บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
91. 9. Bodhisincakattherapadanavannana vipassissa bhagavatotiadikam ayasmato bodhisincakattherassa apadanam. Ayampi purimabuddhesu katadhikaro anekasu jatisu vivattupanissayani punnani upacinanto vipassissa bhagavato kale kulagehe nibbatto sasane pabbajitva vattapatipattiya sasanam sobhayanto mahajane bodhipujam kurumane disva anekani pupphani sugandhodakani ca gahapetva pujesi. So tena punnena devaloke nibbatto cha kamavacarasampattiyo anubhavitva imasmim buddhuppade kulagehe nibbatto vuddhimanvaya saddhajato pabbajitva nacirasseva araha ahosi. [46] So araha hutva jhanaphalasukhena vitinametva pubbakammam saritva somanassajato pubbacaritapadanam pakasento vipassissa bhagavatotiadimaha. Tattha visesam paramattham 1- nibbanam passatiti vipassi, visesena bhabbabhabbajane passatiti va vipassi, vipassanto catusaccam passanadakkhanasiloti va vipassi, tassa vipassissa bhagavato mahabodhimaho ahuti sambandho. Tatrapi mahabodhiti bodhi vucacati catusu maggesu nanam, tamettha nisinno bhagava pativijjhatiti kanikarapadaparukkhopi bodhicceva vuccati, mahito ca so devabrahmanarasurehi bodhi ceti mahabodhi, mahato buddhassa bhagavato bodhiti va mahabodhi, tassa maho puja ahositi attho. Sesam sabbattha uttanatthamevati. Bodhisincakattherapadanavannana nitthita. ---------------- @Footnote: 1 Si. visesato paramam.The Pali Atthakatha in Roman Book 50 page 136. http://84000.org/tipitaka/atthapali/read_rm.php?B=50&A=2941&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2941&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=91 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3098 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3855 The Pali Tipitaka in Roman Character :- http://84000.org/tipitaka/read/roman_read.php?B=32&A=3855 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]