|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๙. ตจฺฉกสุกรชาตกํ ฯ ยเทสมานา วิจริมฺหาติ อิทํ สตฺถา เชตวเน วิหรนฺโต เทฺว มหลฺลกตฺเถเร อารพฺภ กเถสิ ฯ มหาโกสลฺโล กิร พิมฺพิสารสฺส ธีตรํ เทนฺโต ธีตุ นฺหานียมูลตฺถาย กาสิกคามํ อทาสิ ฯ ปเสนทิราชา อชาตสตฺตุนา ปิตริ มาริเต ตํ คามํ อจฺฉินฺทิ ฯ เตสุ ตสฺสตฺถาย ยุชฺฌนฺเตสุ ปมํ อชาตสตฺตุสฺส ชโย อโหสิ ฯ โกสลราชา ปราชยํ ปตฺโต อมจฺเจ ปุจฺฉิ เกน นุโข อุปาเยน อชาตสตฺตุํ คณฺเหยฺยามาติ ฯ มหาราช ภิกฺขูนาม มนฺตกุสลา โหนฺติ จารปุริเส เปเสตฺวา ภิกฺขูนํ กถํ ปริคฺคณฺหิตุํ วฏฺฏตีติ ฯ ราชา สาธูติ ปฏิสุณิตฺวา เอถ ตุมฺเห วิหารํ คนฺตฺวา ปฏิจฺฉนฺนา หุตฺวา ภทนฺตานํ กถํ ปริคฺคณฺหถาติ ปุริเส ปโยเชสิ ฯ เชตวเนปิ พหู ราชปุริสา ปพฺพชิตา โหนฺติ ฯ เตสุ เทฺว มหลฺลกตฺเถรา วิหารปจฺจนฺเต ปณฺณสาลาย วสนฺติ เอโก ธนุคฺคหติสฺสตฺเถโรนาม เอโก มนฺตทตฺตตฺเถโรนาม ฯ เต สพฺพรตฺตึ สุปิตฺวา ปจฺจูสกาเล ปพุชฺฌึสุ ฯ เตสุ ธนุคฺคหติสฺสตฺเถโร อคฺคึ ชาเลตฺวา อาห ภนฺเต มนฺตทตฺตตฺเถราติ ฯ กึ ภนฺเตติ ฯ นิทฺทายถ ตุมฺเหติ ฯ น นิทฺทายาม กึ กาตพฺพนฺติ ฯ ภนฺเต พาลโก วตายํ ปเสนทิโกสลราชา ปาตีมตฺตโภชนเมว ปริภุญฺชิตุํ ชานาตีติ ฯ อถ กึ ภนฺเตติ ฯ อตฺตโน กุจฺฉิมฺหิ ปาณกมตฺเตน อชาตสตฺตุนา ปราชิโต ราชาติ ฯ กึ ปน ภนฺเต กาตุํ วฏฺฏตีติ ฯ ภนฺเต--------------------------------------------------------------------------------------------- หน้าที่ ๓๓๙.
