[731] Tena samayena buddho bhagava savatthiyam viharati jetavane
anathapindikassa arame . tena kho pana samayena raja pasenadi
kosalo uyyanapalam anapesi gaccha bhane uyyanam sodhehi
uyyanam gamissamati . evam devati kho so uyyanapalo ranno
pasenadissa kosalassa patissunitva uyyanam sodhento addasa
bhagavantam annatarasmim rukkhamule nisinnam disvana yena raja
pasenadi kosalo tenupasankami upasankamitva rajanam pasenadim
kosalam etadavoca suddham deva uyyanam apica bhagava tattha
nisinnoti. Hotu bhane mayam bhagavantam payirupasissamati.
{731.1} Athakho raja pasenadi kosalo uyyanam gantva
yena bhagava tenupasankami . tena kho pana samayena annataro
upasako bhagavantam payirupasanto nisinno hoti . addasa kho
raja pasenadi kosalo tam upasakam bhagavantam payirupasantam nisinnam
disvana bhito atthasi . athakho ranno pasenadissa kosalassa
etadahosi narahatayam puriso papo hotum yatha bhagavantam payirupasatiti.
Yena bhagava tenupasankami upasankamitva bhagavantam abhivadetva
ekamantam nisidi . athakho so upasako bhagavato garavena rajanam
pasenadim kosalam neva abhivadesi na paccutthasi . athakho raja
Pasenadi kosalo anattamano ahosi katham hi nama ayam puriso mayi
agate neva abhivadessati na paccutthessatiti . athakho bhagava
rajanam pasenadim kosalam anattamanam viditva rajanam pasenadim
kosalam etadavoca eso kho maharaja upasako bahussuto
agatagamo kamesu vitaragoti . athakho ranno pasenadissa
kosalassa etadahosi narahatayam upasako orako hotum bhagavapi
imassa vannam bhanatiti . tam upasakam etadavoca vadeyyasi
upasaka yena atthoti . sutthu devati . athakho bhagava rajanam
pasenadim kosalam dhammiya kathaya sandassesi samadapesi samuttejesi
sampahamsesi . athakho raja pasenadi kosalo bhagavata dhammiya
kathaya sandassito samadapito samuttejito sampahamsito
utthayasana bhagavantam abhivadetva padakkhinam katva pakkami.
[732] Tena kho pana samayena raja pasenadi kosalo
uparipasadavaragato hoti . addasa kho raja pasenadi kosalo tam
upasakam rathiyaya 1- chattapanim gacchantam disvana pakkosapetva
etadavoca tvam kira upasaka bahussuto agatagamo sadhu upasaka
amhakam itthagaram dhammam vacehiti . yamaham 2- deva janami
ayyanam vahasa ayya va devassa itthagaram dhammam
vacessantiti . athakho raja pasenadi kosalo saccam kho
upasako ahati yena bhagava tenupasankami upasankamitva bhagavantam
@Footnote: 1 Ma. rathikaya . 2 Si. yampaham.
Abhivadetva ekamantam nisidi . ekamantam nisinno kho raja
pasenadi kosalo bhagavantam etadavoca sadhu bhante bhagava ekam
bhikkhum anapetu yo amhakam itthagaram dhammam vacessatiti .
Athakho bhagava rajanam pasenadim kosalam dhammiya kathaya sandassesi
samadapesi samuttejesi sampahamsesi . athakho raja pasenadi
kosalo bhagavata dhammiya kathaya sandassito samadapito samuttejito
sampahamsito utthayasana bhagavantam abhivadetva padakkhinam katva
pakkami . athakho bhagava ayasmantam anandam amantesi
tenahananda ranno itthagaram dhammam vacehiti . evam bhanteti kho
ayasma anando bhagavato patissunitva kalena kalam pavisitva
ranno itthagaram dhammam vacesi . athakho ayasma anando
pubbanhasamayam nivasetva pattacivaramadaya yena ranno
pasenadissa kosalassa nivesanam tenupasankami.
