[๑๘๘๘] อุปฺปนฺโน ธมฺโม อุปฺปนฺนสฺส ธมฺมสฺส เหตุปจฺจเยน
ปจฺจโย อุปฺปนฺนา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ปฏิสนฺธิกฺขเณ อุปฺปนฺนา เหตู
สมฺปยุตฺตกานํ ขนฺธานํ กฏตฺตา จ รูปานํ เหตุปจฺจเยน ปจฺจโย ฯ
[๑๘๘๙] อุปฺปนฺโน ธมฺโม อุปฺปนฺนสฺส ธมฺมสฺส อารมฺมณปจฺจเยน
ปจฺจโย อุปฺปนฺนํ จกฺขุํ อนิจฺจโต ทุกฺขโต อนตฺตโต วิปสฺสติ
อสฺสาเทติ อภินนฺทติ ตํ อารพฺภ ราโค อุปฺปชฺชติ ทิฏฺฐิ
อุปฺปชฺชติ วิจิกิจฺฉา ... อุทฺธจฺจํ ... โทมนสฺสํ ... อุปฺปนฺนํ โสตํ ...
ฆานํ ชิวฺหํ กายํ รูเป สทฺเท คนฺเธ รเส โผฏฺฐพฺเพ วตฺถุํ ... อุปฺปนฺเน
ขนฺเธ อนิจฺจโต ทุกฺขโต อนตฺตโต วิปสฺสติ ฯเปฯ โทมนสฺสํ
อุปฺปชฺชติ ทิพฺเพน จกฺขุนา รูปํ ปสฺสติ ทิพฺพาย โสตธาตุยา
สทฺทํ สุณาติ อุปฺปนฺนา ขนฺธา อิทฺธิวิธญาณสฺส อาวชฺชนาย
อารมฺมณปจฺจเยน ปจฺจโย ฯ
[๑๘๙๐] อนุปฺปนฺโน ธมฺโม อุปฺปนฺนสฺส ธมฺมสฺส อารมฺมณปจฺจเยน
ปจฺจโย อนุปฺปนฺเน รูเป ... สทฺเท คนฺเธ รเส โผฏฺฐพฺเพ ...
อนุปฺปนฺเน ขนฺเธ อนิจฺจโต ทุกฺขโต อนตฺตโต วิปสฺสติ ฯเปฯ
โทมนสฺสํ อุปฺปชฺชติ อนุปฺปนฺนา ขนฺธา อิทฺธิวิธญาณสฺส
เจโตปริยญาณสฺส อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ
[๑๘๙๑] อุปฺปาที ธมฺโม อุปฺปนฺนสฺส ธมฺมสฺส อารมฺมณปจฺจเยน
ปจฺจโย อุปฺปาทึ จกฺขุํ ... กายํ รูเป สทฺเท คนฺเธ รเส โผฏฺฐพฺเพ
วตฺถุํ ... อุปฺปาที ขนฺเธ อนิจฺจโต ทุกฺขโต อนตฺตโต ฯเปฯ โทมนสฺสํ
อุปฺปชฺชติ อุปฺปาที ขนฺธา อิทฺธิวิธญาณสฺส เจโต- ฯเปฯ อาวชฺชนาย
อารมฺมณปจฺจเยน ปจฺจโย ฯ
[๑๘๙๒] อุปฺปนฺโน ธมฺโม อุปฺปนฺนสฺส ธมฺมสฺส อธิปติปจฺจเยน
ปจฺจโย อารมฺมณาธิปติ สหชาตาธิปติ ฯ อารมฺมณาธิปติ:
อุปฺปนฺนํ จกฺขุํ ครุํ กตฺวา อสฺสาเทติ อภินนฺทติ ตํ ครุํ กตฺวา ฯเปฯ
ทิฏฺฐิ อุปฺปชฺชติ อุปฺปนฺนํ โสตํ ... ฆานํ ชิวฺหํ กายํ รูเป สทฺเท
คนฺเธ รเส โผฏฺฐพฺเพ วตฺถุํ ... อุปฺปนฺเน ขนฺเธ ครุํ กตฺวา
อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ ฯเปฯ
สหชาตาธิปติ: อุปฺปนฺนา อธิปติ สมฺปยุตฺตกานํ จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
[๑๘๙๓] อนุปฺปนฺโน ธมฺโม อุปฺปนฺนสฺส ธมฺมสฺส อธิปติปจฺจเยน
ปจฺจโย ฯ อารมฺมณาธิปติ: อนุปฺปนฺเน รูเป ... สทฺเท คนฺเธ รเส
โผฏฺฐพฺเพ ... อนุปฺปนฺเน ขนฺเธ ครุํ กตฺวา อสฺสาเทติ อภินนฺทติ
ตํ ครุํ กตฺวา ราโค อุปฺปชฺชติ ทิฏฺฐิ อุปฺปชฺชติ ฯ
[๑๘๙๔] อุปฺปาที ธมฺโม อุปฺปนฺนสฺส ธมฺมสฺส อธิปติปจฺจเยน
ปจฺจโย ฯ อารมฺมณาธิปติ: อุปฺปาทึ จกฺขุํ ... กายํ รูเป ... โผฏฺฐพฺเพ
วตฺถุํ ... อุปฺปาที ขนฺเธ ครุํ กตฺวา อสฺสาเทติ อภินนฺทติ ตํ ครุํ
กตฺวา ราโค อุปฺปชฺชติ ทิฏฺฐิ อุปฺปชฺชติ ฯ
[๑๘๙๕] อุปฺปนฺโน ธมฺโม อุปฺปนฺนสฺส ธมฺมสฺส สหชาตปจฺจเยน
ปจฺจโย อุปฺปนฺโน เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ
รูปานํ สหชาตปจฺจเยน ปจฺจโย เทฺว ขนฺธา ทฺวินฺนํ ขนฺธานํ
จิตฺตสมุฏฺฐานานญฺจ รูปานํ สหชาตปจฺจเยน ปจฺจโย ปฏิสนฺธิกฺขเณ
อุปฺปนฺโน เอโก ขนฺโธ ติณฺณนฺนํ ขนฺธานํ กฏตฺตา จ รูปานํ
สหชาตปจฺจเยน ปจฺจโย เทฺว ขนฺธา ทฺวินฺนํ ขนฺธานํ กฏตฺตา จ
รูปานํ สหชาตปจฺจเยน ปจฺจโย ขนฺธา วตฺถุสฺส สหชาตปจฺจเยน
ปจฺจโย วตฺถุ ขนฺธานํ สหชาตปจฺจเยน ปจฺจโย เอกํ มหาภูตํ
ติณฺณนฺนํ มหาภูตานํ สหชาตปจฺจเยน ปจฺจโย เทฺว มหาภูตา ...