มนฺตทตฺตตฺเถร ยุทฺธํนาม สกฏพฺยุหจกฺกพฺยุหปทุมพฺยุหาทิวเสน ติวิธํ เตสุ ภาคิเนยฺยํ อชาตสตฺตุํ คณฺหนฺเตน สกฏพฺยุหํ กตฺวา คณฺหิตุํ วฏฺฏตีติ อสุกํนาม อสุกํนาม ปพฺพตฺขณฺฑํ ทฺวีสุ ปสฺเสสุ ปุริเส เปตฺวา ปุรโต พลํ ทสฺเสตฺวา อนฺโต ปวิฏฺภาวํ ตฺวา นทิตฺวา วคฺคิตฺวา กุมิเน ปวิฏฺมจฺฉํวิย อนฺโตมุฏฺิยํ กตฺวา คเหตุํ สกฺกาติ ฯ ปโยชิตปุริสา ตํ กถํ สุตฺวา คนฺตฺวา รญฺโ อาโรเจสุํ ฯ ราชา มหติยา เสนาย คนฺตฺวา ตถา กตฺวา อชาตสตฺตุํ คเหตฺวา สงฺขลิกพนฺธเนน พนฺธิตฺวา กติปาหํ นิมฺมทํ กตฺวา ปุน เอวรูปํ มา กรีติ อสฺสาเสตฺวา โมเจตฺวา ธีตรํ วชิรกุมารึนาม ตสฺส ทตฺวา มหนฺเตน ปริวาเรน วิสชฺเชสิ ฯ โกสลรญฺา ธนุคฺคหติสฺสตฺเถรสฺส สํวิธาเนน อชาตสตฺตุ คหิโตติ ภิกฺขูนํ อนฺตเร กถา สมุฏฺหิ ฯ ธมฺมสภายํ ตเมว กถํ สมุฏฺาเปสุํ ฯ สตฺถา อาคนฺตฺวา กายนุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา อิมายนามาติ วุตฺเต น ภิกฺขเว อิทาเนว ปุพฺเพปิ ธนุคฺคหติสฺสตฺเถโร ยุทฺธสํวิธาเน เฉโกติ วตฺวา อตีตํ อาหริ อตีเต พาราณสีนครสฺส ทฺวารคามวาสี เอโก วฑฺฒกี อตฺตโน ทารุอตฺถาย อรญฺ ปวิสิตฺวา อาวาเฏ ปติตํ เอกํ สุกรโปตกํ ทิสฺวา อาเนตฺวา ตจฺฉกสุกโรติสฺส นามํ กตฺวา โปเสสิ ฯ โส ตสฺส อุปการโก อโหสิ ฯ ตุณฺเฑน รุกฺขํ ปริวตฺติตฺวา เทติ นาสิกาย เวเตฺวา กาฬสุตฺตํ กฑฺฒติ มุเขน ฑํสิตฺวา วาสินิขาทนมุคฺครํ อาหรติ ฯ โส วุฑฺฒิปตฺโต มหาพโล มหาสรีโร อโหสิ ฯ--------------------------------------------------------------------------------------------- หน้าที่ ๓๔๐.
อถ วฑฺฒกีปิ ตสฺมึ ปุตฺตเปมํ ปจฺจุปฏฺเปตฺวา อิมํ อิเธว วสนฺตํ โกจิเทว หึเสยฺยาติ อรญฺเ วิสชฺเชสิ ฯ โส จินฺเตสิ อหํ อิมสฺมึ อรญฺเ เอกโกว วสิตุํ น สกฺขิสฺสามิ าตเก ปริเยสิตฺวา เตหิ ปริวุโต วสิสฺสามีติ ฯ โส วนฆฏาย สุกเร ปริเยสนฺโต พหู สุกเร ทิสฺวา ตุสิตฺวา ติสฺโส คาถา อภาสิ ยเทสมานา วิจริมฺหา ปพฺพตานิ วนานิ จ อนฺเวสํ วิปุเล าตี เตเม อธิคตา มยา ฯ พหุํ จิทํ มูลผลํ ภกฺโข จายํ อนปฺปโก รมฺมาปิ คิรินทิโย ผาสุวาโส ภวิสฺสติ ฯ อิเธวาหํ วสิสฺสามิ สห สพฺเพหิ าตีภิ อปฺโปสฺสุกฺโก นิราสงฺกิ อโสโก อกุโตภโยติ ฯ ตตฺถ ยเทสมานาติ ยํ าติคณํ ปริเยสนฺตา มยํ วิจริมฺหา ฯ อนฺเวสนฺติ จิรํ วต อนฺเวสนฺโตปิ จรึ ฯ เตเมติ เต อิเม ฯ ภกฺโขติ เสฺวว วนมูลผลาผลสงฺขาโต ภกฺโข ฯ อปฺโปสฺสุกฺโกติ อปฺโปสฺสุกฺโก หุตฺวา ฯ สุกรา ตสฺส วจนํ สุตฺวา จตุตฺถํ คาถมาหํสุ อญฺมฺหิ เลณํ ปริเยส สตฺตุ โน อิธ วิชฺชติ โส ตจฺฉ สุกเร หนติ อิธาคนฺตฺวา วรํวรนฺติ ฯ ตตฺถ ตจฺฉาติ ตํ นาเมน อาลปติ ฯ วรํวรนฺติ สุกเร หนติ หนนฺโต ถูลสรีรํ วรํ วรญฺเว หนติ ฯ อิโต ปรํ อุตฺตานสมฺพนฺธคาถา ปาลินเยเนว เวทิตพฺพา--------------------------------------------------------------------------------------------- หน้าที่ ๓๔๑.
