AtthaPali Vol.48

72-73. Sabbannutannananiddesavannana [119] Sabbannutannananiddese katamam tathagatassa sabbannutannananti pucchitva tena samagatikatta teneva saha anavaranananam niddittham. Na hi @Footnote: ¹ abhi.vi. 35/977/487 ² i. nibbanadassanena

--------------------------------------------------------------------------------------------- page41.

Anavaranananam dhammato visum atthi, ekameva hetam nanam akarabhedato dvedha vuccati saddhindriyasaddhabaladini viya. Sabbannutannanameva hi natthi etassa avarananti, kenaci dhammena, puggalena va avaranam katum asakkuneyyataya anavarananti vuccati avajjanappatibaddhatta sabbadhammanam. Anne pana avajjitvapi na jananti. Keci panahu "manovinnanam viya sabbarammanikatta ^1- sabbannutannanam. Tamyeva nanam indavajiram viya visayesu appatihatatta anavaranananam. Anupubbasabbannutapatikkhepo sabbannutannanam, sakim sabbannutapatikkhepo anavaranananam, bhagava sabbannutannanapatilabhenapi sabbannuti vuccati, na ca anupubbasabbannu. Anavaranananapatilabhenapi sabbannuhi vuccati, na ca sakim sabbannuti. Sabbam sankhatasankhatam anavasesam janatiti ettha sabbanti jativasena sabbadhammanam nissesapariyadanam. Anavasesanti ekekasseva dhammassa sabbakaravasena nissesapariyadanam. Sankhatamasankhatanti dvidha pabhedadassanam. Sankhatam hi ^2- eko pabhedo, asankhatam eko pabhedo. Paccayehi sangamma katanti sankhatam khandhapancakam. Tatha na sankhatanti asankhatam nibbanam. Sankhatam aniccadukkhanattadihi akarehi anavasesam janati, asankhatam sunnatanimittaappanihitadihi akarehi anavasesam janati. Natthi etassa sankhatassa asankhatassa ca avasesoti anavasesam. Sankhatam asankhatanca. Anekabhedapi pannatti paccayehi akatatta asankhatapakkham bhajati. Sabbannutannanam hi sabbapi pannattiyo anekabhedato janati. Atha va sabbanti sabbadhammaggahanam. Anavasesanti nippadesaggahanam. Tattha avaranam natthiti tattha tasmim anavasese sankhatasankhate nissangatta sabbannutannanassa avaranam natthiti tadeva sabbannutannanam anavaranananam namati attho. @Footnote: ¹ Ma. sabbadhammarammanikatta ² Si. sankhatanti

--------------------------------------------------------------------------------------------- page42.

[120] Idani anekavisayabhedato dassetum atitantiadimaha. Tattha atitam anagatam paccuppannanti kalabhedato dassitam. Cakkhunceva rupa catiadi vattharammanabhedato. Evam tam sabbanti ^1- tesam cakkhurupanam anavasesapariyadanam. Evam sesesu. Yavatati anavasesapariyadanam. Aniccatthantiadi samannalakkhanabhedato dassitam. Aniccatthanti ca aniccakaram. Paccattatthe ^2- va upayogavacanam. Esa nayo edisesu. Rupassatiadi khandhabhedato dassitam. Cakkhussa .pe. Jaramaranassati hettha vuttapeyyalanayena yojetabbam. Abhinnayatiadisu hettha vuttanananeva. Abhinnatthantiadi abhijananasabhavam. Esa nayo edisesu. Khandhanam khandhatthantiadi hettha vuttanayeneva veditabbam. Kusale dhammetiadi kusalattikavasena bhedo. Kamavacare dhammetiadi catubhumakavasena. Ubhayatthapi "sabbe janati"ti bahuvacanapatho sundaro. Ekavacanasote patitatta pana potthakesu ekavacanena likhitam. Dukkhassatiadi cuddasannam buddhanananam visayabhedo. Indriyaparopariyatte nanantiadini cattari nanani vatva sabbannutannanam kasma na vuttanti ce? vuccamanassa sabbannutannanatta. Visayabhedato hi sabbannutannane vuccamane tam nanam na vattabbam hoti, sabbannutannanam pana sabbannutannanassa visayo hotiyeva. Puna kalakaramasuttantadisu ^3- vuttanayeneva sabbannutannanabhumim dassento yavata sadevakassa lokassatiadimaha. Tattha saha devehi sadevakassa. Saha marena samarakassa. Saha brahmuna sabrahmakassa lokassa. Saha samanabrahmanehi sassamanabrahmaniya. Saha devamanussasehi sadevamanussaya pajaya. Pajatatta pajati sattalokassa pariyayavacanametam. Tattha sadevakavacanena pancakamavacaradevaggahanam, samarakavacanena chatthakamavacaradevaggahanam, sabrahmakavacanena brahmakayikadibrahmaggahanam, sassamanabrahmanivacanena sasanassa paccatthikapaccamittasamanabrahmanaggahanam @Footnote: ¹ Si. etam sabbanti ² i. paccatthe ³ an.catukka. 21/24/29

--------------------------------------------------------------------------------------------- page43.

