paliTIPITAKA Volume 4 - Vinaya Pitaka 4

[125] Tena kho pana samayena annataro pandako bhikkhusu pabbajito hoti . so dahare dahare bhikkhu upasankamitva evam vadeti etha mam ayasmanto dusethati . bhikkhu apasadenti nassa pandaka vinassa pandaka ko taya atthoti . so bhikkhuhi apasadito mahante mahante moligalle samanere upasankamitva evam vadeti etha mam ayasmanto ^1- dusethati . samanera apasadenti nassa pandaka vinassa pandaka ko taya atthoti . So samanerehi apasadito hatthibhande assabhande upasankamitva evam vadeti etha mam avuso dusethati . hatthibhanda assabhanda dusesum . te ujjhayanti khiyanti vipacenti @Footnote: ¹ Ma. Yu. avuso.

--------------------------------------------------------------------------------------------- page174.

Pandaka ime samana sakyaputtiya yepi imesam na pandaka tepi ^[1]- pandake dusenti evam ime sabbe va abrahmacarinoti. Assosum kho bhikkhu ^[2]- hatthibhandanam assabhandanam ujjhayantanam khiyantanam vipacentanam . athakho te bhikkhu bhagavato etamattham arocesum . pandako bhikkhave anupasampanano na upasampadetabbo upasampanno nasetabboti. [126] Tena kho pana samayena annataro puranakulaputto khinakolanno sukhumalo hoti . athakho tassa puranakulaputtassa khinakolannassa etadahosi aham kho sukhumalo na patibalo anadhigatam va bhogam adhigantum adhigatam va bhogam dhatim katum kena nu kho aham upayena sukham ^3- jiveyyam na ca kilameyyanti. Athakho tassa puranakulaputtassa khinakolannassa etadahosi ime kho samana sakyaputtiya sukhasila sukhasamacara subhojanani bhunjitva nivatesu sayanesu sayanti yannunaham samam pattacivaram patiyadetva kesamassum oharetva kasayani vatthani acchadetva aramam gantva bhikkhuhi saddhim samvaseyyanti . athakho so puranakulaputto khinakolanno samam pattacivaram patiyadetva kesamassum oharetva kasayani vatthani acchadetva aramam gantva bhikkhu abhivadeti. Bhikkhu evamahamsu kativassosi tvam avusoti . kim etam avuso kativasso namati . ko pana te avuso upajjhayoti . kim @Footnote: ¹ Ma. ime. Ma. tesam . ³ Ma. Yu. sukhanca.

--------------------------------------------------------------------------------------------- page175.

Etam avuso upajjhayo namati . bhikkhu ayasmantam upalim etadavocum inghavuso upali imam pabbajitam anuyunjahiti . Athakho so puranakulaputto khinakolanno ayasmata upalina anuyunjiyamano etamattham arocesi . ayasma upali bhikkhunam etamattham arocesi . bhikkhu bhagavato etamattham arocesum . Theyyasamvasako bhikkhave anupasampanno na upasampadetabbo upasampanno nasetabbo ^1- . titthiyapakkantako bhikkhave anupasampanno na upasampadetabbo upasampanno nasetabboti. [127] Tena kho pana samayena annataro nago nagayoniya attiyati harayati jigucchati . athakho tassa nagassa etadahosi kena nu kho aham upayena nagayoniya ca parimucceyyam khippanca manussattam patilabheyyanti . athakho tassa nagassa etadahosi ime kho samana sakyaputtiya dhammacarino samacarino brahmacarino saccavadino silavanto kalyanadhamma sace kho aham samanesu sakyaputtiyesu pabbajeyyam evaham nagayoniya ca parimucceyyam khippanca manussattam patilabheyyanti . athakho so nago manavakavannena bhikkhu upasankamitva pabbajjam yaci . tam bhikkhu pabbajesum upasampadesum . tena kho pana samayena so nago annatarena bhikkhuna saddhim paccantime vihare pativasati . athakho so bhikkhu rattiya paccusasamayam paccutthaya ajjhokase cankamati . athakho @Footnote: ¹ Ma. itisaddo dissati.

