|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
534/122. 2. Vakkalittherapadanavannana
dutiyapadane ito satasahassamhitiadikam ayasmato vakkalittherassa
apadanam. Ayampi thero purimajinavaresu katadhikaro tattha tattha bhave
@Footnote: 1 am.ekaka. 20/197/23.
Vivattupanissayani punnani upacinanto padumuttarassa bhagavato kale hamsavatinagare
kulagehe nibbatto vinnutam patto satthu santikam gacchantehi upasakehi
saddhim viharam gantva parisapariyante thito dhammam sunanto satthara ekam
bhikkhum saddhadhimuttanam aggatthane thapitam disva sayampi tam thanantaram
patthento sattaham buddhappamukhassa bhikkhusamghassa mahadanam datva panidhanam
akasi. Sattha tassa anantarayam disva byakasi. 1-
So yavajivam kusalam katva devamanussesu samsaranto amhakam bhagavato
kale savatthiyam brahmanakule nibbatti, tassa vakkaliti namam karimsu. Tattha
kaliti aparadhatilakalakadidosassa adhivacanam. Niddhantasuvannapindasadisataya
apagato byapagato kali doso assati vakaragamam katva vakkaliti vuccati.
So vuddhippatto tayo vede ugganhitva brahmanasippesu nipphattim gato,
sattharam disva rupakayasampattidassanena atitto satthara saddhimyeva vicarati.
"agaramajjhe vasanto niccakalam satthu dassanam na labhissami"ti satthu
santike pabbajitva thapetva bhojanakalam sarirakiccakalanca sesakale yattha
thitena sakka dasabalam passitum, tattha thito annam kiccam pahaya bhagavantam
olokentoyeva viharati. Sattha tassa nanaparipakam agamento bahukalam
tasmim rupadassaneneva vicarante kinci avatva punekadivasam "kim te vakkali
imina putikayena ditthena, yo kho vakkali dhammam passati so mam passati,
yo mam passati, so dhammam passati. Dhammam hi vakkali passanto mam passati"ti 2- aha.
Satthari evam vadantepi thero satthu dassanam pahaya annattha gantum na
sakkoti. Tato sattha "nayam bhikkhu samvegam alabhitva bujjhissati"ti
@Footnote: 1 cha.Ma. byakari. 2 sam.kha. 17/87/96.
Vassupanayikadivase "apehi vakkali"ti theram panamesi. So satthara panamito
satthu sammukhe thatum asakkonto "kim mayham jivitena, yoham sattharam datthum
na labhami"ti gijjhakute pabbate papatatthanam abhiruhi. Sattha tassa tam pavattim
natva "ayam bhikkhu mama santika assasam alabhanto maggaphalanam upanissayam
naseyya"ti attanam dassetva obhasam vissajjento:-
"pamojjabahulo bhikkhu pasanno buddhasasane
adhigacche padam santam sankharupasamam sukhan"ti 1-
gatham vatva "ehi vakkali"ti 2- hattham pasaresi. Thero "dasabalo me dittho,
`ehi'ti avhayanampi laddhan"ti balavapitisomanassam uppadetva "kuto
gacchami"ti attano gamanabhavam ajanitvava satthu sammukhe akase pakkhanditva
pathamena padena pabbate thitoyeva satthara vuttagathayo avajjento
akaseyeva pitim vikkhambhetva saha patisambhidahi arahattam papuniti anguttarattha-
kathayam 3- dhammapadavannanayanca 2- agatam.
Idha pana evam veditabbam 4-:- "kim te vakkali"tiadina satthara
ovadito gijjhakute viharanto vipassanam patthapesi, tassa saddhaya balavabhavato
eva vipassana vithim na otarati. Bhagava tam natva kammatthanam sodhetva
adasi. So puna vipassanam matthakam papetum nasakkhiyeva. Athassa aharavekallena
vatabadho uppajji, tam vatabadhena piliyamanam natva bhagava tattha gantva
pucchanto:-
"vatarogabhinito tvam viharam kanane vane
paviddhagocare lukhe katham bhikkhu karissasi"ti 5-
@Footnote: 1 khu.dha. 25/381/83. 2 dhammapada.A. 8/84 (sya).
@3 mano. pu. 1/224. 4 thera.A. 2/66. 5 khu.thera. 26/350-54/325.
Aha. Tam sutva thero:-
"pitisukhena vipulena pharamano samussayam
lukhampi abhisambhonto viharissami kanane.
Bhavento satipatthane indriyani balani ca
bojjhangani ca bhavento viharissami kanane.
Araddhaviriye pahitatte niccam dalhaparakkame
samagge sahite disva viharissami kanane.
