Atthakatha Book 50 : PALI ROMAN
Apa.A.2 (visuddha.2)

page157.
                  115. 3. Saranagamaniyattherapadanavannana
     ubhinnam devarajunantiadikam ayasmato saranagamaniyattherassa apadanam. Ayampi
purimabuddhesu katadhikaro tattha tattha bhave 1- vivattupanissayani punnani upacinanto
padumuttare bhagavati uppanne ayam himavante devaraja hutva nibbatti, tasmim
aparena 2- yakkhadevaranna saddhim sangamatthaya upatthite dve anekayakkhasahassa-
parivara phalakavudhadihattha sangamatthaya samupabyulha ahesum. Tada padumuttaro
bhagava tesu sattesu karunnam uppadetva akasena tattha gantva saparivaranam
dvinnam devarajunam dhammam desesi. Tada te sabbe phalakavudhani chaddetva
bhagavantam garavabahumanena vanditva saranam agamamsu. Tesam ayam pathamam saranam agamasi.
So tena punnena devamanussesu samsaranto ubhayasampattiyo anubhavitva imasmim
buddhuppade kulagehe nibbatto vuddhimanvaya satthari pasanno pabbajitva
nacirasseva araha ahosi.
     [20] So aparabhage pubbakusalam saritva somanassajato pubbacaritapadanam
pakasento ubhinnam devarajunantiadimaha. Tattha sucilomakharalomaalavakakumbhira-
kuveradayo viya namagottena apakata dve yakkharajano annapadesena dassento
"ubhinnam devarajunantiadimaha. 3- Sangamo samupatthitoti 4- sam sutthu gamo
kalahatthaya upagamananti sangamo, so sangamo sam sutthu upatthito, ekatthane
upagantva thitoti attho. Ahosi samupabyulhoti sam sutthu upasamipe rasibhutoti
attho.
     [21] Samvejesi mahajananti tesam rasibhutanam yakkhanam akase nisinno
bhagava catusaccadhammadesanaya sam sutthu vejesi, adinavadassanena ganhapesi
vinnapesi bodhesiti attho. Sesam sabbattha uttanatthamevati.
                  Saranagamaniyattherapadanavannana nitthita.
                           -----------
@Footnote: 1 cha.Ma. uppannuppannabhave.                      2 Si. asanne.
@3 ubhinnam devarajunanti aha (?).                 4 pali. paccupatthito.


             The Pali Atthakatha in Roman Book 50 page 157.
http://84000.org/tipitaka/atthapali/rm_line.php?B=50&A=3391&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=3391&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=32&i=115
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=3512
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=4314
             The Pali Tipitaka in Roman Character :-
http://84000.org/tipitaka/read/roman_read.php?B=32&A=4314
             Contents of The Tipitaka Volume 32
http://84000.org/tipitaka/read/?index_32