|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Pahatabbaniddesavannana
[23] Pahatabbaniddese asmimanoti rupadisu pancasu upadanakkhandhesu
asmiti mano. Tasmim hi pahine arahattam pattam hoti. Ruparagadisu vijjamanesupi
sesani avatva asmimanasseva vacanam ditthipatirupakattena tassa olarikattati
veditabbam. Avijjati suttantapariyayena dukkhadisu catusu thanesu annanam.
Abhidhammapariyayena pubbantadihi saddhim atthasu. Vuttam hetam:-
"tattha katama avijja, dukkhe annanam, dukkhasamudaye annanam,
dukkhanirodhe annanam, dukkhanirodhagaminiya patipadaya annanam,
pubbante annanam, aparante annanam, pubbantaparante annanam,
idappaccayatapaticcasamuppannesu dhammesu annanan"ti. 1-
Bhavatanhati kamabhavadisu bhavesu patthana. Yathaha:-
"tattha katama bhavatanha, yo bhavesu bhavacchando bhavarago
bhavanandi bhavatanha bhavasineho bhavaparilaho bhavamuccha
bhavajjhosanan"ti. 2-
@Footnote: 1 abhi.san. 34/1106/259 2 abhi.vi. 35/894
---------------------------------------------------------------------------------------------
page128.
Tisso tanhati kamatanha bhavatanha vibhavatanha. Tasam abhidhamme evam
niddeso kato:- tattha katama bhavatanha, bhavaditthisahagato rago .pe. Cittassa
sarago, ayam vuccati bhavatanha. Tattha katama vibhavatanha, ucchedaditthisahagato
rago .pe. Cittassa sarago, ayam vuccati vibhavatanha. Avasesa tanha
kamatanha. Tattha katama kamatanha, kamadhatupatisamyutto rago .pe. Cittassa
sarago. Ayam vuccati kamatanha. Tattha katama bhavatanha, rupadhatupatisamyutto
rago .pe. Tattha katama vibhavatanha, ucchedaditthisahagato rago .pe. 1-
Atthakathayam pana "pancakamaguniko rago kamatanha, ruparupabhavesu rago
jhananikantisassataditthisahagato rago bhavavasena patthana bhavatanha, ucchedaditthi-
sahagato rago vibhavatanha"ti vuttam. Ayam dasuttarasuttapariyayena yojana. Sangiti-
pariyayena pana abhidhammapariyayena ca "aparapi tisso tanha kamatanha rupatanha
arupatanha. Aparapi tisso tanha rupatanha arupatanha nirodhatanha"ti 2- vutta
tanhapi ettha yujjanti. Tasu panca kamadhaturupadhatuarupadhatupatisamyutta, antima
ucchedaditthisahagata.
Cattaro oghati kamogho bhavogho ditthogho avijjogho. Yassa samvijjanti,
tam vattasmim ohananti osidapentiti ogha. Balavakilesa ete. Kamagunasankhate
kame ogho kamogho. Kamatanhayetam namam. Ruparupasankhate kammato ca upapattito
ca duvidhepi bhave ogho bhavogho. Bhavatanhayetam namam. Ditthi eva ogho ditthogho.
"sassato loko"tiadikaya ditthiya etam namam. Avijja eva ogho avijjogho.
Dukkhadisu annanassetam namam.
Panca nivarananiti kamacchandanivaranam byapadanivaranam thinamiddhanivaranam uddhacca-
kukkuccanivaranam vicikicchanivaranam. Cittam nivaranti pariyonandhantiti nivaranani.
@Footnote: 1 abhi.vi. 35/916/446 2 di.pa. 11/305/194, abhi.vi. 35/917-8/447
---------------------------------------------------------------------------------------------
page129.
Kamiyantiti kama. Panca kamaguna. Kamesu chando kamacchando. Kamayatiti
va kamo, kamo eva chando, na kattukamyatachando na dhammacchandoti kamacchando.
Kamatanhayetam byapajjati tena cittam putibhavam gacchati, byapadayati va vinayacara-
rupasampattihitasukhaniti byapado. Dosassetam namam. Thinanata thinam, middhanata
middham, anussahasamhananata asattivighato cati attho. Cittassa anussaho thinam,
cetasikanam akammannata middham, thinanca middhanca thinamiddha. Uddhatassa bhavo
uddhaccam, avupasamoti attho. Vikkhepassetam namam. Kucchitam katam kukatam, kukatassa
bhavo kukkuccam, garahitakiriyabhavoti attho. Pacchanutapassetam namam. Vigata
cikicchati vicikiccha, vigatapannati attho. Sabhavam va vicinanto etaya kicchati
kilamatiti vicikiccha. Buddhadisu samsayassetam namam. Kamacchando eva nivaranam
kamacchandanivaranam. Evam sesesupi.