มหาภูตา จิตฺตสมุฏฺฐานานํ รูปานํ อุปาทารูปานํ สหชาตปจฺจเยน
ปจฺจโย พาหิรํ ... อาหาร ... อุตุ ... อสญฺญสตฺตานํ เอกํ
มหาภูตํ ... เทฺว มหาภูตา ... มหาภูตา กฏตฺตารูปานํ อุปาทารูปานํ
สหชาตปจฺจเยน ปจฺจโย ฯ
[๑๘๙๖] อุปฺปนฺโน ธมฺโม อุปฺปนฺนสฺส ธมฺมสฺส อญฺญมญฺญ-
ปจฺจเยน ปจฺจโย อุปฺปนฺโน เอโก ขนฺโธ ติณฺณนฺนํ ขนฺธานํ
อญฺญมญฺญปจฺจเยน ปจฺจโย เทฺว ขนฺธา ... ปฏิสนฺธิกฺขเณ
อุปฺปนฺโน เอโก ขนฺโธ ติณฺณนฺนํ ขนฺธานํ วตฺถุสฺส จ อญฺญมญฺญ-
ปจฺจเยน ปจฺจโย เทฺว ขนฺธา ... ขนฺธา วตฺถุสฺส อญฺญมญฺญปจฺจเยน
ปจฺจโย วตฺถุ ขนฺธานํ อญฺญมญฺญปจฺจเยน ปจฺจโย เอกํ มหาภูตํ
... พาหิรํ ... อาหาร ... อุตุ ... อสญฺญสตฺตานํ เอกํ มหาภูตํ
ติณฺณนฺนํ มหาภูตานํ อญฺญมญฺญปจฺจเยน ปจฺจโย เทฺว มหาภูตา ... ฯ
[๑๘๙๗] อุปฺปนฺโน ธมฺโม อุปฺปนฺนสฺส ธมฺมสฺส นิสฺสยปจฺจเยน
ปจฺจโย อุปฺปนฺโน เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ
รูปานํ นิสฺสยปจฺจเยน ปจฺจโย เทฺว ขนฺธา ... ปฏิสนฺธิกฺขเณ ขนฺธา
วตฺถุสฺส วตฺถุ ขนฺธานํ เอกํ มหาภูตํ ... พาหิรํ ... อาหาร ... อุตุ ...
อสญฺญสตฺตานํ เอกํ มหาภูตํ ... มหาภูตา กฏตฺตารูปานํ อุปาทารูปานํ
จกฺขายตนํ จกฺขุวิญฺญาณสฺส กายายตนํ กายวิญฺญาณสฺส วตฺถุ
อุปฺปนฺนานํ ขนฺธานํ นิสฺสยปจฺจเยน ปจฺจโย ฯ
[๑๘๙๘] อุปฺปนฺโน ธมฺโม อุปฺปนฺนสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: อุปฺปนฺนํ อุตุํ อุปนิสฺสาย ฌานํ อุปฺปาเทติ วิปสฺสนํ ...
มคฺคํ ... อภิญฺญํ ... สมาปตฺตึ ... มานํ ชปฺเปติ ทิฏฺฐึ คณฺหาติ อุปฺปนฺนํ
โภชนํ ... เสนาสนํ อุปนิสฺสาย ฌานํ อุปฺปาเทติ วิปสฺสนํ ... มคฺคํ ...
อภิญฺญํ ... สมาปตฺตึ ... มานํ ชปฺเปติ ทิฏฺฐึ คณฺหาติ อุปฺปนฺนํ
อุตุํ ... โภชนํ ... เสนาสนํ อุปฺปนฺนาย สทฺธาย ปญฺญาย กายิกสฺส
สุขสฺส กายิกสฺส ทุกฺขสฺส มคฺคสฺส ผลสมาปตฺติยา
อุปนิสฺสยปจฺจเยน ปจฺจโย ฯ
[๑๘๙๙] อนุปฺปนฺโน ธมฺโม อุปฺปนฺนสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: อนุปฺปนฺนํ วณฺณสมฺปทํ ปตฺถยมาโน ทานํ เทติ สีลํ
สมาทิยติ อุโปสถกมฺมํ กโรติ อนุปฺปนฺนํ สทฺทสมฺปทํ ... คนฺธสมฺปทํ
รสสมฺปทํ โผฏฺฐพฺพสมฺปทํ ... อนุปฺปนฺเน ขนฺเธ ปตฺถยมาโน ทานํ
... สีลํ ... อุโปสถกมฺมํ ... อนุปฺปนฺนา วณฺณสมฺปทา ... อนุปฺปนฺนา
ขนฺธา อุปฺปนฺนาย สทฺธาย ปญฺญาย กายิกสฺส สุขสฺส กายิกสฺส
ทุกฺขสฺส มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ
[๑๙๐๐] อุปฺปาที ธมฺโม อุปฺปนฺนสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: อุปฺปาทึ จกฺขุสมฺปทํ ปตฺถยมาโน ทานํ ... สีลํ ...
อุโปสถกมฺมํ ... อุปฺปาทึ โสตสมฺปทํ ... กายสมฺปทํ วณฺณสมฺปทํ คนฺธสมฺปทํ
... รสสมฺปทํ ... โผฏฺฐพฺพสมฺปทํ ... อุปฺปาที ขนฺเธ ปตฺถยมาโน
ทานํ ... สีลํ ... อุโปสถกมฺมํ ... อุปฺปาที จกฺขุสมฺปทา ... กายสมฺปทา
วณฺณสมฺปทา ฯเปฯ โผฏฺฐพฺพสมฺปทา ... อุปฺปาที ขนฺธา อุปฺปนฺนาย
สทฺธาย ปญฺญาย กายิกสฺส สุขสฺส กายิกสฺส ทุกฺขสฺส มคฺคสฺส
ผลสมาปตฺติยา อุปนิสฺสยปจฺจเยน ปจฺจโย ฯ
[๑๙๐๑] อุปฺปนฺโน ธมฺโม อุปฺปนฺนสฺส ธมฺมสฺส ปุเรชาตปจฺจเยน
ปจฺจโย อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ:
จกฺขุํ ... วตฺถุํ อนิจฺจโต ทุกฺขโต อนตฺตโต วิปสฺสติ อสฺสาเทติ
อภินนฺทติ ตํ อารพฺภ ราโค อุปฺปชฺชติ โทมนสฺสํ อุปฺปชฺชติ
ทิพฺเพน จกฺขุนา รูปํ ... ทิพฺพาย โสตธาตุยา สทฺทํ สุณาติ
รูปายตนํ จกฺขุวิญฺญาณสฺส โผฏฺฐพฺพายตนํ กายวิญฺญาณสฺส
ปุเรชาตปจฺจเยน ปจฺจโย ฯ วตฺถุปุเรชาตํ: จกฺขายตนํ จกฺขุวิญฺญาณสฺส
ฯเปฯ วตฺถุ อุปฺปนฺนานํ ขนฺธานํ ปุเรชาตปจฺจเยน ปจฺจโย ฯ
[๑๙๐๒] อุปฺปนฺโน ธมฺโม อุปฺปนฺนสฺส ธมฺมสฺส
ปจฺฉาชาตปจฺจเยน ปจฺจโย ฯ ปจฺฉาชาตา: อุปฺปนฺนา ขนฺธา
ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย ฯ
[๑๙๐๓] อุปฺปนฺโน ธมฺโม อุปฺปนฺนสฺส ธมฺมสฺส กมฺมปจฺจเยน
ปจฺจโย อุปฺปนฺนา เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ กมฺมปจฺจเยน ปจฺจโย ปฏิสนฺธิกฺขเณ อุปฺปนฺนา เจตนา
สมฺปยุตฺตกานํ ขนฺธานํ กฏตฺตา จ รูปานํ กมฺมปจฺจเยน
ปจฺจโย ฯ
[๑๙๐๔] อุปฺปนฺโน ธมฺโม อุปฺปนฺนสฺส ธมฺมสฺส วิปากปจฺจเยน
ปจฺจโย วิปาโก อุปฺปนฺโน เอโก ขนฺโธ ติณฺณนฺนํ ขนฺธานํ
จิตฺตสมุฏฺฐานานญฺจ รูปานํ วิปากปจฺจเยน ปจฺจโย เทฺว ขนฺธา ...
