AtthaPali Vol.50

162. 10. Kumudadayakattherapadanavannana himavantassaviduretiadikam ayasmato kumudadayakattherassa apadanam. Ayampi thero purimabuddhesu katadhikaro anekesu bhavesu vivattupanissayani punnani upacinanto padumuttarassa bhagavato kale himavantassa asanne mahante jatassare kukuttho nama pakkhi hutva nibbatto kenaci akusalena pakkhi samanopi pubbe katasambharena buddhisampanno punnapunnesu cheko silava panagocarato pativirato ahosi. Tasmim samaye padumuttaro bhagava akasenagantva tassa samipe cankamati. Atha so sakuno bhagavantam disva pasannacitto kumudapuppham damsitva bhagavato padamule pujesi. Bhagava tassa somanassuppadanattham patiggahetva anumodanam akasi. [51] So tena punanena devamanussesu ubhayasampattisukham anubhavitva imasmim savatthiyam annatarasmim kule nibbatto vuddhimanvaya mahaddhano mahabhogo buddhuppade ratanattaye pasanno satthu dhammadesanam sutva patiladdhasaddho pabbajitva nacirasseva araha hutva attano pubbakammam paccakkhato natva somanassajato pubbacaritapadanam pakasento himavantassaviduretiadimaha. Padumuppalasanchannoti ettha satapattehi sampunno setapadumo ca tini Nilarattasetuppalani ca padumuppalani tehi sanchanno gahanibhuto sampunno mahajatassaro ahuti sambandho. Pundarikasamotthatoti ^1- pundarikehi rattapadumehi otthato sampunnoti attho. Sesam suvinneyyamevati. Kumudadayakattherapadanavannana nitthita. Solasamavaggavannana nitthita. ----------- @Footnote: ¹ pali. pundarikasamohito.

The Pali Atthakatha in Roman Book 50 page 203-204. http://84000.org/tipitaka/atthapali/read_rm.php?B=50&A=4396&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4396&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=162 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4366 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5288 The Pali Tipitaka in Roman Character :- http://84000.org/tipitaka/read/roman_read.php?B=32&A=5288 Contents of The Tipitaka Volume 32 http://84000.org/tipitaka/read/?index_32