadasayojanika parisa ahosi. Sattha patova savatthim pindaya pavisitva nikkhami. Gandonama uyyanapalo pindipakkameva kumbhappamanam mahantam ambapakkam ranno haranto sattharam nagaradvare disva tathagatasseva anucchavikanti adasi. Sattha patiggahetva tattheva ekamantam nisinno paribhunjitva ananda imam ambatthim uyyanapalassa imasmim thane ropanatthaya dehi esa gandambonama bhavissatiti aha. Thero tatha akasi. Uyyanapalo pamsum viyuhitva ropesi. Tam khananneva atthim bhijjitva mulani otarimsu. Nangalasisappamano rattankuro utthahi. Mahajanassa olokentasseva pannasahatthakkhandho pannasahatthasakho ubbedhenapi hatthasatiko ambarukkho sampajji. Tavadevassa pupphani ca phalani ca utthahimsu. So madhurasuvannavannaphalabharito nabham puretva atthasi. Vatappaharanakale madhurapakkani patimsu. Paccha agacchanta bhikkhu paribhunjitva--------------------------------------------------------------------------------------------- page234.
Agamimsu. Sayanhasamaye devaraja avajjanto satthu ratanamandapakaranam amhakam bharo hotiti natva vissukammam pesetva dvadasayojanikam niluppalasanchannam sattaratanamandapam karesi. Evam dasasahassacakkavaladevata sannipatimsu. Sattha titthiyamaddanam asadharanam savakehi yamakapatihariyam karitva bahujanassa pasannabhavam natva oruyha buddhasane nisinno dhammam desesi. Visatipanakotiyo amatapanam pivimsu. Tato purimabuddha pana patihariyam katva kattha gacchantiti avajjento tavatimsabhavananti natva buddhasana utthaya dakkhinapadam yugandharamatthake thapetva vamapadena sinerumatthakam akkamitva parichattakamule pandukambalasilayam vassam upagantva antotemasam devanam abhidhammakatham kathesi. Parisapi satthu gatatthanam ajananti disvava gamissamati. Tattheva temasam vasi. Upakatthaya pavaranaya mahamoggallanatthero gantva bhagavato arocesi. Atha nam sattha pucchi kaham pana etarahi sariputtoti. Esa bhante yamakapatihariye pasiditva pabbajitehi pancahi bhikkhusatehi saddhim sankassanagare vasatiti. Moggallana ito sattame divase sankassanagaradvare otarissami tathagatam datthukama sankassanagaradvare sannipatantuti. Thero sadhuti patisunitva agantva parisaya arocesi sakalaparisam savatthito timsayojanam sankassanagaram ekamuhutteneva papesi. Sattha vutthavasso pavaretva maharaja manssalokam gamissamiti sakkassa arocesi. Sakko vissukammam--------------------------------------------------------------------------------------------- page235.
Amantetva dasabalassa manussalokam gamanatthaya sopanam karohiti aha. So sinerumatthake sopanasisam sankassanagaradvare dhurasopanam katva majjhe manimayam ekasmim passe rajatamayam ekasmim passe sovannamayanti tini sopanani mapesi sattaratanamaya vedikaparikkhepa. Sattha lokavivaranam patihariyam katva majjhe manimayena sopanena otari. Sakko pattacivaram aggahesi suyamo valavijanim sahampatibrahma chattam dharesi. Dasasahassacakkavaladevata dibbagandhamaladihi pujayimsu. Sattharam dhurasopane patitthahantam pathamameva sariputtatthero vandi. Paccha sesaparisa. Tasmim samagame sattha cintesi moggallano iddhimati pakato upali vinayadharoti sariputtassa pana pannaguno apakato thapetva mam kira sammasambuddham anno etena sadisapannonama natthi pannagunamassa pakatam karissamiti. Pathamam tava puthujjanapanham pucchi. Tam puthujjanava kathayimsu. Tato sotapannanam visaye panham pucchi. Tam sotapannava kathayimsu. Puthujjana na janimsu. Tato sakadagamivisaye anagamivisaye khinasavavisaye mahasavakavisaye ca panham pucchi. Tampi hetthima na janimsu uparima ca kathayimsu. Aggasavakavisaye putthapanhampi aggasavaka kathayimsu. Anne na janimsu. Tato sariputtattherassa visaye panham pucchi. Tam therova kathesi. Anne na janimsu. Manussa ko namo esa thero satthara saddhim kathesiti pucchitva dhammasenapati--------------------------------------------------------------------------------------------- page236.