ปฏิสนฺธิกฺขเณ อุปฺปนฺโน เอโก ขนฺโธ ติณฺณนฺนํ ขนฺธานํ กฏตฺตา จ
รูปานํ เทฺว ขนฺธา ... ขนฺธา วตฺถุสฺส วิปากปจฺจเยน ปจฺจโย ฯ
[๑๙๐๕] อุปฺปนฺโน ธมฺโม อุปฺปนฺนสฺส ธมฺมสฺส อาหารปจฺจเยน
ปจฺจโย อุปฺปนฺนา อาหารา สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อาหารปจฺจเยน ปจฺจโย ปฏิสนฺธิกฺขเณ กพฬึกาโร อาหาโร
อิมสฺส กายสฺส อาหารปจฺจเยน ปจฺจโย ฯ
[๑๙๐๖] อุปฺปนฺโน ธมฺโม อุปฺปนฺนสฺส ธมฺมสฺส อินฺทฺริยปจฺจเยน
ปจฺจโย อุปฺปนฺนา อินฺทฺริยา สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อินฺทฺริยปจฺจเยน ปจฺจโย ปฏิสนฺธิกฺขเณ จกฺขุนฺทฺริยํ
จกฺขุวิญฺญาณสฺส กายินฺทฺริยํ กายวิญฺญาณสฺส รูปชีวิตินฺทฺริยํ
กฏตฺตารูปานํ อินฺทฺริยปจฺจเยน ปจฺจโย ฯ
[๑๙๐๗] อุปฺปนฺโน ธมฺโม อุปฺปนฺนสฺส ธมฺมสฺส ฌานปจฺจเยน
ปจฺจโย มคฺคปจฺจเยน ปจฺจโย สมฺปยุตฺตปจฺจเยน ปจฺจโย
วิปฺปยุตฺตปจฺจเยน ปจฺจโย สหชาตํ ปุเรชาตํ ปจฺฉาชาตํ ฯ
สหชาตา: อุปฺปนฺนา ขนฺธา จิตฺตสมุฏฺฐานานํ รูปานํ วิปฺปยุตฺตปจฺจเยน
ปจฺจโย ปฏิสนฺธิกฺขเณ อุปฺปนฺนา ขนฺธา กฏตฺตารูปานํ วิปฺปยุตฺตปจฺจเยน
ปจฺจโย ขนฺธา วตฺถุสฺส วตฺถุ ขนฺธานํ วิปฺปยุตฺตปจฺจเยน
ปจฺจโย ฯ ปุเรชาตํ: จกฺขายตนํ จกฺขุวิญฺญาณสฺส กายายตนํ
... วตฺถุ อุปฺปนฺนานํ ขนฺธานํ วิปฺปยุตฺตปจฺจเยน ปจฺจโย ฯ
ปจฺฉาชาตา: อุปฺปนฺนา ขนฺธา ปุเรชาตสฺส อิมสฺส กายสฺส
วิปฺปยุตฺตปจฺจเยน ปจฺจโย ฯ
[๑๙๐๘] อุปฺปนฺโน ธมฺโม อุปฺปนฺนสฺส ธมฺมสฺส อตฺถิปจฺจเยน
ปจฺจโย สหชาตํ ปุเรชาตํ ปจฺฉาชาตํ อาหารํ อินฺทฺริยํ ฯ สหชาโต:
อุปฺปนฺโน เอโก ขนฺโธ ติณฺณนฺนํ ขนฺธานํ จิตฺตสมุฏฺฐนานญฺจ รูปานํ
อตฺถิปจฺจเยน ปจฺจโย เทฺว ขนฺธา ... ปฏิสนฺธิกฺขเณ ฯ สงฺขิตฺตํ ฯ
เอกํ มหาภูตํ ... พาหิรํ ... อาหาร ... อุตุ ... อสญฺญสตฺตานํ ... ฯ
ปุเรชาตํ: จกฺขุํ อนิจฺจโต ทุกฺขโต ... วตฺถุํ อนิจฺจโต ... โทมนสฺสํ
อุปฺปชฺชติ ทิพฺเพน จกฺขุนา ... ทิพฺพาย โสตธาตุยา สทฺทํ สุณาติ
รูปายตนํ จกฺขุวิญฺญาณสฺส โผฏฺฐพฺพายตนํ กายวิญฺญาณสฺส
อตฺถิปจฺจเยน ปจฺจโย จกฺขายตนํ จกฺขุวิญฺญาณสฺส กายายตนํ
กายวิญฺญาณสฺส วตฺถุ อุปฺปนฺนานํ ขนฺธานํ อตฺถิปจฺจเยน ปจฺจโย ฯ
ปจฺฉาชาตา: อุปฺปนฺนา ขนฺธา ปุเรชาตสฺส อิมสฺส กายสฺส
อตฺถิปจฺจเยน ปจฺจโย ฯ กพฬึกาโร อาหาโร อิมสฺส กายสฺส
รูปชีวิตินฺทฺริยํ กฏตฺตารูปานํ อตฺถิปจฺจเยน ปจฺจโย ฯ
[๑๙๐๙] อุปฺปนฺโน ธมฺโม อุปฺปนฺนสฺส ธมฺมสฺส อวิคตปจฺจเยน
ปจฺจโย ฯ
[๑๙๑๐] เหตุยา เอกํ อารมฺมเณ ตีณิ อธิปติยา ตีณิ
สหชาเต เอกํ อญฺญมญฺเญ เอกํ นิสฺสเย เอกํ อุปนิสฺสเย
ตีณิ ปุเรชาเต เอกํ ปจฺฉาชาเต กมฺเม วิปาเก อาหาเร อินฺทฺริเย
ฌาเน มคฺเค สมฺปยุตฺเต วิปฺปยุตฺเต อตฺถิยา อวิคเต เอกํ ฯ
เอวํ คเณตพฺพํ ฯ
อนุโลมํ ฯ
[๑๙๑๑] อุปฺปนฺโน ธมฺโม อุปฺปนฺนสฺส ธมฺมสฺส อารมฺมณปจฺจเยน
ปจฺจโย สหชาตปจฺจเยน ปจฺจโย อุปนิสฺสยปจฺจเยน ปจฺจโย
ปุเรชาตปจฺจเยน ปจฺจโย ปจฺฉาชาตปจฺจเยน ปจฺจโย อาหารปจฺจเยน
ปจฺจโย อินฺทฺริยปจฺจเยน ปจฺจโย ฯ
[๑๙๑๒] อนุปฺปนฺโน ธมฺโม อุปฺปนฺนสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ฯ
[๑๙๑๓] อุปฺปาที ธมฺโม อุปฺปนฺนสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ฯ
[๑๙๑๔] นเหตุยา ตีณิ นอารมฺมเณ ตีณิ นอธิปติยา ตีณิ ฯเปฯ
นวิปฺปยุตฺเต ตีณิ โนอตฺถิยา เทฺว โนนตฺถิยา ตีณิ โนวิคเต ตีณิ
โนอวิคเต เทฺว ฯ เอวํ คเณตพฺพํ ฯ
ปจฺจนียํ ฯ
[๑๙๑๕] เหตุปจฺจยา นอารมฺมเณ เอกํ ฯ สงฺขิตฺตํ ฯ ...
