AtthaPali Vol.50

19. 7. Upasenavangantaputtattherapadanavannana padumuttaram bhagavantantiadikam ayasmato upasenavangantaputtattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare kulagehe nibbattitva vayappatto satthu santikam gantva dhammam sunanto sattharam ekam @Footnote: ¹ pali. camaririva. ² Si.,Ma. chindanabhayena. ³ pali. dakkhi. Bhikkhum samantapasadikanam aggatthane thapentam disva satthu adhikarakammam katva tam thanantaram patthetva yavajivam kusalam katva devamanussesu samsaranto imasmim buddhuppade nalakagame rupasari brahmaniya kucchimhi nibbatti, upasenotissa namam ahosi. So vayappatto tayo vede ugganhitva satthu santike dhammam sutva patiladdhasaddho pabbajitva upasampadaya ekavassiko "ariyagabbham ^1- vaddhemi"ti ekam kulaputtam attano santike upasampadetva tena saddhim satthu santikam gato satthara cassa tassa avassikassa bhikkhuno saddhiviharikabhavam sutva "atilahum kho tvam moghapurisa bahullaya avatto"ti ^2- garahito "idanaham yadi parisam nissaya satthara garahito, parisamyeva pana nissaya satthu pasadam karissami"ti vipassanaya kammam karonto nacirasseva arahattam papuni. Araha pana hutva sayampi sabbe dhutangadhamme samadaya vattati, annepi tadatthaya samadapesi, tena nam bhagava samantapasadikanam aggatthane thapesi, so aparena samayena kosambiyam kalahe uppanne bhikkhusamghe ca dvidhabhute ekena bhikkhuna tam kalaham parivajjitukamena "etarahi kho kalaho uppanno, bhikkhusamgho ca dvidha bhuto, katham nu kho maya patipajjitabban"ti puttho vivekavasato patthaya tassa patipattim kathesi evam thero tassa bhikkhuno ovadadanapadesena attano tatha patipannabhavam dipento annam byakasi. [86] So evam pattaetadaggatthano attano pubbakammam saritva somanassavasena pubbacaritapadanam pakasento padumuttaram bhagavantantiadimaha. Pabbharamhi nisidantanti ^3- purato bharam namitam onamitanti pabbharam vivekakamam vanamajjhe sayamjatapabbatapabbhare nisinnam naruttamam bhagavantam aham upagacchim samipam gatoti attho. @Footnote: ¹ Si. acariyagabbham. ² vi.maha. 4/75/76. ³ pali. nisinnam tam. [87] Kanikarapuppha ^1- disvati tatha upagacchanto tasmim padese supupphitam kanikaram disva. Vante chetvanaham ^2- tadati tasmim tathagatassa ditthakale tam puppham vante vantasmim chetvana chinditvana. Alankaritva chattamhiti tena pupphena chattam chadetva. ^3- Buddhassa abhiropayinti pabbhare nisinnassa buddhassa muddhani akasinti attho. [88] Pindapatanca padasinti tasmimyeva nisinnassa bhagavato pindapatam pakarena adasim bhojesinti attho. Paramannam subhojananti sundarabhojanasankhatam paramannam uttamaharam. Buddhena navame tatthati tasmim vivekatthane buddhena saha navame attha samane samitapape khinasavabhikkhu bhojesinti attho. Yam vadanti sumedhoti yam gotamasammasambuddham bhuripannam pathavisamanam pannam sumedham sundaram sabbannutadipannavantam. Sumedho iti sundarapanno iti vadanti pandita ito kappato satasahasse kappe eso gotamo sammasambuddho bhavissatiti sambandho. Sesam suvinneyyamevati. Upasenavangantaputtattherapadanavannana nitthita. -------------

The Pali Atthakatha in Roman Book 50 page 20-22. http://84000.org/tipitaka/atthapali/read_rm.php?B=50&A=435&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=435&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=19 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1380 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1817 The Pali Tipitaka in Roman Character :- http://84000.org/tipitaka/read/roman_read.php?B=32&A=1817 Contents of The Tipitaka Volume 32 http://84000.org/tipitaka/read/?index_32