AtthaPali Vol.50

17. Suparicariyavagga 163. 1. suparicariyattherapadanavannana padumo nama namenatiadikam ayasmato suparicariyattherassa apadanam. Ayampi purimamunipungavesu katadhikaro tattha tattha bhave vivattupanissayani punnani upacinanto padumuttarassa bhagavato kale yakkhayoniyam nibbatto himavati yakkhasamagamam gato bhagavato devayakkhagandhabbanaganam dhammadesanam sutva pasannamanaso ubho hatthe abhujitva apphotesi namassi ca. So tena punnena tato cuto upari devaloke uppanno tattha dibbasukham anubhavitva manussesu ca cakkavattiadisampattiyo anubhavitva imasmim buddhuppade savatthiyam gahapatikule nibbatto addho mahaddhano mahabhogo ratanattaye pasanno satthu dhammadesanam sutva saddhajato pabbajitva nacirasseva arahattam papuni. [1] So ekadivasam attano pubbakammam saritva somanassajato pubbacaritapadanam pakasento padumo nama namenatiadimaha. Tattha padumoti yassa padanikkhepasamaye pathavim bhinditva padumam uggantva padatalam sampaticchati, tena sannanena so bhagava padumoti sankham gato, idha padumuttaro bhagava adhippeto. So bhagava pavana vasanavihara abhinikkhamma vanamajjham pavisitva dhammam desesiti ^1- sambandho. Yakkhanam samayoti devanam samagamo asi ahositi attho. Ajjhapekkhimsu tavadeti tasmim desanakale adhiapekkhimsu, visesena passanasila ahesunti attho. Sesam pakatamevati. Suparicariyattherapadanavannana nitthita. ------------ @Footnote: ¹ cha.Ma. desetiti.

The Pali Atthakatha in Roman Book 50 page 205. http://84000.org/tipitaka/atthapali/read_rm.php?B=50&A=4419&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4419&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=163 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4392 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5314 The Pali Tipitaka in Roman Character :- http://84000.org/tipitaka/read/roman_read.php?B=32&A=5314 Contents of The Tipitaka Volume 32 http://84000.org/tipitaka/read/?index_32