paliTIPITAKA Volume 17 - Sutta Pitaka 9

[417] Ekam samayam bhagava savatthiyam viharati jetavane .pe. Bhagava etadavoca kismim nu kho bhikkhave sati kim upadaya kim abhinivissa evam ditthi uppajjati na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthitati . bhagavammulaka no bhante dhamma bhagavamnettika bhagavampatisarana sadhu vata bhante bhagavantanneva patibhatu etassa bhasitassa attho bhagavato dhammam sutva bhikkhu dharessantiti . tenahi bhikkhave sunatha sadhukam manasikarotha bhasissamiti. Evam bhanteti kho te bhikkhu bhagavato paccassosum . Bhagava etadavoca rupe kho bhikkhave sati rupam upadaya rupam abhinivissa evam ditthi uppajjati na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthita ^1- . Vedanaya sati .pe. sannaya sati . sankharesu sati . vinnane sati vinnanam upadaya vinnanam abhinivissa evam ditthi uppajjati na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthita. @Footnote: ¹ Ma. esikatthayitthitati.

--------------------------------------------------------------------------------------------- page249.

[418] Tam kim mannatha bhikkhave rupam niccam va aniccam vati. Aniccam bhante . yam pananiccam dukkham va tam sukham vati . Dukkham bhante. Yam pananiccam dukkham viparinamadhammam api nu tam anupadaya evam ditthi uppajjeyya na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthitati. No hetam bhante. {418.1} Vedana nicca va anicca vati .pe. sanna. Sankhara nicca va anicca vati .pe. vinnanam niccam va aniccam vati . aniccam bhante . yam pananiccam dukkham va tam sukham vati. Dukkham bhante . yam pananiccam dukkham viparinamadhammam api nu tam anupadaya evam ditthi uppajjeyya na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthitati . no hetam bhante . yampidam dittham sutam mutam vinnatam pattam pariyesitam anuvicaritam manasa tampi niccam va aniccam vati . aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam api nu tam anupadaya evam ditthi uppajjeyya na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthitati. No hetam bhante. Yato kho bhikkhave ariyasavakassa imesu chasu ^1- thanesu kankha @Footnote: ¹ Ma. ca.

--------------------------------------------------------------------------------------------- page250.

Pahina hoti dukkhepissa kankha pahina hoti dukkhasamudayepissa kankha pahina hoti dukkhanirodhepissa kankha pahina hoti dukkhanirodhagaminiya patipadayapissa kankha pahina hoti . ayam vuccati bhikkhave ariyasavako sotapanno avinipatadhammo niyato sambodhiparayanoti.

The Pali Tipitaka in Roman Character Volume 17 page 248-250. http://84000.org/tipitaka/pitaka_item/roman_item_s.php?book=17&item=417&items=2&pagebreak=1&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=17&item=417&items=2&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=17&item=417&items=2&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=17&item=417&items=2&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=17&i=417 The Pali Atthakatha in Thai :- http://84000.org/tipitaka/atthapali/read_th.php?B=12&A=8119 The Pali Atthakatha in Roman :- http://84000.org/tipitaka/atthapali/read_rm.php?B=12&A=8119 Contents of The Tipitaka Volume 17 http://84000.org/tipitaka/read/?index_17