พระไตรปิฎกเล่มที่ ๔๐ ภาษาบาลี อักษรไทย
พระอภิธรรมปิฎกเล่มที่ ๗ อภิ. ป.(๑) อนุโลมติกปฏฺฐานํ ปุริมํ

                                       วิปากตฺติกํ
                                       ปฏิจฺจวาโร
     [๑๒๓๘]   วิปากํ   ธมฺมํ   ปฏิจฺจ   วิปาโก   ธมฺโม   อุปฺปชฺชติ
เหตุปจฺจยา   วิปากํ   เอกํ   ขนฺธํ  ปฏิจฺจ  ตโย  ขนฺธา  ฯเปฯ  เทฺว
ขนฺเธ   ปฏิจฺจ   เทฺว   ขนฺธา   ปฏิสนฺธิกฺขเณ   วิปากํ   เอกํ   ขนฺธํ
ปฏิจฺจ   ตโย   ขนฺธา   ฯเปฯ  เทฺว  ขนฺเธ  ปฏิจฺจ  เทฺว  ขนฺธา  ฯ
วิปากํ   ธมฺมํ  ปฏิจฺจ  เนววิปากนวิปากธมฺมธมฺโม  อุปฺปชฺชติ  เหตุปจฺจยา
วิปาเก     ขนฺเธ     ปฏิจฺจ    จิตฺตสมุฏฺฐานํ    รูปํ    ปฏิสนฺธิกฺขเณ
วิปาเก   ขนฺเธ   ปฏิจฺจ  กฏตฺตารูปํ  ฯ  วิปากํ  ธมฺมํ  ปฏิจฺจ  วิปาโก
จ   เนววิปากนวิปากธมฺมธมฺโม   จ   ธมฺมา   อุปฺปชฺชนฺติ   เหตุปจฺจยา
วิปากํ   เอกํ   ขนฺธํ   ปฏิจฺจ   ตโย   ขนฺธา   จิตฺตสมุฏฺฐานญฺจ   รูปํ
เทฺว   ขนฺเธ  ปฏิจฺจ  เทฺว  ขนฺธา  จิตฺตสมุฏฺฐานญฺจ  รูปํ  ปฏิสนฺธิกฺขเณ
วิปากํ    เอกํ    ขนฺธํ    ปฏิจฺจ    ตโย    ขนฺธา    กฏตฺตา    จ
รูปํ เทฺว ขนฺเธ ปฏิจฺจ เทฺว ขนฺธา กฏตฺตา จ รูปํ ฯ
     [๑๒๓๙]   วิปากธมฺมธมฺมํ   ปฏิจฺจ   วิปากธมฺมธมฺโม   อุปฺปชฺชติ
เหตุปจฺจยา    วิปากธมฺมธมฺมํ    เอกํ   ขนฺธํ   ปฏิจฺจ   ตโย   ขนฺธา
เทฺว    ขนฺเธ   ปฏิจฺจ   เทฺว   ขนฺธา   ฯ   วิปากธมฺมธมฺมํ   ปฏิจฺจ
เนววิปากนวิปากธมฺมธมฺโม    อุปฺปชฺชติ    เหตุปจฺจยา   วิปากธมฺมธมฺเม
ขนฺเธ  ปฏิจฺจ  จิตฺตสมุฏฺฐานํ  รูปํ ฯ วิปากธมฺมธมฺมํ ปฏิจฺจ วิปากธมฺมธมฺโม
จ      เนววิปากนวิปากธมฺมธมฺโม      จ      ธมฺมา     อุปฺปชฺชนฺติ
เหตุปจฺจยา    วิปากธมฺมธมฺมํ    เอกํ   ขนฺธํ   ปฏิจฺจ   ตโย   ขนฺธา
