|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Bhuridattacariyavannana
[11] "punaparam yada homi bhuridatto mahiddhiko
virupakkhena maharanna devalokamagacchahan"ti. 3-
#[11] Dutiye bhuridattoti bhurisamadatto. Dattoti hi tada bodhisattassa
matapituhi katam namam, yasma paneso nagabhavane virupakkhamaharajabhavane tavatimsabhavane ca
uppanne panhe sammadeva vinicchinati, ekadivasanca virupakkhamaharaje nagaparisaya
saddhim tidasapuram gantva sakkam parivaretva nisinne devanamantare panho samutthasi.
Tam koci kathetum nasakkhi. Sakkena pana anunnato pallankavaragato hutva mahasattova
kathesi. Atha nam devaraja dibbagandhapupphehi pujetva "datta tvam pathavisamaya vipulaya
@Footnote: 1 Si. santapanamattenapi 2 Si. veditabba 3 khu.cariya. 33/11/601
---------------------------------------------------------------------------------------------
page140.
Pannaya samannagato, ito patthaya bhuridatto nama"ti aha. Bhuriti hi pathaviya
namam, tasma bhurisamataya bhute atthe ramatiti ca bhurisankhataya mahatiya pannaya
samannagatatta mahasatto "bhuridatto"ti pannayittha. Mahatiya pana nagiddhiya
samannagatatta mahiddhiko cati.
Atite hi imasmimyeva kappe baranasiranno putto pitara ratthato pabbajito
vane vasanto annataraya nagamanavikaya samvasam kappesi. Tesam samvasamanvaya dve
daraka jayimsu putto ca dhita ca. Puttassa "sagarabrahmadatto"ti namam karimsu dhitaya
"samuddaja"ti. So aparabhage pitu accayena baranasim gantva rajjam karesi. Atha
dhatarattho nama nagaraja pancayojanasatike nagabhavane nagarajjam karento tam
abhutavadikena cittaculena 1- nama kacchapena "baranasiraja attano dhitaram tuyham
datukamo, sa kho pana rajadhita samuddaja nama abhirupa dassaniya pasadika ca"ti
kathitam sutva dhatarattho cattaro nagamanavake pesetva tam datum anicchantam
nagavibhimsikaya bhimsapetva "dammi"ti vutte mahantam pannakaram 2- pesetva mahatiya
nagiddhiya mahantena parivarena tassa dhitaram nagabhavanam netva aggamahesitthane thapesi.
Sa aparabhage dhatarattham paticca sudassano datto subhogo aritthoti cattaro putte
patilabhi. Tesu datto bodhisatto, so pubbe vuttanayeneva sakkena tutthacittena
"bhuridatto"ti gahitanamatta "bhuridatto"tveva pannayittha. Atha nesam pita yojanasatikam
yojanasatikam rajjam bhajetva adasi. Mahanto yaso ahosi. Solasasolasanagakannasahassani
parivarayimsu. Pitupi ekayojanasatameva rajjam ahosi. Tayo putta mase mase matapitaro
passitum agacchanti, bodhisatto pana anvaddhamasam agacchati.
So ekadivasam virupakkhamaharajena saddhim sakkassa upatthanam gato vejayantapasadam
sudhammadevasabham paricchattakakovilaram pandukambalasilasanam devaccharaparivaram atimanoharam
@Footnote: 1 Si. cittasulena 2 Si.,Ma. sakkaram
---------------------------------------------------------------------------------------------
page141.
Sakkassa sampattim disva "ettakamattampi nagattabhave thitassa dullabham, kuto
sammasambodhi"ti nagattabhavam jigucchitva "nagabhavanam gantva uposathavasam vasitva
silameva pagganhissami. Tam bodhiparipacanam hoti, imasmim devaloke uppattikaranam
bhavissati"ti cintetva nagabhavanam gantva matapitaro aha "ammatata aham uposathakammam
karissami"ti. Tehi "idheva uposatham upavasahi, bahigatanam naganam mahantam bhayan"ti
vutte ekavaram tatha katva nagakannahi upadduto punavare matapitunam anarocetva
attano bhariyam amantetva "bhadde aham manussalokam gantva yamunatire
mahanigrodharukkho atthi, tassa avidure vammikamatthake bhoge abhujitva
caturangasamannagatam uposatham adhitthaya nipajjitva uposathakammam karissami"ti
nagabhavanato nikkhamitva tatha karoti. Tena vuttam:- "virupakkhena maharanna
devalokamagacchahan"tiadi.
