paliTIPITAKA Volume 25 - Sutta Pitaka 17

Itivuttake ekanipatassa tatiyavaggo [199] 1 Vuttam hetam bhagavata vuttamarahatati me sutam idhaham bhikkhave ekaccam puggalam pasannacittam evam cetasa ceto paricca pajanami imamhi cayam samaye puggalo kalam kareyya yathabhatam nikkhitto evam sagge tam kissa hetu cittanhissa bhikkhave pasannam cetopasadahetu kho pana bhikkhave evamidhekacce satta kayassa bheda parammarana sugatim saggam lokam upapajjantiti . etamattham bhagava avoca. Tatthetam iti vuccati pasannacittam natvana ekaccam idha puggalam etamattham byakasi buddho bhikkhuna santike imamhi cayam samaye kalam kayiratha puggalo sugatim upapajjeyya cittanhissa pasaditam yatha haritva nikkhipeyya evameva tathavidho cetopasadahetu hi satta gacchanti sugatinti. Ayampi attho vutto bhagavata iti me sutanti. Pathamam. [200] ² Vuttam hetam bhagavata vuttamarahatati me sutam ma bhikkhave punnanam bhayittha sukhassetam bhikkhave adhivacanam itthassa kantassa piyassa manapassa yadidam punnani . abhijanami kho panaham bhikkhave digharattam katanam punnanam digharattam ittham kantam piyam manapam vipakam paccanubhutam . satta vassani mettacittam bhavetva Satta samvattavivattakappe nayimam lokam punaragamasim samvattamane sudam bhikkhave kappe abhassarupago homi vivattamane kappe sunnam brahmavimanam upapajjami . tatra sudam bhikkhave brahma homi mahabrahma abhibhu anabhibhuto annadatthudaso vasavatti chattimsakkhattum kho panaham bhikkhave sakko ahosim devanamindo anekasatakkhattum raja ahosim cakkavatti dhammiko dhammaraja caturanto vijitavi janapadatthavariyappatto sattaratanasamannagato ko pana vado padesarajjassa. {200.1} Tassa mayham bhikkhave etadahosi kissa nu kho me idam kammassa phalam kissa kammassa vipako yenaham etarahi evammahiddhiko evammahanubhavoti . tassa mayham bhikkhave etadahosi tinnam kho me idam kammanam phalam tinnam kammanam vipako yenaham etarahi evammahiddhiko evammahanubhavoti seyyathidam danassa damassa sannamassati. Etamattham bhagava avoca. Tatthetam iti vuccati punnameva so sikkheyya ayataggam sukhudrayam dananca samacariyanca mettacittanca bhavaye ete dhamme bhavayitva tayo sukhasamuddaye abyapajjam sukham lokam pandito upapajjatiti. Ayampi attho vutto bhagavata iti me sutanti. Dutiyam.

The Pali Tipitaka in Roman Character Volume 25 page 240-241. http://84000.org/tipitaka/pali/roman_item_s.php?book=25&item=199&items=2&modeTY=2 Classified by [Item Number] :- http://84000.org/tipitaka/pali/roman_item_s.php?book=25&item=199&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=199&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=199&items=2&modeTY=2 Study Atthakatha :- http://84000.org/tipitaka/attha/attha.php?b=25&i=199 The Pali Atthakatha in Thai :- http://84000.org/tipitaka/atthapali/read_th.php?B=27&A=1828 The Pali Atthakatha in Roman :- http://84000.org/tipitaka/atthapali/read_rm.php?B=27&A=1828 Contents of The Tipitaka Volume 25 http://84000.org/tipitaka/read/?index_25