Cha dhamma, chaddhammati va patho. Cha tanhakayati rupatanha saddatanha
gandhatanha rasatanha photthabbatanha dhammatanha. Rupe tanha rupatanha.
Sa eva kamatanhadibhedena anekabhedatta rasatthena kayoti vutta. Evam sesesupi.
Satta anusayati kamaraganusayo patighanusayo mananusayo ditthanusayo
vicikicchanusayo bhavaraganusayo avijjanusayo. Appahinatthena anusentiti anusaya.
Kamesu rago kamarago, kamo eva va ragoti kamarago. Arammanasmim
patihannatiti patigham. Ayathavadassanatthena ditthi. Seyyadivasena mannatiti mano.
Bhavesu rago bhavarago. Thamagato kamarago kamaraganusayo. Evam sesesupi.
Attha micchattati micchaditthi micchasankappo micchavaca micchakammanto
micchaajivo micchavayamo micchasati micchasamadhi. "hitasukhavaha me bhavissanti"ti
evam asisitapi 1- tathaabhavato asubhadisuyeva subhantiadiviparitappavattito ca
@Footnote: 1 Si. asisatopi
---------------------------------------------------------------------------------------------
page130.
Micchasabhavati micchatta. Miccha passati, miccha va etaya passantiti miccha-
ditthi. Atha va viparita ditthiti micchaditthi, ayathavaditthiti va micchaditthi,
virajjhitva gahanato va vitatha ditthaditthi, anatthavahatta panditehi kucchita
ditthiti va micchaditthi. Micchasankappadisupi eseva nayo. Micchaditthiti sassa-
tucchedabhiniveso. Micchasankappoti kamavitakkaditividho vitakko. Micchavacati
musavadadicatubbidha cetana. Micchakammantoti panatipataditividha cetana. Miccha-
ajivoti micchajivapayogasamutthapika cetana. Micchavayamoti akusalacittasampayuttam
viriyam. Micchasatiti satipatipakkhabhuto akusalacittuppado. Micchasamadhiti
akusalasamadhi.
Nava tanhamulakati 1- tanham paticca pariyesana, pariyesanam paticca labho,
labham paticca vinicchayo, vinicchayam paticca chandarago, chandaragam paticca ajjhosanam,
ajjhosanam paticca pariggaho, pariggaham paticca macchariyam, macchariyam paticca arakkho,
arakkhadhikaranam dandadanasatthadanakalahaviggahavivadatuvamtuvampesunnamusavada aneke
papaka akusala dhamma sambhavanti. 1- Ime nava tanhamulaka dhamma. Tanha
mulam etesanti tanhamulaka. Pariyesanadayo akusala eva. Tanham paticcati tanham
nissaya. Pariyesanati rupadiarammanapariyesana. Sa hi tanhaya sati hoti. Labhoti
rupadiarammanapatilabho, so hi pariyesanaya sati hoti. Vinicchayo pana nana-
tanhaditthivitakkavasena catubbidho. Tattha "sukhavinicchayam janna, sukhavinicchayam natva
ajjhattam sukhamanuyunjeyya"ti 2- ayam nanavinicchayo. "vinicchayoti dve vinicchaya
tanhavinicchayo ditthivinicchayo ca"ti 3- evam agatani atthasatatanhavicaritani
tanhavinicchayo. Dvasatthi ditthiyo ditthivinicchayo. "../../bdpicture/chando kho devanaminda
vitakkanidano"ti 4- imasmim pana sutte idha vinicchayoti vutto vitakkoyeva agato.
@Footnote: 1-1 di.maha. 10/103/52, di.pa. 11/359/273 2 Ma.u. 14/323/296
@3 khu.maha. 29/470/319 (sya) 4 di.maha. 10/358/237
---------------------------------------------------------------------------------------------
page131.
Labham labhitva hi itthanittham sundarasundaranca vitakkeneva vinicchinati "ettakam
me ruparammanatthaya bhavissati, ettakam saddadiarammanatthaya, ettakam mayham
bhavissati, ettakam parassa, ettakam paribhunjissami, ettakam nidahissami"ti. Tena
vuttam "labham paticca vinicchayo"ti. Chandaragoti evam akusalavitakkena vitakkite
vatthusmim dubbalarago ca balavarago ca uppajjati. Chandoti ettha dubbala-
ragassadhivacanam, ragoti balavaragassa. Ajjhosananti aham mamati balavasannitthanam.
