พระไตรปิฎกเล่มที่ ๕ ภาษาบาลี อักษรไทย
พระวินัยปิฎกเล่มที่ ๕ วินย. มหาวคฺโค (๒)

     [๒๔๘]   อถโข   ภควา   สงฺฆมชฺเฌ  ิตโก  ว  อิมา  คาถาโย
ภาสิตฺวา   เยน   พาลกโลณการกคาโม   ๑-   เตนุปสงฺกมิ   ฯ  เตน
โข   ปน   สมเยน   อายสฺมา   ภคุ  พาลกโลณการกคาเม  วิหรติ  ฯ
อทฺทสา   โข   อายสฺมา  ภคุ  ภควนฺตํ  ทูรโต  ว  อาคจฺฉนฺตํ  ทิสฺวาน
อาสนํ    ปญฺาเปสิ    ปาโททกํ    ปาทปี    ปาทกถลิกํ    อุปนิกฺขิปิ
ปจฺจุคฺคนฺตฺวา    ปตฺตจีวรํ   ปฏิคฺคเหสิ   ฯ   นิสีทิ   ภควา   ปญฺตฺเต
อาสเน   นิสชฺช   ปาเท  ปกฺขาเลสิ  ฯ  อายสฺมาปิ  โข  ภคุ  ภควนฺตํ
อภิวาเทตฺวา เอกมนฺตํ นิสีทิ ฯ
     {๒๔๘.๑}   เอกมนฺตํ   นิสินฺนํ   โข   อายสฺมนฺตํ   ภคุํ   ภควา
เอตทโวจ   กจฺจิ   ภิกฺขุ   ขมนียํ   กจฺจิ  ยาปนียํ  กจฺจิ  ปิณฺฑเกน  น
กิลมสีติ  ฯ  ขมนียํ  ภควา  ยาปนียํ  ภควา  น  จาหํ  ภนฺเต  ปิณฺฑเกน
กิลมามีติ    ฯ   อถโข   ภควา   อายสฺมนฺตํ   ภคุํ   ธมฺมิยา   กถาย
สนฺทสฺเสตฺวา      สมาทเปตฺวา      สมุตฺเตเชตฺวา      สมฺปหํเสตฺวา
อุฏฺายาสนา เยน ปาจีนวํสทาโย เตนุปสงฺกมิ ฯ
     {๒๔๘.๒}   เตน  โข  ปน  สมเยน อายสฺมา จ อนุรุทฺโธ อายสฺมา
จ   นนฺทิโย   อายสฺมา   จ  กิมฺพิโล  ๒-  ปาจีนวํสทาเย  วิหรนฺติ  ฯ
อทฺทสา  โข  ทายปาโล  ภควนฺตํ  ทูรโต  ว  อาคจฺฉนฺตํ ทิสฺวาน ภควนฺตํ
เอตทโวจ   มา   สมณ  เอตํ  ทายํ  ปาวิสิ  สนฺเตตฺถ  ตโย  กุลปุตฺตา
@เชิงอรรถ: ๑ ยุ. พาลกโลณการคาโม ฯ ม. พาลกโลณกคาโม ฯ ๒ ม. กิมิโล ฯ
อตฺตกามรูปา   วิหรนฺติ   มา   เตสํ   อผาสุมกาสีติ   ฯ  อสฺโสสิ  โข
อายสฺมา    อนุรุทฺโธ    ทายปาลสฺส    ภควตา   สทฺธึ   มนฺตยมานสฺส
สุตฺวาน    ทายปาลํ   เอตทโวจ   มา   อาวุโส   ทายปาล   ภควนฺตํ
วาเรสิ  สตฺถา  โน  ภควา  อนุปฺปตฺโตติ  ฯ  อถโข  อายสฺมา อนุรุทฺโธ
เยนายสฺมา    จ    นนฺทิโย    อายสฺมา   จ   กิมฺพิโล   เตนุปสงฺกมิ
อุปสงฺกมิตฺวา     อายสฺมนฺตญฺจ     นนฺทิยํ     อายสฺมนฺตญฺจ     กิมฺพิลํ