{732.1} Tena kho pana samayena raja pasenadi kosalo mallikaya
deviya saddhim sayanagato hoti . addasa kho mallika devi ayasmantam
anandam durato va agacchantam disvana sahasa vutthasi . pitakamattham
dussam pabhassittha . athakho ayasma anando tato va patinivattitva
aramam gantva bhikkhunam etamattham arocesi . Ye te bhikkhu appiccha
.pe. te ujjhayanti khiyanti vipacenti katham hi nama ayasma
anando pubbe appatisamvidito ranno antepuram pavisissatiti .pe.
Saccam kira tvam ananda pubbe appatisamvidito ranno antepuram
pavisasiti . saccam bhagavati . vigarahi buddho bhagava katham hi nama
tvam ananda pubbe appatisamvidito ranno antepuram pavisissasi
netam ananda appasannanam va pasadaya pasannanam va
bhiyyobhavaya .pe. Vigarahitva dhammim katham katva bhikkhu amantesi.
[733] Dasayime 1- bhikkhave adinava rajantepurappavesane.
Katame dasa.
{733.1} Idha bhikkhave raja mahesiya saddhim sayanagato 2- hoti.
Tattha bhikkhu pavisati . mahesi va bhikkhum disva sitam patukaroti bhikkhu
va mahesim disva sitam patukaroti . tattha ranno evam hoti addha
imesam katam va karissanti vati . ayam bhikkhave pathamo adinavo
rajantepurappavesane.
{733.2} Puna caparam bhikkhave raja bahukicco bahukaraniyo
annataram itthim gantva nassarati . sa tena gabbham ganhati 3- .
Tattha ranno evam hoti na kho idha anno koci pavisati annatra
pabbajitena siya nu kho pabbajitassa kammanti . ayam bhikkhave
dutiyo adinavo rajantepurappavesane.
{733.3} Puna caparam bhikkhave ranno antepure annataram
ratanam nassati . tattha ranno evam hoti na kho idha anno
koci pavisati annatra pabbajitena siya nu kho pabbajitassa
kammanti. Ayam bhikkhave tatiyo adinavo rajantepurappavesane.
@Footnote: 1 Ma. Yu. dasime . 2 Ma. Yu. nisinno . 3 Ma. Yu. ganhi.
{733.4} Puna caparam bhikkhave ranno antepure abbhantara
guyhamanta bahiddha sambhedam gacchanti . tattha ranno evam hoti
na kho idha anno koci pavisati annatra pabbajitena siya nu kho
pabbajitassa kammanti . ayam bhikkhave catuttho adinavo
rajantepurappavesane.
{733.5} Puna caparam bhikkhave ranno antepure putto va pitaram
pattheti pita va puttam pattheti . tesam evam hoti na kho idha anno
koci pavisati annatra pabbajitena siya nu kho pabbajitassa kammanti.
Ayam bhikkhave pancamo adinavo rajantepurappavesane.
{733.6} Puna caparam bhikkhave raja nicatthaniyam ucce thane 1-
thapeti . yesantam amanapam tesam evam hoti raja kho pabbajitena
samsattho siya nu kho pabbajitassa kammanti . ayam bhikkhave chattho
adinavo rajantepurappavesane.
{733.7} Puna caparam bhikkhave raja uccatthaniyam nice thane 2-
thapeti . yesantam amanapam tesam evam hoti raja kho pabbajitena
samsattho siya nu kho pabbajitassa kammanti . ayam bhikkhave sattamo
adinavo rajantepurappavesane.
{733.8} Puna caparam bhikkhave raja akale senam uyyojeti.
Yesantam amanapam tesam evam hoti raja kho pabbajitena samsattho siya
nu kho pabbajitassa kammanti . ayam bhikkhave atthamo adinavo
rajantepurappavesane.
@Footnote: 1 Ma. Yu. uccatthane . 2 Yu. nicatthane.
{733.9} Puna caparam bhikkhave raja kale senam uyyojetva
antaramaggato nivattapeti . yesantam amanapam tesam evam hoti
raja kho pabbajitena samsattho siya nu kho pabbajitassa kammanti .
