[14] |14.1| Sujatassa aparena sayambhu lokanayako
durasado asamasamo piyadassi mahayaso.
@Footnote: 1 Yu. atulayo ca. 2 Ma. opammehi. Yu. opamehi. 3 Po. vicittitam.
@Ma. cittitam. Yu. vicitam. 4 Ma. Yu. ayam gatha natthi. 5 Ma. Yu. tattheva tassa
@cetiyo.
|14.2| Sopi buddho amitayaso adiccova virocati
nihantvana tamam sabbam dhammacakkam pavattayi.
|14.3| Tassapi atulatejassa ahesum abhisamaya tayo
kotisatasahassanam pathamabhisamayo ahu.
|14.4| Sudassano devaraja micchaditthimarocayi
tassa ditthim vinodento sattha dhammamadesayi.
|14.5| Janasannipato atulo maha sannipati tada
navakotisahassanam 1- dutiyabhisamayo ahu.
|14.6| Yada donamukham hatthim vineti 2- narasarathi
asitikotisahassanam tatiyabhisamayo ahu.
|14.7| Sannipata tayo asum tassapi piyadassino
kotisatasahassanam pathamo asi samagamo.
|14.8| Tato param navutikoti samimsu ekato muni
tatiye sannipatamhi asitikotiyo ahu.
|14.9| Ahantena samayena kassapo nama manavo 3-
ajjhayiko mantadharo tinnam vedana paragu.
|14.10| Tassa dhammam sunitvana pasadam janayim aham
kotisatasahassehi sangharamam amapayim 4-.
|14.11| Tassa datvana aramam hattho samviggamanaso
sarane 5- pancasile ca dalham katva samadayim.
@Footnote: 1 Ma. Yu. navutikotisahassanam. 2 Ma. Yu. vinesi. 3 Ma. Yu. brahmano.
@4 Po. Yu. amapayi. 5 Yu. saranam pancasilanca.
|14.12| Sopi mam buddho byakasi sanghamajjhe nisidiya
attharasakappasate ayam buddho bhavissati.
|14.13| Ahu kapilavhaya ramma nikkhamitva tathagato
padhanam padahitvana katva dukkarakarikam.
|14.14| Ajapalarukkhamulasmim nisiditva tathagato
tattha payasam paggayha neranjaramupehiti.
|14.15| Neranjaraya tiramhi payasam adi so jino
patiyattavaramaggena bodhimulamhi ehiti.
|14.16| Tato padakkhinam katva bodhimandam anuttaram
assattharukkhamulamhi bujjhissati mahayaso.
|14.17| Imassa janika mata maya nama bhavissati
pita suddhodano nama ayam hessati gotamo.
|14.18| Anasava vitaraga santacitta samahita
kolito upatisso ca agga hessanti savaka
anando namupatthako upatthissatimam jinam.
|14.19| Khema uppalavanna ca agga hessanti savika
anasava vitaraga santacitta samahita.
|14.20| Bodhi tassa bhagavato assatthoti pavuccati
citto ca hatthalavako agga hessantupatthaka.
|14.21| Nandamata ca uttara agga hessantupatthika
ayu vassasatam tassa gotamassa yasassino.
|14.22| Idam sutvana vacanam asamassa mahesino
amodita naramaru buddhavijankuro ayam.
|14.23| Ukkutthisadda vattanti apphotenti hasanti ca
katanjali namassanti dasasahassi sadevaka.
|14.24| Yadimassa lokanathassa virajjhissama sasanam
anagatamhi addhane hessama sammukha imam.
|14.25| Yatha manussa nadim taranta patitittham virajjhiya
hetthatittham gahetvana uttaranti mahanadim.
|14.26| Evameva mayam sabbe yadi muncamimam jinam
anagatamhi addhane hessama sammukha imam.
|14.27| Tassapi vacanam sutva bhiyyo cittam pasadayim 1-
uttarim vattamadhitthasim dasaparamipuriya.
|14.28| Sudhannam nama nagaram sudatto nama khattiyo
sucanda 2- nama janika piyadassissa satthuno.
|14.29| Navavassasahassani agaram ajjhavasi so
sunimmalavimalagiriguha tayo pasadamuttama.
|14.30| Tettimsatisahassani [3]- nariyo samalankata
vimala 4- nama sa nari kancanavelaatrajo 5-.
@Footnote: 1 Yu. pasadayi. 2 Po. sucandana. Ma. canda namasi. 3 Ma. ca. 4 Yu.
@vimala nama nari ca. 5 Ma. kancanavelo nama atrajo. Yu. kancanavelo naMa....
|14.31| Nimitte caturo disva rathayanena nikkhami
chamasam padhanacaram acari purisuttamo.
|14.32| Brahmuna yacito santo piyadassim mahamuni
vattacakko mahaviro usabhuyyane 1- manorame.
|14.33| Palito sabbadassi ca ahesum aggasavaka
sobhito namupatthako piyadassissa satthuno.
|14.34| Sujata dhammadinna ca ahesum aggasavika
bodhi tassa bhagavato kakudhoti 2- pavuccati.
|14.35| Sandako 3- dhammiko ceva ahesum aggupatthaka
visakha dhammadinna ca ahesum aggupatthika.
|14.36| Sopi buddho amitayaso dvattimsavaralakkhano
asitihatthamubbedho salarajava dissati.
|14.37| Aggiya candasuriyanam natthi tadisika pabha
yatha ahu pabha tassa asamassa mahesino.
|14.38| Tassapi devadevassa ayu tavattaka 4- ahu
navutivassasahassani loke atthasi cakkhuma.
|14.39| Sopi buddho asamasamo yuganipi tani atuliyani
sabbam samantarahitam nanu ritta sabbasankharati.
|14.40| [5]- Piyadassi munivaro assattharamamhi nibbuto
tattheva tassa jinathupo tini yojanamuggatoti.
Piyadassibuddhavamso terasamo.
@Footnote: 1 Yu. ussavanuyyane. 2 Yu. kakuddhoti. 3 Ma. sandhako dhammako ceva.
@Yu. sannako. 4 Ma. tavatakam. 5 Yu. so.
Cuddasamo atthadassibuddhavamso
The Pali Tipitaka in Roman Character Volume 33 page 490-495.
http://84000.org/tipitaka/pali/roman_item_s.php?book=33&item=194&items=1&modeTY=2&mode=bracket
Classified by content :-
http://84000.org/tipitaka/pali/roman_item_s.php?book=33&item=194&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=194&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=194&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=33&i=194
The Pali Atthakatha in Thai :-
http://84000.org/tipitaka/atthapali/read_th.php?B=51&A=6696
The Pali Atthakatha in Roman :-
http://84000.org/tipitaka/atthapali/read_rm.php?B=51&A=6696
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