จิตฺตสมุฏฺฐานญฺจ  รูปํ  เทฺว  ขนฺเธ  ปฏิจฺจ  เทฺว  ขนฺธา จิตฺตสมุฏฺฐานญฺจ
รูปํ ฯ
     [๑๒๔๐]   เนววิปากนวิปากธมฺมธมฺมํ ปฏิจฺจ เนววิปากนวิปากธมฺมธมฺโม
อุปฺปชฺชติ       เหตุปจฺจยา       เนววิปากนวิปากธมฺมธมฺมํ      เอกํ
ขนฺธํ   ปฏิจฺจ   ตโย   ขนฺธา   จิตฺตสมุฏฺฐานญฺจ   รูปํ   เทฺว   ขนฺเธ
ปฏิจฺจ   เทฺว   ขนฺธา   จิตฺตสมุฏฺฐานญฺจ   รูปํ   เอกํ  มหาภูตํ  ปฏิจฺจ
ตโย   มหาภูตา   เทฺว   มหาภูเต   ปฏิจฺจ  เทฺว  มหาภูตา  มหาภูเต
ปฏิจฺจ  จิตฺตสมุฏฺฐานํ รูปํ กฏตฺตารูปํ อุปาทารูปํ ฯ เนววิปากนวิปากธมฺมธมฺมํ
ปฏิจฺจ       วิปาโก       ธมฺโม       อุปฺปชฺชติ       เหตุปจฺจยา
ปฏิสนฺธิกฺขเณ  วตฺถุํ  ปฏิจฺจ  วิปากา  ขนฺธา  ฯ เนววิปากนวิปากธมฺมธมฺมํ
ปฏิจฺจ         วิปาโก         จ        เนววิปากนวิปากธมฺมธมฺโม
จ     ธมฺมา     อุปฺปชฺชนฺติ     เหตุปจฺจยา    ปฏิสนฺธิกฺขเณ    วตฺถุํ
ปฏิจฺจ วิปากา ขนฺธา มหาภูเต ปฏิจฺจ กฏตฺตารูปํ ฯ
     [๑๒๔๑]   วิปากญฺจ   เนววิปากนวิปากธมฺมธมฺมญฺจ   ธมฺมํ  ปฏิจฺจ
วิปาโก    ธมฺโม    อุปฺปชฺชติ    เหตุปจฺจยา    ปฏิสนฺธิกฺขเณ   วิปากํ
เอกํ   ขนฺธญฺจ   วตฺถุญฺจ   ปฏิจฺจ   ตโย   ขนฺธา   เทฺว   ขนฺเธ  จ
วตฺถุญฺจ  ปฏิจฺจ  เทฺว  ขนฺธา  ฯ  วิปากญฺจ  เนววิปากนวิปากธมฺมธมฺมญฺจ
ธมฺมํ        ปฏิจฺจ        เนววิปากนวิปากธมฺมธมฺโม       อุปฺปชฺชติ
เหตุปจฺจยา   วิปาเก   ขนฺเธ   จ  มหาภูเต  จ  ปฏิจฺจ  จิตฺตสมุฏฺฐานํ
รูปํ  ปฏิสนฺธิกฺขเณ  วิปาเก  ขนฺเธ  จ  มหาภูเต  จ ปฏิจฺจ กฏตฺตารูปํ ฯ
วิปากญฺจ     เนววิปากนวิปากธมฺมธมฺมญฺจ    ธมฺมํ    ปฏิจฺจ    วิปาโก
จ   เนววิปากนวิปากธมฺมธมฺโม   จ   ธมฺมา   อุปฺปชฺชนฺติ   เหตุปจฺจยา
