|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Punnamantaniputtattherapadanavannana ajjhayako mantadharotiadikam ayasmato punnassa mantaniputtattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato uppattito puretarameva hamsavatinagare brahmanamahasalakule nibbattitva anukkameneva 1- vinnutam patto. Aparabhage padumuttare bhagavati uppajjitva bodhaneyyanam dhammam desente hettha vuttanayena mahajanena saddhim viharam gantva parisapariyante nisiditva dhammam sunanto sattharam ekam bhikkhum dhammakathikanam aggatthane thapentam disva "mayapi anagate evarupena bhavitum vattati"ti cintetva desanavasane utthitaya parisaya sattharam upasankamitva nimantetva hettha vuttanayena mahasakkaram katva bhagavantam evamaha "bhante aham imina adhikarena na annam sampattim patthemi, yatha paneso bhikkhu sattamadivasamatthake tumhehi dhammakathikanam aggatthane thapito, evam ahampi anagate ekassa buddhassa sasane dhammakathikanam aggo bhaveyyan"ti patthanam akasi. Sattha anagatam olokento tassa patthanaya samijjhanabhavam disva "anagate kappasatasahassamatthake gotamo nama buddho uppajjissati, tassa sasane pabbajitva tvam dhammakathikanam aggo bhavissasi"ti byakasi. So yavatayukam kalyanakammam katva tato cuto kaspasatasahassam punnasambharam sambharanto devamanussesu samsaritva amhakam bhagavato kale kapilavatthunagarassa avidure donavatthunamake brahmanagame brahmanamahasalakule annasikondannattherassa 2- bhagineyyo hutva nibbatti, tassa punnoti namam akamsu. So satthari abhisambodhim patva pavattitavaradhammacakke anukkamena rajagaham upanissaya viharante annasikondannassa santike pabbajitva laddhupasampado padhanamanuyunjanto sabbam pabbajitakiccam matkakam papetva @Footnote: 1 cha.Ma. anukkamena. 2 Si.,i. annakondannattherassa, Ma. @annatakondannattherassa.--------------------------------------------------------------------------------------------- page329.
"dasabalassa santikam gamissami"ti matulattherena saddhim satthu santikam agantva kapilavatthusamantayeva ohiyitva yoniso manasikare kammam karonto nacirasseva vipassanam ussukkapetva arahattam papuni. Tassa pana punnattherassa santike pabbajita kulaputta pancasata ahesum. Thero te dasakathavatthuhi ovadi. Tepi sabbe dasakathavatthuhi ovadita tassa ovade thatva arahattam papunitva attano pabbajitakiccam matthakappattam natva upajjhayam upasankamitva ahamsu "bhante mayam pabbajitakiccassa matthakam patta, dasannanca kathavatthunam labhino, samayo dani no dasabalam passitun"ti, thero tesam vacanam sutva cintesi "mayham dasakathavatthulabhitam sattha janati. Aham dhammam desento dasakathavatthuni amuncitvava desemi, mayi ca gacchante sabbepi me bhikkhu mam parivaretva gacchissanti, evam me ganena saddhim gantva ayuttam dasabalam passitum, ime tava dasabalam passitum gacchantu"ti. Atha te evamaha "avuso tumhe purato gantva dasabalam passatha, mama vacanena tathagatassa pade vandatha, ahampi tumhakam gatamaggena agacchissami"ti. Tepi thera sabbe dasabalassa jatibhumiratthavasino sabbe khinasava sabbe dasakathavatthulabhino upajjhayassa ovadam acchinditva theram vanditva anupubbena carikam caranta satthiyojanamaggam atikkamma rajagahe veluvanamahaviharam gantva dasabalassa pade vanditva ekamantam nisidimsu. Acinnam kho panetam buddhanam bhagavantanam agantukehi bhikkhuhi saddhim patisammoditunti bhagava tehi saddhim "kacci bhikkhave khamaniyan"tiadina nayena madhurapatisantharam katva "kuto ca tumhe bhikkhave agatattha"ti pucchitva puna tehi "jatibhumito"ti vutte "ko nu kho bhikkhave jatibhumiyam jatibhumakanam bhikkhunam sabrahmacarinam evam sambhavito `attana ca appiccho appicchakathanca bhikkhunam katta'ti "1- dasakathavatthulabhim bhikkhum pucchi. Tepi "punno nama bhante ayasma mantaniputto"ti arocayimsu. @Footnote: 1 Ma. mu. 12/252/215.--------------------------------------------------------------------------------------------- page330.
