AtthaPali Vol.13

6-7. Kundaliyasuttadivannana [187-188] Chatthe aramanisaditi ^1- aramam nissaya vasanabhavena aramanisadi. ^2- Parisavacaroti parisaya avacaro. Parisam nama balapi panditapi osaranti, yo pana parappavadam madditva attano vadam dipetum sakkoti, ayam parisavacaro nama. Aramena aramanti arameneva aramam anucankamami, na bahirenati attho. Uyyanena uyyananti etthapi eseva nayo. ^3- Annena va aramena pavisitva annam aramam, annenuyyanena annam uyyananti ayamettha attho. Itivadappamokkhanisamsanti "evam puccha hoti, evam vissajjanam, evam gahanam, evam nibbethanan"ti imina nayena iti vado hoti itivadappamokkhoti etam anisamsam. Uparambhanisamsanti "ayam pucchaya doso, ayam vissajjane"ti evam vadadosanisamsam. Katham bhavito ca kundaliya indriyasamvaroti sattha "ettakam thanam paribbajakena pucchitam, idani pucchitum na sakkoti"ti natva "na tava ayam desana yathanusandhim gata, idani nam yathanusandhim papessami"ti sayameva pucchanto imam desanam arabhi. Tattha manapam nabhijjatiti ittharammanam na abhijjhayati. Nabhihamsatiti na samisaya tutthiya abhihamsati. ^4- Tassa thito ca kayo hoti, thitam cittam ajjhattanti tassa namakayo ca cittanca gocarajjhatte thitam hoti. Susanthitanti kammatthanavasena sutthu santhitam. Suvimuttanti kammatthanavimuttiya suvimuttam. Amanapanti anittharammanam. Na manku hotiti tasmim na manku hoti. @Footnote: ¹ cha. aramanissayiti ² cha. aramanissayi @³ ka. uyyanepi eseva nayo ⁴ ka. avihimsati

--------------------------------------------------------------------------------------------- page213.

Appatitthitacittoti kilesavasena atthitacitto. Adinamanasoti domanassavasena adinacitto. Abyapannacetasoti dosavasena aputicitto. ^1- Evam bhavito kho kundaliya indriyasamvaro evam bahulikato tini sucaritani paripuretiti ettha evam sucaritapuranam veditabbam:- imesu tava chasu dvaresu attharasa duccaritani honti. Katham? cakkhudvare tava ittharammane apathagate kayangavacangani acopetva tasmim arammane lobham uppadentassa manoduccaritam hoti, lobhasahagatena cittena "aho vatidam ittham kantam manapan"ti bhanantassa vaciduccaritam, tadeva hatthena paramasantassa kayaduccaritam. Sesadvaresupi eseva nayo. Ayam pana viseso:- sotadvarasmim hi saddarammanassa vatthubhutam sankhapanavadituriyabhandam anamasam amasantassa, ghanadvare gandharammanassa vatthubhutam gandhamaladim, jivhadvare rasarammanassa vatthubhutam macchamamsadim, kayadvare photthabbarammanassa vatthubhutam vatthatulakapavaradim, ^2- manodvare pannattivasena dhammarammanabhutam sappitelamadhuphanitadim amasantassa kayaduccaritam veditabbam. Sankhepato panettha chasu dvaresu kayavitikkamo kayaduccaritam, vacivitikkamo vaciduccaritam, manovitikkamo manoduccaritanti tineva duccaritani honti. Ayam pana bhikkhu attano bhavanapatisankhane thito imani duccaritani ^3- sucaritam katva viparinameti. ^4- Katham? cakkhudvare tava ittharammane apatham gate kayangavacangani acaletva ruparammanam vipassanam patthapayato manosucaritam hoti, vipassanasahagatena cittena khayadhammam vayadhammanti bhanantassa vacisucaritam, "anamasabhandam etan"ti anamasantassa kayasucaritam. Sesadvaresupi eseva nayo. Evam imina vittharato attharasa sucaritani honti. Sankhepato panetthapi @Footnote: ¹ Si. apadutthacitto ² Si.,ka. civaradim ³ Si.,ka. sucaritani ⁴ Si.,ka. carati

--------------------------------------------------------------------------------------------- page214.

Chasu dvaresu kayasamvaro kayasucaritam, vacisamvaro vacisucaritam, manosamvaro manosucaritanti tineva sucaritani honti, evam indriyasamvaro tini sucaritani paripuretiti veditabbo. Ettavata silanurakkhitam indriyasamvarasilam kathitam. Kayaduccaritam pahayatiadisu tividham kayaduccaritam, catubbidham vaciduccaritam, tividham manoduccaritam. Tassa patipakkhavasena kayasucaritadini veditabbani. Ettavata kayasamvaravacisamvarehi patimokkhasilam, manosamvarena tini silaniti catuparisuddhisilam kathitam hoti. Sakale pana imasmim sutte sucaritamulaka satipatthana lokuttaramissaka, sattannam bojjhanganam mulabhuta satipatthana pubbabhaga, tepi satipatthanamulaka bojjhanga pubbabhagava. Vijjavimuttimulaka pana lokuttarava kathitati veditabba.

The Pali Atthakatha in Roman Book 13 page 212-214. http://84000.org/tipitaka/atthapali/rm_line.php?B=13&A=4606&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=4606&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=19&i=394 เนื้อความพระไตรปิฎกฉบับหลวง :- http://84000.org/tipitaka/read/r.php?B=19&A=2334 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=19&A=1998 The Pali Tipitaka in Roman Character :- http://84000.org/tipitaka/read/roman_read.php?B=19&A=1998 Contents of The Tipitaka Volume 18 http://84000.org/tipitaka/read/?index_19