[12] Tattha passim tvaham 1- deve ekantam sukhasamappite
tam saggam gamanatthaya silabbatam samadiyim.
[13] Sarirakiccam katvana bhutva yapanamattakam
caturo ange adhitthaya semi vammikamuddhani.
[14] Chaviya cammena mamsena nharuhi atthikehi va
yassa etena karaniyam dinnamyeva haratu so"ti. 2-
Tattha virupakkhena maharannati virupakkhena nama nagadhipatimaharajena.
Devalokanti tavatimsadevalokam. Agacchahanti agacchim, upasankamim aham.
#[12] Tatthati tasmim devaloke. Passim tvahanti adakkhim aham, tusaddo
nipatamatto. Ekantam sukhasamappiteti ekantam accantameva sukhena samangibhute.
Vuttanhetam bhagavata
@Footnote: 1 pali. passitvaham 2 khu.cariya. 33/12-4/601
---------------------------------------------------------------------------------------------
page142.
"santi bhikkhave cha phassayatanika nama sagga. Yavancidam bhikkhave na sukaram akkhanena
papunitum yava sukha sagga"ti 1- ca. Tamsaggagamanatthayati tasmim saggasmim
uppattivasena gamanatthaya. Silabbatanti silasankhatam vatam. Atha va silabbatanti
uposathasilanceva "mama cammam cammatthika harantu"tiadina attano
sariravayavapariccagasamadiyanasankhatam vatanca.
#[13] Sarirakiccanti mukhadhovanadisarirapatijagganam. Bhutva yapanamattakanti
indriyani nibbisevanani katum sariratthitimattakam aharam aharitva. Caturo
angeti cattari angani. Adhitthayati adhitthahitva. Semiti sayami.
#[14] Chaviyatiadi tesam catunnam anganam dassanam. Tattha ca chavicammanam
vissajjanam ekam angam, sesani ekekameva, mamsaggahaneneva cettha rudhirampi
sangahitanti datthabbam. Etenati etehi. Haratu soti yassa etehi chaviadihi karaniyam
atthi, tassa maya dinnamevetam, sabbam so haratuti attano attabhave anapekkhapavaranam
pavareti.
Evam mahasattassa imina niyameneva anvaddhamasam uposathakammam karontassa
digho addha vitivatto. Evam gacchante kale ekadivasam annataro nesadabrahmano
somadattena nama attano puttena saha tam thanam patva arunuggamanasamaye nagakannahi
parivariyamanam 2- mahasattam disva tassa santikam agamasi. Tavadeva nagakannayo pathaviyam
nimujjitva nagabhavanameva gata. Brahmano mahasattam pucchi "ko nu kho tvam marisa
devo va yakkho va nago va"ti. Bodhisatto "yathabhutam attanam avikatva sacayam
ito gaccheyya, idha me vasam mahajanassa pakatam kareyya, tena me uposathavasassa
antarayopisiya, yannunaham ito imam nagabhavanam netva mahatiya sampattiya yojeyyam,
evayam tattheva abhiramissati, tena me uposathakammam addhaniyam siya"ti. Atha nam aha
"brahmana mahantam te yasam dassami, ramaniyam nagabhavanam, ehi tattha gacchama"ti. "sami
@Footnote: 1 Ma.u. 14/155/223 2 Si. paricariyamanam
---------------------------------------------------------------------------------------------
page143.
Putto me atthi, tasmim agacchante agamissami"ti. "gaccha brahmana puttam
anehi"ti brahmano gantva puttassa tamattham arocetva tam anesi. Mahasatto
te ubhopi adaya attano anubhavena nagabhavanam anesi. Tesam tattha dibbo attabhavo
patubhavi. Atha tesam mahasatto dibbasampattim datva cattari cattari nagakannasatani
adasi. Te mahatim sampattim anubhavimsu.