Sariputtattheronamati sutva aho mahapannoti vadimsu. Tato patthaya devamanussanam antare therassa mahapannaguno pakato jato. Atha nam sattha ye ca sankhatadhammase ye ca sekha puthu idha tesam me nipako iriyam puttho me bruhi marisati buddhavisaye panham pucchitva imassa nukho sariputta sankhittena bhasitassa katham vittharena attho datthabboti aha. Thero panham oloketva sattha mam sekhasekhanameva agamanapatipadam pucchatiti nikkankho hutva agamanapatipadanama khandhadivasena bahuhi mukhehi sakka kathetum katarakarena nukho kathento satthu ajjhasayam ganhitum nasakkhissamiti ajjhasaye kankhi. Sattha sariputto panhesu nikkankho ajjhasaye pana me kankhati maya pana naye adinne kathetum na sakkhissati nayamassa dassamiti nayam dento bhutamidam sariputta samanupassasiti aha. Evam kirassa ahosi sariputto mamajjhasayam gahetva kathento khandhavasena kathissatiti. Therassa saha nayadanena so panho nayasatena nayasahassena upatthasi. So satthara dinnanayena thatva buddhavisaye panham kathesi. Sattha dvadasayojanikaya parisaya dhammam desesi. Timsapanakotiyo amatapanam pivimsu. Sattha parisam uyyojetva carikam caranto anupubbena savatthim gantva punadivase savatthiyam pindaya caritva pindapatapatikkanto bhikkhuhi vatte dassite gandhakutim pavisi. Sayanhasamaye bhikkhu--------------------------------------------------------------------------------------------- page237.
Therassa gunakatham kathenta dhammasabhayam nisidimsu mahapanno avuso sariputto puthupanno javanapanno nibbedhikapanno dasabalena sankhittena pucchitam panham vittharena attham kathesiti. Sattha agantva kayanuttha bhikkhave etarahi kathaya sannisinnati pucchitva imayanamati vutte na bhikkhave idaneva pubbepesa sankhittena bhasitassa vittharena attham kathesiyevati vatva atitam ahari atite baranasiyam brahmadatte rajjam karente bodhisatto sarabhamigayoniyam nibbattitva aranne pativasati. Raja migacittako ahosi thamasampanno annam manussam manussotipi na ganeti so ekadivasam migavadham gantva amacce aha yassa passena migo palayati tenevassa ana databbati. Te cintayimsu kadaci vemajjhe thitamigo kotthakam virujjhati utthitam migam yenakenaci upayena ranno thitatthananneva aropessamati cintetva ca pana katikam katva ranno duramaggam adamsu. Te mahantam gumbam parikkhipitva muggaradihi bhumim paharimsu. Pathamameva sarabhamigo utthaya tikkhattum gumbam anuparigantva palayanto palayanokasam olokento sesadisasu manusse bahaya bahum dhanuna dhanum ahacca nirantare thite disva ranno thitatthaneyeva okasam addasa. So ummilitesu akkhisu valikam khipamanoviya rajanam abhimukho agamasi. Raja tam balasampannam disva saram khipitva virajjhi. Sarabhamiganama vancetum cheka honti sare abhimukham agacchante--------------------------------------------------------------------------------------------- page238.