โนนตฺถิยา โนวิคเต เอกํ ฯ
อนุโลมปจฺจนียํ ฯ
[๑๙๑๖] นเหตุปจฺจยา อารมฺมเณ ตีณิ ... อธิปติยา ตีณิ
สหชาเต เอกํ อญฺญมญฺเญ เอกํ นิสฺสเย เอกํ อุปนิสฺสเย ตีณิ
ปุเรชาเต เอกํ ปจฺฉาชาเต เอกํ กมฺเม วิปาเก อาหาเร อินฺทฺริเย
ฌาเน มคฺเค สมฺปยุตฺเต วิปฺปยุตฺเต อตฺถิยา อวิคเต เอกํ ฯ
ปจฺจนียานุโลมํ ฯ
ปญฺหาวาโร นิฏฺฐิโต ฯ
อุปฺปนฺนตฺติกํ สตฺตรสมํ
นิฏฺฐิตํ
--------
อตีตตฺติกํ
ปญฺหาวาโร
[๑๙๑๗] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
เหตุปจฺจเยน ปจฺจโย ปจฺจุปฺปนฺนา เหตู สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิกฺขเณ ... ฯ
[๑๙๑๘] อตีโต ธมฺโม ปจฺจุปฺปนฺนสฺส ธมฺมสฺส อารมฺมณปจฺจเยน
ปจฺจโย ทานํ ทตฺวา สีลํ ... อุโปสถกมฺมํ ... ปจฺจเวกฺขติ
ปุพฺเพ สุจิณฺณานิ ปจฺจเวกฺขติ ฌานา วุฏฺฐหิตฺวา ฌานํ ปจฺจเวกฺขติ
อริยา มคฺคา วุฏฺฐหิตฺวา มคฺคํ ปจฺจเวกฺขนฺติ ผลํ ปจฺจเวกฺขนฺติ
ปหีเน กิเลเส ปจฺจเวกฺขนฺติ วิกฺขมฺภิเต กิเลเส ปจฺจเวกฺขนฺติ
อตีตํ จกฺขุํ อนิจฺจโต ทุกฺขโต อนตฺตโต วิปสฺสนฺติ ฯเปฯ โทมนสฺสํ
อุปฺปชฺชติ อตีตํ โสตํ ... ฆานํ ชิวฺหํ กายํ รูเป สทฺเท คนฺเธ
รเส โผฏฺฐพฺเพ วตฺถุํ ... อตีเต ขนฺเธ อนิจฺจโต ทุกฺขโต อนตฺตโต
วิปสฺสนฺติ อสฺสาเทนฺติ อภินนฺทนฺติ ตํ อารพฺภ ราโค อุปฺปชฺชติ
ทิฏฺฐิ อุปฺปชฺชติ วิจิกิจฺฉา ... อุทฺธจฺจํ ... โทมนสฺสํ อุปฺปชฺชติ
อากาสานญฺจายตนํ วิญฺญาณญฺจายตนสฺส อารมฺมณปจฺจเยน ปจฺจโย
อากิญฺจญฺญายตนํ เนวสญฺญานาสญฺญายตนสฺส อารมฺมณปจฺจเยน
ปจฺจโย อตีตา ขนฺธา อิทฺธิวิธญาณสฺส เจโตปริยญาณสฺส
ปุพฺเพนิวาสานุสฺสติญาณสฺส ยถากมฺมูปคญาณสฺส อาวชฺชนาย
อารมฺมณปจฺจเยน ปจฺจโย ฯ
[๑๙๑๙] อนาคโต ธมฺโม ปจฺจุปฺปนฺนสฺส ธมฺมสฺส อารมฺมณปจฺจเยน
ปจฺจโย อนาคตํ จกฺขุํ ... วตฺถุํ ... อนาคเต ขนฺเธ อนิจฺจโต ... โทมนสฺสํ
อุปฺปชฺชติ อนาคตา ขนฺธา อิทฺธิวิธญาณสฺส เจโตปริยญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
[๑๙๒๐] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
อารมฺมณปจฺจเยน ปจฺจโย ปจฺจุปฺปนฺนํ จกฺขุํ ... กายํ รูเป สทฺเท
คนฺเธ รเส โผฏฺฐพฺเพ วตฺถุํ ... ปจฺจุปฺปนฺเน ขนฺเธ อนิจฺจโต ...
โทมนสฺสํ อุปฺปชฺชติ ทิพฺเพน จกฺขุนา ... ทิพฺพาย โสตธาตุยา
สทฺทํ สุณาติ รูปายตนํ จกฺขุวิญฺญาณสฺส โผฏฺฐพฺพายตนํ
กายวิญฺญาณสฺส ปจฺจุปฺปนฺนา ขนฺธา อิทฺธิวิธญาณสฺส อาวชฺชนาย
อารมฺมณปจฺจเยน ปจฺจโย ฯ
[๑๙๒๑] อตีโต ธมฺโม ปจฺจุปฺปนฺนสฺส ธมฺมสฺส อธิปติปจฺจเยน
ปจฺจโย ฯ อารมฺมณาธิปติ: ทานํ ทตฺวา สีลํ ฯเปฯ ปุพฺเพ
สุจิณฺณานิ ครุํ กตฺวา ปจฺจเวกฺขติ ฌานา วุฏฺฐหิตฺวา ฌานํ ครุํ
กตฺวา ปจฺจเวกฺขติ อริยา มคฺคา วุฏฺฐหิตฺวา มคฺคํ ครุํ กตฺวา
ปจฺจเวกฺขนฺติ ผลํ ครุํ กตฺวา ปจฺจเวกฺขนฺติ อตีตํ จกฺขุํ ... กายํ
รูเป สทฺเท คนฺเธ รเส โผฏฺฐพฺเพ วตฺถุํ ... อตีเต ขนฺเธ ครุํ
กตฺวา อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ
ทิฏฺฐิ อุปฺปชฺชติ ฯ
[๑๙๒๒] อนาคโต ธมฺโม ปจฺจุปฺปนฺนสฺส ธมฺมสฺส อธิปติปจฺจเยน
ปจฺจโย ฯ อารมฺมณาธิปติ: อนาคตํ จกฺขุํ ... วตฺถุํ ... อนาคเต ขนฺเธ
ครุํ กตฺวา อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ ทิฏฺฐิ
อุปฺปชฺชติ ฯ
[๑๙๒๓] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส อธิปติปจฺจเยน
ปจฺจโย อารมฺมณาธิปติ สหชาตาธิปติ ฯ อารมฺมณาธิปติ:
ปจฺจุปฺปนฺนํ จกฺขุํ ... วตฺถุํ ... ปจฺจุปฺปนฺเน ขนฺเธ ครุํ กตฺวา
อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ ทิฏฺฐิ
อุปฺปชฺชติ ฯ สหชาตาธิปติ: ปจฺจุปฺปนฺนาธิปติ สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
[๑๙๒๔] อตีโต ธมฺโม ปจฺจุปฺปนฺนสฺส ธมฺมสฺส อนนฺตรปจฺจเยน
ปจฺจโย ปุริมา ปุริมา อตีตา ขนฺธา ปจฺฉิมานํ ปจฺฉิมานํ
ปจฺจุปฺปนฺนานํ ขนฺธานํ อนนฺตรปจฺจเยน ปจฺจโย อนุโลมํ โคตฺรภุสฺส
อนุโลมํ โวทานสฺส โคตฺรภุ มคฺคสฺส โวทานํ มคฺคสฺส มคฺโค
ผลสฺส ผลํ ผลสฺส อนุโลมํ ผลสมาปตฺติยา นิโรธา วุฏฺฐหนฺตสฺส
เนวสญฺญานาสญฺญายตนํ ผลสมาปตฺติยา อนนฺตรปจฺจเยน
ปจฺจโย ฯ
[๑๙๒๕] อตีโต ธมฺโม ปจฺจุปฺปนฺนสฺส ธมฺมสฺส สมนนฺตรปจฺจเยน
ปจฺจโย อนนฺตรสทิสํ ฯ
[๑๙๒๖] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
สหชาตปจฺจเยน ปจฺจโย อญฺญมญฺญปจฺจเยน ปจฺจโย
นิสฺสยปจฺจเยน ปจฺจโย ฯ สงฺขิตฺตํ ฯ
[๑๙๒๗] อตีโต ธมฺโม ปจฺจุปฺปนฺนสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: ฯเปฯ อตีตํ สทฺธํ อุปนิสฺสาย ทานํ
เทติ สีลํ ... อุโปสถกมฺมํ กโรติ ฌานํ ฯเปฯ วิปสฺสนํ ... มคฺคํ ...