Tesam katham sutva ayasma sariputto theram dassanakamo ahosi. Atha sattha rajagahato savatthim agamasi. Punnattheropi dasabalassa tattha agatabhavam sutva "sattharam passissami"ti gantva anto gandhakutiyamyeva tathagatam sampapuni. Sattha tassa dhammam desesi. Thero dhammam sutva dasabalam vanditva patisallanatthaya andhavanam gantva annatarasmim rukkhamule divaviharam nisidi. Sariputtattheropi tassagamanam sutva sisanulokiko gantva okasam sallakkhetva tasmim rukkhamule nisinnakam upasankamitva therena saddhim sammoditva tam visuddhikkamam 1- pucchi. Sopissa pucchitapucchitam byakaronto rathavinitupamaya ativiya cittam aradhesi, te annamannassa subhasitam samanumodimsu. [434] Atha nam sattha aparabhage bhikkhusamghassa majjhe nisinno theram "etadaggam bhikkhave mama savakanam bhikkhunam dhammakathikanam yadidam punno"ti 2- etadagge thapesi. So pubbakammam saritva somanassavasena pubbacaritapadanam vibhavento ajjhayakotiadimaha. Tattha ajjhayakoti anekabrahmananam vaceta sikkhapeta. Mantadharoti mantanam dharetati attho, vedasankhatassa catutthavedassa sajjhayanasavanadananam vasena dharetati vuttam hoti. Tinnam vedananti iruvedayajuvedasamavedasankhatanam tinnam vedanam nanena dharetabbatta "vedo"ti laddhanamesu tisu vedaganthesu param pariyosanam gatoti attho. Purakkhatomhi sissehiti mama niccaparivarabhutehi sissehi parivuto aham amhi. Upagacchim naruttamanti naranam uttamam bhagavantam upasankamim, samipam gatoti attho. Sesam suvinneyyameva. [438] Abhidhammanayannuhanti 3- aham tada tassa buddhassa kale abhidhammanayakovidoti attho. Kathavatthuvisuddhiyati kathavatthuppakarane visuddhiya cheko, appicchasantutthikathadisu dasasu kathavatthusu va cheko, taya kathavatthuvisuddhiya @Footnote: 1 Ma. mu. 12/257/217. 2 an. ekaka. 20/196/23. 3 pali. abhidhammanayannoham.--------------------------------------------------------------------------------------------- page331.
Sabbesam yatijananam 1- panditanam vinnapetvana bodhetvana anasavo nikkileso viharami vasam kappemi. [439] Ito pancasate kappeti ito pancabuddhapatimanditato bhaddakappato pancasate kappe suppakasaka sutthu pakata cakkaratanadisattahi ratanehi sampanna jambudipadicatudipamhi issara padhana caturo cattaro cakkavattirajano ahesunti attho. Sesam vuttanayamevati. Punnamantaniputtattherapadanavannana nitthita. --------------The Pali Atthakatha in Roman Book 49 page 328-331. http://84000.org/tipitaka/atthapali/read_rm.php?B=49&A=8197&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=49&A=8197&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=32&i=7 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=783 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1085 The Pali Tipitaka in Roman Character :- http://84000.org/tipitaka/read/roman_read.php?B=32&A=1085 Contents of The Tipitaka Volume 32 http://84000.org/tipitaka/read/?index_32
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]