บาลีพระไตรปิฎกเล่มที่ ๓๓ - พระสุตตันตปิฎกเล่มที่ ๒๕

ฉฏฺ มูคผกฺขจริยํ [๒๖] |๒๖.๔๘| ปุนาปรํ ยทา โหมิ กาสิราชสฺส อตฺรโช มูคผกฺโขติ ^๑- นาเมน เตมิโยติ วทนฺติ มํ ฯ |๒๖.๔๙| โสฬสิตฺถีสหสฺสานํ น วิชฺชติ ปุโม ตทา อโหรตฺตานมจฺจเยน นิพฺพตฺโต อหเมกโก ฯ |๒๖.๕๐| กิจฺฉา ลทฺธํ ปิยํ ปุตฺตํ อภิชาตํ ชุตินฺธรํ เสตจฺฉตฺตํ ธารยิตฺวาน สยเน โปเสสิ มํ ปิตา ฯ |๒๖.๕๑| นิทฺทายมาโน สยนวเร ปพุชฺฌิตฺวานหํ ตทา อทฺทสํ ปณฺฑรํ ฉตฺตํ เยนาหํ นิรยํ คโต ฯ |๒๖.๕๒| สห ทิฏฺิสฺส ^๒- เม ฉตฺตํ ตาโส อุปฺปชฺชิ เภรโว วินิจฺฉยํ สมาปนฺโน กทาหํ อิมํ มุญฺจิสฺสํ ฯ |๒๖.๕๓| ปุพฺพสาโลหิตา มยฺหํ เทวตา อตฺถกามินี สา มํ ทิสฺวาน ทุกฺขิตํ ตึสุ าเนสุ โยชยิ ฯ |๒๖.๕๔| มา ปณฺฑิจฺจยํ วิภาวย พาลมโต ภว สพฺพปาณินํ สพฺโพ ตญฺชโน โอจินายตุ เอวํ ตว อตฺโถ ภวิสฺสติ ฯ |๒๖.๕๕| เอวํ วุตฺตายหํ ตสฺสา อิทํ วจนมพฺรวึ กโรมิ เต ตํ วจนํ ยํ มํ ภณสิ เทวเต ฯ |๒๖.๕๖| อตฺถกามาสิ เม อมฺม หิตกามาสิ เทวเต ตสฺสาหํ วจนํ สุตฺวา สาคเรว ถลํ ลภึ ฯ @เชิงอรรถ: ^๑ ม. ยุ. มูคปกฺโขติ ฯ ^๒ ม. ทิฏฺสฺส ฯ |๒๖.๕๗| หฏฺโ สํวิคฺคมานโส ตโย องฺเค อธิฏฺหึ มูโค อโหสึ พธิโร ผกฺโข ^๑- คติวิวชฺชิโต ฯ |๒๖.๕๘| เอเต องฺเค อธิฏฺาย วสฺสานิ โสฬสํ วสึ ตโต เม หตฺเถ ปาเท จ ชิวฺหํ โสตญฺจ มทฺทิย |๒๖.๕๙| อนูนตํ เม ปสฺสิตฺวา กาฬกณฺณีติ นินฺทิสุ ฯ ตโต ชานปทา สพฺเพ เสนาปติปุโรหิตา |๒๖.๖๐| สพฺเพ เอกมนา หุตฺวา ฉฑฺฑนํ อนุโมทิสุ ฯ โสหํ เตสํ มตึ สุตฺวา หฏฺโ สํวิคฺคมานโส |๒๖.๖๑| ยสฺสตฺถาย ตโป จิณฺโณ โส เม อตฺโถ สมิชฺฌถ ฯ นฺหาเปตฺวา อนุลิมฺเปตฺวา เวเตฺวา ราชเวนํ |๒๖.๖๒| อภิสิญฺจิตฺวา ฉตฺเตน กาเรสุ ปุรํ ปทกฺขิณํ ฯ สตฺตาหํ ธารยิตฺวาน อุคฺคเต รวิมณฺฑเล |๒๖.๖๓| รเถน มํ นีหริตฺวา สารถิ วนมุปาคมิ ฯ เอโกกาเส รถํ กตฺวา สชฺชสฺสํ หตฺถมุญฺจิโต ^๒- |๒๖.๖๔| สารถิ ขณตี กาสุ นิกฺขาตุ ปวิยา มมํ ฯ อธิฏฺิตมธิฏฺานํ ตชฺเชนฺโต วิวิธการณา |๒๖.๖๕| น ภินฺทึว ตมธิฏฺานํ โพธิยาเยว การณา ฯ มาตา ปิตา น เม เทสฺสา อตฺตา เม น จ เทสฺสิโย |๒๖.๖๖| สพฺพญฺุตํ ปิยํ มยฺหํ ตสฺมา ว ตมธิฏฺหึ ฯ @เชิงอรรถ: ^๑ ม. ยุ. ปกฺโข ฯ ^๒ ยุ. หตฺถมุญฺจิตํ ฯ เอเต องฺเค อธิฏฺาย วสฺสานิ โสฬสํ วสึ อธิฏฺาเนน ^[๑]- สโม นตฺถิ เอสา เม อธิฏฺานปารมีติ มูคผกฺขจริยํ ฉฏฺ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๓๓ หน้าที่ ๕๘๕-๕๘๗. http://84000.org/tipitaka/pali/pali_item.php?book=33.3&item=26&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/pali/pali_item.php?book=33.3&item=26&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item.php?book=33.3&item=26&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem.php?book=33.3&item=26&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=33.3&i=26 สารบัญพระไตรปิฎกเล่มที่ ๓๓ http://84000.org/tipitaka/read/?index_33