paliTIPITAKA Volume 25 - Sutta Pitaka 17

[95] Addasā kho āyasmā mahāmoggallāno dibbena cakkhunā visuddhena atikkantamānusakena tena yakkhena āyasmato sārīputtassa sīse pahāraṃ diyamānaṃ disvāna yenāyasmā sārīputto tenupasaṅkami upasaṅkamitvā āyasmantaṃ sārīputtaṃ etadavoca kacci te āvuso khamanīyaṃ kacci yāpanīyaṃ kacci na kiñci @Footnote: ¹ Po. sabbavāresu pahāresīti dissati . ² Po. tāva pahāro ahosīti. Ma. tāva @mahāpahāro ahosi . ³ Po. avaṭṭhāsi. Dukkhanti khamanīyaṃ me āvuso moggallāna yāpanīyaṃ me āvuso moggallāna api ca me sīse thokaṃ dukkhanti. {95.1} Acchariyaṃ āvuso sārīputta abbhūtaṃ āvuso sārīputta yaṃ ^1- mahiddhiko āyasmā sārīputto mahānubhāvo idha te āvuso sārīputta aññataro yakkho sīse pahāraṃ adāsi tāva mahāpahāro ahosi api tena pahārena sattaratanaṃ vā aṭṭharatanaṃ vā nāgaṃ osādeyya mahantaṃ vā pabbatakūṭaṃ vā padāleyyāti . atha panāyasmā sārīputto evamāha khamanīyaṃ me āvuso moggallāna yāpanīyaṃ me āvuso moggallāna api ca me sīse thokaṃ dukkhanti acchariyaṃ āvuso moggallāna abbhūtaṃ āvuso moggallāna yaṃ ^2- mahiddhiko āyasmā mahāmoggallāno mahānubhāvo yatra hi nāma yakkhampi passissati mayaṃ panetarahi paṃsupisācakampi na passāmāti.

The Pali Tipitaka in Roman Character Volume 25 page 132-133. http://84000.org/tipitaka/pali/roman_item_s.php?book=25&item=95&items=1 Classified by [Item Number] :- http://84000.org/tipitaka/pali/roman_item_s.php?book=25&item=95&items=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=95&items=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=95&items=1 Study Atthakatha :- http://84000.org/tipitaka/attha/attha.php?b=25&i=95 The Pali Atthakatha in Thai :- http://84000.org/tipitaka/atthapali/read_th.php?B=26&A=5823 The Pali Atthakatha in Roman :- http://84000.org/tipitaka/atthapali/read_rm.php?B=26&A=5823 Contents of The Tipitaka Volume 25 http://84000.org/tipitaka/read/?index_25