Vegam hapetva titthanti pacchato agacchante vegena javanti uparibhagena agacchante pitthim namenti passenagacchante thokam apagacchanti kucchimajjham sandhayagacchante parivattitva patanti sare atikkante vatacchinnavalahakavegena palayantiti. Sopi raja tasmim parivattitva patite sarabhamigo me viddhoti nadam munci. Sarabho utthaya vatavegena palayi balamandalam bhijjitva. Ubhosu passesu thita amacca sarabham palayamanam disvava ekato hutva pucchimsu migo kassa thitatthanam abhiruhiti. Ranno thitatthananti. Raja viddho meti vadati. Ko tena viddhoti. Nibbirujjho bho amhakam raja bhumi tena viddhati iti te nanappakarena ranna saddhim kelim karimsu. Raja cintesi ime mam parihasanti mama pamanam na jananti dalham nivasetva pattikova khaggam adaya sarabham ganhissamiti vegena pakkhandi. Atha nam disva tini yojanani anubandhi. Sarabho arannam pavisi. Rajapi pavisiyeva. Tattha sarabhamigassa gamanamagge satthimattahattho mahaputipadanarakaavato atthi. So timsamattahattho udakena punno tinena paticchanno. Sarabho udakagandham ghayitvava avatabhavam natva thokam osakkitva gato. Raja pana ujukameva gacchanto tasmimpatati. Sarabho tassa padasaddam asunanto nivattitva tam apassanto narakaavate patito bhavissatiti natva agantva olokento tam gambhiraudake appatittham kilamantam disva tena katam--------------------------------------------------------------------------------------------- page239.
Aparadham hadaye akatva sanjatakarunno ma mayi passanteva raja nassatu imamha dukkha mocessamiti avatatire thito ma bhayi maharaja aham tam dukkha mocessamiti vatva attano piyaputtam uddharitum ussaham karontoviya tassuddharanatthaya silayogam katva uddharissamiti agantva rajanam satthihattha naraka uddharitva assasetva pitthim aropetva arannato niharitva senaya avidure otaretva ovadamassa datva pancasu silesu patitthapesi. Raja mahasattam vina vasitum asakkonto aha sami sarabhamigaraja maya saddhim baranasim ehi dvadasayojanikaya te baranasiya rajjam dammi tam karehiti. Maharaja mayam tiracchanagata na no rajjenattho sace te mayi sineho atthi maya dinnani silani rakkhanto ratthavasinopi silam rakkhapehiti tam ovaditva arannameva pavisi. So assupunnehi nettehi tassa gune sarantova senam sampapunitva senangaparivuto nagaram gantva ito patthaya sakalaratthavasino panca silani rakkhantuti dhammabherim carapesi. Mahasattena pana attano katagunam kassaci akathetva sayam nanaggarasabhojanam bhunjitva alankatasayane sayitva paccusakale mahasattassa gunam saritva utthaya sayanapitthiyam pallankena nisiditva pitipunnena hadayena chahi gathahi udanam udanesi asimsetheva puriso na nibbindeyya pandito passami voham attanam yatha icchim tatha ahu.--------------------------------------------------------------------------------------------- page240.
Asimsetheva puriso na nibbindeyya pandito passami voham attanam udaka thalamubbhatam. Vayametheva puriso na nibbindeyya pandito passami voham attanam yatha icchim tatha ahu. Vayametheva puri so na nibbindeyya pandito passami voham attanam udaka thalamubbhatam. Dukkhupani to pi naro sapanno asam na chindeyya sukhagamaya bahu hi phassa ahita hita ca avitakkita maccumupapajjanti. Acintitampi bhavati cintitampi vanassati na hi cintamaya bhoga itthiya purisassa vati. Tattha asimsethevati asachedakammam akatva attano kammesu asam karotheva na ukkantheyya. Yatha icchinti aham hi satthihattha naraka utthanam icchim somhi tatheva jato tato utthitoyevati dipeti. Ahita hita cati dukkhaphassa ca sukhaphassa ca maranaphassa ca jivitaphassa catipi attho sattanamhi maranaphasso ahito jivitaphasso hito tesam avitakkito acintitopi maranaphasso agacchatiti dasseti. Acintitampiti maya avate patissamiti acintitam sarabham maressamiti cintitam idani pana me cintitam nattham acintitameva jatam. Bhogati yasaparivara ete cintamaya--------------------------------------------------------------------------------------------- page241.
