|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Bherivadajatakam
dhame dhameti idam sattha jetavane viharanto annataram dubbacam
arabbha kathesi.
Tanhi bhikkhum sattha saccam kira tvam dubbacositi pucchitva
saccam bhagavati vutte na tvam bhikkhu idaneva dubbaco pubbepi
dubbacoyevati vatva atitam ahari.
---------------------------------------------------------------------------------------------
page72.
Atite baranasiyam brahmadatte rajjam karente bodhisatto
bherivadakakule nibbattitva gamake vasati. So baranasiyam nakkhattam
sanghutthanti sutva samajjamandale bherim vadetva dhanam aharissamiti
puttam adaya tattha gantva bherim vadetva bahum dhanam labhi
tam adaya attano gamam gacchanto coraatavim patva puttam nirantaram
bherim vadentam varesi tata nirantaram bherim avadetva
maggapatipannaissarabherim viya antarantara vadehiti. So pitara variyamanopi
bherisaddeneva core palapessamiti vatva nirantarameva vadeti.
Cora pathamanneva bherisaddam sutva issarabheri viya bhavissatiti
palayitva ativiya ekabaddham saddam sutva nayam issarabheri
bhavissatiti agantva upadharenta dveyeva jane disva pothetva
vilumpimsu. Bodhisatto kicchena vata no laddhadhanam ekabaddham
katva vadento nasesiti vatva imam gathamaha
dhame dhame natidhame atidhantam hi papakam
dhamantena satam laddham atidhantena nasitanti.
Tattha dhame dhameti dhameyya no na dhameyya bherim vadeyya
no na vadeyyati attho. Natidhameti atikkamitva pana nirantarameva
katva na vadeyya. Kimkarana. Atidhantam hi papakanti nirantaram
bherivadanam idani amhakam papakam lamakam jatam. Dhamantena satam
laddhanti nagare bherivadanena kahapanasatam laddham. Atidhantena nasitanti
---------------------------------------------------------------------------------------------
page73.
Idani pana me puttena vacanam akatva yam idam ataviyam atidhantam
tena atidhantena sabbam nasitanti.
Sattha imam dhammadesanam aharitva anusandhim ghatetva jatakam
samodhanesi tada putto dubbacabhikkhu ahosi pita pana
ahamevati.
Bherivadajatakam navamam.
--------
The Pali Atthakatha in Roman Book 36 page 71-73.
http://84000.org/tipitaka/atthapali/read_rm.php?B=36&A=1420&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=1420&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=59
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=385
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=379
The Pali Tipitaka in Roman Character :-
http://84000.org/tipitaka/read/roman_read.php?B=27&A=379
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]