โกนมฺหากํ อิธ สตฺตุ โก าตี สุสมาคเต ทุปฺปธํเส ปธํเสติ ตํ เม อกฺขาหิ ปุจฺฉิโต ฯ อุทฺธคฺคราชี มิคราชา พลี ทาฒาวุโธ มิโค โส ตจฺฉ สุกเร หนฺติ อิธาคนฺตฺวา วรํวรํ ฯ น โน ทาฒานิ วิชฺชนฺติ พลํ กาเย สมูหตํ สพฺเพสมคฺคา หุตฺวาน วสํ คาหาม เอกกํ ฯ หทยงฺคมํ กณฺณสุขํ วาจํ ภาสสิ ตจฺฉก โยปิ ยุทฺเธ ปลาเปถ ตํปิ ปจฺฉา หนามเสติ ฯ ตตฺถ โกนมฺหากนฺติ อหํ ตุมฺเห ทิสฺวาว อิเม สุกฺรา อปฺปมํสโลหิตา ภเยน เตสํ ภวิตพฺพนฺติ จินฺตยึ ตสฺมา เม อาจิกฺขถ โก นุ อมฺหากํ อิธ สตฺตุ ฯ อุทฺธคฺคราชีติ อุทฺธคฺคาหิ สรีรราชีหิ สมนฺนาคโต พฺยคฺฆํ สนฺธาเยวมาหํสุ ฯ โยปีติ โย อมฺหากํ อนฺตเร เอโกปิ ปลายิสฺสติ ตํ มยํ ปจฺฉา หนิสฺสามาติ ฯ ตจฺฉกสุกโร สพฺเพ สุกเร เอกจิตฺเต กตฺวา ปุจฺฉิ กาย เวลาย พฺยคฺโฆ อาคมิสฺสตีติ ฯ อชฺช ปาโตว เอกํ คเหตฺวา คโต เสฺว ปาโตว อาคมิสฺสตีติ ฯ โส ยุทฺธกุสโล อิมสฺมึ าเน ิโต น สกฺกา เชตุนฺติ ภูมิสีสํ ชานาติ ตสฺมา เอกํ ปเทสํ สลฺลกฺเขตฺวา รตฺติเมว สุกเร โคจรํ คาหาเปตฺวา พลวปจฺจูสโต ปฏฺาย ยุทฺธํนาม สกฏพฺยุหาทิวเสน ติวิธํ โหตีติ วตฺวา ปทุมพฺยุหํ สํวิทหิตฺวา มชฺฌฏฺาเน ขีรปีเต สุกรโปตเก เปสิ เต ปริวาเรตฺวา เตสํ มาตโร ตา ปริวาเรตฺวา มชฺฌิมสุกริโย ตาสํ อนฺตรา--------------------------------------------------------------------------------------------- หน้าที่ ๓๔๒.