Na honti tasma nanavata viriyameva kattabbam viriyavato hi acintitampi katam hotiyeva. Tassa udanam udanentasseva arunam utthahi. Purohito patova sukhaseyyaya pucchanattham agantva dvare thito tassa udanagitasaddam sutva cintesi raja hiyo migavadham agamasi tam sarabhamigam viraddho bhavissati tato amaccehi avahasiyamano maretva tam aharissamiti khattiyamanena tam anubandhanto satthihatthe narake patito bhavissati dayaluna sarabharajena ranno dosam acintetva raja uddharito bhavissati tena manne udanam udanesiti. Evam brahmanassa ranno paripunnabyanjanam udanam sutva sumajjite adase mukham olokentassa chayaviya ranna ca sarabhena ca katakaranam pakatam ahosi. So nakhena dvaram akotesi. Raja ko esoti pucchi. Aham deva purohitoti. Atha dvaram vivaritva ito ehacariyati aha. So pavisitva rajanam jayapetva ekamantam thito aham maharaja taya aranne katakaranam janami tvam ekam sarabhamigam anubandhanto narake patito atha nam so sarabho sila yogam katva narakato uddhari so tvam tassa gunam saritva udanam udanesiti vatva dve gatha abhasi sarabham giriduggasmim yam tvam anussari pure alinacittassa tuvam vikkantamanujivasi.--------------------------------------------------------------------------------------------- page242.
Yo tam vidugga naraka samuddhari silaya yogam sarabho karitva dukkhupanitam maccumukha pamocayi alinacittam tameva vadesiti. Tattha anussariti anubandhi. Vikkantanti uddharanatthaya kataparakkamam. Anujivasiti upajivasi tassanubhavena taya jivitam laddhanti attho. Uddhariti uttaresi. Tameva vadesiti suvannasarabhamigam idha sirisayane nisinno vannesi. Tam sutva ayam maya saddhim na migavadham gato sabbameva pavuttim janati katham nukho janati pucchissami nanti cintetva navamam gathamaha kim tvam tattheva tada ahosi udahu te koci nu etadakkha vivatacchado nusi sabbadassi nanam nu te brahmana bhimsarupanti. Tattha bhimsarupanti kim nu tava nanam balavajatikam tenetam janasiti. Brahmano naham sabbannu buddho byanjanam amakkhetva taya kathitagathanam pana mayham attho upatthatiti dipento dasamam gathamaha--------------------------------------------------------------------------------------------- page243.
Na cevaham tattha tada ahosim na capi me koci nam etadakkha gathapadananca subhasitanam attham tadanenti janinda dhirati. Tattha subhasitananti byanjanam amakkhetva sutthu bhasitanam. Attham tadanentiti yo tesam attho tam anenti upadharentiti attho. Raja tassa tusitva bahudhanam adasi tato patthaya danadini punnani abhirato ahosi. Manussapi punnabhirata hutva matamata saggapurameva purayimsu. Athekadivasam raja lakkham vijjhissamiti purohitam adaya uyyanam gato. Tada sakko devaraja bahu nave deveceva devakannayo ca disva kim nukho karananti avajjento sarabhamigena naraka uddharitva ranna silesu patitthapitabhavam natva ranno anubhavena mahajana punnani karonti tena devaloko paripurati idani kho pana raja lakkham vijjhitum uyyanam gato tampi vimamsitva sihanadam nadapetva sarabhamigassa gunam kathapetva attano ca sakkabhavam janapetva akase thito dhammam desetva mettaya ceva pancannanca silanam gunam kathetva agamissamiti cintetva uyyanam agamasi. Rajapi lakkham vijjhissamiti dhanum aropetva saram sannayhi. Tasmim khane sakko ranno ca lakkhassa ca antare attano anubhavena sarabham--------------------------------------------------------------------------------------------- page244.
