AtthaPali Vol.50

98. 6. Tipupphiyattherapadanavannana migaluddo pure asintiadikam ayasmato tipupphiyattherassa apadanam. Ayampi purimabuddhesu katadhikaro antara kenaci akusalacchiddena vipassissa bhagavato kale nesadakule nibbatto migaluddo hutva aranne viharati. Tada vipassissa bhagavato patalibodhim sampunnapattapallavam haritavannam nilobhasam manoramam disva tihi pupphehi pujetva puranapattam chaddetva bhagavato sammukha viya patalimahabodhim vandi. So tena punnena tato cuto devaloke uppanno tattha dibbasampattim aparaparam anubhavitva tato cuto manussesu jato tattha cakkavattisampattiadayo anubhavitva imasmim buddhuppade ekasmim kulagehe nibbatto vuddhimanvaya satthu dhammadesanam sutva patiladdhasomanassahadayo geham pahaya pabbajitva nacirasseva araha ahosi. [31] So evam siddhippatto attano pubbakammam saritva somanassajato pubbacaritapadanam pakasento migaluddo pure asintiadimaha. Tattha maranaya gacchati papunatiti migo, atha va magayamano ihati pavattatiti migo, miganam marane luddo lobhi gedhoti migaluddo, pure mayham punnakaranasamaye kananasankhate mahaaranne migaluddo asinti sambandho. Patalim haritam disvati tattha pakarena talena ^1- rattavannena bhavatiti patali, pupphanam rattavannataya @Footnote: ¹ Si.,Ma. paleti. Pataliti voharo, pattanam haritataya haritam nilavannam patalibodhim disvati attho. Sesam sabbattha uttanatthamevati. Tipupphiyattherapadanavannana nitthita. --------------

The Pali Atthakatha in Roman Book 50 page 142-143. http://84000.org/tipitaka/atthapali/read_rm.php?B=50&A=3074&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3074&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=98 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3209 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3980 The Pali Tipitaka in Roman Character :- http://84000.org/tipitaka/read/roman_read.php?B=32&A=3980 Contents of The Tipitaka Volume 32 http://84000.org/tipitaka/read/?index_32