เอตทโวจ      อภิกฺกมถายสฺมนฺโต      อภิกฺกมถายสฺมนฺโต      สตฺถา
โน ภควา อนุปฺปตฺโตติ ฯ
     {๒๔๘.๓}   อถโข  อายสฺมา  จ  อนุรุทฺโธ  อายสฺมา  จ  นนฺทิโย
อายสฺมา  จ  กิมฺพิโล  ภควนฺตํ  ปจฺจุคฺคนฺตฺวา  เอโก  ภควโต  ปตฺตจีวรํ
ปฏิคฺคเหสิ   เอโก   อาสนํ   ปญฺาเปสิ   เอโก   ปาโททกํ   ปาทปี
ปาทกถลิกํ  อุปนิกฺขิปิ  ฯ  นิสีทิ  ภควา  ปญฺตฺเต  อาสเน  นิสชฺช [๑]-
ปาเท  ปกฺขาเลสิ  ฯ  เตปิ  โข  อายสฺมนฺโต  ๒- ภควนฺตํ อภิวาเทตฺวา
เอกมนฺตํ  นิสีทึสุ  ฯ  เอกมนฺตํ  นิสินฺนํ  โข  อายสฺมนฺตํ  อนุรุทฺธํ  ภควา
เอตทโวจ  กจฺจิ  โว  อนุรุทฺธา  ขมนียํ  กจฺจิ  ยาปนียํ  กจฺจิ  ปิณฺฑเกน
น  กิลมถาติ  ฯ  ขมนียํ  ภควา  ยาปนียํ ภควา น จ มยํ ภนฺเต ปิณฺฑเกน
กิลมามาติ ฯ
     {๒๔๘.๔}   กจฺจิ ปน โว อนุรุทฺธา สมคฺคา สมฺโมทมานา อวิวทมานา
ขีโรทกีภูตา   อญฺมญฺ   ปิยจกฺขูหิ   สมฺปสฺสนฺตา   วิหรถาติ   ฯ  ตคฺฆ
เต   ๓-  มยํ  ภนฺเต  สมคฺคา  สมฺโมทมานา  อวิวทมานา  ขีโรทกีภูตา
@เชิงอรรถ: ๑ โป. ม. โข ภควา ฯ ๒ สี. โป. ยุ. อายสฺมนฺตา ฯ ๓ ม. ยุ. อยํ ปาโ นตฺถิ ฯ
อญฺมญฺ    ปิยจกฺขูหิ    สมฺปสฺสนฺตา   วิหรามาติ   ฯ   ยถากถํ   ปน
ตุเมฺห   อนุรุทฺธา   สมคฺคา   สมฺโมทมานา   อวิวทมานา   ขีโรทกีภูตา
อญฺมญฺ   ปิยจกฺขูหิ   สมฺปสฺสนฺตา   วิหรถาติ   ฯ   อิธ  มยฺหํ  ภนฺเต
เอวํ  โหติ  ลาภา  วต  เม สุลทฺธํ วต เม โยหํ เอวรูเปหิ สพฺรหฺมจารีหิ
สทฺธึ   วิหรามีติ   ตสฺส   มยฺหํ   ภนฺเต   อิเมสุ  อายสฺมนฺเตสุ  เมตฺตํ
กายกมฺมํ   ปจฺจุปฏฺิตํ   อาวิ   เจว  รโห  จ  เมตฺตํ  วจีกมฺมํ  เมตฺตํ
มโนกมฺมํ   ปจฺจุปฏฺิตํ  อาวิ  เจว  รโห  จ  ตสฺส  มยฺหํ  ภนฺเต  เอวํ
โหติ   ยนฺนูนาหํ   สกํ   จิตฺตํ   นิกฺขิปิตฺวา   อิเมสํเยว   อายสฺมนฺตานํ
จิตฺตสฺส   วเสน   วตฺเตยฺยนฺติ   โส   โข   อหํ   ภนฺเต   สกํ  จิตฺตํ
นิกฺขิปิตฺวา    อิเมสํเยว    อายสฺมนฺตานํ    จิตฺตสฺส   วเสน   วตฺตามิ
นานา หิ โข โน ภนฺเต กายา เอกญฺจ ปน มญฺเ จิตฺตนฺติ ฯ