อภิญฺญํ ... สมาปตฺตึ อุปฺปาเทติ มานํ ชปฺเปติ ทิฏฺฐึ คณฺหาติ
อตีตํ สีลํ ... ปญฺญํ ราคํ ปตฺถนํ กายิกํ สุขํ ... กายิกํ ทุกฺขํ อุปนิสฺสาย
ทานํ เทติ สีลํ ... อุโปสถกมฺมํ ฯเปฯ สมาปตฺตึ อุปฺปาเทติ ปาณํ
หนติ สงฺฆํ ภินฺทติ อตีตา สทฺธา ... ปญฺญา ราโค ปตฺถนา กายิกํ
สุขํ ... กายิกํ ทุกฺขํ ปจฺจุปฺปนฺนาย สทฺธาย ปญฺญาย ราคสฺส ปตฺถนาย
ฯเปฯ ผลสมาปตฺติยา อุปนิสฺสยปจฺจเยน ปจฺจโย ฯ
[๑๙๒๘] อนาคโต ธมฺโม ปจฺจุปฺปนฺนสฺส ธมฺมสฺส อุปนิสฺสยปจฺจเยน
ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ
ปกตูปนิสฺสโย: อนาคตํ จกฺขุสมฺปทํ ปตฺถยมาโน
โสตสมฺปทํ ... ฆานสมฺปทํ ชิวฺหาสมฺปทํ กายสมฺปทํ วณฺณสมฺปทํ
สทฺทสมฺปทํ คนฺธสมฺปทํ รสสมฺปทํ ... โผฏฺฐพฺพสมฺปทํ ปตฺถยมาโน
อนาคเต ขนฺเธ ปตฺถยมาโน ทานํ เทติ สีลํ ... อุโปสถกมฺมํ ...
อนาคตา จกฺขุสมฺปทา ... วณฺณสมฺปทา ... โผฏฺฐพฺพสมฺปทา ... อนาคตา
ขนฺธา ปจฺจุปฺปนฺนาย สทฺธาย ปญฺญาย กายิกสฺส สุขสฺส กายิกสฺส
ทุกฺขสฺส มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ
[๑๙๒๙] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย
ปกตูปติสฺสโย ฯ ปกตูปนิสฺสโย: ปจฺจุปฺปนฺนํ อุตุํ อุปนิสฺสาย
ฌานํ อุปฺปาเทติ วิปสฺสนํ ฯเปฯ ปจฺจุปฺปนฺนํ โภชนํ ... เสนาสนํ
อุปนิสฺสาย ฌานํ อุปฺปาเทติ สมาปตฺตึ อุปฺปาเทติ ปจฺจุปฺปนฺนํ
อุตุ ... โภชนํ ... เสนาสนํ ปจฺจุปฺปนฺนาย สทฺธาย ปญฺญาย
กายิกสฺส ฯเปฯ ผลสมาปตฺติยา อุปนิสฺสยปจฺจเยน ปจฺจโย ฯ
[๑๙๓๐] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
ปุเรชาตปจฺจเยน ปจฺจโย อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ ... วตฺถุํ อนิจฺจโต ... โทมนสฺสํ อุปฺปชฺชติ
ทิพฺเพน จกฺขุนา รูปํ ปสฺสติ ทิพฺพาย โสตธาตุยา ... รูปายตนํ
จกฺขุวิญฺญาณสฺส โผฏฺฐพฺพายตนํ กายวิญฺญาณสฺส ปุเรชาตปจฺจเยน
ปจฺจโย ฯ วตฺถุปุเรชาตํ: จกฺขายตนํ จกฺขุวิญฺญาณสฺส
กายายตนํ กายวิญฺญาณสฺส วตฺถุ ปจฺจุปฺปนฺนานํ ขนฺธานํ
ปุเรชาตปจฺจเยน ปจฺจโย ฯ
[๑๙๓๑] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
ปจฺฉาชาตปจฺจเยน ปจฺจโย ฯ ปจฺฉาชาตา: ปจฺจุปฺปนฺนา ขนฺธา
ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย ฯ
[๑๙๓๒] อตีโต ธมฺโม ปจฺจุปฺปนฺนสฺส ธมฺมสฺส อาเสวนปจฺจเยน
ปจฺจโย ปุริมา ปุริมา อตีตา ขนฺธา ปจฺฉิมานํ ปจฺฉิมานํ
ปจฺจุปฺปนฺนานํ ขนฺธานํ อาเสวนปจฺจเยน ปจฺจโย อนุโลมํ โคตรภุสฺส
อนุโลมํ โวทานสฺส โคตฺรภุ มคฺคสฺส โวทานํ มคฺคสฺส
อาเสวนปจฺจเยน ปจฺจโย ฯ
[๑๙๓๓] อตีโต ธมฺโม ปจฺจุปฺปนฺนสฺส ธมฺมสฺส กมฺมปจฺจเยน
ปจฺจโย ฯ นานาขณิกา: อตีตา เจตนา ปจฺจุปฺปนฺนานํ วิปากานํ
ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
[๑๙๓๔] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
กมฺมปจฺจเยน ปจฺจโย ปจฺจุปฺปนฺนา เจตนา สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ปฏิสนฺธิกฺขเณ
ปจฺจุปฺปนฺนา เจตนา สมุปยุตฺตกานํ ขนฺธานํ กฏตฺตา จ รูปานํ
กมฺมปจฺจเยน ปจฺจโย ฯ
[๑๙๓๕] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส วิปากปจฺจเยน
ปจฺจโย วิปาโก ปจฺจุปฺปนฺโน เอโก ขนฺโธ ติณฺณนฺนํ
ขนฺธานํ จิตฺตสมุฏฺฐานานญฺจ รูปานํ วิปากปจฺจเยน ปจฺจโย เทฺว
ขนฺธา ... ปฏิสนฺธิกฺขเณ ขนฺธา วตฺถุสฺส วิปากปจฺจเยน ปจฺจโย ฯ
[๑๙๓๖] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
อาหารปจฺจเยน ปจฺจโย อินฺทฺริยปจฺจเยน ปจฺจโย ฌานปจฺจเยน
ปจฺจโย มคฺคปจฺจเยน ปจฺจโย สมฺปยุตฺตปจฺจเยน ปจฺจโย
วิปฺปยุตฺตปจฺจเยน ปจฺจโย สหชาตํ ปุเรชาตํ ปจฺฉาชาตํ ฯ
สหชาตา: ปจฺจุปฺปนฺนา ขนฺธา จิตฺตสมุฏฺฐานานํ รูปานํ
วิปฺปยุตฺตปจฺจเยน ปจฺจโย ปฏิสนฺธิกฺขเณ ปจฺจุปฺปนฺนา ขนฺธา
กฏตฺตารูปานํ วิปฺปยุตฺตปจฺจเยน ปจฺจโย ขนฺธา วตฺถุสฺส
วิปฺปยุตฺตปจฺจเยน ปจฺจโย วตฺถุ ขนฺธานํ วิปฺปยุตฺตปจฺจเยน
ปจฺจโย ฯ ปุเรชาตํ: จกฺขายตนํ จกฺขุวิญฺญาณสฺส กายายตนํ ...
