paliTIPITAKA Volume 31 - Sutta Pitaka 23

[286] Katamam tathagatassa sabbannutananam . sabbasankhatamasankhatam anavasesam janatiti sabbannutananam tattha avaranam natthiti anavaranam nanam anagatam sabbam janatiti sabbannutananam tattha avaranam natthiti anavaranam nanam atitam sabbam janatiti sabbannutananam tattha avaranam natthiti anavaranam nanam paccuppannam sabbam janatiti sabbannutananam tattha avaranam natthiti anavaranam nanam cakkhunceva rupa ca evam tam sabbam janatiti sabbannutananam tattha avaranam natthiti anavaranam nanam sotanceva sadda ca .pe. ghananceva gandha ca jivha ceva rasa ca kayo ceva photthabba ca mano @Footnote: ¹ Ma. Yu. pahomi khvaham .... ² Po. pare. Ma. pare ca.

--------------------------------------------------------------------------------------------- page191.

Ceva dhamma ca evam tam sabbam janatiti sabbannutananam tattha avaranam natthiti anavaranam nanam. [287] Yavata aniccattham dukkhattham anattattham ^[1]- sabbam janatiti sabbannutananam tattha avaranam natthiti anavaranam nanam yavata rupassa aniccattham dukkhattham anattattham sabbam janatiti sabbannutananam tattha avaranam natthiti anavaranam nanam yavata vedanaya yavata sannaya yavata sankharanam yavata vinnanassa yavata cakkhussa .pe. jaramaranassa aniccattham dukkhattham anattattham sabbam janatiti sabbannutananam tattha avaranam natthiti anavaranam nanam. [288] Yavata abhinnaya abhinnattham sabbam janatiti sabbannutananam tattha avaranam natthiti anavaranam nanam yavata parinnaya parinnattham yavata pahanaya ^2- pahanattham yavata bhavanaya bhavanattham yavata sacchikiriyaya sacchikiriyattham sabbam janatiti sabbannutananam tattha avaranam natthiti anavaranam nanam yavata khandhanam khandhattham sabbam janatiti sabbannutananam tattha avaranam natthiti anavaranam nanam yavata dhatunam dhatattham yavata ayatananam ayatanattham yavata sankhatanam sankhatattham yavata asankhatassa asankhatattham sabbam janatiti sabbannutananam tattha avaranam natthiti anavaranam nanam. @Footnote: ¹ Ma. Yu. tam. evamuparipi. ² Ma. Yu. pahanassa.

--------------------------------------------------------------------------------------------- page192.

[289] Yavata kusale dhamme sabbam janatiti sabbannutananam tattha avaranam natthiti anavaranam nanam yavata akusale dhamme yavata abyakate dhamme yavata kamavacare dhamme yavata rupavacare dhamme yavata arupavacare dhamme yavata apariyapanne dhamme sabbam janatiti sabbannutananam tattha avaranam natthiti anavaranam nanam yavata dukkhassa dukkhattham sabbam janatiti sabbannutananam tattha avaranam natthiti anavaranam nanam yavata samudayassa samudayattham yavata nirodhassa nirodhattham yavata maggassa maggattham sabbam janatiti sabbannutananam tattha avaranam natthiti anavaranam nanam. [290] Yavata atthapatisambhidaya atthapatisambhidattham sabbam janatiti sabbannutananam tattha .pe. yavata dhammapatisambhidaya dhammapatisambhidattham yavata niruttipatisambhidaya niruttipatisambhidattham yavata patibhanapatisambhidaya patibhanapatisambhidattham sabbam janatiti sabbannutananam tattha avaranam natthiti anavaranam nanam yavata indriyaparopariyatte nanam sabbam janatiti sabbannutananam tattha avaranam natthiti anavaranam nanam yavata sattanam asayanusaye nanam yavata yamakapatihire nanam yavata mahakarunasamapattiya nanam sabbam janatiti sabbannutananam tattha avaranam natthiti anavaranam nanam.

--------------------------------------------------------------------------------------------- page193.