     {๒๔๘.๕}   อายสฺมาปิ   โข   นนฺทิโย  อายสฺมาปิ  โข  กิมฺพิโล
ภควนฺตํ   เอตทโวจ   มยฺหํปิ   โข   ภนฺเต   เอวํ  โหติ  ลาภา  วต
เม   สุลทฺธํ  วต  เม  โยหํ  เอวรูเปหิ  สพฺรหฺมจารีหิ  สทฺธึ  วิหรามีติ
ตสฺส    มยฺหํ    ภนฺเต    อิเมสุ    อายสฺมนฺเตสุ   เมตฺตํ   กายกมฺมํ
ปจฺจุปฏฺิตํ   อาวิ   เจว   รโห  จ  เมตฺตํ  วจีกมฺมํ  เมตฺตํ  มโนกมฺมํ
ปจฺจุปฏฺิตํ   อาวิ   เจว   รโห   จ  ตสฺส  มยฺหํ  ภนฺเต  เอวํ  โหติ
ยนฺนูนาหํ     สกํ    จิตฺตํ    นิกฺขิปิตฺวา    อิเมสํเยว    อายสฺมนฺตานํ
จิตฺตสฺส   วเสน   วตฺเตยฺยนฺติ   โส   โข   อหํ   ภนฺเต   สกํ  จิตฺตํ
นิกฺขิปิตฺวา    อิเมสํเยว    อายสฺมนฺตานํ    จิตฺตสฺส   วเสน   วตฺตามิ
นานา   หิ   โข   โน   ภนฺเต  กายา  เอกญฺจ  ปน  มญฺเ  จิตฺตนฺติ
เอวํ  โข  มยํ  ภนฺเต  สมคฺคา  สมฺโมทมานา  อวิวทมานา  ขีโรทกีภูตา
อญฺมญฺ ปิยจกฺขูหิ สมฺปสฺสนฺตา วิหรามาติ ฯ
     {๒๔๘.๖}   กจฺจิ   ปน   โว   อนุรุทฺธา  อปฺปมตฺตา  อาตาปิโน
ปหิตตฺตา   วิหรถาติ   ฯ   ตคฺฆ   มยํ   ภนฺเต  อปฺปมตฺตา  อาตาปิโน
ปหิตตฺตา   วิหรามาติ   ฯ   ยถากถํ  ปน  ตุเมฺห  อนุรุทฺธา  อปฺปมตฺตา
อาตาปิโน ปหิตตฺตา วิหรถาติ ฯ
     {๒๔๘.๗}   อิธ   ภนฺเต   อมฺหากํ  โย  ปมํ  คามโต  ปิณฺฑาย
ปฏิกฺกมติ   โส   อาสนํ   ปญฺาเปติ   ปาโททกํ   ปาทปี   ปาทกถลิกํ
อุปนิกฺขิปติ   อวกฺการปาตึ   โธวิตฺวา   อุปฏฺาเปติ   ปานียํ  ปริโภชนียํ
อุปฏฺาเปติ   โย   ปจฺฉา   คามโต   ปิณฺฑาย   ปฏิกฺกมติ  สเจ  โหติ
ภุตฺตาวเสโส   สเจ   อากงฺขติ   ภุญฺชติ  โน  เจ  อากงฺขติ  อปหริเต
วา  ฉฑฺเฑติ  อปฺปาณเก  วา  อุทเก  โอปิลาเปติ  โส  อาสนํ  อุทฺธรติ
ปาโททกํ      ปาทปี     ปาทกถลิกํ     ปฏิสาเมติ     อวกฺการปาตึ
โธวิตฺวา    ปฏิสาเมติ    ปานียํ    ปริโภชนียํ    ปฏิสาเมติ   ภตฺตคฺคํ
สมฺมชฺชติ   โย   ปสฺสติ   ปานียฆฏํ   วา   ปริโภชนียฆฏํ  วา  วจฺจฆฏํ
วา    ริตฺตํ    ตุจฺฉํ    โส    อุปฏฺาเปติ   สจสฺส   โหติ   อวิสยฺหํ