วตฺถุ ปจฺจุปฺปนฺนานํ ขนฺธานํ วิปฺปยุตฺตปจฺจเยน ปจฺจโย ฯ
ปจฺฉาชาตา: ปจฺจุปฺปนฺนา ขนฺธา ปุเรชาตสฺส อิมสฺส กายสฺส
วิปฺปยุตฺตปจฺจเยน ปจฺจโย ฯ
[๑๙๓๗] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส อตฺถิปจฺจเยน
ปจฺจโย อุปฺปนฺนตฺติเก อตฺถิสทิสํ ฯ
[๑๙๓๘] อตีโต ธมฺโม ปจฺจุปฺปนฺนสฺส ธมฺมสฺส นตฺถิปจฺจเยน
ปจฺจโย วิคตปจฺจเยน ปจฺจโย ฯ
[๑๙๓๙] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส อวิคตปจฺจเยน
ปจฺจโย ฯเปฯ
[๑๙๔๐] เหตุยา เอกํ อารมฺมเณ ตีณิ อธิปติยา ตีณิ อนนฺตเร เอกํ
สมนนฺตเร เอกํ สหาชาเต อญฺญมญฺเญ นิสฺสเย เอกํ อุปนิสฺสเย
ตีณิ ปุเรชาเต ปจฺฉาชาเต อาเสวเน เอกํ กมฺเม เทฺว วิปาเก อาหาเร
เอกํ ฯ สงฺขิตฺตํ ฯ อวิคเต เอกํ ฯ เอวํ คเณตพฺพํ ฯ
อนุโลมํ ฯ
[๑๙๔๑] อตีโต ธมฺโม ปจฺจุปฺปนฺนสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย กมฺมปจฺจเยน ปจฺจโย ฯ
[๑๙๔๒] อนาคโต ธมฺโม ปจฺจุปฺปนฺนสฺส ธมฺมสฺส อารมฺมณปจฺจเยน
ปจฺจโย อุปนิสฺสยปจฺจเยน ปจฺจโย ฯ
[๑๙๔๓] ปจฺจุปฺปนฺโน ธมฺโม ปจฺจุปฺปนฺนสฺส ธมฺมสฺส
อารมฺมณปจฺจเยน ปจฺจโย สหชาตปจฺจเยน ปจฺจโย อุปนิสฺสยปจฺจเยน
ปจฺจโย ปุเรชาตปจฺจเยน ปจฺจโย ปจฺฉาชาตปจฺจเยน
ปจฺจโย อาหารปจฺจเยน ปจฺจโย อินฺทฺริยปจฺจเยน ปจฺจโย ฯ
[๑๙๔๔] นเหตุยา ตีณิ นอารมฺมเณ ตีณิ นอธิปติยา
ตีณิ นอนนฺตเร ตีณิ ฯ สงฺขิตฺตํ ฯ นสมฺปยุตฺเต ตีณิ นวิปฺปยุตฺเต
ตีณิ โนอตฺถิยา เทฺว โนนตฺถิยา ตีณิ โนวิคเต
ตีณิ โนอวิคเต เทฺว ฯ เอวํ คเณตพฺพํ ฯ
ปจฺจนียํ ฯ
[๑๙๔๕] เหตุปจฺจยา นอารมฺมเณ เอกํ ... นอธิปติยา
นอนนฺตเร นสมนนฺตเร นอญฺญมญฺเญ นอุปนิสฺสเย ฯ สงฺขิตฺตํ ฯ
นสมฺปยุตฺเต นวิปฺปยุตฺเต โนนตฺถิยา โนวิคเต เอกํ ฯ เอวํ
คเณตพฺพํ ฯ
อนุโลมปจฺจนียํ ฯ
[๑๙๔๖] นเหตุปจฺจยา อารมฺมเณ ตีณิ ... อธิปติยา ตีณิ
อนนฺตเร สมนนฺตเร สหชาเต อญฺญมญฺเญ นิสฺสเย เอกํ อุปนิสฺสเย
ตีณิ ปุเรชาเต เอกํ ปจฺฉาชาเต อาเสวเน เอกํ ฯ สงฺขิตฺตํ ฯ กมฺเม
เทฺว วิปาเก เอกํ อิเมสุ ปเทสุ เอกํเยว อวิคเต เอกํ ฯ
เอวํ คเณตพฺพํ ฯ
ปจฺจนียานุโลมํ ฯ
ปญฺหาวาโร นิฏฺฐิโต ฯ
อตีตตฺติกํ อฏฺฐารสมํ
นิฏฺฐิตํ
--------
อตีตารมฺมณตฺติกํ
ปฏิจฺจวาโร
[๑๙๔๗] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ เหตุปจฺจยา อตีตารมฺมณํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ ปฏิจฺจ เทฺว ขนฺธา ปฏิสนฺธิกฺขเณ อตีตารมฺมณํ
เอกํ ขนฺธํ ปฏิจฺจ ตโย ขนฺธา เทฺว ขนฺเธ ปฏิจฺจ เทฺว ขนฺธา ฯ
[๑๙๔๘] อนาคตารมฺมณํ ธมฺมํ ปฏิจฺจ อนาคตารมฺมโณ
ธมฺโม อุปฺปชฺชติ เหตุปจฺจยา อนาคตารมฺมณํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ ... ฯ
[๑๙๔๙] ปจฺจุปฺปนฺนารมฺมณํ ธมฺมํ ปฏิจฺจ ปจฺจุปฺปนฺนารมฺมโณ
ธมฺโม อุปฺปชฺชติ เหตุปจฺจยา ปจฺจุปฺปนฺนารมฺมณํ เอกํ ขนฺธํ ปฏิจฺจ
ตโย ขนฺธา เทฺว ขนฺเธ ... ปฏิสนฺธิกฺขเณ ปจฺจุปฺปนฺนารมฺมณํ เอกํ
ขนฺธํ ปฏิจฺจ ตโย ขนฺธา เทฺว ขนฺเธ ... ฯ
[๑๙๕๐] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ อารมฺมณปจฺจยา อธิปติปจฺจยา อธิปติยา ปฏิสนฺธิ
นตฺถิ ฯ อนนฺตรปจฺจยา สมนนฺตรปจฺจยา สหชาตปจฺจยา
อญฺญมญฺญปจฺจยา นิสฺสยปจฺจยา อุปนิสฺสยปจฺจยา ปุเรชาตปจฺจยา
อาเสวนปจฺจยา ปุเรชาเตปิ อาเสวเนปิ ปฏิสนฺธิ นตฺถิ ฯ กมฺมปจฺจยา
วิปากปจฺจยา วิปากํ อตีตารมฺมณํ เอกํ ขนฺธํ ... ฯ ติสฺโสปิ ปญฺหา
ปริปุณฺณา ปวตฺติ ปฏิสนฺธิ กาตพฺพา ฯ อาหารปจฺจยา อินฺทฺริยปจฺจยา
ฌานปจฺจยา มคฺคปจฺจยา สมฺปยุตฺตปจฺจยา วิปฺปยุตฺตปจฺจยา อตฺถิปจฺจยา
นตฺถิปจฺจยา วิคตปจฺจยา อวิคตปจฺจยา ฯ
[๑๙๕๑] เหตุยา ตีณิ อารมฺมเณ ตีณิ อธิปติยา ตีณิ ฯ สงฺขิตฺตํ ฯ
สพฺพตฺถ ตีณิ วิคเต ตีณิ อวิคเต ตีณิ ฯ เอวํ คเณตพฺพํ ฯ
อนุโลมํ ฯ
[๑๙๕๒] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ นเหตุปจฺจยา อเหตุกํ อตีตารมฺมณํ เอกํ ขนฺธํ ปฏิจฺจ
ตโย ขนฺธา เทฺว ขนฺเธ ... อเหตุกปฏิสนฺธิกฺขเณ วิจิกิจฺฉาสหคเต
อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต
โมโห ฯ
[๑๙๕๓] อนาคตารมฺมณํ ธมฺมํ ปฏิจฺจ อนาคตารมฺมโณ ธมฺโม