--------------------------------------------------------------------------------------------- page176.

So nago tassa bhikkhuno nikkhante vissattho niddam okkami . Sabbo viharo ahina punno . vatapanehi bhoga nikkhanta honti . athakho so bhikkhu viharam pavisissamiti kavatam panamento addasa sabbam viharam ahina punnam vatapanehi bhoge nikkhante disvana bhito vissaramakasi . bhikkhu upadhavitva tam bhikkhum etadavocum kissa tvam avuso vissaramakasiti . ayam avuso sabbo viharo ahina punno vatapanehi bhoga nikkhantati . athakho so nago tena saddena patibujjhitva sake asane nisidi . bhikkhu evamahamsu kosi tvam avusoti . Aham bhante nagoti. Kissa pana tvam avuso evarupamakasiti. {127.1} Athakho so nago bhikkhunam etamattham arocesi. Bhikkhu bhagavato etamattham arocesum . athakho bhagava etasmim nidane etasmim pakarane bhikkhusangham sannipatapetva tam nagam etadavoca tumhe khvattha ^1- naga avirulhidhamma imasmim dhammavinaye gaccha tvam naga tattheva catuddase pannarase atthamiya ca pakkhassa uposatham upavasa evam tvam nagayoniya ca parimuccissasi khippanca manussattam patilabhissasiti . athakho so nago avirulhidhammo kiraham imasmim dhammavinayeti dukkhi dummano assuni pavattayamano vissaram karitva pakkami . athakho bhagava bhikkhu amantesi dveme bhikkhave paccaya nagassa sabhavapatukammaya yada ca sajatiya methunam @Footnote: ¹ Ma. khottha.

--------------------------------------------------------------------------------------------- page177.

Dhammam patisevati yada ca vissattho niddam okkamati ime kho bhikkhave dve paccaya nagassa sabhavapatukammaya . tiracchanagato bhikkhave anupasampanno na upasampadetabbo upasampanno nasetabboti. [128] Tena kho pana samayena annataro manavako mataram jivita voropesi . so tena papakena kammena attiyati harayati jigucchati . athakho tassa manavakassa etadahosi kena nu kho aham upayena imassa papakassa kammassa nikkhantim kareyyanti . Athakho tassa manavakassa etadahosi ime kho samana sakyaputtiya dhammacarino samacarino brahmacarino saccavadino silavanto kalyanadhamma sace kho aham samanesu sakyaputtiyesu pabbajeyyam evaham imassa papakassa kammassa nikkhantim kareyyanti. {128.1} Athakho so manavako bhikkhu upasankamitva pabbajjam yaci . bhikkhu ayasmantam upalim etadavocum pubbepi kho avuso upali nago manavakavannena bhikkhusu pabbajito inghavuso upali imam manavakam anuyunjahiti . athakho so manavako ayasmata upalina anuyunjiyamano etamattham arocesi . Ayasma upali bhikkhunam etamattham arocesi . bhikkhu bhagavato etamattham arocesum . matughatako bhikkhave anupasampanno na upasampadetabbo upasampanno nasetabboti.

--------------------------------------------------------------------------------------------- page178.

