paliTIPITAKA Volume 1 - Vinaya Pitaka 1

[564] Suddho hoti puggalo annataram parajikam dhammam anajjhapanno tance suddhaditthi samano anokasam karapetva cavanadhippayo vadeti apatti sanghadisesena dukkatassa . suddho hoti puggalo annataram parajikam dhammam anajjhapanno tance suddhaditthi samano okasam karapetva cavanadhippayo vadeti apatti sanghadisesassa . suddho hoti puggalo annataram parajikam dhammam anajjhapanno tance suddhaditthi samano anokasam karapetva akkosadhippayo vadeti apatti omasavadena dukkatassa . suddho hoti puggalo annataram parajikam dhammam anajjhapanno tance suddhaditthi samano okasam karapetva akkosadhippayo vadeti apatti omasavadassa. [565] Anapatti suddhe asuddhaditthissa asuddhe asuddhaditthissa ummattakassa adikammikassati. Atthamasanghadisesam nitthitam. ------------

--------------------------------------------------------------------------------------------- page386.

Navamasanghadisesam [566] Tena samayena buddho bhagava rajagahe viharati veluvane kalandakanivape . tena kho pana samayena mettiyabhummajaka bhikkhu gijjhakuta pabbata orohanta addasamsu chakalakam ajikaya vippatipajjantam disvana evamahamsu handa mayam avuso imam chakalakam dabbam mallaputtam nama karoma imam ajikam mettiyam nama bhikkhunim karoma evam mayam voharissama pubbe mayam avuso dabbam mallaputtam sutena avocumha idani pana amhehi samam dittho mettiyaya bhikkhuniya vippatipajjantoti . te tam chakalakam dabbam mallaputtam nama akamsu tam ajikam mettiyam nama bhikkhunim akamsu . te bhikkhunam arocesum pubbe mayam avuso dabbam mallaputtam sutena avocumha idani pana amhehi samam dittho mettiyaya bhikkhuniya vippatipajjantoti. Bhikkhu evamahamsu ma avuso evam avacuttha nayasma dabbo mallaputto evam karissatiti. {566.1} Athakho te bhikkhu bhagavato etamattham arocesum. Athakho bhagava etasmim nidane etasmim pakarane bhikkhusangham sannipatapetva ayasmantam dabbam mallaputtam patipucchi sarasi tvam dabba evarupam katta yatha ime bhikkhu ahamsuti . yatha mam bhante bhagava janatiti . Dutiyampi kho bhagava .pe. tatiyampi kho bhagava ayasmantam dabbam

--------------------------------------------------------------------------------------------- page387.

Mallaputtam etadavoca sarasi tvam dabba evarupam katta yatha ime bhikkhu ahamsuti . yatha mam bhante bhagava janatiti . na kho dabba dabba evam nibbethenti sace taya katam katanti vadehi sace taya akatam akatanti vadehiti . yatoham bhante jato nabhijanami supinantenapi methunam dhammam patisevita pageva jagaroti . Athakho bhagava bhikkhu amantesi tenahi bhikkhave ime bhikkhu anuyunjathati. Idam vatva bhagava utthayasana viharam pavisi. {566.2} Athakho te bhikkhu mettiyabhummajake bhikkhu anuyunjimsu. Te tehi bhikkhuhi anuyunjiyamana bhikkhunam etamattham arocesum . kim pana tumhe avuso ayasmantam dabbam mallaputtam annabhagiyassa adhikaranassa kinci desam lesamattam upadaya parajikena dhammena anuddhamsethati . evamavusoti . ye te bhikkhu appiccha .pe. Te ujjhayanti khiyanti vipacenti katham hi nama mettiyabhummajaka bhikkhu ayasmantam dabbam mallaputtam annabhagiyassa adhikaranassa kinci desam lesamattam upadaya parajikena dhammena anuddhamsessantiti. Athakho te bhikkhu bhagavato etamattham arocesum .pe. saccam kira tumhe bhikkhave dabbam mallaputtam annabhagiyassa adhikaranassa kinci desam lesamattam upadaya parajikena dhammena anuddhamsethati . Saccam bhagavati . vigarahi buddho bhagava katham hi nama tumhe moghapurisa dabbam mallaputtam annabhagiyassa adhikaranassa kinci

--------------------------------------------------------------------------------------------- page388.