[291] Yavata sadevakassa lokassa samarakassa sabrahmakassa sassamanabrahmaniya pajaya sadevamanussaya dittham sutam mutam vinnatam pattam pariyesitam anuvicaritam manasa sabbam janatiti sabbannutananam tattha avaranam natthiti anavaranam nanam. Na tassa aditthamidhatthi kinci atho avinnatamajanitabbam sabbam abhinnasi yadatthi neyyam ^1- tathagato tena ( samayena ^2- ) samantacakkhuti. [292] Samantacakkhuti kenatthena samantacakkhu . cuddasa buddhananani dukkhe nanam buddhananam dukkhasamudaye nanam buddhananam dukkhanirodhe nanam buddhananam dukkhanirodhagaminiya patipadaya nanam buddhananam atthapatisambhide nanam buddhananam dhammapatisambhide nanam buddhananam niruttipatisambhide nanam buddhananam patibhanapatisambhide nanam buddhananam indriyaparopariyatte nanam buddhananam sattanam asayanusaye nanam buddhananam yamakapatihire nanam buddhananam mahakarunasamapattiya nanam buddhananam sabbannutananam buddhananam anavaranananam buddhananam imani cuddasa buddhananani imesam cuddasannam buddhanananam adito attha nanani savakasadharanani cha nanani asadharanani savakehi. @Footnote: ¹ neyyantipi patho. ² Si. ayam na disasati.

--------------------------------------------------------------------------------------------- page194.

[293] Yavata dukkhassa dukkhattho sabbo nato annato dukkhattho natthiti sabbannutananam tattha avaranam natthiti anavaranam nanam yavata dukkhassa dukkhattho ^[1]- sabbo dittho sabbo vidito sabbo sacchikato sabbo phassito ^2- pannaya aphassito pannaya dukkhattho natthiti sabbannutananam tattha avaranam natthiti anavaranam nanam yavata samudayassa samudayattho yavata nirodhassa nirodhattho yavata maggassa maggattho yavata atthapatisambhidaya atthapatisambhidattho yavata dhammapatisambhidaya dhammapatisambhidattho yavata niruttipatisambhidaya niruttipatisambhidattho {293.1} yavata patibhanapatisambhidaya patibhanapatisambhidattho sabbo nato sabbo dittho sabbo vidito sabbo sacchikato sabbo phassito pannaya aphassito pannaya patibhanapatisambhidattho natthiti sabbannutananam tattha avaranam natthiti anavaranam nanam yavata indriyaparopariyatte nanam yavata sattanam asayanusaye nanam yavata yamakapatihire nanam yavata mahakarunasamapattiya nanam sabbam natam sabbam dittham sabbam viditam sabbam sacchikatam sabbam phassitam ^2- pannaya aphassitam pannaya mahakarunasamapattiya nanam natthiti sabbannutananam tattha avaranam natthiti anavaranam nanam yavata sadevakassa lokassa samarakassa sabrahmakassa sassamanabrahmaniya pajaya @Footnote: ¹ Ma. Yu. sabbo nato. ² Po. sabbattha phussito phussitam.

--------------------------------------------------------------------------------------------- page195.

Sadevamanussaya dittham sutam mutam vinnatam pattam pariyesitam anuvicaritam manasa sabbam natam sabbam dittham sabbam viditam sabbam sacchikatam sabbam phassitam pannaya aphassitam pannaya natthiti sabbannutananam tattha avaranam natthiti anavaranam nanam. Na tassa aditthamidhatthi kinci atho avinnatamajanitabbam sabbam abhinnasi yadatthi neyyam ^1- tathagato tena ( samayena ^2- ) samantacakkhuti. Nanakatha nitthita. --------

The Pali Tipitaka in Roman Character Volume 31 page 190-195. http://84000.org/tipitaka/pitaka_item/roman_item_s.php?book=31&item=286&items=8&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=31&item=286&items=8&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=31&item=286&items=8&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=31&item=286&items=8&pagebreak=1&modeTY=2 Study Atthakatha :- http://84000.org/tipitaka/attha/attha.php?b=31&i=286 The Pali Atthakatha in Thai :- http://84000.org/tipitaka/atthapali/read_th.php?B=48&A=905 The Pali Atthakatha in Roman :- http://84000.org/tipitaka/atthapali/read_rm.php?B=48&A=905 Contents of The Tipitaka Volume 31 http://84000.org/tipitaka/read/?index_31