Anussaranto sambuddham aggam dantam samahitam
atandito rattindivam viharissami kanane"ti 1-
catasso gathayo abhasi. Tasam attho theragathavannanayam 2- vuttoyeva. Evam
thero vipassanam ussukkapetva arahattam papuni.
[28] So arahattam patva attano pubbakammam saritva somanassajato
pubbacaritapadanam pakasento ito satasahassamhitiadimaha. Tattha itoti
kakusandhadinam uppannabhaddakappato hettha kappasatasahassamatthaketi attho.
[29] Padumakaravadanoti supupphitapadumasassirikamukho. Padumapattakkhoti
setapadumapupphapannasadisaakkhiti attho.
[30] Padumuttaragandhovati padumagandhamukhoti attho.
[31] Andhanam nayanupamoti cakkhuvirahitanam sattanam nayanasadiso,
dhammadesanaya sabbasattanam pannacakkhadicakkhudayakoti attho. Santavesoti
santasabhavo santairiyapatho. Gunanidhiti gunanam nidhi, sabbagunagananam
@Footnote: 1 khu.thera. 26/350-54/325. 2 thera.A. 2/66.
Nidhanatthanabhutoti attho. Karunamatiakaroti sadhunam cittakampanasankhataya karunaya ca
1- atthanatthaminanaparicchinnamatiya 1- ca akaro adharabhuto.
[32] Brahmasurasuraccitoti brahmehi ca asurehi ca devehi ca accito
pujitoti attho.
[33] Madhurena rutena cati karavikarutamadhurena saddena sakalam janam
ranjayantiti sambandho. Santhavi savakam sakanti attano savakam madhuradhammadesanaya
santhavi, thutim akasiti attho.
[34] Saddhadhimuttoti saddahanasaddhaya sasane adhimutto patitthitoti
attho. Mama dassanalalasoti mayham dassane byavato tapparo. 2-
[35] Tam thanamabhirocayinti tam saddhadhimuttatthanantaram abhirocayim, icchim
patthesinti attho.
[40] Pitamatthanivasananti silitthasuvannavannavatthe nivatthanti attho.
Hemayannopacitanganti suvannapamangalaggitagattanti attho.
[47-48] Nonitasukhumalam manti navanitamiva mudutalunahatthapadam. Jata-
pallavakomalanti asokapallavapattakomalamiva mudukanti attho. Pisacibhayatajjitati
tada evambhutam kumaram mam anna pisaci eka rakkhasi bhayena tajjesi
bhimsapesiti attho. Tada mahesissa sammasambuddhassa padamule mam sayesum
nipajjapesum. Dinamanasa bhitacitta mama matapitaro imam darakam te dadama,
imassa saranam patittha hotu natha nayakati attho. 3-
[49] Tada patiggahi so manti so bhagava tada tasmim mama matuya
dinnakale jalina jalayuttena sankhalakena 4- cakkalakkhanadihi lakkhitena
mudukomalapanina mudukena visuddhena hatthatalena mam aggahesiti attho.
@Footnote: 1-1 Si. suparisudadhaya matiya. 2 Si. parayano.
@3 cha.Ma. sambandho. 4 Si. jalasuttena sankhalankena.
[52] Sabbaparamisambhutanti sabbehi danaparamitadihi sambhutam jatam.
Nilakkhinayanam varam punnasambharajam uttamanilaakkhivantam sabbasubhakinnam sabbena
subhena vannena santhanena akinnam gahanibhutam rupam bhagavato hatthapadasiladirupam
disvati attho. Tittim apatto viharami ahanti sambandho.
[61] Tada mam caranantagoti tasmim mayham arahattam pattakale siladi-
pannarasannam caranadhammanam antago, pariyosanappatto paripurakariti attho.
"maranantago"tipi patho, tassa maranassa antam nibbanam pattoti attho.
Saddhadhimuttanam aggam pannapesiti sambandho. Atha sattha bhikkhusamghamajjhe
nisinno "etadaggam bhikkhave mama savakanam saddhadhimuttanam bhikkhunam yadidam
vakkali"ti 3- mam etadaggatthane thapesiti vuttam hoti. Sesam suvinneyyamevati.
Vakkalittherapadanavannana nitthita.
----------
The Pali Atthakatha in Roman Book 50 page 264-269.
http://84000.org/tipitaka/atthapali/read_rm.php?B=50&A=5642&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=5642&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=32&i=122
เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=3649
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=4474
The Pali Tipitaka in Roman Character :-
http://84000.org/tipitaka/read/roman_read.php?B=32&A=4474
Contents of The Tipitaka Volume 32
http://84000.org/tipitaka/read/?index_32
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]