บาลีอรรถกถาเล่มที่ ๑๑

๘. มลฺลิกาสุตฺตวณฺณนา [๑๑๙] อฏฺเม อตฺถิ นุ โข เต มลฺลิเกติ กสฺมา ปุจฺฉติ? อยํ กิร มลฺลิกา ทุคฺคตมาลาการสฺส ธีตา, เอกทิวสํ อาปณโต ปูวํ คเหตฺวา "มาลารามํ คนฺตฺวาว ขาทิสฺสามี"ติ คจฺฉนฺตี ปฏิปเถ ภิกฺขุสํฆปริวารํ ภควนฺตํ ภิกฺขาจารํ ปวิสนฺตํ ทิสฺวา ปสนฺนจิตฺตา ตํ ภควโต อทาสิ, สตฺถา นิสีทนาการํ ทสฺเสสิ. อานนฺทตฺเถโร จีวรํ ปญฺเปตฺวา อทาสิ. ภควา ตตฺถ นิสีทิตฺวา ตํ ปูวํ ปริภุญฺชิตฺวา มุขํ วิกฺขาเลตฺวา สิตํ ปาตฺวากาสิ. เถโร "อิมิสฺสา ภนฺเต โก วิปาโก ภวิสฺสตี"ติ ปุจฺฉิ. อานนฺท อชฺเชว สา ^๕- ตถาคตสฺส ปมํ โภชนํ อทาสิ, อชฺเชว โกสลรญฺโ อคฺคมเหสี ภวิสฺสตีติ. ตํทิวสเมว ^๖- ราชา กาสิคาเม ภาคิเนยฺเยน ยุทฺเธ ^๗- ปราชิโต ปลายิตฺวา นครํ อาคจฺฉนฺโต มาลารามํ ปวิสิตฺวา พลกายสฺส อาคมนํ อาคเมสิ. ตสฺส สา วตฺตํ อกาสิ. โส ตาย กตวตฺเต ^๘- ปสีทิตฺวา ตํ อนฺเตปุรํ อติหาราเปตฺวา ตํ อคฺคมเหสิฏฺาเน เปสิ. @เชิงอรรถ: ^๑ ฉ.ม. อฑฺฑกรเณ ^๒ ฉ.ม., อิ. อสฺสามิเกปิ ^๓ ฉ.ม., อิ. เปเต @^๔ ฉ.ม. วิฏฺฏูโภ, สี. วิชฏโภ ^* ฉ.ม. อฑฺฑ.... ^๕ ฉ.ม., อิ. อชฺเชสา @^๖ ฉ.ม., อิ. ตํทิวสเมว จ ^๗ ฉ.ม., อิ. ยุทฺเธน ^๘ ฉ.ม., อิ. วตฺเต

--------------------------------------------------------------------------------------------- หน้าที่ ๑๓๔.

อเถกทิวสํ จินฺเตสิ "มยา อิมิสฺสา ทุคฺคตกุลสฺส ธีตุยา มหนฺตํ อิสฺสริยํ ทินฺนํ, ยนฺนูนาหํ อิมํ ปุจฺเฉยฺยํ `โก เต ปิโย'ติ. สา `ตฺวํ เม มหาราช ปิโย'ติ วตฺวา ปุน มํ ปุจฺฉิสฺสติ, อถสฺสาหํ `มยฺหมฺปิ ตฺวํเยว ปิยา'ติ วกฺขามี"ติ. โส ^๑- อญฺมญฺ วิสฺสาสชนนตฺถํ สมฺโมทนียํ กถํ กเถนฺโต ปุจฺฉติ. สา ปน เทวี ปณฺฑิตา พุทฺธุปฏฺายิกา ธมฺมุปฏฺายิกา สํฆุปฏฺายิกา มหาปุญฺา, ^๒- ตสฺมา เอวํ จินฺเตสิ "นายํ ปโญฺห รญฺโ มุขํ โอโลเกตฺวา กเถตพฺโพ"ติ. สา สรเสเนว กเถตฺวา ราชานํ ปุจฺฉิ. ราชา ตาย สรเสน กถิตตฺตา นิวตฺติตุํ อลภนฺโต สยมฺปิ สรเสเนว กเถตฺวา "สุการณํ ^๓- อิทํ, ตถาคตสฺส นํ อาโรเจสฺสามี"ติ คนฺตฺวา ภควโต อาโรเจสิ. เนวชฺฌคาติ นาธิคจฺฉติ. เอวํ ปิโย ปุถุ อตฺตา ปเรสนฺติ ยถา เอกสฺส อตฺตา ปิโย, เอวํ ปเรสํ ปุถุตฺตานํ ^๔- อตฺตา ปิโยติ อตฺโถ. อฏฺมํ.

อรรถกถาภาษาบาลีอักษรไทย เล่มที่ ๑๑ หน้า ๑๓๓-๑๓๔. http://84000.org/tipitaka/atthapali/read_th.php?B=11&A=3478&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=11&A=3478&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=346 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=2395 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2075 The Pali Tipitaka in Roman Character :- http://84000.org/tipitaka/read/roman_read.php?B=15&A=2075 สารบัญพระไตรปิฎกเล่มที่ ๑๕ http://84000.org/tipitaka/read/?index_15