Pariggahoti tanhaditthivasena pariggahakaranam. Macchariyanti parehi sadharanabhavassa
asahanata. Tenevassa porana evam vacanattham vadanti "idam acchariyam mayhameva
hotu, ma annassa acchariyam hotuti pavattatta macchariyanti vuccati"ti. Arakkhoti
dvarapidahanamanjusagopanadivasena sutthu rakkhanam. Adhikarotiti adhikaranam. Karanassetam
namam. Arakkhadhikarananti bhavanapumsakam, arakkhahetuti attho. Dandadanadisu
paranisedhanattham dandassa adanam dandadanam. Ekatodharadino satthassa adanam
satthadanam. Kayakalahopi vacakalahopi kalaho. Purimo purimo virodho viggaho.
Pacchimo pacchimo vivado. Tuvamtuvanti agaravavasena tuvamtuvamvacanam.
Dasa micchattati micchaditthi .pe. Micchasamadhi micchananam micchavimutti.
Tattha micchanananti papakiriyasu upayacintavasena papam katva katam 1- mayati
paccavekkhanakarena ca uppanno moho. Micchavimuttiti avimuttasseva sato
vimuttisannita.
[24] Idani anekabhedena pahanena pahatabbe dassetum dve
pahananitiadi araddham. Pahanesu hi vinnatesu tena tena pahatabba dhamma
suvinneyya honti. Pancasu pahanesu lokikani ca dve pahanani appayogam
nissaranappahananca thapetva sappayoganeva dve lokuttarapahanani pathamam
@Footnote: 1 cha.Ma. sukatam
---------------------------------------------------------------------------------------------
page132.
Vuttani. Samma ucchijjanti etena kilesati samucchedo, pahiyanti etena
kilesati pahanam, samucchedasankhatam pahanam, na sesappahananti samucchedappahanam.
Kilesanam patippassaddhatta patippassaddhi, pahinatta pahanam, patippassaddhisankhatam
pahanam patippassaddhippahanam. Lokam uttaratiti lokuttaro. Nibbanasankhatam khayam
gacchatiti khayagami, khayagami ca so maggo cati khayagamimaggo, tam bhavayato so maggo
samucchedappahananti attho. Tatha phalakkhane lokuttaraphalameva patippassaddhippahanam.
Kamanametam nissaranantiadisu kamato rupato sankhatato nissaranti etenati
nissaranam, tehi va nissatatta 1- nissaranam. Asubhajjhanam. Kamehi nikkhantatta
nekkhammam. Anagamimaggo va. Asubhajjhanam hi vikkhambhanato kamanam nissaranam,
tam jhanam padakam katva uppaditaanagamimaggo pana samucchedato sabbaso kamanam
accantanissaranam. Ruppatiti rupam, na rupam arupam mittapatipakkha amitta viya,
lobhadipatipakkha alobhadayo viya ca rupapatipakkhoti attho. Phalavasena va
natthettha rupanti arupam, arupameva aruppam. Arupajjhanani. Tani rupanam
nissaranam nama. Arupehipi arahattamaggo puna uppattinivaranato sabbaso rupanam
nissaranam nama. Bhutanti jatam. Sankhatanti paccayehi sangamma katam.
Paticcasamuppannanti te te paccaye paticca samma saha ca uppannam. Pathamena
sanjatattadipanena aniccata, dutiyena aniccassapi sato paccayanubhavadipanena
parayattata, tatiyena parayattassapi sato paccayanam abyaparattadipanena evam
dhammata dipita hoti. Nirodhoti nibbanam. Nibbananhi agamma dukkham nirujjhatiti
nirodhoti vuccati. So eva ca sabbasankhatato nissatatta tassa sankhatassa nissaranam
nama. Atthakathayam pana:-
@Footnote: 1 Si.,Ma. nissaranatta
---------------------------------------------------------------------------------------------
page133.
"nirodho tassa nissarananti idha arahattaphalam nirodhoti adhippetam.
Arahattaphalena hi nibbane ditthe puna ayatim sabbasankhara na
hontiti arahattasankhatassa nirodhassa paccayatta nirodhoti vuttan"ti
vuttam.
Nekkhammam patiladdhassatiadisu asubhajjhanassa nissaranatte vikkhambhanap-
pahanena, anagamimaggassa nissaranatte samucchedappahanena kama pahina ceva
honti pariccatta ca. Arupajjhananam nissaranatte ca arahattamaggassa nissaranatte
ca evameva rupa yojetabba. Rupesu hi chandaragappahanena rupanam samucchedo
hoti. Rupati cettha lingavipallaso kato. Nibbanassa nissaranatte nissaranap-
pahanena, arahattaphalassa nissaranatte patippassaddhippahanena sankhara pahina
ceva honti pariccatta ca. Nibbanassa ca nissaranatte arammanakaranavasena
patilabho veditabbo.