Ayam bhikkhave navamo adinavo rajantepurappavesane.
{733.10} Puna caparam bhikkhave [1]- rajantepuram hatthisammaddam
assasammaddam rathasammaddam rajaniyani 2- rupasaddagandharasaphotthabbani
yani na pabbajitassa saruppani . ayam kho bhikkhave dasamo adinavo
rajantepurappavesane . ime kho bhikkhave dasa adinava
rajantepurappavesaneti.
[734] Athakho bhagava ayasmantam anandam anekapariyayena
vigarahitva dubbharataya dupposataya .pe. evanca pana bhikkhave
imam sikkhapadam uddiseyyatha
{734.1} yo pana bhikkhu ranno khattiyassa muddhabhisittassa 3-
anikkhantarajake aniggataratanake 4- pubbe appatisamvidito indakhilam
atikkameyya pacittiyanti.
[735] Yo panati yo yadiso .pe. bhikkhuti .pe.
Ayam imasmim atthe adhippeto bhikkhuti . khattiyo nama ubhato
sujato hoti matito ca pitito ca samsuddhagahaniko yava sattama
pitamahayuga akkhitto anupakuttho jativadena . muddhabhisitto
@Footnote: 1 Ma. Yu. ranno . 2 Ma. rajjaniyani . 3 muddhavasittassatipi patho. so
@pana padabhajanena na sameti . 4 anibhataratanaketipi patho. sopi tena na sameti.
Nama khattiyabhisekena abhisitto hoti . anikkhantarajaketi raja
sayanighara 1- anikkhanto hoti . aniggataratanaketi mahesi sayanighara
anikkhanta hoti ubho va anikkhanta honti . Pubbe appatisamviditoti
pubbe animantito 2- . indakhilo nama sayanigharassa ummaro
vuccati . sayanigharam nama yattha katthaci ranno sayanam pannattam hoti
antamaso sanipakaraparikkhittampi . indakhilam atikkameyyati
pathamam padam ummaram atikkameti apatti dukkatassa . dutiyam padam
atikkameti apatti pacittiyassa.
[736] Appatisamvidite appatisamviditasanni indakhilam atikkameti
apatti pacittiyassa . appatisamvidite vematiko indakhilam atikkameti
apatti pacittiyassa . appatisamvidite patisamviditasanni indakhilam
atikkameti apatti pacittiyassa . patisamvidite appatisamviditasanni
apatti dukkatassa . patisamvidite vematiko apatti dukkatassa .
Patisamvidite patisamviditasanni anapatti.
[737] Anapatti patisamvidite na khattiyo hoti na khattiyabhisekena
abhisitto hoti raja sayanighara nikkhanto hoti mahesi sayanighara
nikkhanta hoti ubho va sayanighara 3- nikkhanta honti na sayanighare
ummattakassa adikammikassati.
Pathamasikkhapadam nitthitam.
--------
@Footnote: 1 Ma. sayanighara. evamuparipi . 2 Ma. anamantetva . 3 Ma. ayam patho natthi.
Dutiyasikkhapadam
The Pali Tipitaka in Roman Character Volume 2 page 481-488.
http://84000.org/tipitaka/pitaka_item/roman_item_s.php?book=2&item=731&items=7&modeTY=2&mode=bracket
Classified by content :-
http://84000.org/tipitaka/pitaka_item/roman_item_s.php?book=2&item=731&items=7&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=2&item=731&items=7&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=2&item=731&items=7&modeTY=2&mode=bracket
Study Atthakatha :-
http://84000.org/tipitaka/attha/attha.php?b=2&i=731
The Pali Atthakatha in Thai :-
http://84000.org/tipitaka/atthapali/read_th.php?B=2&A=10132
The Pali Atthakatha in Roman :-
http://84000.org/tipitaka/atthapali/read_rm.php?B=2&A=10132
Contents of The Tipitaka Volume 2
http://84000.org/tipitaka/read/?index_2
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]