สุกรโปตเก เตสํ อนฺตรา มกุลทาเฒ ตรุณสุกเร เตสํ อนฺตรา มหาทาเฒ เตสํ อนฺตรา ชิณฺณสุกเร ตตฺถ ตตฺถ ทสวคฺคํ วีสติวคฺคํ ตึสวคฺคญฺจ กตฺวา พลคุมฺพํ เปตฺวา อตฺตโน อตฺถาย เอกํ อาวาฏํ พฺยคฺฆสฺส ปตนตฺถาย เอกํ สุปฺปสณฺานํ ปพฺภารกํ กตฺวา ขณาเปสิ ทฺวินฺนํ อาวาฏานํ อนฺตเร อตฺตโน วสนตฺถาย ปีกํ กาเรสิ ฯ โส ถามสมฺปนฺเน โยธสุกเร คเหตฺวา ตสฺมึ ตสฺมึ าเน สุกเร อสฺสาเสนฺโต วิจริ ฯ ตสฺเสวํ กโรนฺตสฺส สุริโย อุคฺคจฺฉติ ฯ อถ พฺยคฺฆราชา กูฏชฏิลสฺส อสฺสมปทา นิกฺขมิตฺวา ปพฺพตตเล อฏฺาสิ ฯ ตํ ทิสฺวา สุกรา อาคโต โน ภทนฺเต เวรีติ วทึสุ ฯ มา ภายถ ยํ เอส กโรติ ตํ สพฺพํ ปฏิปกฺขา หุตฺวา กโรถาติ ฯ พฺยคฺโฆ สรีรํ วิธูนิตฺวา สลตํ โอสกฺกนฺโตวิย ปสฺสาวมกาสิ ฯ สุกราปิ ตเถว กรึสุ ฯ โส เตสํ กิริยํ ทิสฺวา จินฺเตสิ น อิเมปุพฺพสทิสา อชฺช มยฺหํ ปฏิสตฺตุโน หุตฺวา วคฺควคฺคา ิตา สํวิทหโก เตสํ เสนานายโกปิ อตฺถิ อชฺช มยา เอเตสํ สนฺติกํ คนฺตุํ น วฏฺฏตีติ มรณภยภีโต นิวตฺติตฺวา กูฏชฏิลสฺส สนฺติกํ คโต ฯ อถ นํ โส ตุจฺฉหตฺถํ ทิสฺวา นวมํ คาถมาห ปาณาติปาตา วิรโต นุสชฺช อภยํ นุ เต สพฺพภูเตสุ ทินฺนํ ทาฒา นุ เต มิควิริย น สนฺติ โย สงฺฆปฺปตฺโต กปโณวชฺฌายสีติ ฯ--------------------------------------------------------------------------------------------- หน้าที่ ๓๔๓.
ตตฺถ สงฺฆปฺปตฺโตติ โย ตฺวํ สุกรสงฺฆปฺปตฺโต หุตฺวา กิญฺจิ โคจรํ อลภิตฺวา กปโณวิย ฌายสีติ ฯ อถสฺส พฺยคฺโฆ ติสฺโส คาถา อภาสิ น เม ทาฒา น วิชฺชนฺติ พลํ กาเย สมูหตํ าตี จ ทิสฺวาน สมงฺคิ เอกโต ตสฺมาชฺฌายามิ วนมฺหิ เอกโก ฯ อิมสฺสุทํ ยนฺติ ทิสาทิสํ ปุเร ภยทฺทิตา เลณคเวสิโน ปุถู เตทานิ สงฺคมฺม วสนฺติ เอกโต ยตฺถ ิตา ทุปฺปสหาชฺช เต มยา ฯ ปรินายกสมฺปนฺนา สหิตา เอกวาทิโน เต มํ สมคฺคา หึเสยฺยุํ ตสฺมา เตสํ น ปฏฺเยติ ฯ ตตฺถ สมงฺคิ เอกโตติ สหิโต หุตฺวา เอกโต ิเต ฯ อิมสฺสุทนฺติ อิเม สุทํ มยา อกฺขีนิ อุมฺมิเลตฺวา โอโลกิตมตฺตาว ปุพฺเพปิ ทิโสทิสํ คจฺฉนฺติ ฯ ปุถูติ วิสุํ วิสุํ ฯ ยตฺถ ิตาติ ยสฺมึ ภูมิภาเค ิตา ฯ ปรินายกสมฺปนฺนาติ เสนานายกสมฺปนฺนา ฯ ตสฺมา เนสํ น ปฏฺเยติ เตน การเณน เอเตสํ น ปฏฺเมิ ฯ ตํ สุตฺวา กูฏชฏิโล ตสฺส อุสฺสาหํ ชเนนฺโต คาถมาห เอโกว อินฺโท อสุเร ชินาติ เอโกว เสโน หนฺติ ทิเช ปสยฺห--------------------------------------------------------------------------------------------- หน้าที่ ๓๔๔.
