|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. mahimsarajacariyavannana 1-
[37] Punaparam yada homi mahimso 2- pavanacarako
pavaddhakayo balava mahanto bhimadassano.
[38] Pabbhare giridugge ca rukkhamule dakasaye
hotettha thanam mahimsanam koci koci tahim tahim.
[39] Vicaranto braharanne thanam addasa bhaddakam
tam thanam upagantvana titthami ca sayami cati. 3-
#[37] Pancame mahimso pavanacarakoti mahavanacari vanamahimso yada homiti
yojana. Pavaddhakayoti vayasampattiya 4- angapaccangananca thulabhavena abhivaddhakayo.
Balavati mahabalo thamasampanno. Mahantoti vipulasariro. Hatthikalabhappamano 5- kira
tada bodhisattassa kayo hoti. Bhimadassanoti mahasarirataya varamahimsajatitaya ca silam
ajanantanam bhayam jananato bhayanakadassano.
#[38] Pabbhareti olambakasilakucchiyam. Dakasayeti jalasayasamipe. Hotettha
thananti ettha mahavane yo koci padeso vanamahimsanam titthanatthanam hoti. Tahim tahinti
tattha tattha.
@Footnote: 1 ka. mahisaraja... 2 ka. mahiso 3 khu.cariya. 33/38-9/604
@4 Si. vayappattiya 5 Si. hatthikkhandhappamano
#[39] Vicarantoti viharaphasukam vimamsitum viharanto. Thanam addasa bhaddakanti
evam vicaranto tasmim maharanne bhaddakam mayham phasukam rukkhamulatthanam addakkhim.
Disva ca tam thanam upagantvana, titthami ca sayami ca gocaram gahetva diva tam
rukkhamulatthanam gantva thanasayanehi vitinamemiti dasseti.
[40] Tada kira bodhisatto himavantappadese mahimsayoniyam nibbattitva vayappatto
thamasampanno mahasariro hatthikalabhappamano pabbatapadapabbharagiriduggavanaghatadisu 1-
vicaranto ekam phasukam maharukkhamulam disva gocaram gahetva diva tattha vasati. Atheko
lolamakkato rukkha otaritva mahasattassa pitthim abhiruhitva uccarapassavam katva
singesu ganhitva olambanto nangutthe gahetva dolayanto kili. Bodhisatto
khantimettanuddayasampadaya tam tassa anacaram na manasakasi. Makkato punappunam tatheva
karoti. Tena vuttam "athettha kapi magantva"tiadi.
Tattha kapi magantvati kapi agantva, makaro padasandhikaro. Papoti lamako.
Anariyoti anaye iriyanena aye ca na iriyanena anariyo, nihinacaroti attho.
Lahuti lolo. Khandheti khandhappadese. Muttetiti passavam karoti. Ohadetiti 2- karisam
ossajjati. Tanti tam mam, tada mahimsabhutam mam.
[41] Sakimpi divasanti ekadivasampi duseti mam sabbakalampi. Tenaha "duseti
mam sabbakalan"ti. Na kevalanca dutiyatatiyacatutthadivasamattam, atha kho sabbakalampi mam
passavadihi duseti. Yada yada muttadini katukamo, tada tada mayhameva upari
karotiti dasseti. Upaddutoti badhito, tena singesu olambanadina
muttadiasucimakkhanena tassa ca apaharanattham anekavaram singakotihi valaggena ca
anekavaram kaddamapamsumissakam udakam sincitva dhovanena ca nippilito homiti attho.
@Footnote: 1 Ma. pabbatapade 2 Si., Ma., ka. ohanetiti
[42] Yakkhoti tasmim rukkhe adhivattha devata. Mam idamabraviti rukkhakkhandhe
thatva "mahimsaraja kasma imassa dutthamakkatassa avamanam sahasi"ti imamattham pakasento
"nasehetam chavam papam, singehi ca khurehi ca"ti idam vacanam mam abhasi.
[43] Evam vutte tada yakkheti tada tasmim kale tasmim yakkhe evam vutte
sati. Aham tam idamabravinti aham tam yakkham idam idani vakkhamanam abravim abhasim.