Bodhisattopi appamatto uposathakammam karoti, anvaddhamasam matapitunam upatthanam
gantva dhammakatham kathetva tato ca brahmanassa santikam gantva arogyam pucchitva
"yena te attho, tam vadeyyasi"ti apucchitva "anukkanthamano abhirama"ti vatva
somadattenapi saddhim patisantharam katva attano nivesanam gacchati. Brahmano
ekasamvaccharam 1- tattha vasitva mandapunnataya ukkanthitva anicchamanampi puttam
gahetva bodhisattam apucchitva tena diyyamanam bahum dhanam sabbakamadadam maniratanampi
alakkhikataya aggahetva "manussalokam gantva pabbajissami"ti aha. Mahasatto
nagamanavake anapetva tam saputtakam manussalokam papesi. Te ubhopi dibbabharanani
dibbavatthani ca omuncitva nhayitum ekam pokkharanim otarimsu, tasmim khane tani
antaradhayitva nagabhavanameva agamamsu, atha pathamanivatthakasavapilotikava sarire patimunci,
dhanusarasattiyo gahetva arannam gantva mige vadhitva purimaniyameneva jivikam
kappesum.
Tena ca samayena annataro tapaso supannarajato laddham alambayanamantam 2- tassa
anucchavikani osadhani mantupacaranca attanam upatthahantassa annatarassa brahmanassa
adasi. So "laddho me jivikupayo"ti katipaham vasitva tapasam apucchitva pakkamanto
anupubbena yamunatiram patva tam mantam sajjhayanto mahamaggena gacchati. Tada
bodhisattassa bhavanato tassa paricarika nagamanavika tam sabbakamadadam maniratanam
@Footnote: 1 cha.Ma. samvaccharam 2 cha.Ma. alampayanamantam
---------------------------------------------------------------------------------------------
page144.
Adaya yamunatire valukarasimatthake thapetva tassobhasena rattiyam kilitva
arunuggamane tassa brahmanassa mantasaddam sutva "supanno"ti sannaya bhayatajjita
maniratanam aggahetva pathaviyam nimujjitva nagabhavanam agamamsu.
Brahmano tam maniratanam adaya payasi. Tasmim khane so nesadabrahmano
puttena saddhim migavadhaya arannam gacchanto tassa hatthe tam maniratanam disva "idam
bhuridattassa sabbakamadadam maniratanan"ti sanjanitva tam ganhitukamo tena saddhim
allapasallapam 1- katva mantavadibhavam janitva evamaha "sace me tvam imam maniratanam
dassasi, evaham te mahanubhavam nagam dassessami, yam tvam gahetva
gamanigamarajadhaniyo caranto bahudhanam lacchasi"ti. "tena hi dassetva ganhahi"ti vutte
tam adaya bodhisattam uposathakaranatthane vammikamatthake bhoge abhujitva nipannam
avidure thito hattham pasaretva dassesi.
Mahasatto tam nesadam disva "ayam uposathassa me antarayam kareyyati nagabhavanam
netva mahasampattiyam patitthapitopi na icchi. Tato apakkamitva sayam gantukamo maya
diyyamanampi maniratanam ganhitum na icchi. Idani pana ahitundikam gahetva agacchati.
Sacaham imassa mittadubbhino kujjheyyam, silam me khandam bhavissati. Maya kho pana
pathamamyeva caturangasamannagato uposatho adhitthito, so yathadhitthitova hotu. Alampayano
mam chindatu va ma va, nevassa kujjhissami"ti cintetva akkhini nimmiletva
adhitthanaparamim purecarikam katva bhogantare sisam pakkhipitva niccalova hutva
nipajji. Nesadabrahmanopi "bho alampayana imam nagam ganha, manim me dehi"ti aha.
Alampayano nagam disva tuttho manim kisminci aganetva "ganha brahmana"ti
hatthe khipi. So tassa hatthato bhassitva pathaviyam patitamattova pathavim pavisitva
nagabhavanameva gato. Nesadabrahmano maniratanato bhuridattena saddhim mittabhavato ca
parihayitva nippaccayova pakkanto.
@Footnote: 1 cha.Ma. alapasallapam
---------------------------------------------------------------------------------------------
page145.