เอโกว พฺยคฺโฆ มิคสงฺฆปตฺโต วรํวรํ หนฺติ พลญฺหิ ตาทิสนฺติ ฯ ตตฺถ มิคสงฺฆปตฺโตติ มิคคณปตฺโต หุตฺวา วรํวรํ มิคํ หนติ ฯ พลญฺหิ ตาทิสนฺติ ตาทิสํ ตสฺส พลํ ฯ อถ นํ พฺยคฺโฆ คาถมาห นเหว อินฺโท น เสโน นปิ พฺยคฺโฆ มิคาธิโป สมคฺเค สหิเต าตี พฺยคฺโฆ น กุรุเต วเสติ ฯ ตตฺถ พฺยคฺโฆ นาติ พฺยคฺฆสทิเส หุตฺวา สรีรวิธูนนาทีนิ กตฺวา ิเต วเส น กุรุเต อตฺตโน วเส วตฺตาเปตุํ น สกฺโกตีติ อตฺโถ ฯ ปุน ชฏิโล อุสฺสาเหนฺโต เทฺว คาถา อภาสิ กุมฺภิลิกา สกุณิกา สงฺฆิโน คณจาริโน สมฺโมทมานา เอกชฺฌํ อุปฺปตนฺติ อุยฺยนฺติ จ ฯ เตสํ พนฺธิยมานานํ เอเกตฺถ อปสกฺกติ ตญฺจ เสโน นิตาเลติ เวยฺยคฺฆิเยว สา คตีติ ฯ ตตฺถ กุมฺภิลิกาติ เอวนฺนามกา ขุทฺทกสกุณา ฯ อุปฺปตนฺตีติ โคจเร จรนฺตา ฯ อุยฺยนฺติ จาติ โคจรํ คเหตฺวา อากาเสน คจฺฉนฺติ ฯ เอเกตฺถ อปสกฺกตีติ เอโกว เอเตสุ โอสกฺกิตฺวา วา เอกปสฺเสน วา วิสุํ คจฺฉติ ฯ นิตาเลตีติ ปหริตฺวา คณฺหติ ฯ เวยฺยคฺฆิเยว สา คตีติ พฺยคฺฆานเมว สา คติ เวยฺยคฺฆิ พฺยคฺฆานํ สมคฺควาสํ คจฺฉนฺตานมฺปิ เอสา เอวรูปา คติ พฺยคฺฆานํ คติเยวนาม โหติ น หิ สกฺกา สพฺเพหิ เอกโตว คนฺตุํ ตสฺมา โย เอวํ ตตฺถ เอโก--------------------------------------------------------------------------------------------- หน้าที่ ๓๔๕.