ปฏิสนฺธิกฺขเณ   วิปากํ   เอกํ   ขนฺธญฺจ   วตฺถุญฺจ  ปฏิจฺจ  ตโย  ขนฺธา
เทฺว   ขนฺเธ   จ   วตฺถุญฺจ  ปฏิจฺจ  เทฺว  ขนฺธา  วิปาเก  ขนฺเธ  จ
มหาภูเต จ ปฏิจฺจ กฏตฺตารูปํ ฯ
     [๑๒๔๒]   วิปากธมฺมธมฺมญฺจ   เนววิปากนวิปากธมฺมธมฺมญฺจ   ธมฺมํ
ปฏิจฺจ  เนววิปากนวิปากธมฺมธมฺโม  อุปฺปชฺชติ  เหตุปจฺจยา วิปากธมฺมธมฺเม
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ
     [๑๒๔๓]   วิปากํ   ธมฺมํ   ปฏิจฺจ   วิปาโก   ธมฺโม   อุปฺปชฺชติ
อารมฺมณปจฺจยา   วิปากํ   เอกํ   ขนฺธํ   ปฏิจฺจ   ตโย   ขนฺธา  เทฺว
ขนฺเธ   ปฏิจฺจ   เทฺว   ขนฺธา   ปฏิสนฺธิกฺขเณ   วิปากํ   เอกํ   ขนฺธํ
ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ
     [๑๒๔๔]   วิปากธมฺมธมฺมํ   ปฏิจฺจ   วิปากธมฺมธมฺโม   อุปฺปชฺชติ
อารมฺมณปจฺจยา   วิปากธมฺมธมฺมํ   เอกํ   ขนฺธํ   ปฏิจฺจ   ตโย  ขนฺธา
เทฺว ขนฺเธ ปฏิจฺจ เทฺว ขนฺธา ฯ
     [๑๒๔๕]   เนววิปากนวิปากธมฺมธมฺมํ ปฏิจฺจ เนววิปากนวิปากธมฺมธมฺโม
อุปฺปชฺชติ          อารมฺมณปจฺจยา          เนววิปากนวิปากธมฺมธมฺมํ
เอกํ   ขนฺธํ   ปฏิจฺจ   ตโย   ขนฺธา   เทฺว   ขนฺเธ    ปฏิจฺจ  เทฺว
ขนฺธา   ฯ  เนววิปากนวิปากธมฺมธมฺมํ  ปฏิจฺจ  วิปาโก  ธมฺโม  อุปฺปชฺชติ
อารมฺมณปจฺจยา ปฏิสนฺธิกฺขเณ วตฺถุํ ปฏิจฺจ วิปากา ขนฺธา ฯ
     [๑๒๔๖]   วิปากญฺจ   เนววิปากนวิปากธมฺมธมฺมญฺจ   ธมฺมํ  ปฏิจฺจ
วิปาโก    ธมฺโม   อุปฺปชฺชติ   อารมฺมณปจฺจยา   ปฏิสนฺธิกฺขเณ   วิปากํ
เอกํ   ขนฺธญฺจ   วตฺถุญฺจ   ปฏิจฺจ   ตโย   ขนฺธา   เทฺว   ขนฺเธ  จ
วตฺถุญฺจ ปฏิจฺจ เทฺว ขนฺธา ฯ
     [๑๒๔๗]   วิปากํ   ธมฺมํ   ปฏิจฺจ   วิปาโก   ธมฺโม   อุปฺปชฺชติ
อธิปติปจฺจยา   วิปากํ   เอกํ  ขนฺธํ  ปฏิจฺจ  ตโย  ขนฺธา  เทฺว  ขนฺเธ