[129] Tena kho pana samayena annataro manavako pitaram jivita voropesi . so tena papakena kammena attiyati harayati jigucchati . athakho tassa manavakassa etadahosi kena nu kho aham upayena imassa papakassa kammassa nikkhantim kareyyanti . Athakho tassa manavakassa etadahosi ime kho samana sakyaputtiya dhammacarino samacarino brahmacarino saccavadino silavanto kalyanadhamma sace kho aham samanesu sakyaputtiyesu pabbajeyyam evaham imassa papakassa kammassa nikkhantim kareyyanti . athakho so manavako bhikkhu upasankamitva pabbajjam yaci . bhikkhu ayasmantam upalim etadavocum pubbepi kho avuso upali nago manavakavannena bhikkhusu pabbajito inghavuso upali imam manavakam anuyunjahiti . athakho so manavako ayasmata upalina anuyunjiyamano etamattham arocesi . ayasma upali bhikkhunam etamattham arocesi . bhikkhu bhagavato etamattham arocesum. Pitughatako bhikkhave anupasampanno na anupasampadetabbo upasampanno nasetabboti. [130] Tena kho pana samayena sambahula bhikkhu saketa savatthim addhanamaggapatipanna honti . antaramagge cora nikkhamitva ekacce bhikkhu acchindimsu ekacce bhikkhu hanimsu . Savatthiya rajabhata nikkhamitva ekacce core aggahesum .

--------------------------------------------------------------------------------------------- page179.

Ekacce cora palayimsu . ye te palayimsu te bhikkhusu pabbajimsu . ye te gahita te vadhaya oniyanti . addasamsu kho te pabbajita te core vadhaya oniyamane disvana evamahamsu sadhu kho mayam palayimha sacajja ^1- mayam gayheyyama mayampi evameva hanneyyamati . bhikkhu evamahamsu kim pana tumhe avuso akatthati . athakho te pabbajita bhikkhunam etamattham arocesum . bhikkhu bhagavato etamattham arocesum . arahanto ete bhikkhave bhikkhu arahantaghatako bhikkhave anupasampanno na upasampadetabbo upasampanno nasetabboti. [131] Tena kho pana samayena sambahula bhikkhuniyo saketa savatthim addhanamaggapatipanna honti . antaramagge cora nikkhamitva ekacca bhikkhuniyo acchindimsu ekacca bhikkhuniyo dusesum . savatthiya rajabhata nikkhamitva ekacce core aggahesum. Ekacce cora palayimsu . ye te palayimsu te bhikkhusu pabbajimsu. Ye te gahita te vadhaya oniyanti . addasamsu kho te ^[2]- pabbajita te core vadhaya oniyamane disvana evamahamsu sadhu kho mayam palayimha sacajja mayam gayheyyama mayampi evameva hanneyyamati . bhikkhu evamahamsu kim pana tumhe avuso akatthati . athakho te pabbajita bhikkhunam etamattham arocesum . Bhikkhu bhagavato etamattham arocesum . bhikkhunidusako @Footnote: ¹ Ma. Yu. saca ca. ito param idisameva . ² Ma. palayitva.

--------------------------------------------------------------------------------------------- page180.

Bhikkhave anupasampanno na upasampadetabbo upasampanno nasetabbo . sanghabhedako bhikkhave anupasampanno na upasampadetabbo upasampanno nasetabbo . lohituppadako bhikkhave anupasampanno na upasampadetabbo upasampanno nasetabboti. [132] Tena kho pana samayena annataro ubhatobyanjanako bhikkhusu pabbajito hoti . so karotipi karapetipi . bhagavato etamattham arocesum . ubhatobyanjanako bhikkhave anupasampanno na upasampadetabbo upasampanno nasetabboti.

The Pali Tipitaka in Roman Character Volume 4 page 173-180. http://84000.org/tipitaka/pali/roman_item_s.php?book=4&item=125&items=8&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=4&item=125&items=8&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=125&items=8&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=125&items=8&pagebreak=1&modeTY=2 Study Atthakatha :- http://84000.org/tipitaka/attha/attha.php?b=4&i=125 The Pali Atthakatha in Thai :- http://84000.org/tipitaka/atthapali/read_th.php?B=3&A=1819 The Pali Atthakatha in Roman :- http://84000.org/tipitaka/atthapali/read_rm.php?B=3&A=1819 Contents of The Tipitaka Volume 4 http://84000.org/tipitaka/read/?index_4