Dassesi. Raja tam disva saram na munci. Atha nam sakko purohitassa sarire adhimuccitva gathamabhasi adaya pattam paraviriyaghatim cape saram kim vicikicchase tuvam nunno saro sarabham hantu khippam annam hi etam varapanna rannoti. Tattha pattanti vajapattehi samannagatam. Paraviriyaghatinti paresam viriyaghatakam. Cape saranti etam pattasamkhatam saram cape adaya sannayhitva idani tvam kim vicikicchasi. Hantuti taya vissattho hutva esa saro khippam imam sarabham hanatu. Annam hi etanti varapanna maharaja sarabhonama ranno aharo bhakkhoti attho. Tato raja gathamaha addha pajanami ahampi etam annam migo brahmana khattiyassa pubbe katanca apacayamano tasma migam sarabham no hanamiti. Tattha pubbe katancati brahmana aham cetam ekamsena janami yatha migo khattiyassa annam pubbe pana imina mayham katagunam pujemi tasma tam na hanamiti. Tato sakko gathadvayamaha--------------------------------------------------------------------------------------------- page245.
Neso migo maharaja asureso disampati etam hantva manussinda bhavassu amaradhipo. Sace maharaja vicikicchase tuvam hantum migam sarabham sahayakam saputtadaro naraviriyasettha hantva no ce tuvam vetaranim yamassati. Tattha asuresoti asuro eso asurajetthako sakko esoti adhippayena vadati. Amaradhipoti tvam etam sakkam maretva sayam sakko devaraja hohiti vadati. Vetaranim yamassati sace etam sahayo meti cintetva na hanissasi saputtadaro yamassa vetaraniniriyam gantva bhavissasiti tam taseti. Tato raja dve gatha abhasi kamam aham janapada ca sabbe putta ca dara ca sahayasamgha gacchama tam vetaranim yamassa na tveva hanne mama panadassa. Ayam migo kicchagatassa mayham ekassa katta vivanasmim ghore tam tadisam pubbakiccam saranto janam mahabrahme katham haneyyanti. Tattha mama panadassati brahmana yo mama panado assa--------------------------------------------------------------------------------------------- page246.
Yena me piyam jivitam dinnam narakam pavisantena maya so na tveva hanno na hanitabbo avajjho esoti vadati. Ekassa katta vivanasmim ghoreti darune aranne pavitthakassa sato ekassa asahayakassa mama katta karako jivitassa dayako svaham tam imina katam tadisam pubbakiccam sarantoyeva tam gunam janantoyeva katham haneyyam. Atha sakko purohitassa sarirato apagantva sakkattabhavam mapetva akase thatva ranno gunam pakasento gathadvayamaha mittabhiradhi cirameva jiva rajjam imam dhammagune pasasa nariganehi paricarayanto modassu ratthe tidiveva vasavo. Akkodhano niccapasannacitto sabbatithi yacayogo katva datva ca bhutva ca yathanubhavam anindito saggamupehi thananti. Tattha mittabhiradhiti mitte aradhento mitte adubbhamano. Sabbatithiti sabbe dhammikasamanabrahmane atithi pahunakeyeva katva paricaranto yacitabbayuttako hutva. Aninditoti danadini punnani karanena pamuditoceva lokena ca anindito hutva saggatthanam upehiti.--------------------------------------------------------------------------------------------- page247.
Evam vatva sakko devaraja aham maharaja tam parigganhitum agato tvam attanam pariggahitum nadasi appamatto hohiti tam ovaditva sakatthanameva gato. Sattha imam dhammadesanam aharitva na bhikkhave idaneva pubbepisariputto sankhittena bhasitassa vittharena attham janatiyevati vatva jatakam samodhanesi tada raja anando ahosi purohito sariputto sarabhamigo pana ahameva sammasambuddhoti. Sarabhajatakam dasamam. Iti jatakatthakathaya dasajatakapatimanditassa terasanipatassatthavannana nitthita. ---------------------------------------------------------------------------------------------------------- page248.
@Footnote: @*** hanranir m+mikhramula ***The Pali Atthakatha in Roman Book 40 page 231-248. http://84000.org/tipitaka/atthapali/read_rm.php?B=40&A=4718&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=4718&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=1854 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=7157 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=7418 The Pali Tipitaka in Roman Character :- http://84000.org/tipitaka/read/roman_read.php?B=27&A=7418 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]