ปฏิจฺจ   เทฺว   ขนฺธา  วิปากํ  ธมฺมํ  ปฏิจฺจ  เนววิปากนวิปากธมฺมธมฺโม
อุปฺปชฺชติ    อธิปติปจฺจยา    วิปาเก    ขนฺเธ   ปฏิจฺจ   จิตฺตสมุฏฺฐานํ
รูปํ   ฯ   วิปากํ  ธมฺมํ  ปฏิจฺจ  วิปาโก  จ  เนววิปากนวิปากธมฺมธมฺโม
จ        ธมฺมา        อุปฺปชฺชนฺติ       อธิปติปจฺจยา       วิปากํ
เอกํ    ขนฺธํ   ปฏิจฺจ   ตโย   ขนฺธา   จิตฺตสมุฏฺฐานญฺจ   รูปํ   เทฺว
ขนฺเธ   ปฏิจฺจ   เทฺว   ขนฺธา   จิตฺตสมุฏฺฐานญฺจ   รูปํ  วิปากธมฺมธมฺมํ
ปฏิจฺจ ตีณิ ฯ
     [๑๒๔๘]   เนววิปากนวิปากธมฺมธมฺมํ ปฏิจฺจ เนววิปากนวิปากธมฺมธมฺโม
อุปฺปชฺชติ           อธิปติปจฺจยา           เนววิปากนวิปากธมฺมธมฺมํ
เอกํ    ขนฺธํ   ปฏิจฺจ   ตโย   ขนฺธา   จิตฺตสมุฏฺฐานญฺจ   รูปํ   เทฺว
ขนฺเธ   ปฏิจฺจ   เทฺว   ขนฺธา   จิตฺตสมุฏฺฐานญฺจ   รูปํ  เอกํ  มหาภูตํ
ปฏิจฺจ    ตโย    มหาภูตา    มหาภูเต   ปฏิจฺจ   จิตฺตสมุฏฺฐานํ   รูปํ
กฏตฺตารูปํ อุปาทารูปํ
     [๑๒๔๙]   วิปากญฺจ   เนววิปากนวิปากธมฺมธมฺมญฺจ   ธมฺมํ  ปฏิจฺจ
เนววิปากนวิปากธมฺมธมฺโม   อุปฺปชฺชติ   อธิปติปจฺจยา   วิปาเก   ขนฺเธ
จ มหาภูเต จ ปฏิจฺจ จิตฺตสมุฏฺฐานํ รูปํ ฯ
     [๑๒๕๐]   วิปากธมฺมธมฺมญฺจ   เนววิปากนวิปากธมฺมธมฺมญฺจ   ธมฺมํ
ปฏิจฺจ  เนววิปากนวิปากธมฺมธมฺโม  อุปฺปชฺชติ อธิปติปจฺจยา วิปากธมฺมธมฺเม
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ
     [๑๒๕๑]   วิปากํ ธมฺมํ ปฏิจฺจ วิปาโก ธมฺโม อุปฺปชฺชติ อนนฺตรปจฺจยา
...  สมนนฺตรปจฺจยา  ...  อารมฺมณปจฺจยสทิสํ  ฯ  สหชาตปจฺจยา ...
สหชาตํ สพฺพํ เหตุปจฺจยสทิสํ ฯ
     [๑๒๕๒]   เนววิปากนวิปากธมฺมธมฺมํ ปฏิจฺจ เนววิปากนวิปากธมฺมธมฺโม
อุปฺปชฺชติ    สหชาตปจฺจยา    พาหิรํ    ...   อาหารสมุฏฺฐานํ   ...