Desam lesamattam upadaya parajikena dhammena anuddhamsessatha netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha {566.3} yo pana bhikkhu bhikkhum duttho doso appatito annabhagiyassa adhikaranassa kinci desam lesamattam upadaya parajikena dhammena anuddhamseyya appevanama nam imamha brahmacariya caveyyanti tato aparena samayena samanuggahiyamano va asamanuggahiyamano va annabhagiyanceva tam adhikaranam hoti koci deso lesamatto upadinno bhikkhu ca dosam patitthati sanghadisesoti. [567] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . bhikkhunti annam bhikkhum . duttho dosoti kupito anattamano anabhiraddho ahatacitto khilajato . Appatitoti tena ca kopena tena ca dosena taya ca anattamanataya taya ca anabhiraddhiya appatito hoti. [568] Annabhagiyassa adhikaranassati apattannabhagiyam va hoti adhikaranannabhagiyam va. [569] Katham adhikaranam adhikaranassa annabhagiyam . vivadadhikaranam anuvadadhikaranassa apattadhikaranassa kiccadhikaranassa annabhagiyam anuvadadhikaranam apattadhikaranassa kiccadhikaranassa vivadadhikaranassa annabhagiyam apattadhikaranam kiccadhikaranassa vivadadhikaranassa anuvadadhikaranassa annabhagiyam kiccadhikaranam vivadadhikaranassa

--------------------------------------------------------------------------------------------- page389.

Anuvadadhikaranassa apattadhikaranassa annabhagiyam . evam adhikaranam adhikaranassa annabhagiyam. [570] Katham adhikaranam adhikaranassa tabbhagiyam . vivadadhikaranam vivadadhikaranassa tabbhagiyam anuvadadhikaranam anuvadadhikaranassa tabbhagiyam apattadhikaranam apattadhikaranassa siya tabbhagiyam siya annabhagiyam. {570.1} Katham apattadhikaranam apattadhikaranassa annabhagiyam . Methunadhammaparajikapatti adinnadanaparajikapattiya manussaviggahaparajikapattiya uttarimanussadhammaparajikapattiya annabhagiya adinnadanaparajikapatti manussaviggahaparajikapattiya uttarimanussadhammaparajikapattiya methunadhammaparajikapattiya annabhagiya manussaviggahaparajikapatti uttarimanussadhamma- parajikapattiya methunadhammaparajikapattiya adinnadana- parajikapattiya annabhagiya uttarimanussadhammaparajikapatti methunadhammaparajikapattiya adinnadanaparajikapattiya manussaviggaha- parajikapattiya annabhagiya . evam apattadhikaranam apattadhikaranassa annabhagiyam. {570.2} Kathanca apattadhikaranam apattadhikaranassa tabbhagiyam . methunadhammaparajikapatti methunadhammaparajikapattiya tabbhagiya adinnadanaparajikapatti adinnadanaparajikapattiya tabbhagiya manussaviggahaparajikapatti manussaviggaha- parajikapattiya tabbhagiya uttarimanussadhammaparajikapatti

--------------------------------------------------------------------------------------------- page390.

Uttarimanussadhammaparajikapattiya tabbhagiya . evam apattadhikaranam apattadhikaranassa tabbhagiyam . kiccadhikaranam kiccadhikaranassa tabbhagiyam. Evam adhikaranam adhikaranassa tabbhagiyam. [571] Kinci desam lesamattam upadayati leso nama dasa lesa jatileso namaleso gottaleso lingaleso apattileso pattaleso civaraleso upajjhayaleso acariyaleso senasanaleso. [572] Jatileso nama khattiyo dittho hoti parajikam dhammam ajjhapajjanto annam khattiyam passitva codeti khattiyo maya dittho parajikam dhammam ajjhapannosi assamanosi asakyaputtiyosi natthi taya saddhim uposatho va pavarana va sanghakammam vati apatti vacaya vacaya sanghadisesassa . brahmano dittho hoti .pe. vesso dittho hoti .pe. suddo dittho hoti parajikam dhammam ajjhapajjanto annam suddam passitva codeti suddo maya dittho parajikam dhammam ajjhapannosi assamanosi asakyaputtiyosi .pe. sanghakammam vati apatti vacaya vacaya sanghadisesassa. [573] Namaleso nama buddharakkhito dittho hoti .pe. Dhammarakkhito dittho hoti .pe. sangharakkhito dittho hoti parajikam dhammam ajjhapajjanto annam sangharakkhitam passitva codeti sangharakkhito maya dittho parajikam dhammam ajjhapannosi assamanosi asakyaputtiyosi

