paliTIPITAKA Volume 3 - Vinaya Pitaka 3

[168] Tena samayena buddho bhagava savatthiyam viharati jetavane anathapindikassa arame . tena kho pana samayena arohanto nama mahamatto bhikkhusu pabbajito hoti . tassa puranadutiyika bhikkhunisu pabbajita hoti. {168.1} Tena kho pana samayena so bhikkhu tassa bhikkhuniya santike bhattavissaggam karoti . athakho sa bhikkhuni tassa bhikkhuno bhunjantassa paniyena ca vidhupanena ca upatitthitva gehasitakatham katheti accavadati . athakho so bhikkhu tam bhikkhunim apasadeti ma bhagini evarupam akasi netam kappatiti . pubbe mam tvam evanca evanca karosi idani ettakam na sahasiti paniyathalakam matthake asumbhitva vidhupanena paharam adasi . ya ta bhikkhuniyo appiccha .pe. ta ujjhayanti khiyanti vipacenti

--------------------------------------------------------------------------------------------- page103.

Katham hi nama bhikkhuni bhikkhussa paharam dassatiti .pe. saccam kira bhikkhave bhikkhuni bhikkhussa paharam detiti ^1- . saccam bhagavati. Vigarahi buddho bhagava katham hi nama bhikkhave bhikkhuni bhikkhussa paharam dassati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {168.2} ya pana bhikkhuni bhikkhussa bhunjantassa paniyena va vidhupanena va upatittheyya pacittiyanti. [169] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . bhikkhussati upasampannassa . Bhunjantassati pancannam bhojananam annataram bhojanam bhunjantassa . Paniyam nama yankinci paniyam . vidhupanam nama ya kaci vijani . Upatittheyyati hatthapase titthati apatti pacittiyassa. [170] Upasampanne upasampannasanna paniyena va vidhupanena va upatitthati apatti pacittiyassa . upasampanne vematika paniyena va vidhupanena va upatitthati apatti pacittiyassa . Upasampanne anupasampannasanna paniyena va vidhupanena va upatitthati apatti pacittiyassa . hatthapasam vijahitva upatitthati apatti dukkatassa . khadaniyam khadantassa upatitthati @Footnote: ¹ Ma. Yu. adasiti.

--------------------------------------------------------------------------------------------- page104.

Apatti dukkatassa . anupasampannassa upatitthati apatti dukkatassa . anupasampanne upasampannasanna apatti dukkatassa . anupasampanne vematika apatti dukkatassa . Anupasampanne anupasampannasanna apatti dukkatassa. [171] Anapatti deti dapeti anupasampannam anapeti ummattikaya adikammikayati. -------- Lasunavaggassa sattamasikkhapadam

The Pali Tipitaka in Roman Character Volume 3 page 102-104. http://84000.org/tipitaka/pitaka_item/roman_item_s.php?book=3&item=168&items=4&pagebreak=1&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=3&item=168&items=4&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=168&items=4&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=168&items=4&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=3&i=168 The Pali Atthakatha in Thai :- http://84000.org/tipitaka/atthapali/read_th.php?B=2&A=11288 The Pali Atthakatha in Roman :- http://84000.org/tipitaka/atthapali/read_rm.php?B=2&A=11288 Contents of The Tipitaka Volume 3 http://84000.org/tipitaka/read/?index_3