บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
กรณียนิสฺสโย กรณีโย มยา นิสฺสโย คเหตพฺโพติ อตฺโถ ฯ นิสฺสยํ อลภมาเนนาติ อตฺตนา สทฺธึ อทฺธานํ ปฏิปนฺเน นิสฺสยทายเก อสติ นิสฺสยํ น ลภติ นาม เอวํ อลภนฺเตน อนิสฺสิเตน พหูนิปิ ทิวสานิ คนฺตพฺพํ ฯ สเจ ปุพฺเพปิ นิสฺสยํ คเหตฺวา วุตฺถปุพฺพํ กญฺจิ อาวาสํ ปวิสติ เอกรตฺตํ วสนฺเตนาปิ นิสฺสโย คเหตพฺโพ ฯ อนฺตรามคฺเค วิสฺสมนฺโต วา สตฺถํ วา ปริเยสนฺโต กติปาหํ วสติ อนาปตฺติ ฯ อนฺโตวสฺเส ปน นิพทฺธวาสํ วสิตพฺพํ นิสฺสโย จ คเหตพฺโพ ฯ นาวาย คจฺฉนฺตสฺส ปน วสฺสาเน อาคเตปิ นิสฺสยํ อลภนฺตสฺส อนาปตฺติ ฯ ยาจิยมาเนนาติ เตน คิลาเนน ยาจิยมาเนน ฯ สเจ คิลาโน ยาจาหิ มนฺติ วุจฺจมาโนปิ มาเนน น ยาจติ คนฺตพฺพํ ฯ ผาสุ โหตีติ สมถวิปสฺสนานํ ปฏิลาภวเสน ผาสุ โหติ ฯ อิมญฺหิ ปริหารํ เนว โสตาปนฺโน น สกทาคามิอนาคามิอรหนฺโต ลภนฺติ น ถามคตสฺส สมาธิโน วา วิปสฺสนาย วา ลาภี ฯ วิสฺสฏฺกมฺมฏฺาเน ปน พาลปุถุชฺชเน กถาว นตฺถิ ฯ ยสฺส โข ปน สมโถ วา วิปสฺสนา วา ตรุณา โหติ อยํ อิมํ ปริหารํ ลภติ ฯ ปวารณาสงฺคโหปิ เอตสฺเสว อนุญฺาโต ฯ ตสฺมา อิมินา ปุคฺคเลน เตมาสจฺจเยน อาจริเย ปวาเรตฺวา คเตปิ ยทา ปฏิรูโป นิสฺสยทายโก อาคจฺฉิสฺสติ ตสฺส นิสฺสาย วสิสฺสามีติ อาโภคํ กตฺวา ปุน ยาว อาสาฬฺหปุณฺณมี ตาว อนิสฺสิเตน วตถุํ วฏฺฏติ ฯ สเจ ปน อาสาฬฺหมาเส อาจริโย นาคจฺฉติ ยตฺถ นิสฺสโย ลพฺภติ ตตฺถ คนฺตพฺพํ ฯอรรถกถาภาษาบาลีอักษรไทย เล่มที่ ๓ หน้า ๑๑๐. http://84000.org/tipitaka/pitaka_item/read_th.php?B=3&A=2292&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=3&A=2292&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=136 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3702 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3796 The Pali Tipitaka in Roman Character :- http://84000.org/tipitaka/read/roman_read.php?B=4&A=3796 สารบัญพระไตรปิฎกเล่มที่ ๔ http://84000.org/tipitaka/read/?index_4
|
บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]