--------------------------------------------------------------------------------------------- page391.

.pe. Sanghakammam vati apatti vacaya vacaya sanghadisesassa. [574] Gottaleso nama gotamo dittho hoti .pe. Moggallano dittho hoti .pe. kaccayano dittho hoti .pe. Vasittho dittho hoti parajikam dhammam ajjhapajjanto annam vasittham passitva codeti vasittho maya dittho parajikam dhammam ajjhapannosi assamanosi asakyaputtiyosi .pe. sanghakammam vati apatti vacaya vacaya sanghadisesassa. [575] Lingaleso nama digho dittho hoti .pe. rasso dittho hoti .pe. kanho dittho hoti .pe. odato dittho hoti parajikam dhammam ajjhapajjanto annam odatam passitva codeti odato maya dittho parajikam dhammam ajjhapannosi assamanosi asakyaputtiyosi .pe. sanghakammam vati apatti vacaya vacaya sanghadisesassa. [576] Apattileso nama lahukam apattim ajjhapajjanto dittho hoti tance parajikena dhammena codeti dittho maya ^1- parajikam dhammam ajjhapannosi assamanosi asakyaputtiyosi .pe. Sanghakammam vati apatti vacaya vacaya sanghadisesassa. [577] Pattaleso nama lohapattadharo dittho hoti .pe. Mattikapattadharo dittho hoti .pe. satakapattadharo dittho hoti @Footnote: ¹ yuropiyapotthake idam pathadvayam na dissati.

--------------------------------------------------------------------------------------------- page392.

.pe. Sumbhakapattadharo dittho hoti parajikam dhammam ajjhapajjanto annam sumbhakapattadharam passitva codeti sumbhakapattadharo maya dittho parajikam dhammam ajjhapannosi assamanosi asakyaputtiyosi .pe. Sanghakammam vati apatti vacaya vacaya sanghadisesassa. [578] Civaraleso nama pamsukuliko dittho hoti .pe. Gahapaticivaradharo dittho hoti parajikam dhammam ajjhapajjanto annam gahapaticivaradharam passitva codeti gahapaticivaradharo maya dittho parajikam dhammam ajjhapannosi assamanosi asakyaputtiyosi .pe. Sanghakammam vati apatti vacaya vacaya sanghadisesassa. [579] Upajjhayaleso nama itthannamassa saddhivihariko dittho hoti parajikam dhammam ajjhapajjanto annam itthannamassa saddhiviharikam passitva codeti itthannamassa saddhivihariko maya dittho parajikam dhammam ajjhapannosi assamanosi asakyaputtiyosi .pe. sanghakammam vati apatti vacaya vacaya sanghadisesassa. [580] Acariyaleso nama itthannamassa antevasiko dittho hoti parajikam dhammam ajjhapajjanto annam itthannamassa antevasikam passitva codeti itthannamassa antevasiko maya dittho parajikam dhammam ajjhapannosi assamanosi asakyaputtiyosi .pe. sanghakammam vati apatti vacaya vacaya sanghadisesassa. [581] Senasanaleso nama itthannamassa senasanavasiko dittho

--------------------------------------------------------------------------------------------- page393.

