บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๔ อาชญฺชาตกํ ยทา ยทาติ อิทํ สตฺถา เชตวเน วิหรนฺโต โอสฺสฏฺวิริยเมว ภิกฺขุํ อารพฺภ กเถสิ ฯ ตํ ปน ภิกฺขุํ สตฺถา อามนฺเตตฺวา ภิกฺขุ ปุพฺเพ ปณฺฑิตา อนายตเนปิ ลทฺธปฺปหาราปิ หุตฺวา วิริยํ อกํสูติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต ปุริมนเยเนว สตฺต ราชาโน นครํ ปริวารยึสุ ฯ อเถโก รถิกโยโธ เทฺว ภาติกสินฺธเว รเถ โยเชตฺวา นครา นิกฺขมฺม ฉ พลโกฏฺเก ภินฺทิตฺวา ฉ ราชาโน อคฺคเหสิ ฯ ตสฺมึ ขเณ เชฏฺกอสฺโส ปหารํ ลภิ ฯ สารถิโก รถํ เปเสนฺโต ราชทฺวารํ อาคนฺตฺวา เชฏฺกภาติกํ รถา โมเจตฺวา สนฺนาหํ สิถิลํ กตฺวา เอเกน ปสฺเสน นิปชฺชาเปตฺวา อญฺ อสฺสํ สนฺนยฺหิตุํ อารทฺโธ ฯ โพธิสตฺโต ตํ ทิสฺวา ปุริมนเยเนว จินฺเตตฺวา สารถิกํ ปกฺโกสาเปตฺวา นิปนฺนโกว อิมํ คาถมาห ยทา ยทา ยตฺถ ยทา ยตฺถ ยตฺถ ยทา ยทา อาชญฺโ กุรุเต เวคํ หายนฺติ ตตฺถ วาฬวาติ ฯ ตตฺถ ยทา ยทาติ ปุพฺพณฺหาทีสุ ยสฺมึ ยสฺมึ กาเล ฯ ยตฺถาติ ยสฺมึ าเน มคฺเค วา สงฺคามสีเส วา ฯ ยทาติ ยสฺมึ ขเณ ฯ ยตฺถ ยตฺถาติ สตฺตนฺนํ พลโกฏฺกานํ วเสน พหูสุ ยุทฺธมณฺฑเลสุ ฯ ยทา ยทาติ ยสฺมึ ยสฺมึ กาเล ปหารํ ลทฺธกาเล วา อลทฺธกาเล วา ฯ อาชญฺโ กุรุเต เวคนฺติ สารถิสฺส จิตฺตรุจิตํ การณํ อาชานนสภาโว อาชญฺโ วรสินฺธโว เวคํ กโรติ วายมติ วิริยํ อารภติ ฯ หายนฺติ ตตฺถ วาฬวาติ ตสฺมึ เวเค กริยมาเน อิตเร วฬวสงฺขาตา ขฬุงฺกสฺสา หายนฺติ ปริหายนฺติ ตสฺมา อิมสฺมึ รเถ มญฺเว โยเชหีติ อาห ฯ สารถิ โพธิสตฺตํ อุฏฺาเปตฺวา โยเชตฺวา สตฺตมํ พลโกฏฺกํ ภินฺทิตฺวา สตฺตมํ ราชานํ อาทาย รถํ ปาเชนฺโต ราชทฺวารํ อาคนฺตฺวา สินฺธวํ โมเจสิ ฯ โพธิสตฺโต เอเกน ปสฺเสน นิปนฺโน ปุริมนเยเนว รญฺโ โอวาทํ ทตฺวา นิรุชฺฌิ ฯ ราชา ตสฺส สรีรกิจฺจํ กาเรตฺวา รถิกสฺส สมฺมานํ กตฺวา ธมฺเมน สเมน รชฺชํ กาเรตฺวา ยถากมฺมงฺคโต ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสสิ ฯ สจฺจปริโยสาเน โส ภิกฺขุ อรหตฺเต ปติฏฺาสิ ฯ สตฺถา ชาตกํ สโมธาเนสิ ตทา ราชา อานนฺทตฺเถโร อโหสิ สารถิ สารีปุตฺโต อสฺโส ปน อหเมว สมฺมาสมฺพุทฺโธติ ฯ อาชญฺชาตกํ จตุตฺถํ ฯ ----------อรรถกถาภาษาบาลีอักษรไทย เล่มที่ ๓๕ หน้า ๒๗๒-๒๗๓. http://84000.org/tipitaka/atthapali/read_th.php?B=35&A=5623&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=35&A=5623&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=27&i=24 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=162 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=159 The Pali Tipitaka in Roman Character :- http://84000.org/tipitaka/read/roman_read.php?B=27&A=159 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]