Dukkhasaccantiadisu parinnapativedhantiadi bhavanapumsakavacanam. Parinnaya
pativedho parinnapativedho. Tam parinnapativedham. Esa nayo sesesupi. Pajahatiti
tatha tatha pativijjhanto pahatabbe kilese pajahatiti attho gahetabbo. Lokiya-
lokuttaresupi chandaragappahanena va tani pajahatiti attho. Pajahatitipi patho.
Yatha nava apubbam acarimam ekakkhane cattari kiccani karoti, orimam tiram
pajahati, sotam chindati, bhandam vahati, parimam tiram appeti, evamevam maggananam
apubbam acarimam ekakkhane cattari saccani abhisameti, dukkham parinnabhisamayena
abhisameti, samudayam pahanabhisamayena abhisameti, maggam bhavanabhisamayena abhisameti,
nirodham sacchikiriyabhisamayena abhisameti. Kim vuttam hoti? "nirodham arammanam katva
cattari saccani papunati passati pativijjhati"ti 1- vuttatta ekakkhanepi visum
visum viya pahanani vuttaniti veditabbani.
@Footnote: 1 visuddhi. 3/344-5 (sya)
---------------------------------------------------------------------------------------------
page134.
Pancasu pahanesu yam sasevale udake pakkhittena ghatena sevalassa viya
tena tena lokiyasamadhina nivaranadinam paccanikadhammanam vikkhambhanam durikaranam, idam
vikkhambhanappahanam nama. Vikkhambhanappahananca nivarananam pathamam jhanam bhavayatoti
nivarananamyeva pahanam 1- pakatatta vuttanti veditabbam. Nivaranani hi jhanassa
pubbabhagepi pacchabhagepi na sahasa cittam ajjhottharanti, ajjhotthatesu ca tesu
jhanam parihayati, vitakkadayo pana dutiyajjhanadito pubbe paccha ca appatipakkha
hutva pavattanti. Tasma nivarananam vikkhambhanam sakatam. Yam pana rattibhage
samujjalitena padipena andhakarassa viya tena tena vipassanaya avayavabhutena
jhanangena patipakkhavaseneva tassa tassa ca pahatabbadhammassa pahanam, idam
tadangappahanam nama. Tadangappahananca ditthigatanam nibbedhabhagiyam samadhim
bhavayatoti ditthigatanamyeva pahanam olarikavasena vuttanti veditabbam. Ditthigatam
hi olarikam. Niccasannadayo sukhuma. Tattha ditthigatananti ditthiyeva ditthigatam
"guthagatam muttagatan"tiadini 2- viya. Gantabbabhavato 3- ca ditthiya gatamatta-
mevetantipi ditthigatam, dvasatthiditthisu antogadhatta ditthisu gatantipi
ditthigatam. Bahuvacanena tesam ditthigatanam. Nibbedhabhagiyam samadhinti
vipassanasampayuttam samadhim. Yam pana asanivicakkabhihatassa rukkhassa viya ariyamaggananena
samyojananam dhammanam yatha na puna pavattati, evam pahanam, idam samucchedappahanam nama.
Nirodho nibbananti nirodhasankhatam nibbanam.
Evam pahanavasena pahatabbe dhamme dassetva idani sarupeneva puna
pahatabbe dhamme dassetum sabbam bhikkhave pahatabbantiadimaha. Tattha
cakkhadini chandaragappahanena pahatabbani. Rupam passanto pajahatitiadisu rupam
aniccadito passanto pahatabbe kilese pajahati. Cakkhum .pe. Jaramanam .pe.
@Footnote: 1 Ma. pahanassa 2 an.navaka. 23/215 (sya) 3 Si.,ka. gantabbabhavato
---------------------------------------------------------------------------------------------
page135.
Amatogadham nibbananti peyyaladvaye anannatannassamitindriyam "passanto
pajahati"tiadisu tesu lokuttaresu anannatannassamitindriyam passanto
udikkhanto apekkhamano icchamano vipassanakkhanesu pahatabbe kilese pajahatiti
tamtamdhammanurupena yojetabbam.
Pahatabbaniddesavannana nitthita.
------------
The Pali Atthakatha in Roman Book 47 page 127-135.
http://84000.org/tipitaka/atthapali/read_rm.php?B=47&A=2836&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=47&A=2836&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=31&i=64
เนื้อความพระไตรปิฎกฉบับหลวง :-
http://84000.org/tipitaka/read/r.php?B=31&A=515
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=31&A=729
The Pali Tipitaka in Roman Character :-
http://84000.org/tipitaka/read/roman_read.php?B=31&A=729
Contents of The Tipitaka Volume 31
http://84000.org/tipitaka/read/?index_31
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]