หตฺถวิกาเรน   ทุติยํปิ   ๑-   อามนฺเตตฺวา  หตฺถวิลงฺฆเกน  อุปฏฺาเปม
น   เตฺวว   มยํ   ภนฺเต   ตปฺปจฺจยา   วาจํ  ภินฺทาม  ปญฺจาหิกํ  โข
ปน   มยํ   ภนฺเต   สพฺพรตฺติยา   ธมฺมิยา   กถาย   สนฺนิสีทาม  เอวํ
โข   มยํ   ภนฺเต   อปฺปมตฺตา   อาตาปิโน   ปหิตตฺตา  วิหรามาติ  ฯ
@เชิงอรรถ: ๑ ม. ยุ. ปิสทฺโท นตฺถิ ฯ
อถโข    ภควา    อายสฺมนฺตญฺจ    อนุรุทฺธํ    อายสฺมนฺตญฺจ    นนฺทิยํ
อายสฺมนฺตญฺจ   กิมฺพิลํ   ธมฺมิยา   กถาย   สนฺทสฺเสตฺวา   สมาทเปตฺวา
สมุตฺเตเชตฺวา   สมฺปหํเสตฺวา   อุฏฺายาสนา   เยน  ปาริเลยฺยกํ  เตน
จาริกํ   ปกฺกามิ   อนุปุพฺเพน   จาริกํ   จรมาโน   เยน   ปาริเลยฺยกํ
ตทวสริ   ฯ   ตตฺร   สุทํ  ภควา  ปาริเลยฺยเก  วิหรติ  รกฺขิตวนสณฺเฑ
ภทฺทสาลมูเล ฯ
     [๒๔๙]   อถโข   ภควโต  รโหคตสฺส  ปฏิสลฺลีนสฺส  เอวํ  เจตโส
ปริวิตกฺโก   อุทปาทิ  อหํ  โข  ปุพฺเพ  อากิณฺโณ  น  ผาสุํ  ๑-  วิหาสึ
เตหิ    โกสมฺพิเกหิ    ๒-    ภิกฺขูหิ    ภณฺฑนการเกหิ   กลหการเกหิ
วิวาทการเกหิ   ภสฺสการเกหิ   สงฺเฆ  อธิกรณการเกหิ  โสมฺหิ  เอตรหิ
เอโก   อทุติโย   สุขํ   ผาสุํ   วิหรามิ  อญฺเตฺรว  เตหิ  โกสมฺพิเกหิ
ภิกฺขูหิ    ภณฺฑนการเกหิ   กลหการเกหิ   วิวาทการเกหิ   ภสฺสการเกหิ
สงฺเฆ อธิกรณการเกหีติ ฯ
     {๒๔๙.๑}   อญฺตโรปิ  โข  หตฺถินาโค  อากิณฺโณ  วิหรติ  หตฺถีหิ
หตฺถินีหิ    หตฺถิกลเภหิ   ๓-   หตฺถิจฺฉาเปหิ   ๔-   ฉินฺนคฺคานิ   เจว
ติณานิ    ขาทติ   โอภคฺโคภคฺคญฺจสฺส   สาขาภงฺคํ   ขาทนฺติ   อาวิลานิ
จ   ปานียานิ   ปิวติ   โอคาหญฺจสฺส   ๕-  โอติณฺณสฺส  หตฺถินิโย  กายํ
อุปนิฆํสนฺติโย   คจฺฉนฺติ   ฯ   อถโข   ตสฺส   หตฺถินาคสฺส   เอตทโหสิ
อหํ  โข  อากิณฺโณ  วิหรามิ  หตฺถีหิ  หตฺถินีหิ  หตฺถิกลเภหิ  หตฺถิจฺฉาเปหิ
ฉินฺนคฺคานิ     เจว     ติณานิ     ขาทามิ    โอภคฺโคภคฺคญฺจ    เม
@เชิงอรรถ: ๑ ม. ยุ. ผาสุ ฯ ๒ ม. ยุ. โกสมฺพเกหิ ฯ ๓ ม. ยุ. หตฺถิกฬเภหิ ฯ ๔ ยุ.