อุปฺปชฺชติ นเหตุปจฺจยา อเหตุกํ อนาคตารมฺมณํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ ... วิจิกิจฺฉาสหคเต อุทฺธจฺจสหคเต
ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ
[๑๙๕๔] ปจฺจุปฺปนฺนารมฺมณํ ธมฺมํ ปฏิจฺจ ปจฺจุปฺปนฺนารมฺมโณ
ธมฺโม อุปฺปชฺชติ นเหตุปจฺจยา อเหตุกํ ปจฺจุปฺปนฺนารมฺมณํ เอกํ
ขนฺธํ ปฏิจฺจ ตโย ขนฺธา เทฺว ขนฺเธ ... อเหตุกปฏิสนฺธิกฺขเณ
ปจฺจุปฺปนฺนารมฺมเณ วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ
[๑๙๕๕] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ นอธิปติปจฺจยา อนุโลมสหชาตสทิสํ ฯ
[๑๙๕๖] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ นปุเรชาตปจฺจยา อรูเป อตีตารมฺมณํ เอกํ ขนฺธํ
ปฏิจฺจ เทฺว ขนฺเธ ... ปฏิสนฺธิกฺขเณ ... ฯ
[๑๙๕๗] อนาคตารมฺมณํ ธมฺมํ ปฏิจฺจ อนาคตารมฺมโณ
ธมฺโม อุปฺปชฺชติ นปุเรชาตปจฺจยา อรูเป อนาคตารมฺมณํ เอกํ
ขนฺธํ ปฏิจฺจ ตโย ขนฺธา ... เทฺว ขนฺเธ ... ฯ
[๑๙๕๘] ปจฺจุปฺปนฺนารมฺมณํ ธมฺมํ ปฏิจฺจ ปจฺจุปฺปนฺนารมฺมโณ
ธมฺโม อุปฺปชฺชติ นปุเรชาตปจฺจยา ปฏิสนฺธิกฺขเณ ปจฺจุปฺปนฺนารมฺมณํ
เอกํ ขนฺธํ ปฏิจฺจ เทฺว ขนฺเธ ... ฯ
[๑๙๕๙] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ นปจฺฉาชาตปจฺจยา นอาเสวนปจฺจยา นอธิปติสทิสา ฯ
นกมฺมปจฺจยา อตีตารมฺมเณ ขนฺเธ ปฏิจฺจ อตีตารมฺมณา
เจตนา ฯ
[๑๙๖๐] อนาคตารมฺมณํ ธมฺมํ ปฏิจฺจ อนาคตารมฺมโณ
ธมฺโม อุปฺปชฺชติ นกมฺมปจฺจยา อนาคตารมฺมเณ ขนฺเธ ปฏิจฺจ
อนาคตารมฺมณา เจตนา ฯ
[๑๙๖๑] ปจฺจุปฺปนฺนารมฺมณํ ธมฺมํ ปฏิจฺจ ปจฺจุปฺปนฺนารมฺมโณ
ธมฺโม อุปฺปชฺชติ นกมฺมปจฺจยา ปจฺจุปฺปนฺนารมฺมเณ ขนฺเธ
ปฏิจฺจ ปจฺจุปฺปนฺนารมฺมณา เจตนา ฯ
[๑๙๖๒] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ นวิปากปจฺจยา นวิปาเก ปฏิสนฺธิ นตฺถิ ฯ
[๑๙๖๓] ปจฺจุปฺปนฺนารมฺมณํ ธมฺมํ ปฏิจฺจ ปจฺจุปฺปนฺนารมฺมโณ
ธมฺโม อุปฺปชฺชติ นฌานปจฺจยา ปญฺจวิญฺญาณสหคตํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ ... ฯ
[๑๙๖๔] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ นมคฺคปจฺจยา อเหตุกํ อตีตารมฺมณํ เอกํ ขนฺธํ
ปฏิจฺจ นเหตุสทิสา ติสฺโส ปญฺหา โมโห นตฺถิ ฯ
[๑๙๖๕] อตีตารมฺมณํ ธมฺมํ ปฏิจฺจ อตีตารมฺมโณ ธมฺโม
อุปฺปชฺชติ นวิปฺปยุตฺตปจฺจยา อรูเป อตีตารมฺมณํ เอกํ ขนฺธํ
ปฏิจฺจ เทฺว ขนฺเธ ... ฯ
[๑๙๖๖] อนาคตารมฺมณํ ธมฺมํ ปฏิจฺจ อนาคตารมฺมโณ ธมฺโม
อุปฺปชฺชติ นวิปฺปยุตฺตปจฺจยา อรูเป อนาคตารมฺมณํ เอกํ ขนฺธํ
ปฏิจฺจ เทฺว ขนฺเธ ... ฯ
[๑๙๖๗] นเหตุยา ตีณิ นอธิปติยา นปุเรชาเต นปจฺฉาชาเต
นอาเสวเน นกมฺเม นวิปาเก ตีณิ นฌาเน เอกํ นมคฺเค ตีณิ
นวิปฺปยุตฺเต เทฺว ฯ เอวํ คเณตพฺพํ ฯ
ปจฺจนียํ ฯ
[๑๙๖๘] เหตุปจฺจยา นอธิปติยา ตีณิ ... นปุเรชาเต นปจฺฉาชาเต
นอาเสวเน นกมฺเม นวิปาเก ตีณิ นวิปฺปยุตฺเต เทฺว ฯ เอวํ
คเณตพฺพํ ฯ
อนุโลมปจฺจนียํ ฯ
[๑๙๖๙] นเหตุปจฺจยา อารมฺมเณ ตีณิ ฯ สงฺขิตฺตํ ฯ สพฺพตฺถ
ตีณิ ฯ อวิคเต ตีณิ ฯ เอวํ คเณตพฺพํ ฯ
ปจฺจนียานุโลมํ ฯ
ปฏิจฺจวาโร นิฏฺฐิโต ฯ
สหชาตวาโรปิ ปจฺจยวาโรปิ นิสฺสยวาโรปิ
สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา ฯ
ปญฺหาวาโร ฯ
[๑๙๗๐] อตีตารมฺมโณ ธมฺโม อตีตารมฺมณสฺส ธมฺมสฺส เหตุปจฺจเยน
ปจฺจโย อตีตารมฺมณา เหตู สมฺปยุตฺตกานํ ขนฺธานํ
เหตุปจฺจเยน ปจฺจโย ปฏิสนฺธิกฺขเณ อตีตารมฺมณา เหตู สมฺปยุตฺตกานํ
ขนฺธานํ ฯ
[๑๙๗๑] อนาคตารมฺมโณ ธมฺโม อนาคตารมฺมณสฺส ธมฺมสฺส
เหตุปจฺจเยน ปจฺจโย อนาคตารมฺมณา เหตู สมฺปยุตฺตกานํ ขนฺธานํ
เหตุปจฺจเยน ปจฺจโย ฯ
[๑๙๗๒] ปจฺจุปฺปนฺนารมฺมโณ ธมฺโม ปจฺจุปฺปนฺนารมฺมณสฺส
ธมฺมสฺส เหตุปจฺจเยน ปจฺจโย ปจฺจุปฺปนฺนารมฺมณา เหตู สมฺปยุตฺตกานํ
ขนฺธานํ เหตุปจฺจเยน ปจฺจโย ปฏิสนฺธิกฺขเณ ปจฺจุปฺปนฺนารมฺมณา
เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ
[๑๙๗๓] อตีตารมฺมโณ ธมฺโม อตีตารมฺมณสฺส ธมฺมสฺส
อารมฺมณปจฺจเยน ปจฺจโย อตีตํ วิญฺญาณญฺจายตนํ ปจฺจเวกฺขติ
เนวสญฺญานาสญฺญายตนํ ปจฺจเวกฺขติ อตีตารมฺมณํ อตีตํ อิทฺธิวิธญาณํ
ปจฺจเวกฺขติ เจโตปริยญาณํ ... ปุพฺเพนิวาสานุสฺสติญาณํ ...