#[15] Alampayanopi mahanubhavehi osadhehi attano sariram makkhetva thokam
khaditva khelam attano kayasmim paribhavetva dibbamantam jappanto bodhisattam
upasankamitva nangutthe gahetva akaddhitva sise dalham ganhanto mukhamassa
vivaritva osadham khaditva mukhe sahakhelam osinci. Sucijatiko mahasatto silabhedabhayena
akujjhitva akkhini na ummilesi. Atha nam osadhamantabalena nangutthe gahetva hettha
sisam katva sancaletva gahitagocaram chaddapetva bhumiyam dighaso nipajjapetva
masurakam maddanto viya hatthehi parimaddi. Atthini cunniyamanani viya ahesum.
Puna nangutthe gahetva dussam pothento viya pothesi. Mahasatto evarupam dukkham
anubhontopi neva kujjhittha, annadatthu attano silameva avajjesi. Iti so mahasattam
dubbalam katva vallihi pelam sajjetva mahasattam tattha pakkhipi. Sariram panassa
mahantam tattha na pavisati. Atha nam panhiya kottento pavesetva pelam adaya ekam gamam
gamamajjhe otaretva "nagassa naccam datthukama agacchantu"ti saddamakasi.
Sakalagamavasino sannipatimsu. Tasmim khane alampayano "nikkhama mahanaga"ti aha. Mahasatto
cintesi "ajja maya parisam tosentena kilitum vattati, evam alampayano bahudhanam
labhitva tuttho mam vissajjessati, yam yam esa mam kareti, tam tam karissami"ti.
Atha nam so pelato nikkhamantam "maha hohi"ti aha, so maha ahosi. "khuddako
vatto viphano ekaphano dviphano yava sahassaphano ucco nico dissamanakayo
adissamanakayo dissamanaupaddhakayo nilo pito lohito odato manjittho hohi,
dhumam vissajjehi, jalasikham udakanca vissajjehi"ti vutte, tena vuttam tam tam
akaram nimminitva naccam dassesi. Tam disva manussa acchariyabbhutacittajata
bahuni hirannasuvannavatthalankaradini akamsu. Iti tasmim game satasahassamattam labhi. So
kincapi mahasattam ganhanto "sahassam labhitva tam vissajjessami"ti aha. Tam pana
dhanam labhitva "gamakepi tava maya ettakam dhanam laddham, nagare kira bahudhanam labhissami"ti
dhanalobhena na munci.
---------------------------------------------------------------------------------------------
page146.
So tasmim game kutumbam santhapetva ratanamayam pelam karetva tattha mahasattam
pakkhipitva sukhayanakam aruyha mahantena parivarena gamanigamarajadhanisu tam kilapetva
baranasim papuni, nagarajassa madhulajam deti, abaddhasattunca deti. So gocaram na ganhi
avissajjanabhayena. Gocaram aganhantampi ca nam cattaro nagaradvare adim katva tattha
tattha masamattam kilapesi. Tena vuttam:-
[15] "samsito akatannuna alampayano 1- mamaggahi
pelaya pakkhipitvana kileti mam tahim tahim.
[16] Pelaya pakkhipantepi mam maddantepi panina
alampane na kuppami silakhandabhaya mama.
[17] Sakajivitapariccago tinatopi lahuko mama 2-
silavitikkamo mayham pathaviuppatanam 3- viya.
[18] Nirantaram jatisatam cajeyyam mama jivitam
neva silam pabhindeyyam catuddipana 4- hetupi.
[19] Api caham silarakkhaya silaparamipuriya
na karomi citte annathattam pakkhipantampi pelake"ti.
#[15] Tattha samsitoti eso nago amukassa nigrodharukkhassa samipe
vammikamatthake sayitoti evam thanam dassetva kathito. Akatannunati attana katam upakaram
ajanantena mittadubbhina nesadabrahmanenati adhippayo. Alampayanoti
alampayanavijjaparijappanena "alampayano"ti evamladdhanamo ahitundikabrahmano.
Mamaggahiti mam
@Footnote: 1 pali. alambano 2 pali. mayi 3 pali. ubbattana 4 catunnam dipan(sya)
---------------------------------------------------------------------------------------------
page147.