คจฺฉติ ตํ คณฺหาติ ฯ เอวญฺจ ปน วตฺวา พฺยคฺฆราช ตฺวํ อตฺตโน พลํ น ชานาสิ มา ภายิ เกวลํ นทิตฺวา ปกฺขนฺทิ เอกโตว คจฺฉนฺตานาม นตฺถีติ อุสฺสาเหสิ ฯ โส ตถา อกาสิ ฯ ตมตฺถํ ปกาเสนฺโต สตฺถา อาห อุสฺสาหิโต ชฏิเลน ลุทฺเธนามิสจกฺขุนา ทาฒิ ทาฒีสุ ปกฺขนฺทิ มญฺมาโน ยถา ปุเรติ ฯ ตตฺถ ทาฒีติ สยํ ทาฒาวุโธ อิตเรสุ ทาฒาวุเธสุ ปกฺขนฺทิ ฯ ยถา ปุเรติ ยํ ปุพฺเพ มญฺติ ตเถว มญฺมาโน ฯ โส กิร คนฺตฺวา ปพฺพตตเล อฏฺาสิ ฯ สุกรา ปุนาคโต สามิ โจโรติ ตจฺฉกสฺส อาโรเจสุํ ฯ โส มา ภายถาติ เต อสฺสาเสตฺวา อุฏฺาย ทฺวินฺนํ อาวาฏานํ อนฺตเร ปีกาย อฏฺาสิ ฯ พฺยคฺโฆ เวคํ ชเนตฺวา ตจฺฉกสุกรํ สนฺธาย ปกฺขนฺทิ ฯ ตจฺฉกสุกโร ปริวตฺติตฺวา ปจฺฉามุโข ปุริมาวาเฏ ปติ ฯ พฺยคฺโฆ เวคํ สนฺธาเรตุํ อสกฺโกนฺโต คนฺตฺวา สุปฺปปพฺภาราวาเฏ ปติตฺวา ปุญฺชกโต อฏฺาสิ ฯ ตจฺฉกสุกโร เวเคน อุฏฺาย อาวาฏา อุตฺตาเรตฺวา ตสฺส อนฺตรสตฺถิมฺหิ ทาฒํ โอตาเรตฺวา ยาว หทยา ผาเลตฺวา คจฺฉติ ฯ มํสํ ขาทิตฺวา มุเขน ฑํสิตฺวา พหิอาวาเฏ ปาเตตฺวา คณฺหถ มํสนฺติ อาห ฯ ปมาคตา เอกวารเมว ตุณฺโฑตารณมตฺตํ ลภึสุ ฯ ปจฺฉา อาคตา อลภิตฺวา--------------------------------------------------------------------------------------------- หน้าที่ ๓๔๖.
พฺยคฺฆมํสํนาม กีทิสนฺติ วทึสุ ฯ ตจฺฉกสุกโร อาวาฏา อุตฺตริตฺวา สุกเร โอโลเกตฺวา กึ นุโข น ตุสฺสถาติ อาห ฯ สามิ เอโก ตาว พฺยคฺโฆ คหิโต อญฺโ ปเนโก ทูสกพฺยคฺโฆ คหิโต อญฺโ ปเนโก พฺยคฺฆนายโก อตฺถีติ ฯ โกนาเมโสติ ฯ พฺยคฺเฆน อาภตาภตํ มํสํ ขาทโก กูฏชฏิโลติ ฯ เตนหิ เอถ คณฺหิสฺสาม นนฺติ เตหิ สทฺธึ เวเคน ปกฺขนฺทิ ฯ ชฏิโล พฺยคฺโฆ จิรายตีติ ตสฺส อาคมนมคฺคํ โอโลเกนฺโต พหู สุกเร อาคจฺฉนฺเต ทิสฺวา อิเม พฺยคฺฆํ มาเรตฺวา มม มารณตฺถาย อาคจฺฉนฺติ มญฺเติ ปลายิตฺวา เอกํ อุทุมฺพรรุกฺขํ อภิรูหิ ฯ สุกรา เอตํ รุกฺขํ อารูฬฺโหติ วทึสุ ฯ กึ รุกฺขนฺติ ฯ อุทุมฺพรรุกฺขนฺติ ฯ เตนหิ มา จินฺตยิตฺถ อิทานิ นํ คณฺหิสฺสามาติ ตรุณสุกเร ปกฺโกสิตฺวา รุกฺขมูลโต ปํสุํ อปพฺยูหาเปสิ สุกรีหิ มุขปูรํ อุทกํ อาหราเปสิ มหาทาฒสุกเรหิ สมนฺตา มูลานิ ฉินฺทาเปสิ เอกํ อุชุกํ โอติณฺณมูลเมว อฏฺาสิ ตโต เสสสุกเร ตุมฺเห อเปถาติ โอสฺสาเรตฺวา ชณฺณุเกหิ ปติฏฺหิตฺวา ทาเฒน มูเล ปหริ ฯ ผรสุนา ปหตํวิย ฉินฺทิตฺวา ตํ รุกฺขํ ปริวตฺเตตฺวา กูฏชฏิลํ ปติตมตฺตเมว สมฺปฏิจฺฉิตฺวา มํสํ ภกฺเขสุํ ฯ ตํ อจฺฉริยํ ทิสฺวา รุกฺขเทวตา คาถมาห สาธุ สมฺพหุลา าตี อปิ รุกฺขา อรญฺชา สุกเรหิ สมคฺเคหิ พฺยคฺโฆ เอกายเน หโตติ ฯ ตตฺถ เอกายเน หโตติ เอกมคฺคสฺมึเยว หโต ฯ อุภินฺนํปิ จ เนสํ หตภาวํ ปกาเสนฺโต สตฺถา อิมํ คาถมาห--------------------------------------------------------------------------------------------- หน้าที่ ๓๔๗.