@หตฺถิจฺฉาปเกหิ ฯ ๕ โป. ม. โอคาหาจสฺส ฯ ยุ. โอคาหนฺตสฺส ฯ
สาขาภงฺคํ   ขาทนฺติ   อาวิลานิ   จ  ปานียานิ  ปิวามิ  โอคาหญฺจ  ๑-
เม   โอติณฺณสฺส   หตฺถินิโย   กายํ   อุปนิฆํสนฺติโย   คจฺฉนฺติ  ยนฺนูนาหํ
เอโก   ว  คณสฺมา  วูปกฏฺโ  วิหเรยฺยนฺติ  ฯ  อถโข  โส  หตฺถินาโค
ยูถา    อปกฺกมฺม    เยน   ปาริเลยฺยกํ   รกฺขิตวนสณฺโฑ   ภทฺทสาลมูลํ
เยน    ภควา    เตนุปสงฺกมิ    อุปสงฺกมิตฺวา    โสณฺฑาย    ภควโต
ปานียํ ปริโภชนียํ อุปฏฺาเปติ อปหริตญฺจ กโรติ ฯ
     {๒๔๙.๒}   อถโข  ตสฺส  หตฺถินาคสฺส  เอตทโหสิ  อหํ  โข ปุพฺเพ
อากิณฺโณ    น    ผาสุํ    วิหาสึ    หตฺถีหิ    หตฺถินีหิ    หตฺถิกลเภหิ
หตฺถิจฺฉาเปหิ    ฉินฺนคฺคานิ    เจว    ติณานิ   ขาทึ   โอภคฺโคภคฺคญฺจ
เม   สาขาภงฺคํ   ขาทึสุ   อาวิลานิ   จ  ปานียานิ  อปายึ  โอคาหญฺจ
เม    โอติณฺณสฺส    หตฺถินิโย   กายํ   อุปนิฆํสนฺติโย   อคมํสุ   โสมฺหิ
เอตรหิ   เอโก   อทุติโย   สุขํ   ผาสุํ   วิหรามิ   อญฺเตฺรว  หตฺถีหิ
หตฺถินีหิ หตฺถิกลเภหิ หตฺถิจฺฉาเปหีติ ฯ
     {๒๔๙.๓}   อถโข  ภควา  อตฺตโน  จ  ปวิเวกํ  วิทิตฺวา  ตสฺส จ
หตฺถินาคสฺส     เจตสา     เจโตปริวิตกฺกมญฺาย     ตายํ    เวลายํ
อิมํ อุทานํ อุทาเนสิ
     เอตํ ๒- นาคสฺส นาเคน      อีสาทนฺตสฺส หตฺถิโน
     สเมติ จิตฺตํ จิตฺเตน             ยเทโก รมตี วเนติ ฯ
     [๒๕๐]   อถโข  ภควา  ปาริเลยฺยเก  ยถาภิรนฺตํ  วิหริตฺวา  เยน
สาวตฺถี    เตน    จาริกํ    ปกฺกามิ   อนุปุพฺเพน   จาริกํ   จรมาโน
@เชิงอรรถ: ๑ ยุ. โอคาหนฺตสฺส ฯ ๒ ยุ. เอวํ ฯ
เยน  สาวตฺถี  ตทวสริ  ฯ  ตตฺร  สุทํ  ภควา  สาวตฺถิยํ วิหรติ เชตวเน
อนาถปิณฺฑิกสฺส อาราเม ฯ
     [๒๕๑]   อถโข  โกสมฺพิกานํ  อุปาสกานํ ๑- เอตทโหสิ ๒- อิเม โข
อยฺยา   โกสมฺพิกา   ภิกฺขู   พหุโน  อมฺหากํ  อนตฺถสฺส  การกา  อิเมหิ
อุพฺพาโฬฺห   ภควา   ปกฺกนฺโต   หนฺท   มยํ   อยฺเย  โกสมฺพิเก  ภิกฺขู