Aggahesi. Kileti mam tahim tahinti tattha tattha gamanigamajanapadarajadhanisu attano
jivikattham mam kilapeti.
#[17] Tinatopi lahuko mamati attano jivitapariccago tinasalakapariccagatopi
lahuko hutva mama upatthatiti attho. Pathaviuppatanam viyati silavitikkamo pana
catunahutadhikadviyojanasatasahassabahalaya mahapathaviya parivattanam viya tatopi tam bhariyataram
hutva mayham upatthatiti dasseti.
#[18] Nirantaram jatisatanti mama jatinam anekasatampi anekasatasupi jatisu
nirantarameva silassa avitikkamanahetu mama jivitam cajeyyam cajitum sakkomi. Neva silam
pabhindeyyanti silam pana samadinnam ekampi neva bhindeyyam na vinaseyyam.
Catuddipana hetupiti cakkavattirajjasiriyapi karanati dasseti.
#[19] Idani yadattham attano jivitampi pariccajitva tada silameva rakkhitam, taya
ca silarakkhaya tatha anatthakarakesu nesadaalampayanabrahmanesu cittassa annathattam na
katam, tam dassetum "api ca"ti osanagathamaha. Tam hettha vuttatthameva.
Evam pana mahasatte ahitundikahatthagate 2- tassa mata dussupinam disva pattanca
tattha apassanti lokadibhuta ahosi. Athassa jetthaputto sudassano tam pavattim sutva
subhogam "himavantam gantva pancasu mahanadisu sattasu ca mahasaresu bhuridattam
upadharetva ehi"ti pahini. Kanarittham "devalokam gantva sace devatahi dhammam
sotukamahi bhuridatto tattha nito, tato nam anehi"ti pahini. Sayampana "manussaloke
gavesissami"ti tapasavesena nagabhavanato nikkhami. Accimukhi 3- namassa vematika bhagini
bodhisatte adhimattasineha tam anubandhi. Tam mandukacchapim katva jatantare pakkhipitva
mahasattassa uposathakaranatthanam adim katva sabbattha gavesanto anukkamena baranasim
@Footnote: 1 cha.Ma. hetuti 2 Si. ahigundika... 3 Ma. ajamukhi
---------------------------------------------------------------------------------------------
page148.
Patva rajadvaram agamasi. Tada alampayano rajangane mahajanassa majjhe ranno
bhuridattassa kilam dassetum pelam vivaritva "ehi mahanaga"ti sannamadasi.
Mahasatto sisam niharitva olokento jetthabhatikam disva pelato nikkhamma
tadabhimukho payasi. Mahajano bhito patikkami. So gantva tam abhivadetva nivattitva
pelameva pavisi. Alampayano "imina ayam tapaso dattho"ti sannaya "ma bhayi,
ma bhayi"ti aha. Sudassano "ayam nago mayham kim karissati maya sadiso ahitundiko
nama natthi"ti tena vadappativadam samutthapetva "tvam imam nagam gahetva
gajjasi, aham tam imaya mandukacchapiya icchanto nasayissami"ti bhaginim
pakkosapetva 1- hattham pasaresi. Sa tassa saddam sutva jatantare nipanna
tikkhattum mandukavassitam vassitva nikkhamitva amsakute nisiditva uppatitva
tassa hatthatale tini visabinduni patetva puna tassa jatantarameva pavisi.
Sudassano visabindum dassetva "idam bindum sace pathaviyam patessati,
osadhitinavanappatayo sabbe nassissanti. Sace akase khipissati, satta vassani devo na
vassissati. Sace udake patessati, yavata tattha udakajata pana sabbe mareyyun"ti
vatva rajanam saddahapetum tayo avate khanapetva ekam nanabhesajjanam puresi,
dutiyam gomayassa, tatiyam dibbosadhananceva puretva majjhe avate visabindum pakkhipi.
Tamkhananneva dhumayitva jala utthahi. Sa gantva gomayaavatam ganhi. Tatopi jala
utthaya dibbosadhapunnam gahetva dibbosadhani jhapetva nibbayi. Alampayanam
tattha avatassa avidure thitam usuma pharitva sariracchavim uppatetva gata.