ยถากมฺมูปคญาณํ ปจฺจเวกฺขติ อริยา อตีตารมฺมเณ ปหีเน กิเลเส
ปจฺจเวกฺขนฺติ วิกฺขมฺภิเต กิเลเส ... ปุพฺเพ สมุทาจิณฺเณ ...
อตีตารมฺมเณ อตีเต ขนฺเธ อนิจฺจโต ทุกฺขโต อนตฺตโต วิปสฺสนฺติ
อสฺสาเทนฺติ อภินนฺทนฺติ ตํ อารพฺภ อตีตารมฺมโณ ราโค อุปฺปชฺชติ
ทิฏฺฐิ ... วิจิกิจฺฉา ... อุทฺธจฺจํ โทมนสฺสํ อุปฺปชฺชติ อตีตารมฺมณา
อตีตา ขนฺธา เจโตปริยญาณสฺส ปุพฺเพนิวาสานุสฺสติญาณสฺส
ยถากมฺมูปคญาณสฺส อาวชฺชนาย อารมฺมณปจฺจเยน ปจฺจโย ฯ
[๑๙๗๔] อตีตารมฺมโณ ธมฺโม อนาคตารมฺมณสฺส ธมฺมสฺส
อารมฺมณปจฺจเยน ปจฺจโย อนาคตํ วิญฺญาณญฺจายตนํ ปจฺจเวกฺขติ
เนวสญฺญานาสญฺญายตนํ ปจฺจเวกฺขติ อตีตารมฺมณํ อนาคตํ
อิทฺธิวิธญาณํ ปจฺจเวกฺขติ เจโตปริยญาณํ ... ปุพฺเพนิวาสานุสฺสติญาณํ ...
ยถากมฺมูปคญาณํ ... อตีตารมฺมเณ อนาคเต ขนฺเธ
อนิจฺจโต ... วิปสฺสติ อสฺสาเทติ อภินนฺทติ ตํ อารพฺภ อนาคตารมฺมโณ
ราโค อุปฺปชฺชติ โทมนสฺสํ อุปฺปชฺชติ อตีตารมฺมณา อนาคตา ขนฺธา
เจโตปริยญาณสฺส อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ
[๑๙๗๕] อตีตารมฺมโณ ธมฺโม ปจฺจุปฺปนฺนารมฺมณสฺส ธมฺมสฺส
อารมฺมณปจฺจเยน ปจฺจโย เจโตปริยญาเณน อตีตารมฺมณ-
ปจฺจุปฺปนฺนจิตฺตสมงฺคิสฺส จิตฺตํ ชานาติ อตีตารมฺมณา ปจฺจุปฺปนฺนา
ขนฺธา เจโตปริยญาณสฺส อาวชฺชนาย อารมฺมณปจฺจเยน ปจฺจโย ฯ
[๑๙๗๖] อนาคตารมฺมโณ ธมฺโม อนาคตารมฺมณสฺส ธมฺมสฺส
อารมฺมณปจฺจเยน ปจฺจโย อนาคตารมฺมณํ อนาคตํ อิทฺธิวิธญาณํ
ปจฺจเวกฺขติ เจโตปริยญาณํ ... อนาคตํสญาณํ ... อนาคตารมฺมเณ
อนาคเต ขนฺเธ อนิจฺจโต ... วิปสฺสติ อสฺสาเทติ อภินนฺทติ ตํ
อารพฺภ อนาคตารมฺมโณ ราโค ... โทมนสฺสํ อุปฺปชฺชติ
อนาคตารมฺมณา อนาคตา ขนฺธา เจโตปริยญาณสฺส อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
[๑๙๗๗] อนาคตารมฺมโณ ธมฺโม อตีตารมฺมณสฺส ธมฺมสฺส
อารมฺมณปจฺจเยน ปจฺจโย อนาคตารมฺมณํ อตีตํ อิทฺธิวิธญาณํ
ปจฺจเวกฺขติ เจโตปริยญาณํ ... อนาคตํสญาณํ อริยา อนาคตารมฺมเณ
ปหีเน กิเลเส ปจฺจเวกฺขนฺติ วิกฺขมฺภิเต กิเลเส ปจฺจเวกฺขนฺติ
ปุพฺเพ สมุทาจิณฺเณ ... อนาคตารมฺมเณ อตีเต ขนฺเธ อนิจฺจโต ...
วิปสฺสนฺติ อสฺสาเทนฺติ อภินฺนทนฺติ ตํ อารพฺภ อตีตารมฺมโณ ราโค
อุปฺปชฺชติ โทมนสฺสํ อุปฺปชฺชติ อนาคตารมฺมณา อตีตา ขนฺธา
เจโตปริยญาณสฺส ปุพฺเพนิวาสานุสฺสติญาณสฺส ยถากมฺมูปคญาณสฺส
อาวชฺชนาย อารมฺมณปจฺจเยน ปจฺจโย ฯ
[๑๙๗๘] อนาคตารมฺมโณ ธมฺโม ปจฺจุปฺปนฺนารมฺมณสฺส ธมฺมสฺส
อารมฺมณปจฺจเยน ปจฺจโย เจโตปริยญาเณน อนาคตารมฺมณปจฺจุปฺปนฺน-
จิตฺตสมงฺคิสฺส จิตฺตํ ชานาติ อนาคตารมฺมณา ปจฺจุปฺปนฺนา ขนฺธา
เจโตปริยญาณสฺส อาวชฺชนาย อารมฺมณปจฺจเยน ปจฺจโย ฯ
[๑๙๗๙] ปจฺจุปฺปนฺนารมฺมโณ ธมฺโม ปจฺจุปฺปนฺนารมฺมณสฺส
ธมฺมสฺส อารมฺมณปจฺจเยน ปจฺจโย เจโตปริยญาเณน
ปจฺจุปฺปนฺนารมฺมณปจฺจุปฺปนฺนจิตฺตสมงฺคิสฺส จิตฺตํ ชานาติ
ปจฺจุปฺปนฺนารมฺมณา ปจฺจุปฺปนฺนา ขนฺธา เจโตปริยญาณสฺส
อาวชฺชนาย อารมฺมณปจฺจเยน ปจฺจโย ฯ
เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๕๓๒-๕๕๗.
https://84000.org/tipitaka/read/pali_item.php?book=41&item=1888&items=92&mode=bracket
อ่านโดยใช้เนื้อความเป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=1888&items=92
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=1888&items=92&mode=bracket
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=1888&items=92&mode=bracket
ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=1888
สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
