บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
Lakkhanasamyuttam ------ pathamavaggo pathamo [636] Evamme sutam ekam samayam bhagava rajagahe viharati veluvane kalandakanivape . tena kho pana samayena ayasma ca lakkhano ayasma ca mahamoggallano gijjhakute pabbate viharanti. [637] Atha kho ayasma mahamoggallano pubbanhasamayam nivasetva pattacivaramadaya yenayasma lakkhano tenupasankami upasankamitva ayasmantam lakkhanam etadavoca ehi avuso 1- lakkhana rajagaham pindaya pavisissamati . evamavusoti kho ayasma lakkhano ayasmato mahamoggallanassa paccassosi . atha kho ayasma mahamoggallano gijjhakuta pabbata orohanto annatarasmim padese sitam patvakasi . atha kho ayasma lakkhano ayasmantam mahamoggallanam etadavoca ko nu kho avuso moggallana hetu ko paccayo sitassa patukammayati . akalo kho avuso lakkhana etassa panhassa bhagavato mam santike etam panham pucchati. [638] Atha kho ayasma ca lakkhano ayasma ca mahamoggallano @Footnote: 1 Ma. Yu. ayamavuso. Rajagahe pindaya caritva pacchabhattam pindapatapatikkanta yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinno kho ayasma lakkhano ayasmantam mahamoggallanam etadavoca idhayasma mahamoggallano gijjhakuta pabbata orohanto annatarasmim padese sitam patvakasi ko nu kho avuso moggallana hetu ko paccayo sitassa patukammayati. [639] Idhaham avuso gijjhakuta pabbata orohanto addasam atthisankhalikam vehasam gacchantim 1- tamenam gijjhapi kakapi kulalapi anupatitva anupatitva [2]- vitudenti vitacchenti virajenti 3- sa 4- sudam attassaram karoti tassa mayham avuso etadahosi acchariyam vata bho abbhutam vata bho evarupopi nama satto bhavissati evarupopi nama yakkho bhavissati evarupopi nama attabhavapatilabho bhavissatiti. [640] Atha kho bhagava bhikkhu amantesi cakkhubhuta vata bhikkhave savaka viharanti nanabhuta vata bhikkhave savaka viharanti yatra hi nama savako evarupam nassati va dakkhati va sakkhim va karissati . pubbeva 5- me so bhikkhave satto dittho ahosi apicaham na byakasim ahancetam byakareyyam parepi 6- me na saddaheyyum ye me na saddaheyyum tesantam assa digharattam ahitaya dukkhaya . eso bhikkhave satto imasminneva rajagahe @Footnote: 1 Yu. gacchantam . 2 Ma. Yu. phasulantarikahi . 3 Yu. vibhajenti. @4 Yu. sassudam. evamuparipi . 5 Yu. pubbepi . 6 Ma. Yu. pare ca. Goghatako ahosi so tassa kammassa vipakena bahuni vassani bahuni vassasatani bahuni vassasahassani bahuni vassasatasahassani niraye pacittha 1- tasseva kammassa vipakavasesena evarupam attabhavapatilabham patisamvedayatiti. Pathamam. [sabbesam suttantanam eseva peyyalo] [641] Idhaham avuso gijjhakuta pabbata orohanto addasam mamsapesim vehasam gacchantim 2- tamenam gijjhapi kakapi kulalapi anupatitva anupatitva vitacchenti virajenti 3- sa sudam attassaram karoti . eso bhikkhave satto imasminneva rajagahe goghatako ahosi. Dutiyam. [642] Idhaham avuso gijjhakuta pabbata orohanto addasam mamsapindam vehasam gacchantam tamenam gijjhapi kakapi kulalapi anupatitva anupatitva vitacchenti virajenti so sudam attassaram karoti . eso bhikkhave satto imasminneva rajagahe sakuniko ahosi. Tatiyam. [643] Idhaham avuso gijjhakuta pabbata orohanto addasam nicchavim purisam vehasam gacchantam tamenam gijjhapi kakapi kulalapi anupatitva anupatitva vitacchenti virajenti so sudam attassaram karoti . eso bhikkhave satto imasminneva rajagahe orabbhiko ahosi. Catuttham. @Footnote: 1 Ma. paccitva. Yu. pacitva . 