เนว   อภิวาเทยฺยาม   น   ปจฺจุฏฺเยฺยาม   น  อญฺชลิกมฺมํ  สามีจิกมฺมํ
กเรยฺยาม  น  สกฺกเรยฺยาม  น  ครุกเรยฺยาม  น  มาเนยฺยาม [๓]- น
ปูเชยฺยาม  อุปคตานํปิ  ปิณฺฑกํ  ๔-  น ทชฺเชยฺยาม ๕- เอวํ อิเม อเมฺหหิ
อสกฺกริยมานา    อครุกริยมานา    อมานิยมานา   [๖]-   อปูชิยมานา
อสกฺการปกตา   ปกฺกมิสฺสนฺติ   วา   วิพฺภมิสฺสนฺติ   วา   ภควนฺตํ   วา
ปสาเทสฺสนฺตีติ ฯ
     {๒๕๑.๑}   อถโข  โกสมฺพิกา  อุปาสกา  โกสมฺพิเก  ภิกฺขู  เนว
อภิวาเทสุํ   น   ปจฺจุฏฺเสุํ   น   อญฺชลิกมฺมํ   สามีจิกมฺมํ   อกํสุ   น
สกฺกรึสุ  น  ครุกรึสุ  น  มาเนสุํ  [๗]-  น  ปูเชสุํ อุปคตานํปิ ปิณฺฑกํ น
อทํสุ  ฯ  อถโข  โกสมฺพิกา  ภิกฺขู  โกสมฺพิเกหิ อุปาสเกหิ อสกฺกริยมานา
อครุกริยมานา    อมานิยมานา    [๘]-   อปูชิยมานา   อสกฺการปกตา
เอวมาหํสุ   หนฺท   มยํ   อาวุโส   สาวตฺถึ  คนฺตฺวา  ภควโต  สนฺติเก
อิมํ  อธิกรณํ  วูปสเมยฺยามาติ  ๙-  ฯ  อถโข  โกสมฺพิกา ภิกฺขู เสนาสนํ
สํสาเมตฺวา ปตฺตจีวรมาทาย เยน สาวตฺถี เตนุปสงฺกมึสุ ฯ


             เนื้อความพระไตรปิฎกฉบับภาษาบาลีอักษรไทย เล่มที่ ๕ หน้าที่ ๓๓๗-๓๔๓.
http://84000.org/tipitaka/pali/pali_item_s.php?book=5&item=248&items=4
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
http://84000.org/tipitaka/pali/pali_item_s.php?book=5&item=248&items=4&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
http://84000.org/tipitaka/read/roman_item_s.php?book=5&item=248&items=4
             อ่านเทียบพระไตรปิฎกภาษาไทยฉบับหลวง :-
http://84000.org/tipitaka/read/byitem_s.php?book=5&item=248&items=4
             ศึกษาอรรถกถานี้ได้ที่ :-
http://84000.org/tipitaka/attha/attha.php?b=5&i=248
             สารบัญพระไตรปิฎกเล่มที่ ๕
http://84000.org/tipitaka/read/?index_5