Samitapapabahitapapasamanabrahmanaggahananca, pajavacanena sattalokaggahanam, sadevamanussavacanena sammutidevasesamanussaggahanam veditabbam. Evamettha tihi padehi okasaloko, dvihi pajavasena sattaloko gahitoti veditabbo. Aparo nayo:- sadevakaggahanena arupavacaraloko gahito, samarakaggahanena chakamacavaradevaloko, sabrahmakaggahanena rupavacarabrahmaloko, sassamanabrahmanadiggahanena catuparisavasena, sammutidevehi va saha manussaloko, avasesattaloko va. Apicettha sadevakavacanena ukkatthaparicchedato sabbassapi lokassa ditthadijananabhavam sadheti. Tato yesam siya "maro mahanubhavo chakamavacarissaro vasavatti, kim tassapi ditthadim janati"ti, tesam vimatim vidhamanto "samarakassa"ti aha. Yesam pana siya "brahma mahanubhavo ekanguliya ekasmim cakkavalasahasse alokam pharati, dvihi .pe. Dasahi angulihi dasasu cakkavalasahassesu alokam pharati, anuttaranca jhanasamapattisukham patisamvedeti, kim tassapi ditthadim janati"ti, tesam vimatim vidhamanto "sabrahmakassa"ti aha. Tato yesam siya "puthu samanabrahmana sasanapaccatthika, kim tesampi ditthadim janati"ti, tesam vimatim vidhamanto "sassamanabrahmaniya pajaya"ti aha. Evam ukkatthanam ^1- ditthadijananabhavam pakasetva atha sammatideve avasesamanusse ca upadaya ukkatthaparicchedavasena sesasattalokassa ditthadijananabhavam pakaseti. Ayamettha anusandhikkamo. Porana panahu:- sadevakassati devatahi saddhim avasesalokassa. Samarakassati marena saddhim avasesalokassa. Sabrahmakassati brahmehi saddhim avasesalokassa. Evam sabbepi tibhavupage satte tihakarehi tisu padesu pakkhipitva puna dvihakarehi pariyadatum sassamanabrahmaniya pajaya @Footnote: ¹ su.vi. 1/158, pa.su. 2/108

--------------------------------------------------------------------------------------------- page44.

Sadevamanussayati vuttam. Evam pancahi padehi tena tena akarena tedhatukameva pariyadinnam hotiti. Ditthanti rupayatanam. Sutanti saddayatanam. Mutanti patva gahetabbato gandhayatanam rasayatanam photthabbayatanam. Vinnatanti sukhadukkhadidhammarammanam. Pattanti pariyesitva va apariyesitva va pattam. Pariyesitanti pattam va appattam va pariyesitam. Anuvicaritam manasati cittena anusancaritam. Sabbam janatiti imina etam dasseti:- yam aparimanasu lokadhatusu imassa sadevakassa lokassa "nilam pitan"tiadi ^1- ruparammanam cakkhudvare apatham agacchati, ayam satto imasmim khane imam nama ruparammanam disva sumano va dummano va majjhatto va jatoti tam sabbam tathagatassa sabbannutannanam janati. Tatha yam aparimanasu lokadhatusu imassa sadevakassa lokassa "bherisaddo mudingasaddo"tiadi ^2- saddarammanam sotadvare apatham agacchati, "mulagandho tacagandho"tiadi ^3- gandharammanam ghanadvare apatham agacchati, "mularaso khandharaso"tiadi ^4- rasarammanam jivhadvare apatham agacchati, "kakkhalam mudukan"tiadi ^5- pathavidhatutejodhatuvayodhatubhedam photthabbarammanam kayadvare apatham agacchati, ayam satto imasmim khane imam nama photthabbarammanam phusitva sumano va dummano va majjhatto va jatoti tam sabbam tathagatassa sabbannutannanam janati. Tatha yam aparimanasu lokadhatusu imassa sadevakassa lokassa sukhadukkhadibhedam dhammarammanam manodvare apatham agacchati, ayam satto imasmim khane imam nama dhammarammanam vijanitva sumano va dummano va majjhatto va jatoti tam sabbam tathagatassa sabbannutannanam janati. Imassa pana mahajanassa pariyesitva appattampi atthi, pariyesitva pattampi atthi. Apariyesitva @Footnote: ¹ abhi.sam. 34/619/189 ² abhi.sam. 34/620/190 @³ abhi.sam. 34/624/192 ⁴ abhi.sam. 34/628/193 ⁵ abhi.sam. 34/647/196

--------------------------------------------------------------------------------------------- page45.