Setakutthi ahosi. So bhayatajjito "nagarajanam vissajjemi"ti tikkhattum vacam
niccharesi. Tam sutva bodhisatto ratanapelaya nikkhamitva sabbalankarapatimanditam
attabhavam mapetva devalilaya thito. Sudassano ca accimukhi ca tatheva atthamsu.
@Footnote: 1 cha.Ma. pakkositva
---------------------------------------------------------------------------------------------
page149.
Tato sudassano attano bhagineyyabhavam ranno arocesi. Tam sutva raja
te alingitva sile cumbitva antepuram netva mahantam sakkarasammanam katva
bhuridattena saddhim patisantharam karonto "tata evam mahanubhavam tam alampayano katham
ganhi"ti pucchi. So sabbam vittharena kathetva "maharaja ranna nama imina niyamena
rajjam karetum vattati"ti matulassa dhammam desesi. Atha sudassano "matula mama mata
bhuridattam apassanti kilamati, na sakka amhehi idha papancam katun"ti matulam
apucchitva bhuridattaaccimukhihi saddhim nagabhavanameva gato.
Atha tattha mahapuriso gilanaseyyaya nipanno gilanapucchanattham agataya mahatiya
nagaparisaya vede ca yanne ca brahmane ca sambhavetva kanaritthe kathente tam vadam
bhinditva nananayehi dhammam desetva silasampadaya ditthisampadaya ca patitthapetva
yavajivam silani rakkhitva uposathakammam katva ayupariyosane saggapuram puresi.
Tada matapitaro maharajakulani ahesum, nesadabrahmanodevadatto, somadatto
anando, accimukhi uppalavanna, sudassano sariputto, subhoto mahamoggallano,
kanarittho sunakkhatto, bhuridatto lokanatho.
Tassa idhapi sesaparamiyo hettha vuttanayeneva niddharetabba. Idhapi
yojanasatike attano nagabhavanatthane solasahi nagakannasahassehi cittarupam viya
paricariyamano devalokasampattisadise nagalokissariye thitopi issariyamadam akatva
anvaddhamasam matapituupatthanam, kule jetthapacayanam, sakalaya nagaparisaya
catumaharajikaparisaya tavatimsaparisaya ca samutthitapanhanam tamtamparisamajjhe kumudanalakalapam
viya sunisitasatthena attano pannasatthena tavadeva pacchinditva tesam
cittanukuladhammadesana vuttappakaram, bhogasampattim pahaya attano sarirajivitanirapekkham
caturangasamannagatam uposathadhitthanam, tattha ca patinnaya visamvadanabhayena
ahitundikahatthagamanam, tasmim ca mukhe visamissakhelapatanam
---------------------------------------------------------------------------------------------
page150.
Nangutthe gahetva avinchanam kaddhanam bhumiyam ghamsanam maddanam pothananti evamadim
namappakaravippakaram karontepi evarupam mahadukkham anubhavatopi 1- kujjhitva
olokanamattena tam charikam katum samatthassapi silaparamim avajjitva silakhandanabhayena
isakampi cittassa vikarabhavo, dhanam labhapemiti va tassa cittanuvattanam, subhogena
punanitassa akatannuno mittadubbhissa nesadabrahmanassa silam anadhitthahitvapi
akujjhanam, kanaritthena kathitam micchavadam bhinditva anekapariyayena dhammam bhasitva
nagaparisaya silesu sammaditthiyam ca patitthapananti evamadayo bodhisattassa
gunanubhava vibhavetabba. Tenetam vuccati:-
"evam acchariya hete .pe. Dhammassa anudhammato"ti.
Bhuridattacariyavannana nitthita.
--------------
The Pali Atthakatha in Roman Book 52 page 139-150.
http://84000.org/tipitaka/atthapali/read_rm.php?B=52&A=3049&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=52&A=3049&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=33&i=220
เนื้อความพระไตรปิฎกฉบับหลวง :-
http://84000.org/tipitaka/read/r.php?B=33&A=8973
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=33&A=11718
The Pali Tipitaka in Roman Character :-
http://84000.org/tipitaka/read/roman_read.php?B=33&A=11718
Contents of The Tipitaka Volume 33
http://84000.org/tipitaka/read/?index_33
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]