พฺราหฺมณญฺเจว พยคฺฆญฺจ อุโภ หนฺตวาน สุกรา อานนฺทิโน ปโมทิตา มหานาทมนาทึสูติ ฯ ปุน ตจฺฉกสุกโร ปุจฺฉิ อญฺเปิ โว อมิตฺตา อตฺถีติ ฯ สุกรา นตฺถิ สามีติ วตฺวา ตํ อภิสิญฺจิตฺวา ราชานํ กริสฺสามาติ อุทกํ ปริเยสนฺตา ชฏิลสฺส ปานียสงฺขํ ทิสฺวา ตํ ทกฺขิณาวฏฺฏํ สงฺขรตนํ ปูเรตฺวา อุทกํ อาหริตฺวา ตจฺฉกสุกรํ อุทุมฺพรมูเลเยว อภิสิญฺจึสุ ฯ อภิเสกอุทกํ อภิสิตฺตํ สุกรึ ตสฺส อคฺคมเหสึ กรึสุ ฯ ตโต ปฏฺาย อุทุมฺพรภทฺทปีเ นิสีทาเปตฺวา ทกฺขิณาวฏฺฏสงฺเขน อภิเสกกรณํ ปวตฺตํ ฯ ตมฺปิ อตฺถํ ปกาเสนฺโต สตฺถา โอสานคาถมาห เตสุทุมฺพรมูลสฺมึ สุกรา สุสมาคตา ตจฺฉกํ อภิสิญฺจึสุ ตฺวํ โน ราชาสิ อิสฺสโรติ ฯ ตตฺถ เตสุทุมฺพรมูลสฺมินฺติ เต สุกรา สุกาโรนิปาตมตฺตํ ฯ อุทุมฺพรมูลสฺมินฺติ อุทุมฺพรสฺส มูเล ฯ สตฺถา อิมํ ธมฺมเทสนํ อาหริตฺวา น ภิกฺขเว อิทาเนว ปุพฺเพปิ ธนุคฺคหติสฺโส ยุทฺธสํวิธาเน เฉโกติ วตฺวา ชาตกํ สโมธาเนสิ ตทา กูฏชฏิโล เทวทตฺโต อโหสิ ตจฺฉกสุกโร ธนุคฺคหติสฺโส รุกฺขเทวตา ปน อหเมวาติ ฯ ตจฺฉกสุกรชาตกํ นวมํ ฯ ------------อรรถกถาภาษาบาลีอักษรไทย เล่มที่ ๔๐ หน้า ๓๓๘-๓๔๗. http://84000.org/tipitaka/atthapali/read_th.php?B=40&A=6889&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=40&A=6889&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=1975 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=7658 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=8040 The Pali Tipitaka in Roman Character :- http://84000.org/tipitaka/read/roman_read.php?B=27&A=8040 สารบัญพระไตรปิฎกเล่มที่ ๒๗ http://84000.org/tipitaka/read/?index_27
![อ่านหน้า[ต่าง] แรก](go1.gif) ![อ่านหน้า[ต่าง] ที่แล้ว](go2.gif)   ![อ่านหน้า[ต่าง] ถัดไป](go3.gif) ![อ่านหน้า[ต่าง] สุดท้าย](go4.gif)   |
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]