Hoti parajikam dhammam ajjhapajjanto annam itthannamassa senasanavasikam passitva codeti itthannamassa senasanavasiko maya dittho parajikam dhammam ajjhapannosi assamanosi asakyaputtiyosi natthi taya saddhim uposatho va pavarana va sanghakammam vati apatti vacaya vacaya sanghadisesassa. [582] Parajikena dhammenati catunnam annatarena. Anuddhamseyyati codeti va codapeti va . appevanama nam imamha brahmacariya caveyyanti bhikkhubhava caveyyam samanadhamma caveyyam silakkhandha caveyyam tapoguna caveyyam. [583] Tato aparena samayenati yasmim khane anuddhamsito hoti tam khanam tam layam tam muhuttam vitivatte . samanuggahiyamanoti yena vatthuna anuddhamsito hoti tasmim vatthusmim samanuggahiyamano . Asamanuggahiyamanoti na kenaci vuccamano. [584] Adhikaranam nama cattari adhikaranani vivadadhikaranam anuvadadhikaranam ^1- apattadhikaranam kiccadhikaranam. [585] Koci deso lesamatto upadinnoti tesam dasannam lesanam annataro leso upadinno hoti. [586] Bhikkhu ca dosam patitthatiti tucchakam mayam bhanitam musa maya bhanitam abhutam maya bhanitam ajanantena maya bhanitam . @Footnote: ¹ ayam patho sabbattha na dissati.

--------------------------------------------------------------------------------------------- page394.

Sanghadisesoti .pe. Tenapi vuccati sanghadisesoti. [587] Bhikkhu sanghadisesam ajjhapajjanto dittho hoti sanghadisese sanghadisesaditthi hoti tance parajikena codeti assamanosi asakyaputtiyosi natthi taya saddhim uposatho va pavarana va sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa. {587.1} Bhikkhu sanghadisesam ajjhapajjanto dittho hoti sanghadisese thullaccayaditthi hoti tance parajikena codeti assamanosi .pe. Sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa. {587.2} Bhikkhu sanghadisesam ajjhapajjanto dittho hoti sanghadisese pacittiyaditthi hoti tance parajikena codeti assamanosi .pe. Sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa. {587.3} Bhikkhu sanghadisesam ajjhapajjanto dittho hoti sanghadisese patidesaniyaditthi hoti .pe. sanghadisese dukkataditthi hoti .pe. sanghadisese dubbhasitaditthi hoti tance parajikena codeti assamanosi .pe. sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa. [588] Bhikkhu thullaccayam ajjhapajjanto dittho hoti thullaccaye thullaccayaditthi hoti .pe. thullaccaye pacittiyaditthi hoti .pe.

--------------------------------------------------------------------------------------------- page395.

Thullaccaye patidesaniyaditthi hoti .pe. thullaccaye dukkataditthi hoti .pe. thullaccaye dubbhasitaditthi hoti .pe. thullaccaye sanghadisesaditthi hoti tance parajikena codeti assamanosi .pe. sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa. {588.1} Bhikkhu pacittiyam ajjhapajjanto dittho hoti .pe. Bhikkhu patidesaniyam ajjhapajjanto dittho hoti .pe. bhikkhu dukkatam ajjhapajjanto dittho hoti .pe. bhikkhu dubbhasitam ajjhapajjanto dittho hoti dubbhasite dubbhasitaditthi hoti .pe. dubbhasite sanghadisesaditthi hoti .pe. dubbhasite thullaccayaditthi hoti .pe. Dubbhasite pacittiyaditthi hoti .pe. dubbhasite patidesaniyaditthi hoti .pe. dubbhasite dukkataditthi hoti tance parajikena codeti assamanosi .pe. sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa. Ekekam mulam katuna cakkam bandhitabbam. [589] Bhikkhu sanghadisesam ajjhapajjanto dittho hoti sanghadisese sanghadisesaditthi hoti tance parajikena codapeti assamanosi .pe. sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa. Bhikkhu sanghadisesam ajjhapajjanto dittho hoti sanghadisese

--------------------------------------------------------------------------------------------- page396.

Thullaccayaditthi hoti .pe. sanghadisese pacittiyaditthi hoti .pe. sanghadisese patidesaniyaditthi hoti .pe. sanghadisese dukkataditthi hoti .pe. sanghadisese dubbhasitaditthi hoti tance parajikena codapeti assamanosi .pe. sanghakammam vati evampi apattannabhagiyam hoti leso ca upadinno apatti vacaya vacaya sanghadisesassa.