บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๙. เภริวาทชาตกํ ธเม ธเมติ อิทํ สตฺถา เชตวเน วิหรนฺโต อญฺญตรํ ทุพฺพจํ อารพฺภ กเถสิ ฯ ตญฺหิ ภิกฺขุํ สตฺถา สจฺจํ กิร ตฺวํ ทุพฺพโจสีติ ปุจฺฉิตฺวา สจฺจํ ภควาติ วุตฺเต น ตฺวํ ภิกฺขุ อิทาเนว ทุพฺพโจ ปุพฺเพปิ ทุพฺพโจเยวาติ วตฺวา อตีตํ อาหริ ฯ--------------------------------------------------------------------------------------------- หน้าที่ ๗๒.
อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต เภริวาทกกุเล นิพฺพตฺติตฺวา คามเก วสติ ฯ โส พาราณสิยํ นกฺขตฺตํ สงฺฆุฏฺฐนฺติ สุตฺวา สมชฺชมณฺฑเล เภรึ วาเทตฺวา ธนํ อาหริสฺสามีติ ปุตฺตํ อาทาย ตตฺถ คนฺตฺวา เภรึ วาเทตฺวา พหุํ ธนํ ลภิ ตํ อาทาย อตฺตโน คามํ คจฺฉนฺโต โจรอฏวึ ปตฺวา ปุตฺตํ นิรนฺตรํ เภรึ วาเทนฺตํ วาเรสิ ตาต นิรนฺตรํ เภรึ อวาเทตฺวา มคฺคปฏิปนฺนอิสฺสรเภรึ วิย อนฺตรนฺตรา วาเทหีติ ฯ โส ปิตรา วาริยมาโนปิ เภริสทฺเทเนว โจเร ปลาเปสฺสามีติ วตฺวา นิรนฺตรเมว วาเทติ ฯ โจรา ปฐมญฺเญว เภริสทฺทํ สุตฺวา อิสฺสรเภริ วิย ภวิสฺสตีติ ปลายิตฺวา อติวิย เอกาพทฺธํ สทฺทํ สุตฺวา นายํ อิสฺสรเภริ ภวิสฺสตีติ อาคนฺตฺวา อุปธาเรนฺตา เทฺวเยว ชเน ทิสฺวา โปเถตฺวา วิลุมฺปึสุ ฯ โพธิสตฺโต กิจฺเฉน วต โน ลทฺธธนํ เอกาพทฺธํ กตฺวา วาเทนฺโต นาเสสีติ วตฺวา อิมํ คาถมาห ธเม ธเม นาติธเม อติธนฺตํ หิ ปาปกํ ธมนฺเตน สตํ ลทฺธํ อติธนฺเตน นาสิตนฺติ ฯ ตตฺถ ธเม ธเมติ ธเมยฺย โน น ธเมยฺย เภรึ วาเทยฺย โน น วาเทยฺยาติ อตฺโถ ฯ นาติธเมติ อติกฺกมิตฺวา ปน นิรนฺตรเมว กตฺวา น วาเทยฺย ฯ กึการณา ฯ อติธนฺตํ หิ ปาปกนฺติ นิรนฺตรํ เภริวาทนํ อิทานิ อมฺหากํ ปาปกํ ลามกํ ชาตํ ฯ ธมนฺเตน สตํ ลทฺธนฺติ นคเร เภริวาทเนน กหาปณสตํ ลทฺธํ ฯ อติธนฺเตน นาสิตนฺติ--------------------------------------------------------------------------------------------- หน้าที่ ๗๓.
อิทานิ ปน เม ปุตฺเตน วจนํ อกตฺวา ยํ อิทํ อฏวิยํ อติธนฺตํ เตน อติธนฺเตน สพฺพํ นาสิตนฺติ ฯ สตฺถา อิมํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา ปุตฺโต ทุพฺพจภิกฺขุ อโหสิ ปิตา ปน อหเมวาติ ฯ เภริวาทชาตกํ นวมํ ฯ --------อรรถกถาภาษาบาลีอักษรไทย เล่มที่ ๓๖ หน้า ๗๑-๗๓. http://84000.org/tipitaka/atthapali/read_th.php?B=36&A=1420&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=36&A=1420&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=59 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=385 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=379 The Pali Tipitaka in Roman Character :- http://84000.org/tipitaka/read/roman_read.php?B=27&A=379 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]