|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Attano vipakanam khandhanam katatta ca rupanam nanakkhanikakammapaccayena paccayo hoti. Sa ca kho pancavokareyeva, na annattha. Sahajata rupavacara- kusalacetana attana sampayuttadhammananceva cittasamutthanarupananca ekanteneva sahajatakammapaccayena paccayo hoti. Uppajjitva niruddha pana attano vipakananceva katattarupananca nanakkhanikakammapaccayena paccayo. Arupavacara pana lokuttara ca sahajata kusalacetana pancavokare attana sampayutta- dhammananceva cittasamutthanarupananca, catuvokare attana sampayuttakkhandhananneva sahajatakammapaccayena paccayo. Uppajjitva niruddha panesa duvidhapi attano attano vipakakkhandhananneva nanakkhanikakammapaccayena paccayo. Sahajata akusalacetana pancavokare attana sampayuttakkhandhananceva cittasamutthanarupananca, catuvokare arupakkhandhananneva sahajatakammapaccayena paccayo. Uppajjitva niruddha pana vipakakkhandhananceva katattarupananca nanakkhanikakammapaccayena paccayo. Kamavacararupavacarato vipakacetana attana sampayuttadhammanam pavatte cittasamutthanarupanam patisandhiyam katattarupananca sahajatakammapaccayena paccayo. Arupavacaravipakacetana attana sampayuttadhammananneva sahajatakammapaccayena paccayo. Lokuttaravipakacetana pancavokare attana sampayuttadhammananceva cittasamutthanarupassa ca, catuvokare arupasseva sahajatakammapaccayena paccayo. Tebhumikapi kiriyacetana pancavokare sampayuttadhammananceva cittasamutthanarupassa ca sahajatakammapaccayena paccayo. Ya panettha arupe uppajjati, sa arupananneva sahajatakammapaccayena paccayoti evamettha paccayuppannatopi vinnatabbo vinicchayoti. Kammapaccayaniddesavannana nitthita. ------------The Pali Atthakatha in Roman Book 55 page 430. http://84000.org/tipitaka/pitaka_item/read_rm.php?B=55&A=9710&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=55&A=9710&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i=444 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1892 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2093 The Pali Tipitaka in Roman Character :- http://84000.org/tipitaka/read/roman_read.php?B=36&A=2093 Contents of The Tipitaka Volume 36 http://84000.org/tipitaka/read/?index_36
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]