อรรถกถาเล่มที่ ๑๑ ภาษาบาลีอักษรไทย
 สํ.อ. (สารตฺถ.๑)

                        ๕. สณมานสุตฺตวณฺณนา
       [๑๕] ปญฺจเม ิเต มชฺฌนฺติเกติ ๔- ิตมชฺฌนฺติเก. สนฺนิสินฺเนสูติ ๕-
ยถาผาสุกฏฺานํ อุปคนฺตฺวา สนฺนิสินฺเนสุ วิสมมาเนสุ. ิตมชฺฌนฺติกาโล นาเมส
สพฺพสตฺตานํ อิริยาปถทุพฺพลฺยกาโล. อิธ ปน ปกฺขีนํเยว วเสน ทสฺสิโต.
สณเตวาติ สณติ วิย มหาวิรวํ วิย มุญฺจติ. ๖- สณมานเมว เจตฺถ "สณเตวา"ติ
วุตฺตํ. ตปฺปฏิภาคํ นาเมตํ. นิทาฆสมยสฺมิญฺหิ ิตมชฺฌนฺติกกาเล จตุปฺปทคเณสุ
เจว ปกฺขีคเณสุ จ สนฺนิสินฺเนสุ วาตปูริตานํ สุสิรรุกฺขานญฺเจว
ฉิทฺทเวฬุปพฺพานญฺจ ๗- ขนฺเธน ธนฺธํ สาขาย สาขํ ฆํสนฺตานํ ๘- ปาทปานญฺจ
อรญฺมชฺเฌ มหาสทฺโท อุปฺปชฺชติ. ตํ สนฺธาเยตํ วุตฺตํ. ตํ ภยํ ปฏิภาติ มนฺติ ตํ
เอวรูเป กาเล มหาอรญฺสฺส สณมานํ มยฺหํ ภยํ หุตฺวา อุปฏฺาติ. ทนฺธปญฺา กิเรสา
เทวตา ตสฺมึ ขเณ อตฺตโน นิสชฺชผาสุกํ กถาผาสุกํ ทุติยกํ อลภนฺตี เอวมาห.
ยสฺมา ปน ตาทิเส กาเล ปิณฺฑปาตปฏิกฺกนฺตสฺส วิวิตฺเต อรญฺายตเน กมฺมฏฺานํ
คเหตฺวา นิสินฺนสฺส ภิกฺขุโน อนปฺปกํ สุขํ อุปฺปชฺชติ, ยํ สนฺธาย วุตฺตํ:-
              "สุญฺาคารํ ปวิฏฺสฺส      สนฺตจิตฺตสฺส ภิกฺขุโน
               อมานุสี รตี โหติ         สมฺมา ธมฺมํ วิปสฺสโต"ติ ๙- จ,
@เชิงอรรถ: ๑ ฉ.ม., อิ. ปิสทฺโท น ทิสฺสติ      ๒ ฉ.ม. อาสุณมาโน    ๓ ฉ.ม. โอวาทปฏิกโร
@๔ ฉ.ม. มชฺฌนฺหิเก เอวมุปริปิ   ๕ ฉ.ม. สนฺนิสีเวสูติ
@๖ ฉ.ม. มุจฺจติ, อิ. วุจฺจติ.  ๗ ฉ.ม., อิ. ฉิทฺทเวณุปพฺพานญฺจ
@๘ ฉ.ม. สงฺฆฏฺฏยนฺตานํ, อิ. ฆฏฺฏนฺตานํ
@๙ ขุ. ธมฺม. ๒๕/๓๗๓/๘๒ สมฺพหุลภิกฺขุวตฺถุ
                   "ปุรโต ปจฺฉโต วาปิ     อปโร เจ น วิชฺชติ
                    อตีว ผาสุ ภวติ         เอกสฺส วสโต วเน"ติ ๑- จ.
       ตสฺมา ภควา ทุติยคาถมาห. ตตฺถ สา รติ ปฏิภาติ มนฺติ ยา เอวรูเป กาเล
เอเกกสฺส ๒- นิสชฺชา นาม, สา รติ มยฺหํ อุปฏฺาตีติ อตฺโถ. เสสํ ตาทิสเมวาติ.
                      สณมานสุตฺตวณฺณนา นิฏฺิตา.
                       -------------------

             อรรถกถาภาษาบาลีอักษรไทย เล่มที่ ๑๑ หน้า ๓๔-๓๕.
http://84000.org/tipitaka/atthapali/read_th.php?B=11&A=887&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=887&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=15&i=32
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=15&A=192
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=15&A=169
             The Pali Tipitaka in Roman Character :-
http://84000.org/tipitaka/read/roman_read.php?B=15&A=169
             สารบัญพระไตรปิฎกเล่มที่ ๑๕
http://84000.org/tipitaka/read/?index_15