อุตุสมุฏฺฐานํ ... อสญฺญสตฺตานํ ฯ สหชาเต อิมํ นานากรณํ ฯ
     [๑๒๕๓]   วิปากํ   ธมฺมํ   ปฏิจฺจ   วิปาโก   ธมฺโม   อุปฺปชฺชติ
อญฺญมญฺญปจฺจยา   วิปากํ   เอกํ   ขนฺธํ   ปฏิจฺจ   ตโย   ขนฺธา  เทฺว
ขนฺเธ   ปฏิจฺจ   เทฺว   ขนฺธา   ปฏิสนฺธิกฺขเณ   วิปากํ   เอกํ   ขนฺธํ
ปฏิจฺจ   ตโย   ขนฺธา   เทฺว  ขนฺเธ  ปฏิจฺจ  เทฺว  ขนฺธา  ฯ  วิปากํ
ธมฺมํ   ปฏิจฺจ   เนววิปากนวิปากธมฺมธมฺโม   อุปฺปชฺชติ   อญฺญมญฺญปจฺจยา
ปฏิสนฺธิกฺขเณ     วิปาเก    ขนฺเธ    ปฏิจฺจ    วตฺถุ    ฯ    วิปากํ
ธมฺมํ   ปฏิจฺจ   วิปาโก   จ   เนววิปากนวิปากธมฺมธมฺโม   จ   ธมฺมา
อุปฺปชฺชนฺติ    อญฺญมญฺญปจฺจยา    ปฏิสนฺธิกฺขเณ    วิปากํ   เอกํ   ขนฺธํ
ปฏิจฺจ   ตโย   ขนฺธา   วตฺถุ   จ  เทฺว  ขนฺเธ  ปฏิจฺจ  เทฺว  ขนฺธา
วตฺถุ จ ฯ
     [๑๒๕๔]   วิปากธมฺมธมฺมํ   ปฏิจฺจ   วิปากธมฺมธมฺโม   อุปฺปชฺชติ
อญฺญมญฺญปจฺจยา   วิปากธมฺมธมฺมํ   เอกํ   ขนฺธํ   ปฏิจฺจ   ตโย  ขนฺธา
เทฺว ขนฺเธ ปฏิจฺจ เทฺว ขนฺธา ฯ
     [๑๒๕๕]   เนววิปากนวิปากธมฺมธมฺมํ ปฏิจฺจ เนววิปากนวิปากธมฺมธมฺโม
อุปฺปชฺชติ          อญฺญมญฺญปจฺจยา          เนววิปากนวิปากธมฺมธมฺมํ
เอกํ   ขนฺธํ   ปฏิจฺจ  ตโย  ขนฺธา  เอกํ  มหาภูตํ  ...  พาหิรํ  ...
อาหารสมุฏฺฐานํ  ...  อุตุสมุฏฺฐานํ  ...  อสญฺญสตฺตานํ  เอกํ มหาภูตํ ฯ
เนววิปากนวิปากธมฺมธมฺมํ     ปฏิจฺจ     วิปาโก    ธมฺโม    อุปฺปชฺชติ
อญฺญมญฺญปจฺจยา ปฏิสนฺธิกฺขเณ วตฺถุํ ปฏิจฺจ วิปากา ขนฺธา ฯ
     [๑๒๕๖]   วิปากญฺจ   เนววิปากนวิปากธมฺมธมฺมญฺจ   ธมฺมํ  ปฏิจฺจ
วิปาโก     ธมฺโม     อุปฺปชฺชติ     อญฺญมญฺญปจฺจยา     ปฏิสนฺธิกฺขเณ
วิปากํ   เอกํ  ขนฺธญฺจ  วตฺถุญฺจ  ปฏิจฺจ  ตโย  ขนฺธา  เทฺว  ขนฺเธ  จ
วตฺถุญฺจ ปฏิจฺจ เทฺว ขนฺธา ฯ
     [๑๒๕๗]   วิปากํ ธมฺมํ ปฏิจฺจ วิปาโก ธมฺโม อุปฺปชฺชติ นิสฺสยปจฺจยา ฯ
สงฺขิตฺตํ ฯ อุปนิสฺสยปจฺจยา ปุเรชาตปจฺจยา ฯ
     [๑๒๕๘]   วิปากธมฺมธมฺมํ   ปฏิจฺจ   วิปากธมฺมธมฺโม   อุปฺปชฺชติ
อาเสวนปจฺจยา   วิปากธมฺมธมฺมํ   เอกํ   ขนฺธํ   ปฏิจฺจ   ตโย  ขนฺธา
เทฺว ขนฺเธ ปฏิจฺจ เทฺว ขนฺธา ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๐ หน้าที่ ๔๑๐-๔๑๖.
https://84000.org/tipitaka/read/pali_item.php?book=40&item=1238&items=21
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=40&item=1238&items=21&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=40&item=1238&items=21
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=40&item=1238&items=21
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=40&i=1238
             สารบัญพระไตรปิฎกเล่มที่ ๔๐
https://84000.org/tipitaka/read/?index_40
https://84000.org/tipitaka/english/?index_40