อรรถกถาเล่มที่ ๕๐ ภาษาบาลีอักษรไทย
 อป.อ.๒ (วิสุทฺธ.๒)

                  ๑๑๕. ๓. สรณคมนิยตฺเถราปทานวณฺณนา
     อุภินฺนํ เทวราชูนนฺติอาทิกํ อายสฺมโต สรณคมนิยตฺเถรสฺส อปทานํ. อยมฺปิ
ปุริมพุทฺเธสุ กตาธิกาโร ตตฺถ ตตฺถ ภเว ๑- วิวฏฺฏูปนิสฺสยานิ ปุญฺานิ อุปจินนฺโต
ปทุมุตฺตเร ภควติ อุปฺปนฺเน อยํ หิมวนฺเต เทวราชา หุตฺวา นิพฺพตฺติ, ตสฺมึ
อปเรน ๒- ยกฺขเทวรญฺา สทฺธึ สงฺคามตฺถาย อุปฏฺิเต เทฺว อเนกยกฺขสหสฺส-
ปริวารา ผลกาวุธาทิหตฺถา สงฺคามตฺถาย สมุปพฺยูฬฺหา อเหสุํ. ตทา ปทุมุตฺตโร
ภควา เตสุ สตฺเตสุ การุญฺ อุปฺปาเทตฺวา อากาเสน ตตฺถ คนฺตฺวา สปริวารานํ
ทฺวินฺนํ เทวราชูนํ ธมฺมํ เทเสสิ. ตทา เต สพฺเพ ผลกาวุธานิ ฉฑฺเฑตฺวา
ภควนฺตํ คารวพหุมาเนน วนฺทิตฺวา สรณํ อคมํสุ. เตสํ อยํ ปมํ สรณํ อคมาสิ.
โส เตน ปุญฺเน เทวมนุสฺเสสุ สํสรนฺโต อุภยสมฺปตฺติโย อนุภวิตฺวา อิมสฺมึ
พุทฺธุปฺปาเท กุลเคเห นิพฺพตฺโต วุทฺธิมนฺวาย สตฺถริ ปสนฺโน ปพฺพชิตฺวา
นจิรสฺเสว อรหา อโหสิ.
     [๒๐] โส อปรภาเค ปุพฺพกุสลํ สริตฺวา โสมนสฺสชาโต ปุพฺพจริตาปทานํ
ปกาเสนฺโต อุภินฺนํ เทวราชูนนฺติอาทิมาห. ตตฺถ สุจิโลมขรโลมอาฬวกกุมฺภีร-
กุเวราทโย วิย นามโคตฺเตน อปากฏา เทฺว ยกฺขราชาโน อญฺาปเทเสน ทสฺเสนฺโต
"อุภินฺนํ เทวราชูนนฺติอาทิมาห. ๓- สงฺคาโม สมุปฏฺิโตติ ๔- สํ สุฏฺุ คาโม
กลหตฺถาย อุปคมนนฺติ สงฺคาโม, โส สงฺคาโม สํ สุฏฺุ อุปฏฺิโต, เอกฏฺาเน
อุปคนฺตฺวา ิโตติ อตฺโถ. อโหสิ สมุปพฺยูโฬฺหติ สํ สุฏฺุ อุปสมีเป ราสิภูโตติ
อตฺโถ.
     [๒๑] สํเวเชสิ มหาชนนฺติ เตสํ ราสิภูตานํ ยกฺขานํ อากาเส นิสินฺโน
ภควา จตุสจฺจธมฺมเทสนาย สํ สุฏฺุ เวเชสิ, อาทีนวทสฺสเนน คณฺหาเปสิ
วิญฺาเปสิ โพเธสีติ อตฺโถ. เสสํ สพฺพตฺถ อุตฺตานตฺถเมวาติ.
                  สรณคมนิยตฺเถราปทานวณฺณนา นิฏฺิตา.
                           -----------
@เชิงอรรถ: ๑ ฉ.ม. อุปฺปนฺนุปฺปนฺนภเว.                      ๒ สี. อาสนฺเน.
@๓ อุภินฺนํ เทวราชูนนฺติ อาห (?).                 ๔ ปาฬิ. ปจฺจุปฏฺิโต.

             อรรถกถาภาษาบาลีอักษรไทย เล่มที่ ๕๐ หน้า ๑๕๗.
http://84000.org/tipitaka/atthapali/read_th.php?B=50&A=3391&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=3391&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=32&i=115
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=3512
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=4314
             The Pali Tipitaka in Roman Character :-
http://84000.org/tipitaka/read/roman_read.php?B=32&A=4314
             สารบัญพระไตรปิฎกเล่มที่ ๓๒
http://84000.org/tipitaka/read/?index_32