2 Yu. gacchantam. @3 Yu. vibhajenti. evamuparipi. [644] Idhaham avuso gijjhakuta pabbata orohanto addasam asilomam purisam vehasam gacchantam tassa te asi uppatitva uppatitva tasseva kaye nipatanti so sudam attassaram karoti. Eso bhikkhave satto imasminneva rajagahe sukariko ahosi. Pancamam. [645] Idhaham avuso gijjhakuta pabbata orohanto addasam sattilomam purisam vehasam gacchantam tassa ta sattiyo uppatitva uppatitva tasseva kaye nipatanti so sudam attassaram karoti. Eso bhikkhave satto imasminneva rajagahe magaviko ahosi. Chattham. [646] Idhaham avuso gijjhakuta pabbata orohanto addasam usulomam purisam vehasam gacchantam tassa te usu uppatitva uppatitva tasseva kaye nipatanti so sudam attassaram karoti . eso bhikkhave satto imasminneva rajagahe karaniko ahosi. Sattamam. [647] Idhaham avuso gijjhakuta pabbata orohanto addasam sucilomam purisam vehasam gacchantam tassa ta suciyo uppatitva uppatitva tasseva kaye nipatanti so sudam attassaram karoti. Eso bhikkhave satto imasminneva rajagahe suto 1- ahosi. Atthamam. [648] Idhaham avuso gijjhakuta pabbata orohanto addasam sucilomam purisam vehasam gacchantam tassa ta suciyo sise pavisetva 2- mukhato nikkhamanti mukhe pavisetva urato nikkhamanti ure pavisetva udarato nikkhamanti udare pavisetva uruhi nikkhamanti urusu @Footnote: 1 Ma. suto. Yu. sucako . 2 Ma. Yu. pavisitva. evamuparipi. Pavisetva janghahi nikkhamanti janghasu pavisetva padehi nikkhamanti so sudam attassaram karoti . eso bhikkhave satto imasminneva rajagahe suciko 1- ahosi. Navamam. [649] Idhaham avuso gijjhakuta pabbata orohanto addasam kumbhandam purisam vehasam gacchantam so gacchantopi te ca ande khandhe aropetva gacchati nisidantopi tesveva andesu nisidati tamenam gijjhapi kakapi kulalapi anupatitva anupatitva vitacchenti virajenti so sudam attassaram karoti . eso bhikkhave satto imasminneva rajagahe gamakuto 2- ahosi. Dasamam. Pathamavaggo pathamo. Tassa uddanam atthi pesi ubho gavighataka 3- pindo sakuniyo 4- nicchavorabbhi asi [5]- sukariko satti usu [5]- karaniko suci sarathi yo ca sibbissati 6- suciko 1- hi so andabhari ahu gamakutakoti 7-. ------ @Footnote: 1 Ma. Yu. sucako . 2 Ma. gamakutako . 3 Ma. Yu. gavaghataka . 4 Yu. pindasakuniyam. @5 Yu. ca . 6 Ma. Yu. sabbiyati . 7 Yu. ... cati. Dutiyavaggo dutiyo [650] Evamme sutam ekam samayam bhagava rajagahe viharati veluvane kalandakanivape . idhaham avuso gijjhakuta pabbata orohanto addasam purisam guthakupe sisaka 1- nimuggam. Eso bhikkhave satto imasminneva rajagahe paradariko ahosi. Pathamam. [evam peyyalo katabbo] [651] Idhaham avuso gijjhakuta pabbata orohanto addasam purisam guthakupe nimuggam ubhohi hatthehi gutham khadantam . eso bhikkhave satto imasminneva rajagahe brahmano ahosi . so kassapassa sammasambuddhassa pavacane bhikkhusangham bhattena nimantetva doniya 2- guthassa purapetva kalam arocapetva etadavoca aho bhonto yavadattham bhunjantu ceva harantu cati. Dutiyam. [652] Idhaham avuso gijjhakuta pabbata orohanto addasam nicchavim itthim vehasam gacchantim tamenam gijjhapi kakapi kulalapi anupatitva anupatitva vitacchenti virajenti sa sudam attassaram karoti . esa bhikkhave itthi imasminneva rajagahe aticarini ahosi. Tatiyam. [653] Idhaham avuso gijjhakuta pabbata orohanto addasam itthim duggandham mangulim vehasam gacchantim tamenam gijjhapi kakapi @Footnote: 1 Ma. Yu. sasisakanti dissati . 