บาลีอรรถกถาเล่มที่ ๓๘

ชวสกุณชาตกํ อกรมฺหาว เต กิจฺจนฺติ อิทํ สตฺถา เวฬุวเน วิหรนฺโต เทวทตฺตสฺส อกตญฺุตํ อารพฺภ กเถสิ ฯ น ภิกฺขเว อิทาเนว ปุพฺเพปิ เทวทตฺโต อกตญฺูเยวาติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต หิมวนฺตปฺปเทเส รุกฺขโกฏฺฏกสกุโณ หุตฺวา นิพฺพตฺติ ฯ อเถกสฺส สีหสฺส มํสํ ขาทนฺตสฺส อฏฺิ คเล ลคฺคิ ฯ คโล อุทฺธุมายิ ฯ โคจรํ คณฺหิตุํ น สกฺโกติ ฯ ขรา เวทนา วตฺตนฺติ ฯ อถ นํ โส สกุโณ โคจรปสุโต ทิสฺวา สาขาย นิสินฺโน กึ ตฺวํ สมฺม ทุกฺขสีติ ปุจฺฉิ ฯ โส ตมตฺถํ อาจิกฺขิ ฯ อหํ เต สมฺม เอตํ อฏฺึ อปเนยฺยํ ภเยน ปน เต สมฺม มุขํ ปวิสิตุํ น วิสหามิ ขาเทยฺยาสิ มนฺติ ฯ มา ภายิ สมฺม นาหนฺตํ ขาทามิ ชีวิตํ เม เทหีติ ฯ โส

--------------------------------------------------------------------------------------------- หน้าที่ ๒๕๘.

สาธูติ ตํ ปสฺเสน นิปชฺชาเปตฺวา โก ชานาติ กึ เม ^๑- ภวิสฺสตีติ จินฺเตตฺวา ยถา มุขํ ปิทหิตุํ น สกฺโกติ ตถา ตสฺส อธโรฏฺเ จ อุตฺตโรฏฺเ จ ทณฺฑกํ เปตฺวา มุขํ ปวิสิตฺวา อฏฺิโกฏึ ตุณฺเฑน ปหริ ฯ อฏฺิ ปติตฺวา คตํ ฯ โส อฏฺึ ปาเตตฺวา สีหสฺส มุขโต นิกฺขมนฺโต ทณฺฑกํ ตุณฺเฑน ปหริตฺวา ปาเตนฺโตว นิกฺขมิตฺวา สาขคฺเค นิลียิ ฯ สีโห นิโรโค หุตฺวา เอกทิวสํ เอกํ วนมหิสํ วธิตฺวา ขาทติ ฯ สกุโณ วีมํสิสฺสามิ นนฺติ ตสฺส อุปริภาเค สาขาย นิลียิตฺวา เตน สทฺธึ สลฺลปนฺโต ปมํ คาถมาห อกรมฺหาว เต กิจฺจํ ยํ พลํ อหุวมฺหเส มิคราช นโม ตฺยตฺถุ อปิ กิญฺจิ ลภามเสติ ฯ ตตฺถ อกรมฺหาว เต กิจฺจนฺติ โภ สีห มยมฺปิ ตว เอกํ กิจฺจํ อกรมฺหา ฯ ยํ พลํ อหุวมฺหเสติ ยํ อมฺหากํ พลํ อโหสิ เตน พเลน ตโต กิญฺจิ อหาเปตฺวา อกรมฺหาเยวาติ ฯ ตํ สุตฺวา สีโห ทุติยํ คาถมาห มม โลหิตภกฺขสฺส นิจฺจํ ลุทฺธานิ กุพฺพโต ทนฺตนฺตรคโต สนฺโต ตํ พหุํ ยมฺปิ ชีวสีติ ฯ ตํ สุตฺวา สกุโณ อิตรา เทฺว คาถา อภาสิ อกตญฺุมกตฺตารํ กตสฺส อปฺปฏิการกํ ยสฺมึ กตญฺุตา นตฺถิ นิรตฺถา ตสฺส เสวนา ยสฺส สมฺมุขจิณฺเณน มิตฺตธมฺโม น ลพฺภติ อนุสฺสุยมนกฺโกสํ สณิกํ ตมฺหา อปกฺกเมติ ฯ @เชิงอรรถ: ^๑ กึ เปส กริสฺสติ ฯ

--------------------------------------------------------------------------------------------- หน้าที่ ๒๕๙.

ตตฺถ อกตญฺุนฺติ กตคุณํ อชานนฺตํ ฯ อกตฺตารนฺติ ยํ กิญฺจิ ^๑- อกโรนฺตํ ฯ สมฺมุขจิณฺเณนาติ สมฺมุเข กเตน คุเณน ฯ อนุสฺสุยมนกฺโกสนฺติ ตํ ปุคฺคลํ น อุสฺสุยนฺโต น อกฺโกสนฺโต สณิกํ ตมฺหา ปุคฺคลา อปคจฺเฉยฺยาติ ฯ เอวํ วตฺวา โส สกุโณ ปกฺกามิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สีโห เทวทตฺโต อโหสิ สกุโณ ปน อหเมวาติ ฯ ชวสกุณชาตกํ อฏฺมํ --------

อรรถกถาภาษาบาลีอักษรไทย เล่มที่ ๓๘ หน้า ๒๕๗-๒๕๙. http://84000.org/tipitaka/atthapali/th_line.php?B=38&A=5347&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=38&A=5347&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=530 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2714 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2680 The Pali Tipitaka in Roman Character :- http://84000.org/tipitaka/read/roman_read.php?B=27&A=2680 สารบัญพระไตรปิฎกเล่มที่ ๒๗ http://84000.org/tipitaka/read/?index_27