Appattampi atthi, apariyesitva pattampi atthi. Sabbam tathagatassa sabbannutannanena appattam nama natthiti. [121] Puna aparena pariyayena sabbannutannanabhavasadhanattham ^1- na tassati gathamaha. Tattha na tassa additthimidhatthi kinciti tassa tathagatassa idha imasmim tedhatuke loke, imasmim paccuppannakale va pannacakkhuna addittham nama kinci appamattakampi na atthi na samvijjati. Atthiti idam vattamanakalikam akhyatapadam. Imina paccuppannakalikassa sabbadhammassa natabhavam dasseti. Gathabandhasukhattham panettha dakaro samyutto. Atho avinnatanti ettha athoiti vacanopadane nipato. Avinnatanti atitakalikam avinnatam nama kinci dhammajatam. Nahositi pathaseso. Abyabhutassa atthisaddassa gahane pathasesam vinapi yujjatiyeva. Imina atitakalikassa sabbadhammassa natabhavam dasseti, ajanitabbanti anagatakalikam ajanitabbam nama dhammajatam na bhavissati, natthi va. Imina anagatakalikassa sabbadhammassa natabhavam dasseti. Jananakiriyavisesanamattameva va ettha akaro. Sabbam abhinnasi yadatthi neyyanti ettha yam tekalikam va kalavimuttam va neyyam janitabbam kinci dhammajatam atthi, tam sabbam tathagato abhinnasi adhikena sabbannutannanena jani pativijjhi. Ettha atthisaddena tekalikassa kalavimuttassa ca gahana ^2- atthisaddo abyayabhutoyeva datthabbo. Tathagato tena samantacakkhuti kalavasena okasavasena ca nippadesatta samanta sabbato pavattam nanacakkhu ^3- assati samantacakkhu. Tena yathavuttena karanena tathagato samantacakkhu, sabbannuti vuttam hoti. Imissa gathaya puggaladhitthanaya desanaya sabbannutannanam sadhitam. Puna buddhanananam visayavasena sabbannutannanam dassetukamo samantacakkhuti kenatthena samantacakkhutiadimaha. Tattha gathaya samantacakkhuti vuttapade yam tam @Footnote: ¹ Si. sabbannutabhavadassanattham ² Si. gahanam ³ i. pavattannanacakkhu

--------------------------------------------------------------------------------------------- page46.

Samantacakkhu, tam kenatthena samantacakkhuti attho. Attho panassa yavata dukkhassa dukkhatthotiadihi vuttoyeva hoti. Sabbannutannanam hi samantacakkhu. Yathaha "samantacakkhu vuccati sabbannutannanan"ti ^1- tasmim sabbannutannanatthena vutte samantacakkhuttho ^2- vuttoyeva hotiti. Buddhasseva nananiti buddhananani. Dukkhe nanadinipi hi sabbakarena buddhasseva bhagavato pavattanti, itaresam pana ekadesamatteneva pavattanti. Savakasadharananiti pana ekadesenapi atthitam sandhaya vuttam. Sabbo natoti sabbo nanena nato. Annato dukkhattho natthiti vuttameva attham patisedhena vibhaveti. Sabbo ditthoti na kevalam natamattoyeva, atha kho cakkhuna dittho viya kato. Sabbo viditoti na kevalam ditthamattoyeva, atha kho pakato. Sabbo sacchikatoti na kevalam viditoyeva, atha kho tattha nanappatilabhavasena paccakkhikato. Sabbo phassitoti na kevalam sacchikatoyeva, atha kho punappunam yatharuci samudacaravasena phutthoti. Atha va nato sabhavalakkhanavasena. Dittho samannalakkhanavasena. Vidito rasavasena. Sacchikato paccupatthanavasena. Phassito padatthanavasena. Atha va nato nanuppadavasena. Dittho cakkhuppadavasena. Vidito pannuppadavasena. Sacchikato vijjuppadavasena. Phassito alokuppadavasena. "yavata dukkhassa dukkhattho, sabbo dittho, adittho dukkhattho natthi"tiadina nayena ca "yavata sadevakassa lokassa .pe. Anuvicaritam manasa, sabbam natam, annatam natthi"tiadina nayena ca vittharo veditabbo. Pathamam vuttagathanigamanavasena puna vutta. Tamnigamaneyeva hi kate nananigamanampi katameva hotiti. Sabbannutannananiddesavannana nitthita. Saddhammappakasiniya patisambhidamaggatthakathaya nanakathavannana nitthita. @Footnote: ¹ khu.cula. 30/216/113 ² Si. samantacakkhuattho

The Pali Atthakatha in Roman Book 48 page 40-46. http://84000.org/tipitaka/atthapali/rm_line.php?B=48&A=905&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=905&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=286 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=3248 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3806 The Pali Tipitaka in Roman Character :- http://84000.org/tipitaka/read/roman_read.php?B=31&A=3806 Contents of The Tipitaka Volume 31 http://84000.org/tipitaka/read/?index_31