2 Ma. doniyo. Kulalapi anupatitva anupatitva vitacchenti virajenti sa sudam attassaram karoti . esa bhikkhave itthi imasminneva rajagahe ikkhanika ahosi. Catuttham. [654] Idhaham avuso gijjhakuta pabbata orohanto addasam itthim upakkam okilinim okirinim vehasam gacchantim sa sudam attassaram karoti . esa bhikkhave itthi kalingassa ranno aggamahesi ahosi sa issapakata sapatim angarakatahena okiri. Pancamam. [655] Idhaham avuso gijjhakuta pabbata orohanto addasam asisakabandham 1- vehasam gacchantam tassa ure akkhini ceva honti mukhanca tamenam gijjhapi kakapi kulalapi anupatitva anupatitva vitacchenti virajenti so sudam attassaram karoti . eso bhikkhave satto imasminneva rajagahe hariko nama coraghatako ahosi. Chattham. [656] Idhaham avuso gijjhakuta pabbata orohanto addasam bhikkhum vehasam gacchantam tassa sanghatipi aditta sampajjalita sanjotibhuta 2- pattopi aditto sampajjalito sanjotibhuto 2- kayabandhanampi adittam sampajjalitam sanjotibhutam kayopi aditto sampajjalito sanjotibhuto so sudam attassaram karoti . eso bhikkhave bhikkhu kassapassa sammasambuddhassa pavacane papabhikkhu ahosi. Sattamam. @Footnote: 1 Yu. asisakam kavandham . 2 Ma. Yu. sajotibhuta sajotibhuto. evamuparipi. [657] Addasam bhikkhunim vehasam gacchantim tassa sanghatipi aditta .pe. Papabhikkhuni ahosi. Atthamam. [658] Addasam sikkhamanam vehasam gacchantim tassa sanghatipi aditta .pe. Papasikkhamana ahosi. Navamam. [659] Addasam samaneram vehasam gacchantam tassa sanghatipi aditta .pe. Papasamanero ahosi. Dasamam. [660] Idhaham avuso gijjhakuta pabbata orohanto addasam samanerim vehasam gacchantim tassa sanghatipi aditta sampajjalita sanjotibhuta pattopi aditto sampajjalito sanjotibhuto kayabandhanampi adittam sampajjalitam sanjotibhutam kayopi aditto sampajjalito sanjotibhuto sa sudam attassaram karoti . tassa mayham avuso etadahosi acchariyam vata bho abbhutam vata bho evarupopi nama satto bhavissati evarupopi nama yakkho bhavissati evarupopi nama attabhavapatilabho bhavissatiti. [661] Atha kho bhagava bhikkhu amantesi cakkhubhuta vata bhikkhave savaka viharanti nanabhuta vata bhikkhave savaka viharanti yatra hi nama savako evarupam nassati va dakkhati va sakkhim va karissati . pubbeva 1- me sa bhikkhave samaneri dittha ahosi. Apicaham na byakasim ahancetam byakareyyam parepi 2- me na saddaheyyum ye me na saddaheyyum tesam tam assa digharattam @Footnote: 1 Yu. pubbepi . 2 Ma. Yu. pare ca. Ahitaya dukkhaya . esa bhikkhave samaneri kassapassa sammasambuddhassa pavacane papasamaneri ahosi sa tassa kammassa vipakena bahuni vassani bahuni vassasatani bahuni vassasahassani bahuni vassasatasahassani niraye pacittha 1- tasseva kammassa vipakavasesena evarupam attabhavapatilabham patisamvedayatiti. Ekadasamam. Dutiyavaggo dutiyo. Tassa uddanam kupe nimuggo hi so paradariko guthakhadi ahu dutthabrahmano nicchavitthi aticarini ahu mangulitthi ahu ikkhanitthika 2- okilini sapatim karoti 3- sisacchinno ahu coraghatako bhikkhu bhikkhuni sikkhamana samanero atha samanerika 4- kassapassa vinayassa 5- pabbajjam 6- papakammam akarimsu tavade 7-. Lakkhanasamyuttam sattamam samattam. ------- @Footnote: 1 Ma. pacitva . 2 Yu. ikkhanitthi ya . 3 Ma. Yu. sapattangarokiri . 4 Yu. @samaneriyo. 5 Ma. Yu. vinayasmim . 6 Yu. pabbajjum . 7 Ma. Yu. itisaddo atthi.The Pali Tipitaka in Roman Character Volume 16 page 298-306. http://84000.org/tipitaka/pitaka_item/roman_item_s.php?book=16&item=636&items=26&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=16&item=636&items=26&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=636&items=26&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=636&items=26&modeTY=2 Study Atthakatha :- http://84000.org/tipitaka/attha/attha.php?b=16&i=636 The Pali Atthakatha in Thai :- http://84000.org/tipitaka/atthapali/read_th.php?B=12&A=5291 The Pali Atthakatha in Roman :- http://84000.org/tipitaka/atthapali/read_rm.php?B=12&A=5291 Contents of The Tipitaka Volume 16 http://84000.org/tipitaka/read/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]