AtthaPali Vol.50

536/124. 4. Dabbamallaputtattherapadanavannana catutthapadane padumuttaro nama jinotiadikam ayasmato dabbamalla- puttattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare setthiputto hutva jato vibhavasampanno ahosi, satthari pasanno satthu dhammadesanam sunanto sattharam ekam bhikkhum senasanapannapakanam aggatthane thapentam disva pasannamanaso buddhappamukham bhikkhusamgham nimantetva sattaham mahadanam datva sattahaccayena bhagavato padamule nipatitva tam thanam patthesi. Bhagavapissa samijjhanabhavam natva byakasi. So yavajivam kusalam katva tato cuto tusitadisu devesu dibbasampattim anubhavitva tato cuto vipassissa bhagavato kale ekasmim kule nibbatto asappurisasamsaggena tassa savakam bhikkhum arahati janantopi abbhutena abbhacikkhi. Tasseva savakanam khirasalakabhattam adasi. So yavatayukam punnani katva devamanussesu samsaranto ubhayasampattiyo anubhavitva kassapadasabalassa kale kulagehe nibbatto osanakale sasane pabbajito parinibbute bhagavati sakalaloke kolahale jate satta bhikkhavo pabbajito paccantajanapade vanamajjhe ekam pabbatam abhiruhitva "jivitasa orohantu niralaya nisidantu"ti nissenim patesum. Tesam ovadadayako @Footnote: ¹ pali. kathavino. ² pali. baranasisamasanne.

--------------------------------------------------------------------------------------------- page281.

Jetthakatthero sattahabbhantare araha ahosi. Tadanantaratthero anagami, itare panca parisuddhasila tato cuta devaloke nibbatta. Tattha ekam buddhantaram dibbasukham anubhavitva imasmim buddhuppade pukkusati, ^1- sabhiyo, ^2- bahiyo, ^3- kumarakassapoti ^4- ime cattaro tattha nibbattimsu. Ayam pana mallaratthe anupiyanagare ^5- nibbatti. Tasmim matukucchito anikkhanteyeva mata kalamakasi, atheko tassa sariram jhapanatthaya citakasmim aropetva kumaram dabbantare patitam gahetva jaggapesi. Dabbe patitatta dabbo mallaputtoti pakato ahosi. Aparabhage pubbasambharavasena pabbaji, so kammatthanamanuyutto nacirasseva saha patisambhidahi arahattam papuni. Atha nam sattha majjhattabhavena anubhavasampannabhavena ca bhikkhunam senasanam pannapane bhattuddesane ca niyojesi. Sabbo ca bhikkhusamgho tam samannesi. Tam vinayakhandhake ^6- agatameva. Aparabhage thero ekassa varasalakadayakassa salakabhattam mettiyabhumajakanam bhikkhunam uddisi. Te hatthatuttha "sve mayham muggaghatamadhumissakabhattam bhunjissama"ti ussahajata ahesum. So pana upasako tesam varappattabhavam sutva dasim anapesi "ye je bhikkhu sve idha agamissanti, te kanajakena bilangadutiyena parivisahi"ti. Sapi tatheva te bhikkhu agate kotthakappamukhe nisidapetva bhojesi. Te bhikkhu anattamana kopena tatatatayanta there aghatam bandhitva "madhurabhattadayakam amhakam amadhurabhattam dapetum esova niyojesi"ti dukkhi dummana nisidimsu. Atha te mettiya nama bhikkhuni "kim bhante dummana"ti pucchi. Te "bhagini kim amhe dabbena mallaputtena @Footnote: ¹ Ma.u. 14/342/305. ² khu.su. 25/432-42. @³ khu.u. 25/101-4. ⁴ Ma.mu. 12/249-51/211-14. @⁵ i.,Ma. rajagehe. ⁶ vi.cula. 6/222-3.

--------------------------------------------------------------------------------------------- page282.

Vihethiyamane ajjhupekkhasi"ti ahamsu. Kim bhante maya sakka katunti. Tassa dosam aropehiti. Sa tattha tattha therassa abhutaropanam akasi. Tam sutva bhikkhu bhagavato arocesum. Atha bhagava dabbam mallaputtam pakkosapetva "saccam kira tvam dabba mettiyaya bhikkhuniya vippakaramakasi"ti pucchi. Yatha mam bhante bhagava janatiti. Na kho dabba dabba evam nibbedhenti, karakabhavam va akarakabhavam va vadehiti. Akarako aham bhanteti. Bhagava "mettiyam bhikkhunim nasetva te bhikkhu anuyunjatha"ti aha. upalittherappamukha bhikkhu tam bhikkhunim uppabbajetva mettiyabhumajake bhikkhu anuyunjitva tehi "amhehi niyojita sa bhikkhuni"ti vutte bhagavato etamattham arocesum. Bhagava mettiyabhumajakanam bhikkhunam amulakasamghadisesam pannapesi. Tena ca samayena dabbatthero bhikkhunam senasanam pannapento veluvana- viharassa samanta attharasamahavihare sabhage bhikkhu pesento rattibhage andhakare anguliya padipam jaletva tenevalokena aniddhimante bhikkhu pesesi. Evam therassa senasanapannapanabhattuddesanakicce pakate jate sattha ariyaganamajjhe dabbattheram thanantare thapento "etadaggam bhikkhave mama savakanam bhikkhunam senasanapannapakanam yadidam dabbo mallaputto"ti ^1- etadagge thapesi. [108] Thero attano pubbakammam saritva somanassajato pubbacaritapadanam pakasento padumuttaro nama jinotiadimaha. Tam sabbam hettha vuttatthameva. Ito ekanavute kappe vipassi nama nayako loke uppajjiti sambandho. @Footnote: ¹ an. ekaka. 20/214/24.

--------------------------------------------------------------------------------------------- page283.

[125] Dutthacittoti dusitacitto asadhusangamena apasannacittoti attho. Upavadim savakam tassati tassa bhagavato khinasavam savakam upavadim, upari abhutam vacanam aropesim, abbhakkhanam akasinti attho. [132] Dundubhiyoti dundum iti saddayanato dundubhisankhata bheriyo. Nadayimsuti saddam karimsu. Samantato asaniyoti sabbadisabhagato asane vinasane niyuttoti asaniyo. Devadanda bhayavaha phalimsuti sambandho. [133] Ukka patimsu nabhasati akasato aggikkhandha ca patimsuti attho. Dhumaketu ca dissatiti dhumarajisahito aggikkhandho ca dissati pannayatiti attho. Sesam suvinneyyamevati. Dabbamallaputtattherapadanavannana nitthita. ----------------

The Pali Atthakatha in Roman Book 50 page 280-283. http://84000.org/tipitaka/atthapali/read_rm.php?B=50&A=6004&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=6004&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=32&i=124 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3699 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4527 The Pali Tipitaka in Roman Character :- http://84000.org/tipitaka/read/roman_read.php?B=32&A=4527 Contents of The Tipitaka Volume 32 http://84000.org/tipitaka/read/?index_32