AtthaPali Vol.15

Abhiseke ^1- anabhisitto mando uttanaseyyako, sopi abhiseke asam na karoti. Solasavassuddesiko pana pannayamanamassupabhedo acalappatto nama hoti, mahantampi rajjam vicaretum samattho, tasma "acalappatto"ti aha. Tassa evam hotiti kasma hoti? mahajatitaya. Dussiloti nissilo. Papadhammoti lamakadhammo. Asuciti asucihi kayakammadihi samannagato. Sankassarasamacaroti sankahi saritabbasamacaro, kincideva asaruppam disva "idam imina katam bhavissati"ti evam paresam asankaniyasamacaro, attanayeva va sankaya ^2- saritabbasamacaro, sasankasamacaroti attho. Tassa hi divatthanadisu sannipatitva kincideva mantayante bhikkhu disva ^3- "ime ekato hutva mantenti, kacci nu kho maya katakammam janitva mantenti"ti evam sasankasamacaro hoti. Paticchannakammantoti paticchadetabbayuttakena papakammena samannagato. Assamano samanapatinnoti assamano hutva ^4- samanapatirupakataya "samano ahan"ti evampatinno. Abrahmacari brahmacaripatinnoti anne brahmacarino sunivatthe suparute kusumbhakapatadhare ^5- gamanigamarajadhanisu pindaya caritva jivikam kappente disva sayampi tadisena akarena tatha patipajjanato "aham brahmacari"ti patinnam dento viya hoti, "aham bhikkhu"ti vatva uposathaggadini pavisanto pana brahmacaripatinno hotiyeva, tatha samghikalabham ganhanto. Antoputiti putina kammena anto anupavittho. Avassutoti sanjataragadihi ^6- tinto. Kasambujatoti sanjataragadikacavaro. Tassa na evam hotiti kasma na hoti? lokuttaradhammaupanissayassa natthitaya. Tassa evam hotiti kasma hoti? mahasilasmim paripurikaritaya. @Footnote: ¹ cha.Ma.,i. abhiseko ² cha.Ma.,i. sankahi ³ ka. mantayante disva @⁴ cha.Ma.,i. hutvava ⁵ cha.Ma.,i. sumbhakapattadhare ⁶ cha.Ma.,i. ragadihi

The Pali Atthakatha in Roman Book 15 page 86. http://84000.org/tipitaka/pitaka_item/read_rm.php?B=15&A=1904&modeTY=2 อรรถกถาบาลีอักษรไทย :- http://84000.org/tipitaka/pitaka_item/read_th.php?B=15&A=1904&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=20&i=452 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2820 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2761 The Pali Tipitaka in Roman Character :- http://84000.org/tipitaka/read/roman_read.php?B=20&A=2761 Contents of The Tipitaka Volume 20 http://84000.org/tipitaka/read/?index_20