Kunapenati kilesasucipaggharanena sucijatikanam sadhunam paramajigucchaniyataya
atiduggandhavayanena 1- ca kunapasadisataya kunapena. Papenati panatipatapapena.
Anariyenati anariyanam asadhunam magavikanesadadinam hinapurisanam dhammatta anariyena kim
kena karanena tvam devate mam makkhesi, ayuttam taya vuttam mam pape niyojentiyati
dasseti.
[44] Idani tasmim papadhamme adinavam pakasento "yadihantiadimaha.
Tassattho:- bhadde devate aham tassa yadi kujjheyyam, tatopi lamakataro bhaveyyam. Yena hi
adhammacaranena so balamakkato nihino nama jato, sace panaham tatopi balavataram
papadhammam careyyam, nanu tena tato papataro bhaveyyam, atthanancetam yadiham idhalokaparalokam
taduttari ca janitva thito ekanteneva parahitaya patipanno evarupam papadhammam
careyyanti. Kinca bhiyyo:- silanca me pabhijjeyyati ahanceva kho pana evarupam papam
kareyyam, mayham silaparami khandita siya. Vinnu ca garaheyyu manti pandita ca
devamanussa mam garaheyyum "passatha bho ayam bodhisatto bodhipariyesanam caramano evarupam
papam akasi"ti.
[45] Hilita jivita vapiti vasaddo avadharane. Evam vinnuhi hilita garahita
jivitapi parisuddhena parisuddhasilena hutva matam va maranameva varam uttamam seyyo.
Kyaham jivitahetupi, kahami parahethananti evam jananto ca aham mayham
jivitanimittampi parasattavihimsanam kim kahami kim karissami, etassa karane 2- karanam,
natthiti attho.
@Footnote: 1 Si. akittiduggandhavayanena 2 Si.,Ma. karanena
Ayam pana annepi mam viya mannamano evam anacaram karissati, tato yesam
candamahimsanam evam karissati, te eva etam vadhissanti, sa etassa annehi marana
mayham dukkhato ca panatipatato ca mutti bhavissatiti aha. Tena vuttam:-
[46] "mamevayam mannamano annepevam karissati
teva tassa vadhissanti sa me mutti bhavissati"ti.
#[46] Tattha mamevayanti mam viya ayam. Annepiti annesampi. Sesam vuttatthameva.
[47] Hinamajjhimaukkattheti hine ca majjhime ca ukkatthe ca nimittabhute.
Sahanto avamanitanti vibhagam akatva tehi pavattitam avamanam paribhavam sahanto khamanto.
Evam labhati sappannoti evam hinadisu vibhagam akatva khantimettanuddayam
upatthapetva tadaparadham sahanto siladiparamiyo bruhetva manasa yathapatthitam
yathicchitam sabbannutannanam labhati pativijjhati, tassa tam na dureti.
Evam mahasatto attano ajjhasayam pakasento devataya dhammam desesi. So
katipahaccayena annattha gato. Anno candamahimso nivasaphasutaya tam thanam gantva
atthasi. Dutthamakkato "so eva ayan"ti sannaya tassa pitthim abhiruhitva tatheva
anacaram akasi. Atha nam so vidhunanto bhumiyam patetva singena hadaye vijjhitva
padehi madditva sancunnesi. Tada silava mahimsaraja lokanatho.
Tassa idhapi hettha vuttanayeneva yatharaham sesaparamiyo niddharetabba. Tatha
hatthinagabhuridattacampeyyanagarajacariyasu viya idha mahasattassa gunanubhava
veditabba.
Mahimsarajacariyavannana nitthita.
---------------
The Pali Atthakatha in Roman Book 52 page 165-168.
http://84000.org/tipitaka/atthapali/read_rm.php?B=52&A=3634&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=52&A=3634&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=33&i=223
เนื้อความพระไตรปิฎกฉบับหลวง :-
http://84000.org/tipitaka/read/r.php?B=33&A=9030
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=33&A=11781
The Pali Tipitaka in Roman Character :-
http://84000.org/tipitaka/read/roman_read.php?B=33&A=11781
Contents of The Tipitaka Volume 33
http://84000.org/tipitaka/read/?index_33
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]