AtthaPali Vol.52

8. Saccasavhayapanditacariyavannana ^1- punaparam yada homi tapaso saccasavhayo saccena lokam palesim samaggam janamakasahanti. Atthame tapaso saccasavhayoti saccasaddena avhatabbo saccanamako tapaso yada yasmim kale homi, tada. Saccena lokam palesinti attano avisamvadibhavena ^2- sattalokam jambudipe tattha tattha sattanikayam papato nanavidha anatthato ca rakkhim. Samaggam janamakasahanti tattha tattha kalahaviggahavivadapannam mahajanam kalahe adinavam dassetva samaggiyam anisamsakathanena samaggam avivadamanam sammodamanam ahamakasim. Tada hi mahasatto baranasiyam annatarasmim brahmanamahasalakule nibbatti, tassa "sacco"ti namam karimsu. So vayappatto takkasilam gantva disapamokkhassa acariyassa santike sippam ugganhitva nacirasseva sabbasippanam nipphattim patto acariyena anunnato baranasim paccagantva matapitaro vanditva tehi abhinandiyamano tesam cittanurakkhanattham katipaham tesam santike vasi. Atha nam matapitaro patirupena darena samyojetukama sabbam vibhavajatam acikkhitva gharavasena nimantesum. @Footnote: ¹ cha.Ma. saccatapasacariyavannana ² Si. avisamvadadibhavena Mahasatto nekkhammajjhasayo attano nekkhammaparamim paribruhetukamo gharavase adinavam pabbajjaya anisamsanca nanappakarato kathetva matapitunam assumukhanam rodamananam aparimanam bhogakkhandham anantam yasam mahantanca natiparivattam pahaya mahanagova ayasankhalikam gharabandhanam chindanto nikkhamitva himavantappadesam pavisitva isipabbajjam pabbajitva vanamulaphalaphalehi yapento nacirasseva attha samapattiyo panca ca abhinnayo nibbattetva jhanakilam kilayamano samapattiviharena viharati. So ekadivasam dibbacakkhuna lokam olokento addasa sakalajambudipe manusse yebhuyyena panatipatadidasaakusalakammapathapasute kamanidanam kamadhikaranam ^1- annamannam vivadapanne. Disva evam cintesi "na kho pana metam patirupam, yadidam ime satte evam papapasute vivadapanne ca disva ajjhupekkhanam. Aham hi `satte samsarapankato uddharitva nibbanathale patitthapessami'ti mahasambodhiyanam patipanno, tasma tam patinnam avisamvadento yannunaham manussapatham gantva te te satte papato oramapeyyam, vivadanca nesam vupasameyyan"ti. Evam pana cintetva mahasatto mahakarunaya samussahito santam samapattisukham pahaya iddhiya tattha tattha gantva tesam cittanukulam dhammam desento kalahaviggahavivadapanne satte ditthadhammikanca samparayikanca virodhe adinavam dassetva annamannam samagge sahite akasi. Anekakaravokaranca pape adinavam vibhavento tato satte vivecetva ekacce dasasu kusalakammapathadhammesu patitthapesi. Ekacce pabbajetva silasamvare indriyaguttiyam satisampajanne pavivekavase jhanabhinnasu ca yatharaham patitthapesi. Tena vuttam:- [71] "punaparam yada homi tapaso saccasavhayo saccena lokam palesim samaggam janamakasahan"ti. @Footnote: ¹ cha.Ma. kamadhikaranam Idhapi mahapurisassa hettha vuttanayeneva sesaparamiyo niddharetabba. Tatha gunanubhava ca vibhavetabbati. Saccasavhayapanditacariyavannana nitthita. ----------

The Pali Atthakatha in Roman Book 52 page 268-270. http://84000.org/tipitaka/atthapali/read_rm.php?B=52&A=5949&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=52&A=5949&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=33&i=236 เนื้อความพระไตรปิฎกฉบับหลวง :- http://84000.org/tipitaka/read/r.php?B=33&A=9318 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=33&A=12089 The Pali Tipitaka in Roman Character :- http://84000.org/tipitaka/read/roman_read.php?B=33&A=12089 Contents of The Tipitaka Volume 33 http://84000.org/tipitaka/read/?index_33